matiyu 22
22
Ruuɓusinɛ aruu zɔ tɛne
1Yesɔ shovi-shone a ruɓusinɛ ageli shɔ ruu, shanɛ.
2Kpati roone a Ɗalapa wɛrɛ ɔ̃ naa kpati gbete u ɗɔɔ nyaba tɔ̃rine nɛn tɛsi ɓejaa so. 3Kpati sho jaa ashɔgbete wayi nya ɗɔbii neyi ane, ama i ɓẽe ane noni.
4<<Kɛɗɔn a sho u jaa wɛrɛ wɔyi sɔ̃n shanɛ,ɔ geli shɔgbete n wayi nya yɛ n nwa vishaane tɛː n yee mɛrɛɛ tɛ a guu napu ni, ko iviya aɗɔn. ɔ ang ɗɔɔ bii tɔ aruu bii nyatɔ̃ne gbete n tɛsi majaa so.>>
5I ji wesho ɓa au bii niɓa -kopiya yɛjo ɗɔɔ vishone. 6Gãsiyi i sãu jawɛrɛ, i wayi rɛ ai nyo vɔrɔ. 7Kpati lɛsi sisɨnrɛ. A shou sojayi rɛ aɗɔn i pũsi shɔwiyi rɛ a koo wuni kpai.
8<< Kɛɗɔn ageliu jawɛrɛ ne, bii nyatɔ̃ne aruu majaa so tɛne nenkɔ, ama shɔgbeten ɓayi nya aruu majaa bii nyatɔ̃ne njo kasi ɓayi kɔ ɓa. 9Ɔ to ɓuzɨn koomoo-koomoo ɔ ɓaa kopiya nya i a majaa ɗɔbii nyatɔ̃ne aruu gbeten tɛsiu so yɛ.>> 10Aɗɔukɔ u jaa wɛrɛyi i yɛrɛ i ɓaa shɔ gbeteyi kpaayɛ nya piti kpai, tɔ̃vɨng a gɔline ni, ɗɔu yii a shɔni lɔt.
11Ama aɗagbete kpatiu arɛ nɛn zɛɛ shɔ zatiyi gbete i a ɗɔ bii nyatɔ̃ neu, a zaanoo azɛ shɔ wɔɔ ji tɔsi fãrã bii nyatɔ̃ne ɓa. 12Kpatiu hɨ nɛ, Masa, apɛli pikovi atoo ɓuzɨn a fãrã bii nyatɔ̃ne ɓa viya? Jaau jo kasiu nya ɓa.
13<<Kɛɗɔn kpati geliu jawɛrɛ nɛ, ɔ sãne ɔ mau naa a ɗɔɔni, ɔ lɔkɔu aɗɔ knri aɓeli, ɗɔgbete shɔ sɨnrɛ shɔ shaa tari shẽe-tɛ̃tɛ̃.>>
14Yesɔ yisi nya ruu shanɛ<< shɔ waa shɔzɛyi nya waane, ama shɔgbete shɔ lɔyi yɛ i fẽ.>>
Ruu saa bɛnɛ gbete Shɔ shoori kayisa yɛ
15Kɛdɔn shɔ Farisawa i musi yuu i nwa ruu noogbete iyɛ sã Yesɔ aruu yɛ. 16I shoyi jaɗɔɔyi a Hiridu shɔbii wɔyini a nyazɔ. <<Shɔmala, >> i shaanɛ, <<U zɛtɛttɔ apɛ shɔ tɔ̃vɨng a shɔgbete mati shɔ Ɗalapa nyaruubii a nyaba tɔ̃vɨng. Aru shɔ a ɗɔbii piti kpai ipɛ zali, a kanɔɔɓa a shɔni ɓa. 17Geliu vigbete a lɛri au yuuni pɛ? Pɛ vitɔ̃vɨng u shori shɔ kpatiyi saabɛnɛ tɔya ko ɓa? >>
18Ama Yesɔ, zɛyi sisɨn kɔ̃lin;e tɛttɔ, ashanɛ, <<Shɔ- shɔ ɗakine miyi, ɔ kasin ɗanɛ aruuviya? 19Ɔ tasin saa gbete ɔ sho saabɛnɛ awuni pɛ. >>I n-tiu saau rɛ. 20Yesɔ hɨyi kɛkn, <<Npi jasuru piya a niini a saani piya?>>
21I kasi nyanɛ,<<Kayisar ɓɛɛ.>> Yesɔ geliyinɛ, ɔ ã vigbete pɛ Kayisa ɓɛɛ jo Kayisa. Vigbete Ɗalapa ɓɛyɛ ɔ ã jo Dalapa.>>
22Naayi nta ruum tɛ, ɔ̃rii kɛ vi bii zaane. I yau ɗɔ bii i sãa yãba iyɛrɛ.
