Luka 22
22
Yuda asumina ukushunguluka Yesu
(Mt. 26:1-5,14-16 Mk. 14:1-2,10-11 Yn. 11:47-53)
1Yali mupepi nomba inshita yakusefya ubusefyo bwa mukate wabula ikitutumushi, kuba Yuda ubo abantu bakuta ati ipasaka. 2Bakatula ba bulambo na bakafundisha ba mafunde balefwaya umusango uwa kwipailamo Yesu mubumfisolo pantu baleumfwa umwenso abantu abalemumfwa Yesu. 3Kabili, shetani ale mutunka Yuda, kabili akutwa iskarioti, uwali umo pa makumi yabili ya basambi bakwa Yesu. 4Yuda aya ambaula na bakatula ba bulambo na bashilika aba sunga itempele pakwishiba umusango uyo engabafwilisha ukwikatilamo Yesu. 5Bakatula ba bulambo na bashilika aba sunga itempele bali abansansa na bali sumina ukupela Yuda impiya pakuti abafwilishe ukwikata Yesu. 6Alisumine no kutampa uku fwaya umusango uwa kumushugulukilamo pakuti ba mwikate mubumfisolo ilyo ali fye na abantu abanono.
Ifyakulya fya kupelekesha
(Mt. 26:17-19 Mk. 14:12-16)
7Elo ubushiku bwafikile ubwa mukate uwa bula kitutumushi. Bwali bushiku ubo aba Yuda balingile ukwipaya impanga balelya pa busefyo bwe pasaka. 8Elo Yesu atumine Petelo na Yoane ne nsambu shakwe: “Kabuyeni kapekanyeni ifyakulya fya busefyo bwe pasaka pakuti tulye bonse pamo.” 9Bamwipwishe: “Nikwisa ulefwaya ukuti tupekanishishe ifyakulya fye pasaka?” 10Abebele: “Umfweni,” ilyo mule ingila mu mushi wa Yerusalemu, umuntu mukakumanya. Akaba napita umutondo wa menshi pa mapeya. Mukonkeni no kwingila nakwe mu nganda umo akengila. 11Mulingile ukweba umwine wa ii nganda: “Kafundisha wesu amitumina aya mashiwi: Mulingile uku tusonta ikyumba umo abasambi bandi na nebo tukalila ipasaka? 12Akamisonta ikyumba pamulu wa nganda na kikakwata ifintu fyonse ifyo tulekabila ama tebulo nefipuna. Emo mulingile uku pekanishisha ifyakulya fyesu.” 13Baile mu mushi no kusanga fyonse ngefyo Yesu abebele, No kupekanya ifyakulya fye pasaka. 14Panshita ya fyakulya fye pasaka, Yesu na basole bakwe baile mu kyumba kya pamulu no kwikala kwitebulo. 15Yesu abeba: “Nakilafwaisha sana ukulya iki ikyakulya kye pasaka pamo nemwe pantanshi ya kukyula no kufwa. 16Pantu nde myeba ifi: shakalyepo peka ifyakulya fye pasaka nemwe mpaka fye fikailange umofyalola ukufikilishiwa mubufumu bwakwa Lesa.” 17Kabili abula ikikombe kya mwangashi mumaboko yakwe no kutasha Lesa. Aeba abasole bakwe: “buleni uyu mwangashi noku yabanya emo mubelele. 18Nde myeba mukine sha kanwepo umwangashi ukufuma lelo mpaka fye Lesa akatantike ubufumu bwakwe.” 19Kabili abulile umukate no kutasha Lesa pali filya. Auputaula no kubapela balye. Alanda: “Uyu umukate mubili wandi, uyo nde pekanya ukupela kuli mwebo mukale kita ifi inshita yonse pakungibukisha ifyo namikitila.” 20Na mu musango umowine, panuma ya kulya ifyakulya fya kyungulo, Yesu abula ikikombe kya mwangashi no kutasha Lesa pali filya. Kabili apela abasambi bakwe no kubeba: “uyu mwangashi kipangano kipya kyakwa Lesa na bantu, ikitantikwe pa mulopa wandi uuketilwa pali mwebo pa kufwa kwandi. 