Mark 9
9
1Yesɔ geliu jadɔyinɛ, << N gelɔɔtɛ, ɔ shɔzɛ gãsi gbete i shiliɓa aɗɔn i yɛ vɔɓa setɛ i zɛ Ɗa kpati roonɛtɛ au kakaani a nyaɓa totto.>>
Yesɔ bii kɔsirɛ.
2Aknti lee maangbete Yesɔ tuu Bituru, Yakubu a Yɔhana yɛnɛ yukɔpɔ sɔ̃sɔ̃lɔ̃ a ɗɔwakɔ siji ikɔ sheeli. I ɗɔ nɔɔ knnɛ Yesɔ bii kɔsirɛ ai ɗekn a ɗɔukɔ. 3U fãrã rii puru ɓolo-ɓolo, shɔwɔyɛ sɔɔ fãrã ɓa a kooni nankɔni ɓa. 4Kɛɗɔn Yesɔ jadɔ taatiyi i zɛ Ɗa jashonɛyi Iliya a Musa i shɛ a Yesɔ ɗekn i ɗɔ nyanwanɛ awuni.
5Bituru geli Yesɔ nɛ, <<shɔmala, pɛ vi tɔ̃vɨng u aɗɔnkɔ, u pɛli ɗɔ susunɛ pɛ ɗɔ taati gbete a ɓɛɛ gbete Iliya bɛɛ wɔsɔ̃n Musa bɛɛ.>> 6Bituru sha vim ɓau zɛnɛniɓa i a Yesɔ jadɔ gãsiyini aruu seti pɛliyi tɔ waanɛ.
7Kɛɗɔn nyasi arɛ kukkiyirɛ, yenya shɛ a nyasiu nɛː <<Shɔnkɔ ɔ̃rɛ majaa, gbeten ɔriyɛ. Ɔ ntau nyatɔ!>>
8Tɛ̃ɛ̃ti Yesɔ jaɗɔyi i knli nɔɔ piti i ji zɛ shɔwɔ ɓa ji Yesɔ kɔ sheeli.
9Aɗagbete i nɔnɛ a kɔpɔ, Yesɔ ãsi u jaɗɔyi nyanɛ, ɔkɔɔ geli shɔwɔ vi gbete ɔ zɛɓang nɛ see aknti gbete Yesɔ shɔzɛja yulapatɛ a yusàà. 10Aruumkɔ i gn Yesɔ nyaurɛ ai nɔɔ, i hɨ zɔ ruu nɛ, <<yunɛlapa a yusàà, u dɔɔ kɛnɛ iviya?>>
11I hɨ Yesɔ nɛ,<<aruu viya shɔmala nyaãsinɛ Musa i shanɛ Iliya kɔ arɛ ɗekn ɗa shɔ-shɔ-ranɛ u akɛkn viya?>>
12Yesɔ risinyanɛ, <<nizɛkɔ Ɗa jashone Iliya atɛttɔ a ɗekn aruu u ntori vi piti kpai. Ama aruu viya Ɗalapa bee a laabeenɛ shanɛ Yesɔ shɔzɛja yɛ ɓoraa waanɛ shɔu bɛ̃u ruubiitɔ viya? 13Ama n gelɔɔtɛ Iliya a tɛttɔ, shɔ pɛliu vi gbete shɔ kasi pɛlinɛ awuni, ji nɔgbete Ɗalapa beeyɛ nɛyɛ ɔ̃ nankɔ.>>
Yesɔ gati javɔshɔ gbete u suru kɔ̃linɛ biini
14Yesɔ au jadɔyi i zɛ mɔɔyi toli nyatɛ waanɛ adagbete sɔu u jadɔyi gãsiyi ɗɔbii, shɔmala nya-ãsinɛ Musa i ɗɔgbete i masi nya a Yesɔ jaɗɔyi gãsiyini. 15Naa mɔɔyi i zɛ Yesɔ tɛ tɛ̃ɛ̃ti vim ãkɛ vibii-zaanɛ i yurɛ a gee Yesɔ nyarɛ.
