matiyu 25
25
Ruuɓusinɛ a nyarã kopi i yuu
1<<Kɛɗɔn Yesɔ yɛ ɗekn a shanɛ ni nɛ: Ɗa kpati roonɛ yɛ ɔ̃ naa nyarã kopiyi gbete i tuu pitila iyɛ ɗɔɔ ango naa tɛnɛ.>> 2Maani ai tette isi yuu nɔtti maani gaisiyi i shɔ ruu kpɛnnɛ̃. 3Shɔgbete isi yuu nɔtti maani i tuuyi pitilarɛ ama i ji sã nɔɔ wɔɔ ɓa a naani ɓa. 4Suu gbete i ruu kpɛnnɛ̃ aɗɔnyɛ i tɛ̃ɛ̃ nɔɔ a jakoro lɔt gbete i yɛ tɛ̃ɛ̃ a pitila. 5Ango ji to ɓa tɛ̃ɛ̃ti ɓa, nyarãyi piti kpai i yɔrɛ a roo nororɛ.
6<< Atette zɨmba shɔ kanyarɛ aɓilinɛː ango u yɛmiǃ Ɔ anɛ ɔ tɛu naa.>>
7<<Kɛɗɔn nyarã kopiyi i yulaparɛ i tɔ̃ri pitila rɛ. 8Shɔgbete i yuu nɔttiyi i geli shɔgbete i kpɛnnɛ̃wi nɛ, Ɔ gakkiu nɔɔ jo; u pitila kɛ nikinɛ.>>
9Shɔ ruu kpɛnnɛ̃ i kasi nyanɛ<< Yɛ pɛli ɓa, Yɛ tɛsiu ɓa a ɔkɔɔ niɓa. Ɔ yɛ ɗɔgbete shɔ mɛli aɗɔn ɔ wɔɔ rɛ.>>
10<< Nyarã yuu nɔttiyi i sã nyaba yɛnɛ ɗɔɔ noo wɔɔnɛ, aɗagbete i ɓa ɗɔm ɓayɛ, ango arɛ ai knti. Nyarã ruu kpɛnnɛ̃ maaniyi i to ɗɔɔ yumusinɛrɛ so tɛnɛrɛ a ango ni, shɔ ku nyejaarɛ.>>
11<< Akntini nyarã gãsiyi i arɛ i shanɛ. Shɔmalaǃ- Shɔmalaǃ Ɔ ɓeliu nyejaa pɛ. >>
12Ango kasiyi nyanɛ << N gelɔɔtɛ n ji zɛɔɔ nii ɓa.>>
13Kɛɗɔn Yesɔ yisi nya ruu shanɛ nɛ << Ɔ ɔ̃ nɔkãkãri aruugbete ɔ ji zɛ diiu ɓa a ɗagbete n nyɛn ayɛ ɓa.>>
Ruɓusinɛ a Jawɛrɛ taati i ruu bii
14<<Tɔtti, Ɗa kpati roonɛ a kolapa yɛ ɔ̃ naa shom. Jawɔɔ si yurɛ nɛn yɛ zati, a ɓau jawɛrɛyi nyarɛ a ãi u vinaa anaa nɛyi zɛsintɔ.>> 15Kɛɗɔn a vasiyi saa, gaa rɛ a ã shɔwɔ duu maani (5,000), a ã shɔwɔ duu zitit (2,000), shɔwɔ sɔ̃n duu gbete (1,000), ãi jo nɔgbete kopiya yɛ zɛ noo sãne tɔyɛ, a sã yãba ayɛrɛ. 16Shɔgbete shɔ ãu duu maaniyɛ yurɛ pɛli vishone awuni a kpaa wɔsɔ̃n jo au yuu ni maani. 17Shɔgbete shɔ ãu duu zitit pɛli sɔ̃n jo nankɔ a kpaa wɔ au yuu ni ziti. 18Ama shɔgbete shɔ ãu duu gbete sã nyaba rɛ, a gbãa ɓɛ shɔwɛrɛ saau a tipi.