21Nomba nde fwaya mwishibe mwebonse ukuti umuntu uyo ukampana kubalwani bandi ali pano alelya pamo na ndi. 22Filya fikakitika pantu Lesa efyo apekenye ukufuma akale pali nebo, umwana wa muntu kilingile afwe. Nomba kikaba ikyabipa ku bantu abali abalwani bandi uku ngikata.” 23Ilyo abasambi bakwe baumfwile filya, batampile uku ipushisha umo na umo nani uyo muntu pali bena aka panga iki kintu kyabipa ngefi. 24Panuma ya filya, abasambi batampile ukutalikana pakuti beshibe nani pali bena balingi ukwishiba ati mukulu pali bena. 25Yesu aeba abasambi bakwe: “Muli kino kyalo, imfumu na bantu bakindama balafwaya ubukata bonse pa bantu, no kutemwa ukuti ba beshibe ati ba nabo ba bantu. 26Nomba ta kilingile ukuba kwati ni bena. Pantu umuntu umukankala pali mwebo ali nokuba kwati muntu wa bulebule. Umuntu ali imfumu yenu alingile ukuba umubonfi wenu. 27Nde fwaya mu tontonkanye, ilyo umuntu ekala pakuti alye elo umuntu umbi amu pekanishisha ifyakulya, muntu ki pali bena uwa kindama? Bonse balishiba ukuti ni ulya wa ikala nokulya. Nomba nalisa pali mwebo kwati mubonfi.” 28Nomba ni mwebo mushele kulubali lwandi munshita ya makyushi yandi. 29Nkamipela kanshi amaka ya ku ukimfya kwati ni mfumu, kwati ni filya Tata ampela aya maka ya kukimfya kwati ni mfumu. 30Eikyo kanshi, mubufumu bwandi, mu kalya no kunwa pamo na nebo kwitebulo, elo mukaba na mwikala kabili pafipuna fya bukata pakuti muka pingule amakumi yabili ya mikowa ya bantu ba mu Israeli. 31“Umfwa bwino Simoni, pamo pene no mulimi wa masaka unyungulula amasaka pakuti alekanye ya suma na yabipa, efyo Satana alombele kuli Lesa insambu sha ku mipima bonse pakuti alekanye abo abandi na batali bandi. 32Nomba nebo, nde kupepela Simoni, pakuti ikisumino kyobe kiluba kuli nebo; ilyo mu kalapila mu kabwelela kabili kuli nebo, mulingile ukwafwilisha abasambi banenu babe abakine kuli nebo.” 33“Nomba Simoni Petelo aebele Yesu: we Mfumu, ningipekanya ukuya nobe mukifungo, na ningipekanya ukufwa nobe!.” 34Yesu amwebele: “Petelo, Ndekweba mubushiku bwalelo, pantanshi yakuti mukolwe alile ukalanda imiku itatu ku bantu: shinshibe uyu muntu.” 35Panuma ya filya Yesu aebele abasambi bakwe: “Mule ibukisha ilya nshita na mitumine mumishi ukushimikila imbila nsuma ukwabula impiya, ukwabula sakoshi nangu insapato?” Mwalikwata fyonse efyo mwale kabila? Bali aswike: “Emwane twali kwata fyonse efyo twale kabila!” 36Yesu abebele: “Nomba apo abantu baletulwisha. Nga nifyo, nga na mukwata sakoshi wa mpiya, mulingile ukuya nao. Nga tamukwete ulupanga, shitishe ifyakufwala fyenu noku bonfya impiya pakuti mushitemo lumo.” 37Pantu nde myeba ukuti, mumalembo, Lesa alilanda pa mulandu wandi: akasungwa kwati ni kepaya wa mafunde. Efyo Lesa alandile ifili no kufika. Ubu busesemo buli no kufika nombaline. 38Nomba abasambi ba musonta fibili ifipanga ifyo bali nafyo. “Moneni, mwe Mfumu, Natukwata, efyo ba myeba. Elo Yesu abaswike: Filya fya tulinga.”