Hɨne aruu vɔrɔ yusine saa
23A diiu kɔ shɔ Sadukiyawa, shɔ gbete i tɔne shɔ yuuɓa saa niɓa, i aa Yesɔ ɗɔbii i hɨu nɛ. 24<< Shɔ mala, >> i shanɛ, <<Musa geliu nɛ shɔgbete kɛ vɔne ji kpaa jaa ɓa a ɓɛso niɓa, ɓɛzɔ̃ yɛ zɛnoo tɔ u sori suu vɔ rɛ u yee jaa awuni. 25Shɔwɔyi ɗɔn au tettem i ai yeene maanzii. Shɔ pɛ̃niba tɛso a vɔrɛ, ji yee jaa ɓa awuni ɓa a yasi ɓɛzɔ̃ suu vɔrɛ. 26Vim gɨi ji nankɔ gbete - gbete yɛnɛ shɔgbete i kunaa yɛ yuu iji kpaa jaa ɓa. 27Akntiuni kpai, suu vɔrɛ. 28Doddorim, alee gadii gbete shɔ yusi vɔrɔ a yusaa, yɛ ɔ̃kɛ pi so piya atette shɔ maanziim ni piya? I piti kpai i tɛu tɛttɔ. >>
29Yesɔ risi nya nɛ, << ɔ nii tɛttɔ aruu gbete ɔ ji zɛ laabeene Ɗalapa nya ruu bii ɓa wɔsɔn ɔ ji zɛ Ɗalapa kakaa ɓa. 30Alee gadii gbete vɔrɔ yɛ yulapa a suruni a yusaa i yɛ ɔ̃naa Ɗa jaa shone lapa; A kolapa ruu zɔ tɛne ɓa ɗɔn ɓa. 31Ama aruu shɔ yuune a suruni a saa-ɔji ɓaliɓaya a laabeene gbete Ɗalapa shani ɓaya, 32< Nkɔng ɔ̃rɛ Ɗalapa gbete Ibirayi, Ishiyaku a Yakubu i gnyɛ> U ɓa Ɗalapa gbete vɔtɛttɔ ɓa ama Ɗalapa gbete u a suruni.>>
33Naa moo gbete i au ɗɔbii i tã ruum tɛ, u vimatine ɔ̃kɛ vii bii zaane.
Nya ãsine pɛ̃niba gbete Ɗalapa ãsiyɛ
34Aɗagbete Yesɔ tɛɛ shɔ Sadukiyawa a nya waane yɛ shɔ farisawa i musu yuu kɛ ɗɔgbete. 35Gbete wɔɔ ai atette, shɔ ruu zɛne a nya ãsine, nta Yesɔ sisɨn ahɨunɛ: 36<< Shɔ mala, a nya ãsinem shopi ɔ̃rɛ pɛ̃niba atette ni piya? >>
37Yesɔ risi nyanɛː << Ɔ ɔrii Uɓeyelapa Ɗalapa a sisɨn gbete ɔ ɔrii Uɓeyelapa Ɗalapa ruu bii awɔ suruni kpai ɔ ã yuu jo au bii kɔ kpai.>> 38Shomkɔ pɛ nya ãsine pɛ̃niɓa gbete Ɗalapa ãsiyɛ, ukɔ a ɗekn. 39Shɔgbete gɨu knti yɛː << A ɔrii ashɔ nya kããsiri wɛrɛ nɔgbete a ɔraa yuu yɛ.>> 40Laabeene Ɗalapa gbete Musa n ti yɛ aruu nya ãsine a Ɗalapa jashone i debii jo a nya ãsine zitim kɔ.
