Mark 1
1
Yɔhana shɔ Batizima vi matinɛ
1Shompɛ ruu tɔ̃vɨng ayuu Yesɔ kirisi nya ruubii Ɗalapa jaa. 2Gaa naa Ɗalapa nwanya a ɓɛjaa shɔ-shɔ-ranɛ, a pɔ̃u janyagadi Ishaya beerɛ a labeenɛ,
Ɗalapa shanɛ: <<N yɛn shong jashonɛ u yɛ aa ɗekn
gbete yɛ koo nyaba tɛlɛ>>
3<<Shɔwɔɔ ɗɔ nya shatinɛ a ɗɔpnsi shanɛ;
<Ɔ ntori Uɓeyelapa nyaba nɛ,
ɔ ntoruutɔ gbororo.> >>
4Ruu Ɗalapa sɔ̃nya kati aɗagbete Yɔhana shɔ batizima gau vishonɛ pɛlinɛ a ɗɔpnsi, shanɛ,<<Ɔ kɔsi sisɨn ɔ yaa ruuvini pɛlinɛtɔ aru shɔ pɛlɔɔ batizima u tasinɛ Ɗalapa yasɔɔ ruuvinitɛ.>> 5Shɔ tipi Yahudawayi waanɛ a komoo Urushalimayini i a ɗɔ ruu ntanɛ a Yɔhana ɗɔbii, i shayi ruuvini, Yɔhana pɛliyi batizamarɛ a booti Urudu. 6Yɔhana tosi fãrã shɔ ntori a koo wɔba, masãng a koo vivaa, u vishaanɛ zɔrɔ a nɔwara. 7Yɔhana nwari shɔ Ɗalapa nya ruubii nɛ: <<Shɔwɔ kanɛ ang knti pɛ̃niba gbete tɛngtɛttɔ, n ji yɛɓa nɔgbete n sɔ̃sirɛ n ɗinaa au korãatini ɓa. 8N pɛlɔɔ batizima a mii ama yɛ pɛlɔɔ batizima a Ɗa suru.>>
Yɔhana pɛli Yesɔ batizima a japɛ̃pɛ̃ɛ̃ nta Yesɔ sisɨn
9Ji ɔ̃ ɓa ɗɔkɔkɔ ɓa Yesɔ arɛ a Nazara a tipi Galili, Yɔhana pɛliu batizama a ɓooti Urudu. 10Naa Yesɔ shɛtɛ a yɛti mii tɛ̃ɛ̃ti, a zɛrɛ kolapa ɓelitɛ, Ɗa suru kɛ nɔnɛ naa koro au yuu. 11Ɗalapa Yeenya shɛ a kolapa nɛ:<<Mokaa majaa, gbete n ɔriyɛ; n nta yɛti purutɔ a mokɔni.>>
12A ɗauni tɛ̃ɛ̃ti Ɗa suru ã Yesɔ naa yɛnɛ ɗɔpnsi, 13ɔ̃ ɗɔwakɔ dii laaziti, japɛ̃pɛ̃ɛ̃ ntau sisɨnrɛ. A ɗɔukɔ Yesɔ si jo a viɓiliyi kɔ sheeli, Ɗajashonɛlapa i norɛ a pɔ̃siunaarɛ.
Yesɔ Ɓau Jaɗɔɔyi nya.
14Aknti gbete shɔ ma Yɔhanatɛ a jaahm, Yesɔ yɛ Galili a nwa ruu tɔ̃vɨng Ɗanyaruubii. 15A Shanɛ,<<ɗaa pɛlitɛ>>Ɗalapa lakpati ɔ̃nɛ atɛ maani. Ɔ kɔsi sisɨn, ɔ ã sisɨn a Ɗanyaruubii.