16Yesɔ hɨu jaɗɔyi nɛ,<< Ɔ masipi nya ivi a ikɔni viya?>>
17Shɔwɔ a tette mɔɔyi kasi nyanɛ,<<shɔmala n - majavɔshɔ, suru kɔ̃linɛ sãutɔ ji zɛnɔɔ nyanwanɛ ɓa. 18Aɗagbete viukɛ yusiu lapanɛ, tuurɛ lou a tipi, shɛshiu susãri a nya, u ɗɔɔ ntari yonɛ, u bii gntɔ a kakaani. N nwari a jadɔyi nya tɛttɔ i shɛshi suru kɔ̃linɛ utɔ iji zɛnɔɔ ɓa.>>
19Yesɔ kasiu nya a shanɛ,<<Ɔ shɔ jaknti miyi gbete i sisɨn ãnɛ ɓa Ɗalapa biini ɓa, n yɛn ɔ̃kɛ ɔkɔɔni ɓanɛknnya? N yɛn ma sisɨn kɛɓanɛkn a ɔkɔɔni viya? N-ti javɔshɔunɛ yɛm.>>
20Kɛɗɔn i n-tiurɛ a Yesɔ ɗɔbii. Naa suru kɔ̃linɛ zɛ Yesɔ tɛ, tɛ̃ɛ̃ti suruu yusu javɔshɔurɛ biikɛ-zaanɛ. nwesi a tipi u ɗɔ rikinɛ, u nya ɗɔ pupuru shɛshinɛ.
21Yesɔ hɨ javɔshɔu uɓeye nɛ,<<vim gau piɗaviya?>>
Javɔshɔu uɓeye shanɛ,<<gau pɛlinɛ suu doo bɛ̃rɛ̃ti! 22Ko piɗaviya Suru kɔ̃linem kasiu nyɔnɛ lokiu tɛttɔ a yaa a miini. Ama akɛ zɛnɔɔ viwɔɔ pɛlinɛ nɛ, ntau raapɛ a pɔ̃siu naa tɔ.>>
23Yesɔ shanɛ,<<aruu iviya a hɨnɛ nkɛ zɛnɔnɛ viya? Vi piti kpai Ɗalapa pɛli shɔgbete kɛ ã sisɨnnɛ Au biinitɔ.>>
24Tɛ̃ɛ̃ti javɔshɔu uɓeye ɗe nya lapa nɛ, << n ã sisɨntɛ, pɔ̃sing naajo n sisɨn ãnɛ uyɛ ɗekn!>> 25Yesɔ zɛrɛ mɔɔyi i kanɛ au ɗɔbii denɛ-denɛ, A lasi suru kɔ̃linɛurɛ shanɛ, <<Mokɔ suru kɔ̃linɛm gbete zãri javɔshɔm nyanwanɛ, n ãsinya a shɛnɛ au biini, mokɔ to jam biinɛ tɔtti.>>
26A suru kaa nya lapa, a loki javɔshɔu a tipi, kɛɗɔn a shɛkɛkn au biini. javɔshɔu roo naa vɔrɔ a tipi gbete pɔ̃ shɔzɛ gãsiyi shanɛ,<< javɔshɔu vɔtɛ.>> 27Ama Yesɔ sãu naa a ɗeu lapa, javɔshɔu yulaparɛ.