Kirisi ɓɛɛ pi jaa piya
41Naa shɔ farisawa i toli zɔtɛ ɗɔgbete, Yesɔ hɨyinɛ, 42<<ɔ zɛ pikovi awɔ sisɨn ni viya? Kirisi upi jaa piya?>>
I risi nyanɛ,<<Dawuda ɓɛjaa.>>
43Yesɔ geliyinɛ, <<aruu iviya Dawuda, Ɗalapa suru pɔ̃siu naa a nwanya awuni, ɓaune <Uɓeyelapa > Dawuda shanɛ,
44<< < Uɓeyelapa gelin Uɓeyelapa nɛː
<<ɔ̃ne ang naa kn
sitɛ n pɔ̃ ashɔ nopɔ̃ tɛ
i sɔ̃si tɛ ayugboti ayuu. >> >
45Doddorim Dawuda kɛ ɓau kirisi nɛ <Uɓeyelapa > kirisi yɛ ɔ̃kɛ pikovi ɓɛjaa viya?>> 46Aɗɔunni shɔwɔɔ ji risiu nya ɓa ko gbete, yune leewuko yɛnɛ ɗekn shɔwɔɔ ji hɨu ruu tɔkn ɓa.
Valið núna:
matiyu 22: Laa
Áherslumerki
Deildu
Afrita
Want to have your highlights saved across all your devices? Sign up or sign in
The Word for the World International and The Word for the World Nigeria
matiyu 22
22
Ruuɓusinɛ aruu zɔ tɛne
1Yesɔ shovi-shone a ruɓusinɛ ageli shɔ ruu, shanɛ.
2Kpati roone a Ɗalapa wɛrɛ ɔ̃ naa kpati gbete u ɗɔɔ nyaba tɔ̃rine nɛn tɛsi ɓejaa so. 3Kpati sho jaa ashɔgbete wayi nya ɗɔbii neyi ane, ama i ɓẽe ane noni.
4<<Kɛɗɔn a sho u jaa wɛrɛ wɔyi sɔ̃n shanɛ,ɔ geli shɔgbete n wayi nya yɛ n nwa vishaane tɛː n yee mɛrɛɛ tɛ a guu napu ni, ko iviya aɗɔn. ɔ ang ɗɔɔ bii tɔ aruu bii nyatɔ̃ne gbete n tɛsi majaa so.>>
5I ji wesho ɓa au bii niɓa -kopiya yɛjo ɗɔɔ vishone. 6Gãsiyi i sãu jawɛrɛ, i wayi rɛ ai nyo vɔrɔ. 7Kpati lɛsi sisɨnrɛ. A shou sojayi rɛ aɗɔn i pũsi shɔwiyi rɛ a koo wuni kpai.
8<< Kɛɗɔn ageliu jawɛrɛ ne, bii nyatɔ̃ne aruu majaa so tɛne nenkɔ, ama shɔgbeten ɓayi nya aruu majaa bii nyatɔ̃ne njo kasi ɓayi kɔ ɓa. 9Ɔ to ɓuzɨn koomoo-koomoo ɔ ɓaa kopiya nya i a majaa ɗɔbii nyatɔ̃ne aruu gbeten tɛsiu so yɛ.>> 10Aɗɔukɔ u jaa wɛrɛyi i yɛrɛ i ɓaa shɔ gbeteyi kpaayɛ nya piti kpai, tɔ̃vɨng a gɔline ni, ɗɔu yii a shɔni lɔt.
