matiyu 17
17
Naa gbete Yesɔ bii kɔsiyɛ
1Aknti lee maangbete Yesɔ tuu Bituru, Yakubu a ɓezɔ̃ gbete shɔ ɓaune Yɔhana, nti yukɔpɔ pɛ̃niba aɗɔ gbete i ɔ̃ kagbete. 2Aɗɔu kɔ Yesɔ bii kɔsirɛ u nookn kɔli yaa naa ɗa, a Yesɔ fãrãbiyi riikɛ puru kpɛlɛng- kpɛlɛng naa rutɛ. 3Kɛɗɔn Yesɔ jaɗɔ taati i zɛ Musa a Iliya i ɗɔ nyanwane a Yesɔ ni.
4Se Bituru geli Yesɔ nɛ,<<Uɓeyɛlapa, nɔgbete u ɗɔm kɔritɛ. Akɛ kasine, n yɛn pɛli jaa ɗɔm taati-gbete a ɓɛɛ, gbete Musa ɓɛɛ a gbete wɔsɔ̃n Iliya ɓɛɛ.>>
5A ɗɔgbete Bituru si ɗɔ nyawãne, sabu puru kukuyi nyawu, aɗɔn yɛnya shɛ a yɛti sabuuni a shane,<<Shɔmpɛ majaa, shɔgbete n ɔriuyɛ; bii ntong nyatɔ awuni. Ɔ wɛshɔtɔ au nyani!>>
6Naa Yesɔ jadɔyi i nta vimtɛ, seti pɛliyi rɛ i nwesi a tipi a zunoo a dii. 7Yesɔ ai ɗɔbii a ɗii naa abii a geline.<<Ɔ yuu lapanɛ,>>Yesɔ sharɛ.<<Ɔkɔ nta setine.>> 8Naa i ɗe nootɛ, ijo zɛ shɔwɔ ɓa se Yesɔ kɔ sheeli. 9Aɗagbete i ɗɔ nonɛ a kɔpɔ, Yesɔ geliyinɛ, <<Ɔkɔ geli shɔ vigbete ɔ zɛyɛ nɛ, setɛ Yesɔ jashɔzɛ yulapa tɛ a yusaa ni.>> 10Yesɔ jadɔyi hɨu nɛ,<<Pi ruu vi shɔmala nya ãsineyi i tɔne Iliya kɔ yɛ a shɔnɛ rɛ viya?>> 11Yesɔ kasi nya nɛ, <<Nizɛkɔ Iliya kɔ yɛ a ɗekn rɛ aruu gbete ko u tɔ̃ri vii piti.>> 12N gelɔɔ tɛttɔ, Iliya atɛttɔ, shɔ ji zɛuni ɓa, ama i pɛli vigbete i kasiyɛ Iliya ni. I yɛ tasi Yesɔ jashɔzɛ raa sɔ̃njo nankɔ. 13Kɛɗɔn Yesɔ jadɔyi i zɛrɛ nɛ shɔ sha ruu Yɔhana shɔgbete ã Baptizɨma.
Yesɔ gati javɔshɔ gbete a suru kɔlinɛ
14Naa i atɛ a ɗɔgbete shɔ tolinya a ɗɔn yɛ, jawɔ arɛ a ta a Yesɔ ɗekn. 15<<Uɓeyɛlapa, nta majaa raajo,>>jau sharɛ.<<U vɔrɔ gn-ne ɗɔni u ɗɔraa ɓoone waane. nwesi a yaa ko a mii. 16N ntiu a jadɔyi ɗɔbii, ijo gatiu ɓa.>> 17<< Gbee shɔ gbeteyi ã sisɨn ɓa a Ɗa bii ni ɓa, shɔ kɔlineyi,>>Yesɔ risi nyanɛ,<<N yɛn ɔ̃ kɛpi kovi a ɔkɔ niviya? N yɛn ma sisɨn kɛpikovi a ɔ̃ a ɔkɔ ni viya? Ɔ nting jaau pɛ yɛm.>> 18Yesɔ mari rãmau rɛ, a shɛrɛ jaau biini, gati rɛ tɛ̃ɛti a ɗaukɔ. 19Kɛɗɔn Yesɔ jadɔyi i ɓau nya kagbete a hɨunɛ,<<aruu ivi uji shɛshi suru kɔline dɔɔɓa viya?>> 20Yesɔ risiyi nya ne,<<Aruu gbete ɔ sisɨn ãne pɛ̃tɛ̃rɛ̃. N gelɔɔ tɛ nizɛ, ɔ sisɨn ãne kɛ ɔ̃ne aɗɔ pɛ̃tɛ̃rɛ̃, naa zɔvi gbete shɔ ɓane masitan yɛ, ɔ yɛ geli kɔpɔm dɔɔtɔ nɛ, <Yunɛ aɗɔm a yɛ ɗɔwa>kɔpɔ yɛ yutɔ. Viwɔ yɛ lerɔɔ ɓa.>> 21viɗɔm shɛɓa se a Ɗa gakkinɛ a nya manɛ.