28Akntiuni Yesɔ tokɛ yɛti wɛrɛ au jaɗɔyini, Yesɔ jaɗɔyi i hɨunɛ,<<aruu iviya uji zɛnɔɔ suru kɔ̃linɛ shɛshinɛ jiɓa viya?>>
29Yesɔ risinyanɛ,<<suru kɔ̃linɛ nam shɛɓa see Ɗa gakkinɛ.>>
Yesɔ nwaanya sɔ̃n ayuu u vɔnɛ
30Yesɔ au jaɗɔyi i yaa ɗɔurɛ, i yɛkɛ ɗekn a tɛɛ Galili. Yesɔ ji kasiɓa nɛ shɔwɔyi u zɛ ɗɔgbete u ɗɔnniɓa. 31aruu u ɗɔgbete mati u jaɗɔyi vi. geliyinɛ,<< Shɔ yɛ ã Jashɔzɛ shɔ a naa. I yɛ nyou vɔrɔ a knti lee taati yɛ yulapa sɔ̃n asuruni.>> 32Ama i ji zɛ ruugbete Yesɔ matiyiyɛ ɓa, i ntau seti hɨnɛ sɔ̃ntɔ.
Pi ɔ̃rɛ pẽniba piya?
33Yesɔ au jaɗɔyi i arɛ a Kapanahum. Aɗagbete i si a wɛrɛ Yesɔ hɨ u jaɗɔyi nɛ,<<Ɔ masi nya si aruu ivi a nyaɓani viya?>> 34Ama i ɔ̃ nyani shɔk, aruu a nyaɓa i masi nyanɛ pi ɔ̃rɛ pẽniɓa ai tetteni piya.
35Yesɔ ɔ̃ tipi a ɓaa u jaɗɔyi kopi tu ziti nya a shanɛ,<<shɔgbete kɛ tɔnɛ nɛn kasi ɔ̃nɛ awɔ tettem a ɗekn, ɔ̃riutɛ lakɔrɔ yɛ ɔ̃ a knti, ukɔ yɛ ɔ̃ sɔ̃n jawɛrɛ a tetteni kpai.>>
36A tuu jajja wɔɔ pẽtẽrẽ a pɔ̃u ai tette. Yesɔ turɛ a mutuu a nɔsisɨn kɛɗɔn a shanɛ, 37<<Shɔgbete kɛ tɛ jajja pẽtẽrẽm nanɛ ang nii tɛ nkɔ; shɔgbeteu kɛ tɛng nanɛ ji tɛ ɓa nkɔ ɓa ama tɛ shɔgbete shong-yɛ naa.>>
Shɔgbete ji masi nya ɓa a ukɔuni ɓa, pɛ u ɓɛɛ
38Yɔhana geli Yesɔ nɛ,<<Shɔmala, u zɛ jawɔɔ kɛ shɛshi suru kɔ̃linɛ nɛ àà nii, u zãruutɔ aruu u ɓa au tetteni ɓa.>>
39Ama Yesɔ shanɛ, <<mokɔ zãruunɛ, shɔwɔɔ ɓa gbete yɛ pɛli shonɛ vibii-zaanɛ ang nii, u sha vikɔ̃linɛ sɔ̃n ang yuu gbãgbã ɓa, 40shɔgbete ji masi nya ɓa a ukɔuni ɓa, pɛ u ɓɛɛ. 41N gelɔɔtɛ nizɛ, shɔgbete kɛ ãwɔ mii ɓoonɛ nɛ a waa ang nii, aruu gbete nɛmpɛ kirisi ɓɛ̀ɛ̀ yɛ kpaa vigbete Ɗa pɔ̃siu nɛn ãu a lee gaditɔ.>>
Vi gbete ɗaki shɔ shɔu pɛli ruuvini