11Ama aɗagbete kpatiu arɛ nɛn zɛɛ shɔ zatiyi gbete i a ɗɔ bii nyatɔ̃ neu, a zaanoo azɛ shɔ wɔɔ ji tɔsi fãrã bii nyatɔ̃ne ɓa. 12Kpatiu hɨ nɛ, Masa, apɛli pikovi atoo ɓuzɨn a fãrã bii nyatɔ̃ne ɓa viya? Jaau jo kasiu nya ɓa.
13<<Kɛɗɔn kpati geliu jawɛrɛ nɛ, ɔ sãne ɔ mau naa a ɗɔɔni, ɔ lɔkɔu aɗɔ knri aɓeli, ɗɔgbete shɔ sɨnrɛ shɔ shaa tari shẽe-tɛ̃tɛ̃.>>
14Yesɔ yisi nya ruu shanɛ<< shɔ waa shɔzɛyi nya waane, ama shɔgbete shɔ lɔyi yɛ i fẽ.>>
Ruu saa bɛnɛ gbete Shɔ shoori kayisa yɛ
15Kɛdɔn shɔ Farisawa i musi yuu i nwa ruu noogbete iyɛ sã Yesɔ aruu yɛ. 16I shoyi jaɗɔɔyi a Hiridu shɔbii wɔyini a nyazɔ. <<Shɔmala, >> i shaanɛ, <<U zɛtɛttɔ apɛ shɔ tɔ̃vɨng a shɔgbete mati shɔ Ɗalapa nyaruubii a nyaba tɔ̃vɨng. Aru shɔ a ɗɔbii piti kpai ipɛ zali, a kanɔɔɓa a shɔni ɓa. 17Geliu vigbete a lɛri au yuuni pɛ? Pɛ vitɔ̃vɨng u shori shɔ kpatiyi saabɛnɛ tɔya ko ɓa? >>
18Ama Yesɔ, zɛyi sisɨn kɔ̃lin;e tɛttɔ, ashanɛ, <<Shɔ- shɔ ɗakine miyi, ɔ kasin ɗanɛ aruuviya? 19Ɔ tasin saa gbete ɔ sho saabɛnɛ awuni pɛ. >>I n-tiu saau rɛ. 20Yesɔ hɨyi kɛkn, <<Npi jasuru piya a niini a saani piya?>>
21I kasi nyanɛ,<<Kayisar ɓɛɛ.>> Yesɔ geliyinɛ, ɔ ã vigbete pɛ Kayisa ɓɛɛ jo Kayisa. Vigbete Ɗalapa ɓɛyɛ ɔ ã jo Dalapa.>>
22Naayi nta ruum tɛ, ɔ̃rii kɛ vi bii zaane. I yau ɗɔ bii i sãa yãba iyɛrɛ.