Yesu alepepa kulupili lwa Olivia
(Mt. 26:36-45 Mk. 14:32-41)
39Elo Yesu afumine mu mushi wa Yerusalemu nokuya kulupili lwa olivia ngefyo abeleshe na abasambi bakwe ba mukonkele nabo. 40Elyo bafikile kuli ilya kende, Yesu aebele abasambi bakwe ati: “Pepeni pakuti Lesa amyafwilishe ukuti mwipanga amasambi ilyo mwatunkwa.” 41Elo Yesu aitalwishe kuli bena akatalamukila pakuti abe bunke. Efyo afukeme noku pepa Lesa. 42No kulanda: “Tata, nga watemwa talusha kuli nebo iki kikombe kya bukyushi. Nomba na papata mwipanga ubufwayo bwandi. Pangeni efyo ubufwayo bwenu.” 43Efyo ba malaika bakwa Lesa amumonekela noku mupela amaka ayengi. 44Panuma ya filya Yesu akwete ubulanda. Elo apepa beka sana ukukila intashi, mpaka fye amabe yakwe ya ba kwati matoni ayakulu aya mulopa no kutonena panshi. 45Ilyo Yesu apwile ukupepa, aimine nokuya kulya kwali abasambi bakwe. Abasangile nabalala pantu bali no bulanda. 46Elo abebele ati: “Ninshi mulalile? Imeni tali nshita ya kulala! Imeni mupepe pakuti Lesa amyafwilishe panuma yakuti mwila ponena mu amasambi nga ba mibika mubwesho.”
Yesu bamwikata
47Elo Yesu alelanda na basambi bakwe, palya pene ibumba lya bantu lya fika. Yuda uwali umo pekumi na babili ya abasambi bakwa Yesu, ale batungulula. Apalamine kuli Yesu pakuti amuposhe mu kumutomona kwitobo. 48Elo Yesu amwebele: “Yuda, wabomfya kanshi ukutomona pakuti umpane, nebo, Umwana wa muntu, kubalwani bandi?” 49Ilyo abasambi bambi abali na Yesu baumfwile ifyalekitika, bamwipusha: we Mfumu, tulingile ukubomfya imipanga shesu pakuti tu balwishe? 50Kabili, pantanshi iyo Yesu afwaile ukwasuka, umo pa basambi bakwe afulumwike no lupanga no kuputula ukutwi kwa kukulyo kwa mubonfi umo wa bakulu bashimapepo. 51Nomba Yesu alandile: “Lekeni!” Tapali kintu nangu kimo pali filya fyonse. Elo akumishe ukutwi kwa mubonfi noku mundapa. 52Napali balya baishile ikata Yesu, pali bakatula ba bulambo, abakulu baba kasunga be tempele na bakulu baba Yuda. Yesu abebele: Ninshi mwaishila kuno ne mipanga ne fimuti pakuti mungikate muletontonkanya ukuti ndi ngifi? 53Nali nemwe kilabushiku mwi tempele, tamwa ngikete. Nomba ninshita yenu na maka aya mufinfi ayale bomba.
Petelo akana Yesu
(Mt. 26:57-58 Mk. 14:53-54 Yn. 18:15-16)
54Elo ba kasunga be tempele ba mwikete Yesu noku mutwala mu nganda yakwa shimapepo mukulu. Petelo alebakonka, nomba ali ukutali nabena. 55Panuma ya kufika kwabo, aba bantu ba koseshe umulilo pakati kalubansa. Elo baikele pamo mupepi no mulilo. Petelo nakwe aisa, no kwikala pakati kabo. 56Elo, ilyo Petelo ali naikala palya, umubonfi umo umwanakashi amumwene ku lubuto lwa mulilo. Ali mulolekesha elo aeba abantu kumbali: “Uyu muntu nakwe akiba na Yesu!” 57Nomba Petelo asosele ati tali fyakine. Asosele: “Mwanakashi, shimwishibe uyu muntu.” 58Inshita inono yapitile, umbi amumwene Petelo no kumweba: “Na webo, uli wabalya abali noyu muntu uyu bakikata!” Nomba Petelo asosele: “Iyo, we mwaume; nshili nabo!” 59Inshita imo yapitile, na umbi apatikisha mukusosa: “Uyu muntu mukine akiba na Yesu, pantu nakwe mwina Galileya.” 60Na Petelo amweba: “We mwaume, shishibe nangu kimo ifyo mulefwaya uku sosa!” Apopene, ilyo Petelo alandile na kabili filya, mukolwe alila. 61Elo Imfumu ya pilibwike no kulolesha palya pene Petelo. Na Petelo aibwishe amashiwi ayo Imfumu ya mwebele ukuti: “buno bushiku, pantanshi yakuti mukolwe alile, ukalanda imiku itatu ku bantu ati shimwishibe.” 62Ilyo Petelo aibwishe, afumine panse ya lubansa no kulila no bulanda ubukulu.