22Naa yi to Galil tɛ, a geliyine,<<Shɔ yɛ nyasi Yesɔ jashɔzɛ tɔ a shɔ naa. 23I yɛ nyautɔ, a lee taati yɛ yulapa tɔ.>>Aɗɔn Yesɔ jadɔyi yɛti lɛsi vinivini.
Sabɛne shonɛ a jaa Ɗa
24Aɗagbete Yesɔ au jadɔyi ni i to Kafanahum yɛ, shɔ sabɛnɛ jaa Ɗa tɛne i arɛ i hɨ Bituru nɛ, Shɔmala, <<Ɔ shɔmalam shɔ sabɛnɛ jaa Ɗa jo ɓaya?>> 25<<Nn, shotɔ, Bituru risi nyarɛ. Naa Bituru to wɛrɛu tɛ, Yesɔ kɔ gaa nyanwane rɛ. Azɛ pi kovi aa sisɨn viya, Seman?>>Yesɔ hɨ rɛ.<<Kpati i tɛ sabɛne pi naa piya a ɓejaayi naaya ko a shɔwɔ yi naa?>> 26<<A shɔwɔyi naa,>> Bituru kasi Yesɔ nyarɛ. <<Doddorim ɓɛjaayi i yɛ sho sabɛnɛ ɓa,>> Yesɔ geliyi nɛ. 27<<Ama njo kasiɓa shɔmi lɛsi sisɨn a ukɔuni ɓa, yɛ a nyami a wapo a lɔki galo. Jazɨng gbete akɛ gayu sãne ne, a puu nyarɛ ayɛ kpaa saa gbete shɔ ɓane azurfa au nya gbete yɛ tɛsi yɛ. A serɛ a sho sabɛne a ɓɛɛ ang bɛɛni.>>
Valið núna:
matiyu 17: Laa
Áherslumerki
Deildu
Afrita
Want to have your highlights saved across all your devices? Sign up or sign in
The Word for the World International and The Word for the World Nigeria
matiyu 17
17
Naa gbete Yesɔ bii kɔsiyɛ
1Aknti lee maangbete Yesɔ tuu Bituru, Yakubu a ɓezɔ̃ gbete shɔ ɓaune Yɔhana, nti yukɔpɔ pɛ̃niba aɗɔ gbete i ɔ̃ kagbete. 2Aɗɔu kɔ Yesɔ bii kɔsirɛ u nookn kɔli yaa naa ɗa, a Yesɔ fãrãbiyi riikɛ puru kpɛlɛng- kpɛlɛng naa rutɛ. 3Kɛɗɔn Yesɔ jaɗɔ taati i zɛ Musa a Iliya i ɗɔ nyanwane a Yesɔ ni.
4Se Bituru geli Yesɔ nɛ,<<Uɓeyɛlapa, nɔgbete u ɗɔm kɔritɛ. Akɛ kasine, n yɛn pɛli jaa ɗɔm taati-gbete a ɓɛɛ, gbete Musa ɓɛɛ a gbete wɔsɔ̃n Iliya ɓɛɛ.>>
5A ɗɔgbete Bituru si ɗɔ nyawãne, sabu puru kukuyi nyawu, aɗɔn yɛnya shɛ a yɛti sabuuni a shane,<<Shɔmpɛ majaa, shɔgbete n ɔriuyɛ; bii ntong nyatɔ awuni. Ɔ wɛshɔtɔ au nyani!>>
6Naa Yesɔ jadɔyi i nta vimtɛ, seti pɛliyi rɛ i nwesi a tipi a zunoo a dii. 7Yesɔ ai ɗɔbii a ɗii naa abii a geline.<<Ɔ yuu lapanɛ,>>Yesɔ sharɛ.<<Ɔkɔ nta setine.>> 8Naa i ɗe nootɛ, ijo zɛ shɔwɔ ɓa se Yesɔ kɔ sheeli. 9Aɗagbete i ɗɔ nonɛ a kɔpɔ, Yesɔ geliyinɛ, <<Ɔkɔ geli shɔ vigbete ɔ zɛyɛ nɛ, setɛ Yesɔ jashɔzɛ yulapa tɛ a yusaa ni.>> 10Yesɔ jadɔyi hɨu nɛ,<<Pi ruu vi shɔmala nya ãsineyi i tɔne Iliya kɔ yɛ a shɔnɛ rɛ viya?>> 11Yesɔ kasi nya nɛ, <<Nizɛkɔ Iliya kɔ yɛ a ɗekn rɛ aruu gbete ko u tɔ̃ri vii piti.>> 12N gelɔɔ tɛttɔ, Iliya atɛttɔ, shɔ ji zɛuni ɓa, ama i pɛli vigbete i kasiyɛ Iliya ni. I yɛ tasi Yesɔ jashɔzɛ raa sɔ̃njo nankɔ. 13Kɛɗɔn Yesɔ jadɔyi i zɛrɛ nɛ shɔ sha ruu Yɔhana shɔgbete ã Baptizɨma.