42Yesɔ sha sɔ̃nnɛ, shɔu kɛ pɔ̃ shɔgbete ã sisɨn ang bii ruuvini pɛlinɛ nɛ, Ɗalapa yɛ gɔ̃u yuusho yɛ tɛ̀ɛ́ shɔgbete shɔ masiu tari vi nanɛ pẽniɓa a kɔrɔ a lokiu a mii wapotɔ. 43A naa kɛ pɔ̃anɛ a pɛli ruuvini, zɛ̃ɛ̃ naau ɓili. Yɛ ntotɔ a to ɗɔ Ɗa kpati roonɛ a naa kagbete akangbete a bii to wɛrɛ yaa a naa ka ziti piti kpai, yaa gbete niki ɓa. 44(A ɗɔwakɔ, raaɓoonɛ yisi nyaɓa, yaau ma shɔ niki dɔɔɓa.) 45A dɔɔ kɛ pɔ̃anɛ a pɛli ruuvini, zɛ̃ɛ̃ dɔɔu a ɓili. Yɛ ntotɔ a to ɗɔ Ɗa kpati roonɛ a dɔɔ gbete akangbete a bii yɛ to wɛrɛ yaa a dɔɔ ka ziti piti kpai. 46(A dɔwakɔ, raɓoonɛ yisi-nya ɓa, yaau ma shɔ niki dɔɔɓa.) 47A nɔɔkɔ kɛ pɔanɛ a pɛli ruuvini, zɔ kati a loki ɓili. Yɛ ntotɔ a to Ɗa ɗɔ kpati roone a nɔɔ kagbete akangbete a bii yɛ to wɛrɛ yaa a nɔɔ ka ziti piti kpai. 48A dɔwakɔ
<<raɓoonɛ yisinya ɓa,
yaau ma shɔ niki ɗɔɔɓa.>> 49Ɗalapa yɛ sɔɔ kopiya pɛtɔ a yaa wasa-wasa, nagbete shɔ too vivaa, gbete shɔ ã Ɗalapa aruu vi yuu ãnɛ a nteyɛ̃.
50Nteyɛ̃ pɛ vi tɔ̃vɨng; ama nteyɛ̃ kɛ yau nya shɔ̃tinɛ nɛ, a sɔruu nya shɔ̃tinɛ sɔ̃nkɛ pikoviya?
Mɔkaa yuuni, a ɔrii mɛzɔutɔ a ɔ̃ ɔ̃nɛ nya tɔ̃nɛ a ɗɔzɔɔ.
Valið núna:
Mark 9: Laa
Áherslumerki
Deildu
Afrita
Want to have your highlights saved across all your devices? Sign up or sign in
The Word for the World International and The Word for the World Nigeria
Mark 9
9
1Yesɔ geliu jadɔyinɛ, << N gelɔɔtɛ, ɔ shɔzɛ gãsi gbete i shiliɓa aɗɔn i yɛ vɔɓa setɛ i zɛ Ɗa kpati roonɛtɛ au kakaani a nyaɓa totto.>>
Yesɔ bii kɔsirɛ.
2Aknti lee maangbete Yesɔ tuu Bituru, Yakubu a Yɔhana yɛnɛ yukɔpɔ sɔ̃sɔ̃lɔ̃ a ɗɔwakɔ siji ikɔ sheeli. I ɗɔ nɔɔ knnɛ Yesɔ bii kɔsirɛ ai ɗekn a ɗɔukɔ. 3U fãrã rii puru ɓolo-ɓolo, shɔwɔyɛ sɔɔ fãrã ɓa a kooni nankɔni ɓa. 4Kɛɗɔn Yesɔ jadɔ taatiyi i zɛ Ɗa jashonɛyi Iliya a Musa i shɛ a Yesɔ ɗekn i ɗɔ nyanwanɛ awuni.
5Bituru geli Yesɔ nɛ, <<shɔmala, pɛ vi tɔ̃vɨng u aɗɔnkɔ, u pɛli ɗɔ susunɛ pɛ ɗɔ taati gbete a ɓɛɛ gbete Iliya bɛɛ wɔsɔ̃n Musa bɛɛ.>> 6Bituru sha vim ɓau zɛnɛniɓa i a Yesɔ jadɔ gãsiyini aruu seti pɛliyi tɔ waanɛ.
7Kɛɗɔn nyasi arɛ kukkiyirɛ, yenya shɛ a nyasiu nɛː <<Shɔnkɔ ɔ̃rɛ majaa, gbeten ɔriyɛ. Ɔ ntau nyatɔ!>>
8Tɛ̃ɛ̃ti Yesɔ jaɗɔyi i knli nɔɔ piti i ji zɛ shɔwɔ ɓa ji Yesɔ kɔ sheeli.