Bakasunga abalesunga Yesu bamuseka Yesu
(Mt. 26:59-65 Mk. 14:65)
63Elo ba kasunga balesunga Yesu bala museka Yesu noku mupuma. 64Ba kakile insalu pa menso yakwa Yesu no kumukakatisha imiku ne miku: “Tulange ukuti uli kasesema! Twebe ni nani wafuma mu kukuma!” 65No kula mutuka kabili shimbi insele pakuti ba musebanye.
Yesu kuntanshi yakwa Pilato na Herodi
(Mt. 26:59-65 Mk. 14:55-64 Yn. 18:19-24)
66Ku kutula kwa kasuba, bonse abakulu ba bantu baba Yuda ba kolongene. Palya pali na abakulu ba bashimapepo na bakafundisha ba mafunde. Elyo Yesu ba muletele kutanshi yabo. 67Elo baebele Yesu: “Nga uli Mesiya, twebe.” Yesu abaswike: “Nga namyeba ukuti ndi Mesiya, ta mwasumine. 68Nangu nga na mipusha, pali uyu mulandu ta mwangasuke. 69Nomba inshita inono, nebo, umwana wa muntu, nkekala pa nkende ya amaka kukulyo kwakwa Lesa umwene wa maka yonse.” 70Elo Bonse balanda: “kanshi uli Umwana wakwa Lesa?” Yesu abaswike: “Na mu sosa, ndi” 71Nomba balaipushisha ukuti: “Ta tulekabila ikishinikisho kabili pakuti tu mupingule. Pantu twa mumfwa fwebene kukanwa kakwe.”
Valið núna:
Luka 22: KDG
Áherslumerki
Deildu
Afrita
Want to have your highlights saved across all your devices? Sign up or sign in
Seba Bible by Beyond Translation is licensed under Creative Commons Attribution-ShareAlike 4.0 License.
Luka 22
22
Yuda asumina ukushunguluka Yesu
(Mt. 26:1-5,14-16 Mk. 14:1-2,10-11 Yn. 11:47-53)
1Yali mupepi nomba inshita yakusefya ubusefyo bwa mukate wabula ikitutumushi, kuba Yuda ubo abantu bakuta ati ipasaka. 2Bakatula ba bulambo na bakafundisha ba mafunde balefwaya umusango uwa kwipailamo Yesu mubumfisolo pantu baleumfwa umwenso abantu abalemumfwa Yesu. 3Kabili, shetani ale mutunka Yuda, kabili akutwa iskarioti, uwali umo pa makumi yabili ya basambi bakwa Yesu. 4Yuda aya ambaula na bakatula ba bulambo na bashilika aba sunga itempele pakwishiba umusango uyo engabafwilisha ukwikatilamo Yesu. 5Bakatula ba bulambo na bashilika aba sunga itempele bali abansansa na bali sumina ukupela Yuda impiya pakuti abafwilishe ukwikata Yesu. 6Alisumine no kutampa uku fwaya umusango uwa kumushugulukilamo pakuti ba mwikate mubumfisolo ilyo ali fye na abantu abanono.