19<<Akntiu naa i shɔwɛrɛ sɔ atɛ ɓayi nyarɛ ahɨli aruu vigbete i pɛli a saau ni yɛ. 20Shɔgbete shɔ ãu saa duu maani yɛ n ti kɛ duu kopi, n shɔwɛrɛ, i shane, a ãng saa duu maani . kn noo pɛ, N kpaara wɔsɔ̃n tɛjo duu maani. >>
21<< U shɔwɛrɛ risi nyarɛ nɛ, m ɓee apɛ jaa wɛrɛ tɔ̃vɨng ǃ a tasi tɔ̃vɨng tɛ a yuu jaa vi fẽ; nyɛn pɔ̃ kɛ ayuu vi pɛ̃niɓa. Ane u tãa biyãtɔne a nyazɔ̃. >>
22<<Shɔgbete shɔ ãu saa duu ziti yɛ a sɔ̃njo. N shɔwɛrɛ, ashanɛ, a ang saa duu ziti; kn noo pɛ, n kpaara wɔsɔ̃n tɛ duu zitit.>>
23<< U shɔwɛrɛ risi nyarɛ ne, m ɓee apɛ jaa wɛrɛ tɔ̃vɨngǃ atasi tɔ̃vɨng tɛ a ayuu jaa vi fẽ; ayuu vi pɛ̃niɓa. Ane u tãa biyãtɔne a nyazɔ̃ǃ>> 24<<Kɛɗɔn shɔgbete shɔ ãu saa duu gbete arɛ. <n shɔwɛrɛ, >shanɛ,< apɛ shɔ -shɔ yukɔne pɔ̃ne, akasi vi yeene aɗɔgbete a ji ɓa ɓayɛ. 25Seti pɛlintɔ n yurɛ n gbãa saau a tipi. knnoo pɛ, nkɔ a vii yɛmi.>
26<< U shɔwɛrɛ risi nya nɛ, < shɔ lanem, a pmzɛ jawɛrɛǃ a zɛtɛttɔ nɛn yee vishaa aɗɔgbete n ji ɓa ɓayɛ a tɔli vi sɔ̃n aɗɔgbete n ji zɔ noo vi ɓa? 27Asi tun n saa apɔ̃sing a baki, n sikɛ sɔne n si tɛkɛ au jadɔka ni.
28<< < ɔ tɛ saau nɛ au naa ni ɔ ã shɔgbete au ɓɛɛ duu kopim. 29Aruum shɔ vinaayi shɔ pɛsiyi vi sɔ̃njo ayuu ɓɛɛ kɔ, n ɗa shakɛ ɓang. Shɔgbete u viɓa ɗɔn ɓa, kɔ javi gbete u wuniyɛ shɔ raa kati au naa ni. 30Jawɛrɛ kɔlinem ɔ maau rɛ ɔ lɔkiu aɓeli, aɗɔ knri, aɗɔwakɔ yɛ sɨnn rɛ u shaa tãri. >
Yesɔ nwanya ayuu ruu vɔsine lee gadi
31<<Aɗagbete Yesɔ, shɔzɛja kɛ ɔ̃ne au ɗɔɔ basine a Ɗa jaa shone lapa ni au ɗɔbii, yɛ ɔ̃ au laɔ̃ne kpati gbete shɔ basiu yɛ akolapa. 32Shɔ akoo piti kpai iyɛ tɔli nya au ɗɔbii, yɛ vɔsi shɔ ɗɔ ɔ̃ne kɛkn nɔgbete shɔ vivaa gane i vɔsi jaayi ɗɔɔ ɔ̃ne a mɛɛrɛ. 33Yɛ pɔ̃ mɛɛrɛ au nakn u pɔ̃ jaayi au nagãn.