Hɨne aruu vɔrɔ yusine saa
23A diiu kɔ shɔ Sadukiyawa, shɔ gbete i tɔne shɔ yuuɓa saa niɓa, i aa Yesɔ ɗɔbii i hɨu nɛ. 24<< Shɔ mala, >> i shanɛ, <<Musa geliu nɛ shɔgbete kɛ vɔne ji kpaa jaa ɓa a ɓɛso niɓa, ɓɛzɔ̃ yɛ zɛnoo tɔ u sori suu vɔ rɛ u yee jaa awuni. 25Shɔwɔyi ɗɔn au tettem i ai yeene maanzii. Shɔ pɛ̃niba tɛso a vɔrɛ, ji yee jaa ɓa awuni ɓa a yasi ɓɛzɔ̃ suu vɔrɛ. 26Vim gɨi ji nankɔ gbete - gbete yɛnɛ shɔgbete i kunaa yɛ yuu iji kpaa jaa ɓa. 27Akntiuni kpai, suu vɔrɛ. 28Doddorim, alee gadii gbete shɔ yusi vɔrɔ a yusaa, yɛ ɔ̃kɛ pi so piya atette shɔ maanziim ni piya? I piti kpai i tɛu tɛttɔ. >>
29Yesɔ risi nya nɛ, << ɔ nii tɛttɔ aruu gbete ɔ ji zɛ laabeene Ɗalapa nya ruu bii ɓa wɔsɔn ɔ ji zɛ Ɗalapa kakaa ɓa. 30Alee gadii gbete vɔrɔ yɛ yulapa a suruni a yusaa i yɛ ɔ̃naa Ɗa jaa shone lapa; A kolapa ruu zɔ tɛne ɓa ɗɔn ɓa. 31Ama aruu shɔ yuune a suruni a saa-ɔji ɓaliɓaya a laabeene gbete Ɗalapa shani ɓaya, 32< Nkɔng ɔ̃rɛ Ɗalapa gbete Ibirayi, Ishiyaku a Yakubu i gnyɛ> U ɓa Ɗalapa gbete vɔtɛttɔ ɓa ama Ɗalapa gbete u a suruni.>>
33Naa moo gbete i au ɗɔbii i tã ruum tɛ, u vimatine ɔ̃kɛ vii bii zaane.
Nya ãsine pɛ̃niba gbete Ɗalapa ãsiyɛ
34Aɗagbete Yesɔ tɛɛ shɔ Sadukiyawa a nya waane yɛ shɔ farisawa i musu yuu kɛ ɗɔgbete. 35Gbete wɔɔ ai atette, shɔ ruu zɛne a nya ãsine, nta Yesɔ sisɨn ahɨunɛ: 36<< Shɔ mala, a nya ãsinem shopi ɔ̃rɛ pɛ̃niba atette ni piya? >>
37Yesɔ risi nyanɛː << Ɔ ɔrii Uɓeyelapa Ɗalapa a sisɨn gbete ɔ ɔrii Uɓeyelapa Ɗalapa ruu bii awɔ suruni kpai ɔ ã yuu jo au bii kɔ kpai.>> 38Shomkɔ pɛ nya ãsine pɛ̃niɓa gbete Ɗalapa ãsiyɛ, ukɔ a ɗekn. 39Shɔgbete gɨu knti yɛː << A ɔrii ashɔ nya kããsiri wɛrɛ nɔgbete a ɔraa yuu yɛ.>> 40Laabeene Ɗalapa gbete Musa n ti yɛ aruu nya ãsine a Ɗalapa jashone i debii jo a nya ãsine zitim kɔ.
Kirisi ɓɛɛ pi jaa piya
41Naa shɔ farisawa i toli zɔtɛ ɗɔgbete, Yesɔ hɨyinɛ, 42<<ɔ zɛ pikovi awɔ sisɨn ni viya? Kirisi upi jaa piya?>>
I risi nyanɛ,<<Dawuda ɓɛjaa.>>
43Yesɔ geliyinɛ, <<aruu iviya Dawuda, Ɗalapa suru pɔ̃siu naa a nwanya awuni, ɓaune <Uɓeyelapa > Dawuda shanɛ,
44<< < Uɓeyelapa gelin Uɓeyelapa nɛː
<<ɔ̃ne ang naa kn
sitɛ n pɔ̃ ashɔ nopɔ̃ tɛ
i sɔ̃si tɛ ayugboti ayuu. >> >
45Doddorim Dawuda kɛ ɓau kirisi nɛ <Uɓeyelapa > kirisi yɛ ɔ̃kɛ pikovi ɓɛjaa viya?>> 46Aɗɔunni shɔwɔɔ ji risiu nya ɓa ko gbete, yune leewuko yɛnɛ ɗekn shɔwɔɔ ji hɨu ruu tɔkn ɓa.
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
The Word for the World International and The Word for the World Nigeria