Ifyakulya fya kupelekesha
(Mt. 26:17-19 Mk. 14:12-16)
7Elo ubushiku bwafikile ubwa mukate uwa bula kitutumushi. Bwali bushiku ubo aba Yuda balingile ukwipaya impanga balelya pa busefyo bwe pasaka. 8Elo Yesu atumine Petelo na Yoane ne nsambu shakwe: “Kabuyeni kapekanyeni ifyakulya fya busefyo bwe pasaka pakuti tulye bonse pamo.” 9Bamwipwishe: “Nikwisa ulefwaya ukuti tupekanishishe ifyakulya fye pasaka?” 10Abebele: “Umfweni,” ilyo mule ingila mu mushi wa Yerusalemu, umuntu mukakumanya. Akaba napita umutondo wa menshi pa mapeya. Mukonkeni no kwingila nakwe mu nganda umo akengila. 11Mulingile ukweba umwine wa ii nganda: “Kafundisha wesu amitumina aya mashiwi: Mulingile uku tusonta ikyumba umo abasambi bandi na nebo tukalila ipasaka? 12Akamisonta ikyumba pamulu wa nganda na kikakwata ifintu fyonse ifyo tulekabila ama tebulo nefipuna. Emo mulingile uku pekanishisha ifyakulya fyesu.” 13Baile mu mushi no kusanga fyonse ngefyo Yesu abebele, No kupekanya ifyakulya fye pasaka. 14Panshita ya fyakulya fye pasaka, Yesu na basole bakwe baile mu kyumba kya pamulu no kwikala kwitebulo. 15Yesu abeba: “Nakilafwaisha sana ukulya iki ikyakulya kye pasaka pamo nemwe pantanshi ya kukyula no kufwa. 16Pantu nde myeba ifi: shakalyepo peka ifyakulya fye pasaka nemwe mpaka fye fikailange umofyalola ukufikilishiwa mubufumu bwakwa Lesa.” 17Kabili abula ikikombe kya mwangashi mumaboko yakwe no kutasha Lesa. Aeba abasole bakwe: “buleni uyu mwangashi noku yabanya emo mubelele. 18Nde myeba mukine sha kanwepo umwangashi ukufuma lelo mpaka fye Lesa akatantike ubufumu bwakwe.” 19Kabili abulile umukate no kutasha Lesa pali filya. Auputaula no kubapela balye. Alanda: “Uyu umukate mubili wandi, uyo nde pekanya ukupela kuli mwebo mukale kita ifi inshita yonse pakungibukisha ifyo namikitila.” 20Na mu musango umowine, panuma ya kulya ifyakulya fya kyungulo, Yesu abula ikikombe kya mwangashi no kutasha Lesa pali filya. Kabili apela abasambi bakwe no kubeba: “uyu mwangashi kipangano kipya kyakwa Lesa na bantu, ikitantikwe pa mulopa wandi uuketilwa pali mwebo pa kufwa kwandi. 21Nomba nde fwaya mwishibe mwebonse ukuti umuntu uyo ukampana kubalwani bandi ali pano alelya pamo na ndi. 22Filya fikakitika pantu Lesa efyo apekenye ukufuma akale pali nebo, umwana wa muntu kilingile afwe. Nomba kikaba ikyabipa ku bantu abali abalwani bandi uku ngikata.” 23Ilyo abasambi bakwe baumfwile filya, batampile uku ipushisha umo na umo nani uyo muntu pali bena aka panga iki kintu kyabipa ngefi. 24Panuma ya filya, abasambi batampile ukutalikana pakuti beshibe nani pali bena balingi ukwishiba ati mukulu pali bena. 25Yesu aeba abasambi bakwe: “Muli kino kyalo, imfumu na bantu bakindama balafwaya ubukata bonse pa bantu, no kutemwa ukuti ba beshibe ati ba nabo ba bantu. 26Nomba ta kilingile ukuba kwati ni bena. Pantu umuntu umukankala pali mwebo ali nokuba kwati muntu wa bulebule. Umuntu ali imfumu yenu alingile ukuba umubonfi wenu. 27Nde fwaya mu tontonkanye, ilyo umuntu ekala pakuti alye elo umuntu umbi amu pekanishisha ifyakulya, muntu ki pali bena uwa kindama? Bonse balishiba ukuti ni ulya wa ikala nokulya. Nomba nalisa pali mwebo kwati mubonfi.” 28Nomba ni mwebo mushele kulubali lwandi munshita ya makyushi yandi. 29Nkamipela kanshi amaka ya ku ukimfya kwati ni mfumu, kwati ni filya Tata ampela aya maka ya kukimfya kwati ni mfumu. 30Eikyo kanshi, mubufumu bwandi, mu kalya no kunwa pamo na nebo kwitebulo, elo mukaba na mwikala kabili pafipuna fya bukata pakuti muka pingule amakumi yabili ya mikowa ya bantu ba mu Israeli. 