9Aɗagbete i nɔnɛ a kɔpɔ, Yesɔ ãsi u jaɗɔyi nyanɛ, ɔkɔɔ geli shɔwɔ vi gbete ɔ zɛɓang nɛ see aknti gbete Yesɔ shɔzɛja yulapatɛ a yusàà. 10Aruumkɔ i gn Yesɔ nyaurɛ ai nɔɔ, i hɨ zɔ ruu nɛ, <<yunɛlapa a yusàà, u dɔɔ kɛnɛ iviya?>>
11I hɨ Yesɔ nɛ,<<aruu viya shɔmala nyaãsinɛ Musa i shanɛ Iliya kɔ arɛ ɗekn ɗa shɔ-shɔ-ranɛ u akɛkn viya?>>
12Yesɔ risinyanɛ, <<nizɛkɔ Ɗa jashone Iliya atɛttɔ a ɗekn aruu u ntori vi piti kpai. Ama aruu viya Ɗalapa bee a laabeenɛ shanɛ Yesɔ shɔzɛja yɛ ɓoraa waanɛ shɔu bɛ̃u ruubiitɔ viya? 13Ama n gelɔɔtɛ Iliya a tɛttɔ, shɔ pɛliu vi gbete shɔ kasi pɛlinɛ awuni, ji nɔgbete Ɗalapa beeyɛ nɛyɛ ɔ̃ nankɔ.>>
Yesɔ gati javɔshɔ gbete u suru kɔ̃linɛ biini
14Yesɔ au jadɔyi i zɛ mɔɔyi toli nyatɛ waanɛ adagbete sɔu u jadɔyi gãsiyi ɗɔbii, shɔmala nya-ãsinɛ Musa i ɗɔgbete i masi nya a Yesɔ jaɗɔyi gãsiyini. 15Naa mɔɔyi i zɛ Yesɔ tɛ tɛ̃ɛ̃ti vim ãkɛ vibii-zaanɛ i yurɛ a gee Yesɔ nyarɛ.
16Yesɔ hɨu jaɗɔyi nɛ,<< Ɔ masipi nya ivi a ikɔni viya?>>
17Shɔwɔ a tette mɔɔyi kasi nyanɛ,<<shɔmala n - majavɔshɔ, suru kɔ̃linɛ sãutɔ ji zɛnɔɔ nyanwanɛ ɓa. 18Aɗagbete viukɛ yusiu lapanɛ, tuurɛ lou a tipi, shɛshiu susãri a nya, u ɗɔɔ ntari yonɛ, u bii gntɔ a kakaani. N nwari a jadɔyi nya tɛttɔ i shɛshi suru kɔ̃linɛ utɔ iji zɛnɔɔ ɓa.>>
19Yesɔ kasiu nya a shanɛ,<<Ɔ shɔ jaknti miyi gbete i sisɨn ãnɛ ɓa Ɗalapa biini ɓa, n yɛn ɔ̃kɛ ɔkɔɔni ɓanɛknnya? N yɛn ma sisɨn kɛɓanɛkn a ɔkɔɔni viya? N-ti javɔshɔunɛ yɛm.>>
20Kɛɗɔn i n-tiurɛ a Yesɔ ɗɔbii. Naa suru kɔ̃linɛ zɛ Yesɔ tɛ, tɛ̃ɛ̃ti suruu yusu javɔshɔurɛ biikɛ-zaanɛ. nwesi a tipi u ɗɔ rikinɛ, u nya ɗɔ pupuru shɛshinɛ.
