matiyu 14
14
Yɔhana Shɔ Baptizɨma ãne, vɔnɛ
1A ɗawuni Hiridu, Kpati Galili ntanya a Yesɔ yuu, 2A geliu jadɔyi ne, <<N pɛ Yɔhana gbete pɛli shɔ Batizɨma yɛ; Yulapa tɛ a yusaa ni, Aruumkɔ vibii zaane a ɗɔ vishɔne pɛline a kakaa ni au bii.>> 3Si Hiridu sã Yɔhana tɛttɔ mautɛ a lɔkiu a javɨng, pɛli vim aruu Hiridiya ɓezɔ̃ Filibu ɓesɔ. 4Aruu si Yɔhana geli Hiridu nɛ: <<Ɓa vi tɔ̃vɨng a tɛ Hiridiya rɛ ɓa.>> 5Hiridu kasi Yɔhana nyɔne tɔ, ama nta seti shɔ Yahudawa gbete i awuniyɛ, aruu shɔ tuu Yɔhana nɛu pɛ Ɗa jashone.
6A lee gbete Hiridu u ɗɔɔ yɛti puru ntanɛ aruu lee yenɛ, ɓɛjasoro sassa rɛ tɔsiu a sisɨn 7Vim pɔ̃ Hiridu a teenɛ nɛng ãu vigbete kɛ gakkinɛ piti kpai. 8Hiridiya Ɓɛjaa yurɛ a yɛu ɗɔbii, Hiridiya geliu nɛ, nɛu gakki Yɔhana gbete ãshɔ Baptizɨma yuu, kɛɗɔn a geli Hiridu nɛ, <<ãng Yɔhana shɔu ã shɔ Baptizɨma yuu a yɛti pii.>> 9Kpati sisɨn lɛsi waanɛ, kɛɗɔn aruugbete si tee tɛ a shɔzatiyi ɗekn, a ãsi u sojayi nya nɛ n-ti Yɔhana shɔ Batizima yuu nɛ 10sho nyarɛ nɛ shɔu yee Yɔhana yuu rɛ a javɨng. 11Shɔ n-ti jasuu Yɔhana yuu rɛ, kɛɗɔn turɛ a ã ɓini rɛ. 12Yɔhana shɔ Baptizɨma ãne jadɔyi arɛ a tuu vɔrɔ rɛ i gbãrɛ. Kɛɗɔn Yɔhana jaɗɔyi yɛrɛ a geli Yesɔ rɛ.
Yesɔ Shari Shɔzɛ Laa- Laa Ziti Tuu Kop Au Jaa Maani Ɓa Maani (5,000)
13Naa Yesɔ nta tɛ nɛ shɔ nyo Yɔhana tɛ, a yuu rɛ ato girgi ayɛ ɗɔgbete shɔɓa ɗɔm ɓa yɛ. Mɔɔyi nta nankɔ, i yaa ɗɔgbete i ɗɔn i gn Yesɔ a dɔɔ ni yɛnɛ kou. 14Naa Yesɔ nɔtɛ ayɛti girgi ni a zɛ mɔɔyi rɛ, raa pɛliu ayini, gati shɔgbete i vɔrɔ abii ni.
15A ɗaɗɗarɛukɔ, Yesɔ jadɔyi i arɛ a geliunɛ,<<Vishaane ɓa aɗɔni ɓa, ɗaa yitɛ. Yaa mɔɔyi naa nɛ, i yɛrɛ i kã vishaane pɛ a jakomɔɔyi.>> 16Yesɔ risi nyanɛ, <<Ji kɔriɓa i yɛrɛ ɓa. Ɔ ãi vishaane nɛ viya.>>
17Yesɔ jaɗɔyi i risiu nyanɛ,<<Vigbete u awuniyɛ borodi maani a jazɨng ziti.>> 18Kɛɗɔn Yesɔ shanɛ,<<Ɔ n-tin arɛ yɛm.>> 19Yesɔ ãsi shɔwi nyanɛ nei ɔ̃linɛ a yuu wisi. Kɛɗɔn tuu borodi maani a jazɨng ziti a ɗe nɔɔ a lapa, dɔ̃ri Ɗalapa a dali borodi a jazɨng ni. Kɛɗɔn turɛ a ãu jadɔyi, u jadɔyi i ãli shɔ rɛ. 20Kopiya shaarɛ tɛsiu rɛ. Yesɔ jadɔyi i tɔli borodi daline ɓuti kopi a tu ziti gbete yaa yɛ. 21Shɔgbete i shaa yɛ isi shɔzɛ Laa- Laa ziti tu kop ɓa maani (5,000) vɔshɔ kɔ sheeli, soroyi a jajayini i ɓa ɓuzɨn ni ɓa.