31“Umfwa bwino Simoni, pamo pene no mulimi wa masaka unyungulula amasaka pakuti alekanye ya suma na yabipa, efyo Satana alombele kuli Lesa insambu sha ku mipima bonse pakuti alekanye abo abandi na batali bandi. 32Nomba nebo, nde kupepela Simoni, pakuti ikisumino kyobe kiluba kuli nebo; ilyo mu kalapila mu kabwelela kabili kuli nebo, mulingile ukwafwilisha abasambi banenu babe abakine kuli nebo.” 33“Nomba Simoni Petelo aebele Yesu: we Mfumu, ningipekanya ukuya nobe mukifungo, na ningipekanya ukufwa nobe!.” 34Yesu amwebele: “Petelo, Ndekweba mubushiku bwalelo, pantanshi yakuti mukolwe alile ukalanda imiku itatu ku bantu: shinshibe uyu muntu.” 35Panuma ya filya Yesu aebele abasambi bakwe: “Mule ibukisha ilya nshita na mitumine mumishi ukushimikila imbila nsuma ukwabula impiya, ukwabula sakoshi nangu insapato?” Mwalikwata fyonse efyo mwale kabila? Bali aswike: “Emwane twali kwata fyonse efyo twale kabila!” 36Yesu abebele: “Nomba apo abantu baletulwisha. Nga nifyo, nga na mukwata sakoshi wa mpiya, mulingile ukuya nao. Nga tamukwete ulupanga, shitishe ifyakufwala fyenu noku bonfya impiya pakuti mushitemo lumo.” 37Pantu nde myeba ukuti, mumalembo, Lesa alilanda pa mulandu wandi: akasungwa kwati ni kepaya wa mafunde. Efyo Lesa alandile ifili no kufika. Ubu busesemo buli no kufika nombaline. 38Nomba abasambi ba musonta fibili ifipanga ifyo bali nafyo. “Moneni, mwe Mfumu, Natukwata, efyo ba myeba. Elo Yesu abaswike: Filya fya tulinga.”
Yesu alepepa kulupili lwa Olivia
(Mt. 26:36-45 Mk. 14:32-41)
39Elo Yesu afumine mu mushi wa Yerusalemu nokuya kulupili lwa olivia ngefyo abeleshe na abasambi bakwe ba mukonkele nabo. 40Elyo bafikile kuli ilya kende, Yesu aebele abasambi bakwe ati: “Pepeni pakuti Lesa amyafwilishe ukuti mwipanga amasambi ilyo mwatunkwa.” 41Elo Yesu aitalwishe kuli bena akatalamukila pakuti abe bunke. Efyo afukeme noku pepa Lesa. 42No kulanda: “Tata, nga watemwa talusha kuli nebo iki kikombe kya bukyushi. Nomba na papata mwipanga ubufwayo bwandi. Pangeni efyo ubufwayo bwenu.” 43Efyo ba malaika bakwa Lesa amumonekela noku mupela amaka ayengi. 44Panuma ya filya Yesu akwete ubulanda. Elo apepa beka sana ukukila intashi, mpaka fye amabe yakwe ya ba kwati matoni ayakulu aya mulopa no kutonena panshi. 45Ilyo Yesu apwile ukupepa, aimine nokuya kulya kwali abasambi bakwe. Abasangile nabalala pantu bali no bulanda. 46Elo abebele ati: “Ninshi mulalile? Imeni tali nshita ya kulala! Imeni mupepe pakuti Lesa amyafwilishe panuma yakuti mwila ponena mu amasambi nga ba mibika mubwesho.”
Yesu bamwikata
47Elo Yesu alelanda na basambi bakwe, palya pene ibumba lya bantu lya fika. Yuda uwali umo pekumi na babili ya abasambi bakwa Yesu, ale batungulula. Apalamine kuli Yesu pakuti amuposhe mu kumutomona kwitobo. 48Elo Yesu amwebele: “Yuda, wabomfya kanshi ukutomona pakuti umpane, nebo, Umwana wa muntu, kubalwani bandi?” 49Ilyo abasambi bambi abali na Yesu baumfwile ifyalekitika, bamwipusha: we Mfumu, tulingile ukubomfya imipanga shesu pakuti tu balwishe? 50Kabili, pantanshi iyo Yesu afwaile ukwasuka, umo pa basambi bakwe afulumwike no lupanga no kuputula ukutwi kwa kukulyo kwa mubonfi umo wa bakulu bashimapepo. 51Nomba Yesu alandile: “Lekeni!” Tapali kintu nangu kimo pali filya fyonse. Elo akumishe ukutwi kwa mubonfi noku mundapa. 52Napali balya baishile ikata Yesu, pali bakatula ba bulambo, abakulu baba kasunga be tempele na bakulu baba Yuda. Yesu abebele: Ninshi mwaishila kuno ne mipanga ne fimuti pakuti mungikate muletontonkanya ukuti ndi ngifi? 53Nali nemwe kilabushiku mwi tempele, tamwa ngikete. Nomba ninshita yenu na maka aya mufinfi ayale bomba.