21Yesɔ hɨ javɔshɔu uɓeye nɛ,<<vim gau piɗaviya?>>
Javɔshɔu uɓeye shanɛ,<<gau pɛlinɛ suu doo bɛ̃rɛ̃ti! 22Ko piɗaviya Suru kɔ̃linem kasiu nyɔnɛ lokiu tɛttɔ a yaa a miini. Ama akɛ zɛnɔɔ viwɔɔ pɛlinɛ nɛ, ntau raapɛ a pɔ̃siu naa tɔ.>>
23Yesɔ shanɛ,<<aruu iviya a hɨnɛ nkɛ zɛnɔnɛ viya? Vi piti kpai Ɗalapa pɛli shɔgbete kɛ ã sisɨnnɛ Au biinitɔ.>>
24Tɛ̃ɛ̃ti javɔshɔu uɓeye ɗe nya lapa nɛ, << n ã sisɨntɛ, pɔ̃sing naajo n sisɨn ãnɛ uyɛ ɗekn!>> 25Yesɔ zɛrɛ mɔɔyi i kanɛ au ɗɔbii denɛ-denɛ, A lasi suru kɔ̃linɛurɛ shanɛ, <<Mokɔ suru kɔ̃linɛm gbete zãri javɔshɔm nyanwanɛ, n ãsinya a shɛnɛ au biini, mokɔ to jam biinɛ tɔtti.>>
26A suru kaa nya lapa, a loki javɔshɔu a tipi, kɛɗɔn a shɛkɛkn au biini. javɔshɔu roo naa vɔrɔ a tipi gbete pɔ̃ shɔzɛ gãsiyi shanɛ,<< javɔshɔu vɔtɛ.>> 27Ama Yesɔ sãu naa a ɗeu lapa, javɔshɔu yulaparɛ.
28Akntiuni Yesɔ tokɛ yɛti wɛrɛ au jaɗɔyini, Yesɔ jaɗɔyi i hɨunɛ,<<aruu iviya uji zɛnɔɔ suru kɔ̃linɛ shɛshinɛ jiɓa viya?>>
29Yesɔ risinyanɛ,<<suru kɔ̃linɛ nam shɛɓa see Ɗa gakkinɛ.>>
Yesɔ nwaanya sɔ̃n ayuu u vɔnɛ
30Yesɔ au jaɗɔyi i yaa ɗɔurɛ, i yɛkɛ ɗekn a tɛɛ Galili. Yesɔ ji kasiɓa nɛ shɔwɔyi u zɛ ɗɔgbete u ɗɔnniɓa. 31aruu u ɗɔgbete mati u jaɗɔyi vi. geliyinɛ,<< Shɔ yɛ ã Jashɔzɛ shɔ a naa. I yɛ nyou vɔrɔ a knti lee taati yɛ yulapa sɔ̃n asuruni.>> 32Ama i ji zɛ ruugbete Yesɔ matiyiyɛ ɓa, i ntau seti hɨnɛ sɔ̃ntɔ.
Pi ɔ̃rɛ pẽniba piya?
33Yesɔ au jaɗɔyi i arɛ a Kapanahum. Aɗagbete i si a wɛrɛ Yesɔ hɨ u jaɗɔyi nɛ,<<Ɔ masi nya si aruu ivi a nyaɓani viya?>> 34Ama i ɔ̃ nyani shɔk, aruu a nyaɓa i masi nyanɛ pi ɔ̃rɛ pẽniɓa ai tetteni piya.