16Lewɔɔ Yesɔ u ɗɔ tɛnɛ a nya wapo Galili, zɛ Siman a ɓɛzɔ̃ Anduru, i si shɔ jazɨng sãnɛ, i sã jazɨng a jang. 17Yesɔ geliyinɛ,<<Ɔ gn nɛ, n yɛn matɔɔ kɛ nɔgbete ɔ sã shɔzɛ yɛ.>> 18Tɛ̃ɛ̃ti i yaa jang a gn Yesɔ rɛ. 19Naa yɛ sɔ̃ntɛ a ɗekn, Yesɔ zɛ Yakubu zabadi ɓɛɛ jaa a ɓɛzɔ̃ Yɔhana a yɛti latosi mii, i ɗɔ hãriyi ntorinɛ. 20Tɛ̃ɛ̃ti Yesɔ zɛyi nam ji wariyuu ɓa a ɓai nya, i yaa i ɓeye Zabadi a shɔgbete i tuyi aru vishonɛ a yɛti latosi i gn Yesɔ rɛ.
Yesɔ Shɛshi Suru Kɔ̃linɛ a Shɔwɔ Bii
21Yesɔ au jadɔyini i yɛ komoo kafanahum, a lee susunɛ tokɛ Yahudawayi ɗɔ ɔ̃nɛ a gaa shɔ vimatinɛ rɛ. 22Shɔgbeteyi ntau vimatinɛ bii-zaaitɔ, ɓanaa shɔmala nya-asinɛ Musa ɓa, aru gbete mati shɔ vi naa shɔgbeteu kakaa aɗɔn. 23Kɛɗɔn shɔ suru kɔ̃linɛ wɔɔ arɛ Yahudawayi ɗɔ ɔ̃nɛ a gaa nya kaanɛ aɗɔn, 24<<Aruunɛ ivi a ukɔni viya Yesɔ shɔ Nazara, a au ɗɔ lɛsinɛ ya? N zɛ a ruubii tɛttɔ--mɔkaa pɛ Ɗa jashonɛ wɔsɔ-wɔsɔ au a Ɗalapa ɗɔbii!>>
25Yesɔ lasi suru kɔ̃linɛu nyanɛ<<Ɔ̃nɛ shok, Shɛnɛ a jam biiniǃ>> 26Kɛɗɔn suru kɔ̃linɛu nta jau gbukkut, a kaanya lapa-lapa shɛrɛ au biini.
27Vibii-zaanɛ sã shɔ piti kpai i ɗɔgbete i hɨ zɔnɛ, vim ɓɛɛ iviya? <<Vim vimatinɛ sɔɔya? Jam u kakaa aɗɔn u lasi suru kɔ̃linɛyi nya, suru kɔ̃linɛyi weshotɔ au nyani!>> 28Aru nankɔ tɛ̃ɛ̃ti Yesɔ ruubii raa tipi Galili piti kpai.
Yesɔ gati shɔ waanɛ
29Yesɔ au jaɗɔyini, wɔsɔ̃n Yakubu a Yɔhanani i yaa Yahudawayi ɗɔ ɔ̃nɛ tɛ̃ɛ̃ti i tokɛ Bituru a Anduru i wɛrɛ. 30Siman ɓekpeni nɔri sãutɔ i kpau aɗɔ roonɛ a siri, naa i totɛ i gali Yesɔ Bituru ɓekpeniu ruubii rɛ. 31Kɛɗɔn Yesɔ yɛu ɗɔbii aɗɔ roonɛ, a sãu narɛ a ɗeu lapa. nɔriu yaurɛ a yulapa a nwariyi vishaanɛ rɛ.
32A leukɔ ɗarɛ shɔ n-ti Yesɔ shɔ vɔrɔyi kpai a shɔgbete suru kɔ̃linɛ sãyini. 33Shɔ koowi kpai i tolinya a nyaba wɛrɛukɔ, 34Yesɔ gati shɔ vɔrɔ abii totto waanɛ. A shɛshi wɔsɔ̃n suru kɔ̃linɛ waanɛ a shɔbii ama ji yaa suru kɔ̃linɛyi ɓa nɛyi nwanyawɔrɛ ɓa, aru i zɛu tɛttɔ.