Petelo akana Yesu
(Mt. 26:57-58 Mk. 14:53-54 Yn. 18:15-16)
54Elo ba kasunga be tempele ba mwikete Yesu noku mutwala mu nganda yakwa shimapepo mukulu. Petelo alebakonka, nomba ali ukutali nabena. 55Panuma ya kufika kwabo, aba bantu ba koseshe umulilo pakati kalubansa. Elo baikele pamo mupepi no mulilo. Petelo nakwe aisa, no kwikala pakati kabo. 56Elo, ilyo Petelo ali naikala palya, umubonfi umo umwanakashi amumwene ku lubuto lwa mulilo. Ali mulolekesha elo aeba abantu kumbali: “Uyu muntu nakwe akiba na Yesu!” 57Nomba Petelo asosele ati tali fyakine. Asosele: “Mwanakashi, shimwishibe uyu muntu.” 58Inshita inono yapitile, umbi amumwene Petelo no kumweba: “Na webo, uli wabalya abali noyu muntu uyu bakikata!” Nomba Petelo asosele: “Iyo, we mwaume; nshili nabo!” 59Inshita imo yapitile, na umbi apatikisha mukusosa: “Uyu muntu mukine akiba na Yesu, pantu nakwe mwina Galileya.” 60Na Petelo amweba: “We mwaume, shishibe nangu kimo ifyo mulefwaya uku sosa!” Apopene, ilyo Petelo alandile na kabili filya, mukolwe alila. 61Elo Imfumu ya pilibwike no kulolesha palya pene Petelo. Na Petelo aibwishe amashiwi ayo Imfumu ya mwebele ukuti: “buno bushiku, pantanshi yakuti mukolwe alile, ukalanda imiku itatu ku bantu ati shimwishibe.” 62Ilyo Petelo aibwishe, afumine panse ya lubansa no kulila no bulanda ubukulu.
Bakasunga abalesunga Yesu bamuseka Yesu
(Mt. 26:59-65 Mk. 14:65)
63Elo ba kasunga balesunga Yesu bala museka Yesu noku mupuma. 64Ba kakile insalu pa menso yakwa Yesu no kumukakatisha imiku ne miku: “Tulange ukuti uli kasesema! Twebe ni nani wafuma mu kukuma!” 65No kula mutuka kabili shimbi insele pakuti ba musebanye.
Yesu kuntanshi yakwa Pilato na Herodi
(Mt. 26:59-65 Mk. 14:55-64 Yn. 18:19-24)
66Ku kutula kwa kasuba, bonse abakulu ba bantu baba Yuda ba kolongene. Palya pali na abakulu ba bashimapepo na bakafundisha ba mafunde. Elyo Yesu ba muletele kutanshi yabo. 67Elo baebele Yesu: “Nga uli Mesiya, twebe.” Yesu abaswike: “Nga namyeba ukuti ndi Mesiya, ta mwasumine. 68Nangu nga na mipusha, pali uyu mulandu ta mwangasuke. 69Nomba inshita inono, nebo, umwana wa muntu, nkekala pa nkende ya amaka kukulyo kwakwa Lesa umwene wa maka yonse.” 70Elo Bonse balanda: “kanshi uli Umwana wakwa Lesa?” Yesu abaswike: “Na mu sosa, ndi” 71Nomba balaipushisha ukuti: “Ta tulekabila ikishinikisho kabili pakuti tu mupingule. Pantu twa mumfwa fwebene kukanwa kakwe.”
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
Seba Bible by Beyond Translation is licensed under Creative Commons Attribution-ShareAlike 4.0 License.