35Yesɔ ɔ̃ tipi a ɓaa u jaɗɔyi kopi tu ziti nya a shanɛ,<<shɔgbete kɛ tɔnɛ nɛn kasi ɔ̃nɛ awɔ tettem a ɗekn, ɔ̃riutɛ lakɔrɔ yɛ ɔ̃ a knti, ukɔ yɛ ɔ̃ sɔ̃n jawɛrɛ a tetteni kpai.>>
36A tuu jajja wɔɔ pẽtẽrẽ a pɔ̃u ai tette. Yesɔ turɛ a mutuu a nɔsisɨn kɛɗɔn a shanɛ, 37<<Shɔgbete kɛ tɛ jajja pẽtẽrẽm nanɛ ang nii tɛ nkɔ; shɔgbeteu kɛ tɛng nanɛ ji tɛ ɓa nkɔ ɓa ama tɛ shɔgbete shong-yɛ naa.>>
Shɔgbete ji masi nya ɓa a ukɔuni ɓa, pɛ u ɓɛɛ
38Yɔhana geli Yesɔ nɛ,<<Shɔmala, u zɛ jawɔɔ kɛ shɛshi suru kɔ̃linɛ nɛ àà nii, u zãruutɔ aruu u ɓa au tetteni ɓa.>>
39Ama Yesɔ shanɛ, <<mokɔ zãruunɛ, shɔwɔɔ ɓa gbete yɛ pɛli shonɛ vibii-zaanɛ ang nii, u sha vikɔ̃linɛ sɔ̃n ang yuu gbãgbã ɓa, 40shɔgbete ji masi nya ɓa a ukɔuni ɓa, pɛ u ɓɛɛ. 41N gelɔɔtɛ nizɛ, shɔgbete kɛ ãwɔ mii ɓoonɛ nɛ a waa ang nii, aruu gbete nɛmpɛ kirisi ɓɛ̀ɛ̀ yɛ kpaa vigbete Ɗa pɔ̃siu nɛn ãu a lee gaditɔ.>>
Vi gbete ɗaki shɔ shɔu pɛli ruuvini
42Yesɔ sha sɔ̃nnɛ, shɔu kɛ pɔ̃ shɔgbete ã sisɨn ang bii ruuvini pɛlinɛ nɛ, Ɗalapa yɛ gɔ̃u yuusho yɛ tɛ̀ɛ́ shɔgbete shɔ masiu tari vi nanɛ pẽniɓa a kɔrɔ a lokiu a mii wapotɔ. 43A naa kɛ pɔ̃anɛ a pɛli ruuvini, zɛ̃ɛ̃ naau ɓili. Yɛ ntotɔ a to ɗɔ Ɗa kpati roonɛ a naa kagbete akangbete a bii to wɛrɛ yaa a naa ka ziti piti kpai, yaa gbete niki ɓa. 44(A ɗɔwakɔ, raaɓoonɛ yisi nyaɓa, yaau ma shɔ niki dɔɔɓa.) 45A dɔɔ kɛ pɔ̃anɛ a pɛli ruuvini, zɛ̃ɛ̃ dɔɔu a ɓili. Yɛ ntotɔ a to ɗɔ Ɗa kpati roonɛ a dɔɔ gbete akangbete a bii yɛ to wɛrɛ yaa a dɔɔ ka ziti piti kpai. 46(A dɔwakɔ, raɓoonɛ yisi-nya ɓa, yaau ma shɔ niki dɔɔɓa.) 47A nɔɔkɔ kɛ pɔanɛ a pɛli ruuvini, zɔ kati a loki ɓili. Yɛ ntotɔ a to Ɗa ɗɔ kpati roone a nɔɔ kagbete akangbete a bii yɛ to wɛrɛ yaa a nɔɔ ka ziti piti kpai. 48A dɔwakɔ
<<raɓoonɛ yisinya ɓa,
yaau ma shɔ niki ɗɔɔɓa.>> 49Ɗalapa yɛ sɔɔ kopiya pɛtɔ a yaa wasa-wasa, nagbete shɔ too vivaa, gbete shɔ ã Ɗalapa aruu vi yuu ãnɛ a nteyɛ̃.
50Nteyɛ̃ pɛ vi tɔ̃vɨng; ama nteyɛ̃ kɛ yau nya shɔ̃tinɛ nɛ, a sɔruu nya shɔ̃tinɛ sɔ̃nkɛ pikoviya?
Mɔkaa yuuni, a ɔrii mɛzɔutɔ a ɔ̃ ɔ̃nɛ nya tɔ̃nɛ a ɗɔzɔɔ.
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
The Word for the World International and The Word for the World Nigeria