34<< Kɛɗɔn kpatiu yɛ geli shɔgbete au nakn nɛ, <ɔ ane, shɔgbete mayɛ nɛ vɔɔu tasii susãri abiini; ɔ tɛɔ vivɔɔ nɛ ɔ ɗɔ Ɗa kpati roone ɗɔgbete shɔ pɔ̃sɔɔ si tɛ̃ɛtɛ̃ɛ aɗagbete shɔ shɛshi koo yɛ. 35aɗagbete wɔ̃ɔ̃ sɨnrɛ ɔ ãng vishaanɛ n shaarɛ, suttu mang nyarɛ ɔ ã mii tɔ n ɓoorɛ, aɗagbete n aa zati awɔ wɛrɛ ɔ tɛn naa tɔ, 36Aɗagbete nsi bii waati ɔ ãng fãrã tɔsine tɔ, nsi vɔrɔ ɔ kɔntɔ, nsi jaa hm ɔ gen nya tɔ. >
37<<Kɛɗɔn shɔ tɔ̃vɨng iyɛ kasiu nyane, <Uɓeyelapa, u zɛa pi ɗavi a wɔ̃ɔ̃ni u shaararɛ viya, ko sutu maa nya u ã mii a boorɛ viya? 38U zɛa piɗavi shɔ zati u tɛa naa rɛ viya, wɔsɔ̃n aɗagbete asi bii watti u ã fãrã tɔsine rɛ viya? 39U zɛa piɗavi avɔrɔ u kɔarɛ viya ko a jaa hm u gea nyarɛ viya? >
40<< Kpatiu yɛ risi nyarɛ nɛ, <vigbeten n gelɔɔ kɔ nizɛ, vigbete ɔkɛ pɛli shɔ javi ne fẽ akoo, ɔ pɛli ji nkɔ.>
41<< Yɛ geli shɔgbete i au nagãn ne, ɔ yune ang ɗɔbii ni, n wiriɔ tɛ, yɛnɛ ayeti yaa gbete shɔ pɔ̃si shɔ - sho ɗakineyi au jashone lapa. 42Aɗagbete wɔ̃ɔ̃ sɨnrɛ ɔ ji ã vishaane ɓa, n tãa sutu mii ɔ ji ã mii ɓa n ɓoorɛ ɓa, 43N a zati ɔ ji tɛn naa ɓa, nsi bii waati ɔ ji ã fãrã tɔsi ɓa, nsi vɔrɔ ɔ ji kɔmɓa, wɔsɔ̃n aɗagbete nsi jaa hm ɔ ji geng nya ɓa.>>
44<<iyɛ kasiu nya sɔ̃njo nɛ, <Uɓeyelapa, u zɛa pi ɗavi a wɔ̃ɔ̃, a suttu, shɔ zati, ko abii waati ko a vɔrɔ ko a jaa hm, ɔ ji pɔ̃sa naa ɓa viya? >
45<<Kpati yɛ risi nyanɛ, < vigbete n gelɔɔ kɔ nizɛ, nɔgbete ɔ ji pɛli mɛzɔ̃yi javi fẽ wɔɓa awɔ tette niɓa, ɔ ji pɛlin ɓa. >
46<<Kɛɗɔn Ɗalapa yɛ lɔkii kɛ yaa dang-dang, ama shɔ tɔ̃vɨngyi iyɛ to kɛ ɗɔ kpati roone a Ɗalapa wɛrɛ.>>
Valið núna:
matiyu 25: Laa
Áherslumerki
Deildu
Afrita
Want to have your highlights saved across all your devices? Sign up or sign in
The Word for the World International and The Word for the World Nigeria
matiyu 25
25
Ruuɓusinɛ a nyarã kopi i yuu
1<<Kɛɗɔn Yesɔ yɛ ɗekn a shanɛ ni nɛ: Ɗa kpati roonɛ yɛ ɔ̃ naa nyarã kopiyi gbete i tuu pitila iyɛ ɗɔɔ ango naa tɛnɛ.>> 2Maani ai tette isi yuu nɔtti maani gaisiyi i shɔ ruu kpɛnnɛ̃. 3Shɔgbete isi yuu nɔtti maani i tuuyi pitilarɛ ama i ji sã nɔɔ wɔɔ ɓa a naani ɓa. 4Suu gbete i ruu kpɛnnɛ̃ aɗɔnyɛ i tɛ̃ɛ̃ nɔɔ a jakoro lɔt gbete i yɛ tɛ̃ɛ̃ a pitila. 5Ango ji to ɓa tɛ̃ɛ̃ti ɓa, nyarãyi piti kpai i yɔrɛ a roo nororɛ.