Yesɔ mati shɔ vi a Galili
35A nɔgadi zɨɨnkɔ, Yesɔ yurɛ a yaa wɛrɛu rɛ. yɛ ɗɔ gbete shɔ ɓa aɗɔm ɓa a gakki Ɗa a ɗɔukɔ. 36Ama Siman au shɔ dɔɔranɛ i yɛu ɗɔ kãnɛrɛ, 37naa i kpautɛ, i shanɛː <<Shɔ aa ɗɔ kãnɛ piti kpai.>>
38Ama Yesɔ kasinya a shanɛ,<< U yɛkɛ jakomoo wɔɔyi gbete maani miyi. N nwari shɔ Ɗanyarubii sɔ̃n aɗɔwakɔ aruviya n a ji ruukɔ.>> 39Kɛɗɔn Yesɔ raki tipi Galili kpai, u ɗɔgbete nwari shɔ Ɗanyaruubii a Yahudawayi ɗɔ ɔ̃nɛ, u ɗɔgbete shɛshi suru kɔ̃linɛ a shɔbii yɛ.
Yesɔ Gati Shɔ Vibii
40Shɔwɔɔ si ɗɔn shɔ vibii a Yesɔ ɗɔbii a ta a yugboti a gakiu nɛu pɔ̃sinnaa jo, a shanɛ, <<Akɛ kasinɛ, gati pɛ.>>
41Yesɔ raa sãurɛ, gn naa a ɗii jau naa bii. Yesɔ kasiunya a shanɛ, <<N kasitɛ, gatinɛǃ>> 42Tɛ̃ɛ̃ti vibiiu yaa jaurɛ a gatirɛ.
43Kɛɗɔn Yesɔ gɔ̃u yuusho pɛtɔ waanɛ a ãu naakn nɛu yɛnɛ, 44<<Yesɔ galiunɛ, mɔkaa geli shɔwɔnɛ. Ama a yɛrɛ a tasaa yuu a shɔlansi ɗɔbii u zɛatɔ; a n-ti vi yuu-ãnɛ gbete Musa ãsinya yɛ, kopiya u zɛkɛnɛ a gatitɛ.>> 45Ama jau yɛrɛ a sãti ruum piti kpai koɗɔpiya. Aruukɔ Yesɔ ji to ɓuzɨng komoo tɔɓa. Shikɛ a ɓili aɗɔ gbete shɔ ɓa ɗɔm ɓa. piti shomni kpai koɗɔpiya shɔ au ɗɔbii tɔ.
Valið núna:
Mark 1: Laa
Áherslumerki
Deildu
Afrita
Want to have your highlights saved across all your devices? Sign up or sign in
The Word for the World International and The Word for the World Nigeria
Mark 1
1
Yɔhana shɔ Batizima vi matinɛ
1Shompɛ ruu tɔ̃vɨng ayuu Yesɔ kirisi nya ruubii Ɗalapa jaa. 2Gaa naa Ɗalapa nwanya a ɓɛjaa shɔ-shɔ-ranɛ, a pɔ̃u janyagadi Ishaya beerɛ a labeenɛ,
Ɗalapa shanɛ: <<N yɛn shong jashonɛ u yɛ aa ɗekn
gbete yɛ koo nyaba tɛlɛ>>
3<<Shɔwɔɔ ɗɔ nya shatinɛ a ɗɔpnsi shanɛ;
<Ɔ ntori Uɓeyelapa nyaba nɛ,
ɔ ntoruutɔ gbororo.> >>
4Ruu Ɗalapa sɔ̃nya kati aɗagbete Yɔhana shɔ batizima gau vishonɛ pɛlinɛ a ɗɔpnsi, shanɛ,<<Ɔ kɔsi sisɨn ɔ yaa ruuvini pɛlinɛtɔ aru shɔ pɛlɔɔ batizima u tasinɛ Ɗalapa yasɔɔ ruuvinitɛ.>> 5Shɔ tipi Yahudawayi waanɛ a komoo Urushalimayini i a ɗɔ ruu ntanɛ a Yɔhana ɗɔbii, i shayi ruuvini, Yɔhana pɛliyi batizamarɛ a booti Urudu. 6Yɔhana tosi fãrã shɔ ntori a koo wɔba, masãng a koo vivaa, u vishaanɛ zɔrɔ a nɔwara. 7Yɔhana nwari shɔ Ɗalapa nya ruubii nɛ: <<Shɔwɔ kanɛ ang knti pɛ̃niba gbete tɛngtɛttɔ, n ji yɛɓa nɔgbete n sɔ̃sirɛ n ɗinaa au korãatini ɓa. 8N pɛlɔɔ batizima a mii ama yɛ pɛlɔɔ batizima a Ɗa suru.>>
Yɔhana pɛli Yesɔ batizima a japɛ̃pɛ̃ɛ̃ nta Yesɔ sisɨn
9Ji ɔ̃ ɓa ɗɔkɔkɔ ɓa Yesɔ arɛ a Nazara a tipi Galili, Yɔhana pɛliu batizama a ɓooti Urudu. 10Naa Yesɔ shɛtɛ a yɛti mii tɛ̃ɛ̃ti, a zɛrɛ kolapa ɓelitɛ, Ɗa suru kɛ nɔnɛ naa koro au yuu. 11Ɗalapa Yeenya shɛ a kolapa nɛ:<<Mokaa majaa, gbete n ɔriyɛ; n nta yɛti purutɔ a mokɔni.>>
12A ɗauni tɛ̃ɛ̃ti Ɗa suru ã Yesɔ naa yɛnɛ ɗɔpnsi, 13ɔ̃ ɗɔwakɔ dii laaziti, japɛ̃pɛ̃ɛ̃ ntau sisɨnrɛ. A ɗɔukɔ Yesɔ si jo a viɓiliyi kɔ sheeli, Ɗajashonɛlapa i norɛ a pɔ̃siunaarɛ.