Yesɔ gati javɔshɔ gbete a suru kɔlinɛ
14Naa i atɛ a ɗɔgbete shɔ tolinya a ɗɔn yɛ, jawɔ arɛ a ta a Yesɔ ɗekn. 15<<Uɓeyɛlapa, nta majaa raajo,>>jau sharɛ.<<U vɔrɔ gn-ne ɗɔni u ɗɔraa ɓoone waane. nwesi a yaa ko a mii. 16N ntiu a jadɔyi ɗɔbii, ijo gatiu ɓa.>> 17<< Gbee shɔ gbeteyi ã sisɨn ɓa a Ɗa bii ni ɓa, shɔ kɔlineyi,>>Yesɔ risi nyanɛ,<<N yɛn ɔ̃ kɛpi kovi a ɔkɔ niviya? N yɛn ma sisɨn kɛpikovi a ɔ̃ a ɔkɔ ni viya? Ɔ nting jaau pɛ yɛm.>> 18Yesɔ mari rãmau rɛ, a shɛrɛ jaau biini, gati rɛ tɛ̃ɛti a ɗaukɔ. 19Kɛɗɔn Yesɔ jadɔyi i ɓau nya kagbete a hɨunɛ,<<aruu ivi uji shɛshi suru kɔline dɔɔɓa viya?>> 20Yesɔ risiyi nya ne,<<Aruu gbete ɔ sisɨn ãne pɛ̃tɛ̃rɛ̃. N gelɔɔ tɛ nizɛ, ɔ sisɨn ãne kɛ ɔ̃ne aɗɔ pɛ̃tɛ̃rɛ̃, naa zɔvi gbete shɔ ɓane masitan yɛ, ɔ yɛ geli kɔpɔm dɔɔtɔ nɛ, <Yunɛ aɗɔm a yɛ ɗɔwa>kɔpɔ yɛ yutɔ. Viwɔ yɛ lerɔɔ ɓa.>> 21viɗɔm shɛɓa se a Ɗa gakkinɛ a nya manɛ.
22Naa yi to Galil tɛ, a geliyine,<<Shɔ yɛ nyasi Yesɔ jashɔzɛ tɔ a shɔ naa. 23I yɛ nyautɔ, a lee taati yɛ yulapa tɔ.>>Aɗɔn Yesɔ jadɔyi yɛti lɛsi vinivini.
Sabɛne shonɛ a jaa Ɗa
24Aɗagbete Yesɔ au jadɔyi ni i to Kafanahum yɛ, shɔ sabɛnɛ jaa Ɗa tɛne i arɛ i hɨ Bituru nɛ, Shɔmala, <<Ɔ shɔmalam shɔ sabɛnɛ jaa Ɗa jo ɓaya?>> 25<<Nn, shotɔ, Bituru risi nyarɛ. Naa Bituru to wɛrɛu tɛ, Yesɔ kɔ gaa nyanwane rɛ. Azɛ pi kovi aa sisɨn viya, Seman?>>Yesɔ hɨ rɛ.<<Kpati i tɛ sabɛne pi naa piya a ɓejaayi naaya ko a shɔwɔ yi naa?>> 26<<A shɔwɔyi naa,>> Bituru kasi Yesɔ nyarɛ. <<Doddorim ɓɛjaayi i yɛ sho sabɛnɛ ɓa,>> Yesɔ geliyi nɛ. 27<<Ama njo kasiɓa shɔmi lɛsi sisɨn a ukɔuni ɓa, yɛ a nyami a wapo a lɔki galo. Jazɨng gbete akɛ gayu sãne ne, a puu nyarɛ ayɛ kpaa saa gbete shɔ ɓane azurfa au nya gbete yɛ tɛsi yɛ. A serɛ a sho sabɛne a ɓɛɛ ang bɛɛni.>>
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
The Word for the World International and The Word for the World Nigeria