6<< Atette zɨmba shɔ kanyarɛ aɓilinɛː ango u yɛmiǃ Ɔ anɛ ɔ tɛu naa.>>
7<<Kɛɗɔn nyarã kopiyi i yulaparɛ i tɔ̃ri pitila rɛ. 8Shɔgbete i yuu nɔttiyi i geli shɔgbete i kpɛnnɛ̃wi nɛ, Ɔ gakkiu nɔɔ jo; u pitila kɛ nikinɛ.>>
9Shɔ ruu kpɛnnɛ̃ i kasi nyanɛ<< Yɛ pɛli ɓa, Yɛ tɛsiu ɓa a ɔkɔɔ niɓa. Ɔ yɛ ɗɔgbete shɔ mɛli aɗɔn ɔ wɔɔ rɛ.>>
10<< Nyarã yuu nɔttiyi i sã nyaba yɛnɛ ɗɔɔ noo wɔɔnɛ, aɗagbete i ɓa ɗɔm ɓayɛ, ango arɛ ai knti. Nyarã ruu kpɛnnɛ̃ maaniyi i to ɗɔɔ yumusinɛrɛ so tɛnɛrɛ a ango ni, shɔ ku nyejaarɛ.>>
11<< Akntini nyarã gãsiyi i arɛ i shanɛ. Shɔmalaǃ- Shɔmalaǃ Ɔ ɓeliu nyejaa pɛ. >>
12Ango kasiyi nyanɛ << N gelɔɔtɛ n ji zɛɔɔ nii ɓa.>>
13Kɛɗɔn Yesɔ yisi nya ruu shanɛ nɛ << Ɔ ɔ̃ nɔkãkãri aruugbete ɔ ji zɛ diiu ɓa a ɗagbete n nyɛn ayɛ ɓa.>>
Ruɓusinɛ a Jawɛrɛ taati i ruu bii
14<<Tɔtti, Ɗa kpati roonɛ a kolapa yɛ ɔ̃ naa shom. Jawɔɔ si yurɛ nɛn yɛ zati, a ɓau jawɛrɛyi nyarɛ a ãi u vinaa anaa nɛyi zɛsintɔ.>> 15Kɛɗɔn a vasiyi saa, gaa rɛ a ã shɔwɔ duu maani (5,000), a ã shɔwɔ duu zitit (2,000), shɔwɔ sɔ̃n duu gbete (1,000), ãi jo nɔgbete kopiya yɛ zɛ noo sãne tɔyɛ, a sã yãba ayɛrɛ. 16Shɔgbete shɔ ãu duu maaniyɛ yurɛ pɛli vishone awuni a kpaa wɔsɔ̃n jo au yuu ni maani. 17Shɔgbete shɔ ãu duu zitit pɛli sɔ̃n jo nankɔ a kpaa wɔ au yuu ni ziti. 18Ama shɔgbete shɔ ãu duu gbete sã nyaba rɛ, a gbãa ɓɛ shɔwɛrɛ saau a tipi.
19<<Akntiu naa i shɔwɛrɛ sɔ atɛ ɓayi nyarɛ ahɨli aruu vigbete i pɛli a saau ni yɛ. 20Shɔgbete shɔ ãu saa duu maani yɛ n ti kɛ duu kopi, n shɔwɛrɛ, i shane, a ãng saa duu maani . kn noo pɛ, N kpaara wɔsɔ̃n tɛjo duu maani. >>
21<< U shɔwɛrɛ risi nyarɛ nɛ, m ɓee apɛ jaa wɛrɛ tɔ̃vɨng ǃ a tasi tɔ̃vɨng tɛ a yuu jaa vi fẽ; nyɛn pɔ̃ kɛ ayuu vi pɛ̃niɓa. Ane u tãa biyãtɔne a nyazɔ̃. >>
22<<Shɔgbete shɔ ãu saa duu ziti yɛ a sɔ̃njo. N shɔwɛrɛ, ashanɛ, a ang saa duu ziti; kn noo pɛ, n kpaara wɔsɔ̃n tɛ duu zitit.>>
23<< U shɔwɛrɛ risi nyarɛ ne, m ɓee apɛ jaa wɛrɛ tɔ̃vɨngǃ atasi tɔ̃vɨng tɛ a ayuu jaa vi fẽ; ayuu vi pɛ̃niɓa. Ane u tãa biyãtɔne a nyazɔ̃ǃ>> 24<<Kɛɗɔn shɔgbete shɔ ãu saa duu gbete arɛ. <n shɔwɛrɛ, >shanɛ,< apɛ shɔ -shɔ yukɔne pɔ̃ne, akasi vi yeene aɗɔgbete a ji ɓa ɓayɛ. 25Seti pɛlintɔ n yurɛ n gbãa saau a tipi. knnoo pɛ, nkɔ a vii yɛmi.>
26<< U shɔwɛrɛ risi nya nɛ, < shɔ lanem, a pmzɛ jawɛrɛǃ a zɛtɛttɔ nɛn yee vishaa aɗɔgbete n ji ɓa ɓayɛ a tɔli vi sɔ̃n aɗɔgbete n ji zɔ noo vi ɓa? 27Asi tun n saa apɔ̃sing a baki, n sikɛ sɔne n si tɛkɛ au jadɔka ni.