Yesɔ ra'a yuu mii
22Kɛɗɔn Yesɔ pɔ̃u jadɔyi i to girgi tɛnɛ ka nyasasa da, nɛn vasi shɔ nyapɛ tɛlɛ. 23Naa vasi shɔ nyatɛ, a gɛ̃kɛ yukɔpɔ nɛn gakki Ɗa pɛ. Naa ɗaɗɗarɛ pɛlitɛ, Yesɔ sijo yɔɓũm aɗɔuni, 24Ama si girgi gbete u jaɗɔyi aɗɔn a tette mii wapɔ kpɛlɛ awuni, si rimii aɗɔ waanɛ a sɔrɔ mii aɗɔgbete dusi yɛ waanɛ. 25Si dii kaatɛttɔ shɔ zɛ Yesɔ au jaɗɔyi ɗɔbii u ɗɔɔ ranɛ ayuu mii wapo. 26Naa Yesɔ jadɔyi i zɛutɛ a ɗɔɔ ranɛ ayuu mii wapo seti pɛliyi tɔ. pɛ rãma,<< i sharɛ,>>i sɨn nyavɔ a gãgãni aruu seti. 27Kɛɗɔn Yesɔ nwa nya gbãgbã ashane: <<Ɔ yɔri yuu ɓa, pɛ nnkɔ. Seti kɔ pɛlɔɔ nɛ.>> 28Kɛɗɔn Bituru risi Yesɔ nyanɛ,<<Uɓeyɛlapa, kɛ ɔ̃nɛ mɔkɔ, ɓang nya pɛ nn aa ɗɔbii pɛ ayuu mii.>> 29Yesɔ shanɛ<<Anɛ.>> kɛɗɔn Bituru shɛ a yɛti girgi, a ra'a yuu mii yɛnɛ Yesɔ ɗɔbii. 30Ama naa nta sɔrɔ tɛ aɗɔ dusune waanɛ, seti pɛliurɛ, sikɛ lune mii, sɨn nya vɔ nɛ, << Uɓeyɛlapa, rang jo!>>
31Yesɔ gn naa gbãgbã a sãurɛ, A shanɛ<<Mɔkɔ shɔ sisɨn ãnɛ pɛ̃tɛ̃rɛ̃mi! A lɛri aruu iviya?>>
32I kpai i to yɛti girgi rɛ, sɔrɔ shirɛ. 33Yesɔ jaɗɔyi gbete i si yɛti girgi i gee Yesɔ nyarɛ, i shane, <<Nizɛkɔ apɛ Ɗa jaa.>>
34Naa i tɛɛ da wapo tɛ, i to tipi Janazara rɛ. 35Naa shɔ ɗɔwi kpaa sisɨn tɛ a Yesɔ biini, i shonya a yukoo piti kpai. Shɔ n-ti shɔ vɔrɔrɛ kpai a Yesɔ ɗɔbii 36I gakkiu rɛ nɛ shɔ vɔrɔ i ɗiu nya fãrã pɛ, shɔgbete i ɗiu nya fãrã yɛ i gatirɛ.
Valið núna:
matiyu 14: Laa
Áherslumerki
Deildu
Afrita
Want to have your highlights saved across all your devices? Sign up or sign in
The Word for the World International and The Word for the World Nigeria