Yesɔ Ɓau Jaɗɔɔyi nya.
14Aknti gbete shɔ ma Yɔhanatɛ a jaahm, Yesɔ yɛ Galili a nwa ruu tɔ̃vɨng Ɗanyaruubii. 15A Shanɛ,<<ɗaa pɛlitɛ>>Ɗalapa lakpati ɔ̃nɛ atɛ maani. Ɔ kɔsi sisɨn, ɔ ã sisɨn a Ɗanyaruubii.
16Lewɔɔ Yesɔ u ɗɔ tɛnɛ a nya wapo Galili, zɛ Siman a ɓɛzɔ̃ Anduru, i si shɔ jazɨng sãnɛ, i sã jazɨng a jang. 17Yesɔ geliyinɛ,<<Ɔ gn nɛ, n yɛn matɔɔ kɛ nɔgbete ɔ sã shɔzɛ yɛ.>> 18Tɛ̃ɛ̃ti i yaa jang a gn Yesɔ rɛ. 19Naa yɛ sɔ̃ntɛ a ɗekn, Yesɔ zɛ Yakubu zabadi ɓɛɛ jaa a ɓɛzɔ̃ Yɔhana a yɛti latosi mii, i ɗɔ hãriyi ntorinɛ. 20Tɛ̃ɛ̃ti Yesɔ zɛyi nam ji wariyuu ɓa a ɓai nya, i yaa i ɓeye Zabadi a shɔgbete i tuyi aru vishonɛ a yɛti latosi i gn Yesɔ rɛ.
Yesɔ Shɛshi Suru Kɔ̃linɛ a Shɔwɔ Bii
21Yesɔ au jadɔyini i yɛ komoo kafanahum, a lee susunɛ tokɛ Yahudawayi ɗɔ ɔ̃nɛ a gaa shɔ vimatinɛ rɛ. 22Shɔgbeteyi ntau vimatinɛ bii-zaaitɔ, ɓanaa shɔmala nya-asinɛ Musa ɓa, aru gbete mati shɔ vi naa shɔgbeteu kakaa aɗɔn. 23Kɛɗɔn shɔ suru kɔ̃linɛ wɔɔ arɛ Yahudawayi ɗɔ ɔ̃nɛ a gaa nya kaanɛ aɗɔn, 24<<Aruunɛ ivi a ukɔni viya Yesɔ shɔ Nazara, a au ɗɔ lɛsinɛ ya? N zɛ a ruubii tɛttɔ--mɔkaa pɛ Ɗa jashonɛ wɔsɔ-wɔsɔ au a Ɗalapa ɗɔbii!>>
25Yesɔ lasi suru kɔ̃linɛu nyanɛ<<Ɔ̃nɛ shok, Shɛnɛ a jam biiniǃ>> 26Kɛɗɔn suru kɔ̃linɛu nta jau gbukkut, a kaanya lapa-lapa shɛrɛ au biini.