28<< < ɔ tɛ saau nɛ au naa ni ɔ ã shɔgbete au ɓɛɛ duu kopim. 29Aruum shɔ vinaayi shɔ pɛsiyi vi sɔ̃njo ayuu ɓɛɛ kɔ, n ɗa shakɛ ɓang. Shɔgbete u viɓa ɗɔn ɓa, kɔ javi gbete u wuniyɛ shɔ raa kati au naa ni. 30Jawɛrɛ kɔlinem ɔ maau rɛ ɔ lɔkiu aɓeli, aɗɔ knri, aɗɔwakɔ yɛ sɨnn rɛ u shaa tãri. >
Yesɔ nwanya ayuu ruu vɔsine lee gadi
31<<Aɗagbete Yesɔ, shɔzɛja kɛ ɔ̃ne au ɗɔɔ basine a Ɗa jaa shone lapa ni au ɗɔbii, yɛ ɔ̃ au laɔ̃ne kpati gbete shɔ basiu yɛ akolapa. 32Shɔ akoo piti kpai iyɛ tɔli nya au ɗɔbii, yɛ vɔsi shɔ ɗɔ ɔ̃ne kɛkn nɔgbete shɔ vivaa gane i vɔsi jaayi ɗɔɔ ɔ̃ne a mɛɛrɛ. 33Yɛ pɔ̃ mɛɛrɛ au nakn u pɔ̃ jaayi au nagãn.
34<< Kɛɗɔn kpatiu yɛ geli shɔgbete au nakn nɛ, <ɔ ane, shɔgbete mayɛ nɛ vɔɔu tasii susãri abiini; ɔ tɛɔ vivɔɔ nɛ ɔ ɗɔ Ɗa kpati roone ɗɔgbete shɔ pɔ̃sɔɔ si tɛ̃ɛtɛ̃ɛ aɗagbete shɔ shɛshi koo yɛ. 35aɗagbete wɔ̃ɔ̃ sɨnrɛ ɔ ãng vishaanɛ n shaarɛ, suttu mang nyarɛ ɔ ã mii tɔ n ɓoorɛ, aɗagbete n aa zati awɔ wɛrɛ ɔ tɛn naa tɔ, 36Aɗagbete nsi bii waati ɔ ãng fãrã tɔsine tɔ, nsi vɔrɔ ɔ kɔntɔ, nsi jaa hm ɔ gen nya tɔ. >
37<<Kɛɗɔn shɔ tɔ̃vɨng iyɛ kasiu nyane, <Uɓeyelapa, u zɛa pi ɗavi a wɔ̃ɔ̃ni u shaararɛ viya, ko sutu maa nya u ã mii a boorɛ viya? 38U zɛa piɗavi shɔ zati u tɛa naa rɛ viya, wɔsɔ̃n aɗagbete asi bii watti u ã fãrã tɔsine rɛ viya? 39U zɛa piɗavi avɔrɔ u kɔarɛ viya ko a jaa hm u gea nyarɛ viya? >
40<< Kpatiu yɛ risi nyarɛ nɛ, <vigbeten n gelɔɔ kɔ nizɛ, vigbete ɔkɛ pɛli shɔ javi ne fẽ akoo, ɔ pɛli ji nkɔ.>
41<< Yɛ geli shɔgbete i au nagãn ne, ɔ yune ang ɗɔbii ni, n wiriɔ tɛ, yɛnɛ ayeti yaa gbete shɔ pɔ̃si shɔ - sho ɗakineyi au jashone lapa. 42Aɗagbete wɔ̃ɔ̃ sɨnrɛ ɔ ji ã vishaane ɓa, n tãa sutu mii ɔ ji ã mii ɓa n ɓoorɛ ɓa, 43N a zati ɔ ji tɛn naa ɓa, nsi bii waati ɔ ji ã fãrã tɔsi ɓa, nsi vɔrɔ ɔ ji kɔmɓa, wɔsɔ̃n aɗagbete nsi jaa hm ɔ ji geng nya ɓa.>>
44<<iyɛ kasiu nya sɔ̃njo nɛ, <Uɓeyelapa, u zɛa pi ɗavi a wɔ̃ɔ̃, a suttu, shɔ zati, ko abii waati ko a vɔrɔ ko a jaa hm, ɔ ji pɔ̃sa naa ɓa viya? >
45<<Kpati yɛ risi nyanɛ, < vigbete n gelɔɔ kɔ nizɛ, nɔgbete ɔ ji pɛli mɛzɔ̃yi javi fẽ wɔɓa awɔ tette niɓa, ɔ ji pɛlin ɓa. >
46<<Kɛɗɔn Ɗalapa yɛ lɔkii kɛ yaa dang-dang, ama shɔ tɔ̃vɨngyi iyɛ to kɛ ɗɔ kpati roone a Ɗalapa wɛrɛ.>>
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
The Word for the World International and The Word for the World Nigeria