27Vibii-zaanɛ sã shɔ piti kpai i ɗɔgbete i hɨ zɔnɛ, vim ɓɛɛ iviya? <<Vim vimatinɛ sɔɔya? Jam u kakaa aɗɔn u lasi suru kɔ̃linɛyi nya, suru kɔ̃linɛyi weshotɔ au nyani!>> 28Aru nankɔ tɛ̃ɛ̃ti Yesɔ ruubii raa tipi Galili piti kpai.
Yesɔ gati shɔ waanɛ
29Yesɔ au jaɗɔyini, wɔsɔ̃n Yakubu a Yɔhanani i yaa Yahudawayi ɗɔ ɔ̃nɛ tɛ̃ɛ̃ti i tokɛ Bituru a Anduru i wɛrɛ. 30Siman ɓekpeni nɔri sãutɔ i kpau aɗɔ roonɛ a siri, naa i totɛ i gali Yesɔ Bituru ɓekpeniu ruubii rɛ. 31Kɛɗɔn Yesɔ yɛu ɗɔbii aɗɔ roonɛ, a sãu narɛ a ɗeu lapa. nɔriu yaurɛ a yulapa a nwariyi vishaanɛ rɛ.
32A leukɔ ɗarɛ shɔ n-ti Yesɔ shɔ vɔrɔyi kpai a shɔgbete suru kɔ̃linɛ sãyini. 33Shɔ koowi kpai i tolinya a nyaba wɛrɛukɔ, 34Yesɔ gati shɔ vɔrɔ abii totto waanɛ. A shɛshi wɔsɔ̃n suru kɔ̃linɛ waanɛ a shɔbii ama ji yaa suru kɔ̃linɛyi ɓa nɛyi nwanyawɔrɛ ɓa, aru i zɛu tɛttɔ.
Yesɔ mati shɔ vi a Galili
35A nɔgadi zɨɨnkɔ, Yesɔ yurɛ a yaa wɛrɛu rɛ. yɛ ɗɔ gbete shɔ ɓa aɗɔm ɓa a gakki Ɗa a ɗɔukɔ. 36Ama Siman au shɔ dɔɔranɛ i yɛu ɗɔ kãnɛrɛ, 37naa i kpautɛ, i shanɛː <<Shɔ aa ɗɔ kãnɛ piti kpai.>>
38Ama Yesɔ kasinya a shanɛ,<< U yɛkɛ jakomoo wɔɔyi gbete maani miyi. N nwari shɔ Ɗanyarubii sɔ̃n aɗɔwakɔ aruviya n a ji ruukɔ.>> 39Kɛɗɔn Yesɔ raki tipi Galili kpai, u ɗɔgbete nwari shɔ Ɗanyaruubii a Yahudawayi ɗɔ ɔ̃nɛ, u ɗɔgbete shɛshi suru kɔ̃linɛ a shɔbii yɛ.
Yesɔ Gati Shɔ Vibii
40Shɔwɔɔ si ɗɔn shɔ vibii a Yesɔ ɗɔbii a ta a yugboti a gakiu nɛu pɔ̃sinnaa jo, a shanɛ, <<Akɛ kasinɛ, gati pɛ.>>
41Yesɔ raa sãurɛ, gn naa a ɗii jau naa bii. Yesɔ kasiunya a shanɛ, <<N kasitɛ, gatinɛǃ>> 42Tɛ̃ɛ̃ti vibiiu yaa jaurɛ a gatirɛ.
43Kɛɗɔn Yesɔ gɔ̃u yuusho pɛtɔ waanɛ a ãu naakn nɛu yɛnɛ, 44<<Yesɔ galiunɛ, mɔkaa geli shɔwɔnɛ. Ama a yɛrɛ a tasaa yuu a shɔlansi ɗɔbii u zɛatɔ; a n-ti vi yuu-ãnɛ gbete Musa ãsinya yɛ, kopiya u zɛkɛnɛ a gatitɛ.>> 45Ama jau yɛrɛ a sãti ruum piti kpai koɗɔpiya. Aruukɔ Yesɔ ji to ɓuzɨng komoo tɔɓa. Shikɛ a ɓili aɗɔ gbete shɔ ɓa ɗɔm ɓa. piti shomni kpai koɗɔpiya shɔ au ɗɔbii tɔ.
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
The Word for the World International and The Word for the World Nigeria