Lu-ka 22
22
Baak rngiêl, baak chhưt u baak rêh kươi Brah Jê-sus ri
(22:1 – 24:53)
Pơrgênh jmlôm bơl yau thwaai ri
(Ma-thi-ơ 26:1-5; Mak 14:1,2; Jang 11:45-53)
1Ryơơng Nom 'Bưn Kenh, nei laa ryơơng Chloong Rlach ja dơơh tơt. 2Bơl yau thwaai ndap ttơơm u bơl yau gưt jhai wơng root jah lưm Brah Jê-sus, đươm bu n'hông phung raih.
Ju-đa ndun Brah
(Ma-thi-ơ 26:14-16; Mak 14:10,11)
3Plah nei, Sa-tan rup teq u Ju-đa, chôôl laa Ich-ka-ri-ôt, lah mbu knông nak jmơt baar du jơt jơng. 4Bu han u pơrgênh n'hai bơl yau thwaai ndap ttơơm u bơl kaanh kaar kan krai teq u troong baah bu awap nhôp ndơơp Pang aan bu. 5Bu broh đat u pơn a kươi aan bu prak kaih. 6Bu ja chuh rnđêch u wơng jơl jah ndơơp Brah Jê-sus knông plah phung raih 'bưn geh a nei.
Riêp ryơơng Sa Griêng Jrah
(Ma-thi-ơ 26:17-25; Mak 14:12-21; Jang 13:21-30)
7Tơt nar ryơơng Nom 'Bưn Kenh, laa nar bu nday phrui lưm koon bưr ryơơng Chloong Rlach, 8Brah Jê-sus maanh Phi-e-rơ u Jang han, baah lah laah: “Phrui han riêp srap ryơơng Chloong Rlach jah bơl bơn sa pôl.” 9Baar du ơh: “Ay êch bơl hei riêp srap ryơơng nei a êch?” 10Pang ơh: “Tơt mưt u poh, geh di mbu aanh koq daak a kươi a mơp bơl 'bei; phrui tênh bnih nei mưt u nhi 11u mor n'hai nnơơm nhi: ‘Yau ôp ay laah: Lwing blap baah Hei u bơl jơrnơ a kươi sa ryơơng Chloong Rlach a êch?’ 12Nnơơm nhi a kươi chong aan bơl 'bei di lwing ttih lơ ndring, griêng grau riêp ơơm. Phrui riêp bơl bơn a nei.” 13Baar du jơrnơ han u a mơp pal ntil dip bei Pang ja lah, ja nei bu riêp srap ryơơng Chloong Rlach.
14Tơt bêl, Pang gôq teq u bliêng n'hai bơl jơt jơng gôq pôl n'hai Pang. 15Pang lah n'hai bu: “Hei êch đat sa ryơơng Chloong Rlach au n'hai bơl 'bei di mat Hei dol ji rngiêl. 16Đươm Hei maanh bơl 'bei, Hei a kươi 'bưn sa ryơơng au hôm aan tơt jơl ryơơng nei kươt lơh sơp knông nggoor Brah Ưn.” 17Pang kan tgaan, or ja nei lah: “Phrui pơih u tacheq ta n'hai. 18Đươm Hei mor pôl bơl 'bei, a bei au Hei a kươi 'bưn ôn daak nho au hôm aan tơt jơl nggoor Brah Ưn lôh.” 19Ja nei Pang pơih nom, or gun, 'bơh, tacheq aan bơl jơrnơ u lah: “Au laa chhak jan Hei đươm bơl 'bei baah teq lơi. Phrui lơh ntil au jah gênh tơt Hei.” 20Tơt luôih sa, Pang kot lơh bei nei, pơih tgaan ndơơp aan bơl jơrnơ u lah: “Tgaan au laa baak pơrnơn mhei knông mhaam Hei đươm bơl 'bei baah a chai.#22:19-20 đươm bơl 'bei baah teq lơi... đươm bơl 'bei baah a chai: Knông m'baak plơơp 'bian ti laa 'bưn geh pal sêr au. 21Au, paang ti bah ndun kơrlap Hei plah dơih lơ bliêng n'hai Hei. 22Koon Bnih han tênh ntil ja waat, dôh ji rngiêl aan bah ndun Koon Bnih!” 23Bơl jơrnơ ptơơm ôp mơq 'bơơn knông nak bu laa bnih a kươi lơh ntil nei.
Baak ta tau bnih jơrnơ ri
(Ma-thi-ơ 18:1; Mak 9:34; Lu-ka 9:46)
24Bơl jơrnơ leet ta tau tơrnang nơơm mơq 'bơơn knông bu a kươi laa bnih ttih huôih leq.#Mat 18:1; Mak 9:34; Lu 9:46. 25Dôh Pang lah n'hai bu: “Bơl snđach raih agaih pơih ch'bap nơơm baah kan bôôk, bơl nak kan ch'bap kươt khuôl laa bnih ươn 'bun jun smlaang.#Mat 20:25-27; Mak 10:42-44. 26Nha teq u bơl 'bei nei khơơm bei nei, dôh 'bơơn ttih đat knông bơl 'bei phrui but bei bah dêq đat, u 'bơơn laa bnih liêu troong phrui bei bnih jraih kaar.#Mat 23:11; Mak 9:35. 27Đươm lwah bnih gôq sa n'hai bnih lơh kaar, 'bơơn laa bnih ttih huôih? Geh laa bnih gôq sa 'bưn? Dôh Hei gôq a lwah bơl 'bei bei bnih jraih kaar ei.#Ja 13:12-15. 28Bơl 'bei ja ta dơơh n'hai Hei knông pal tuul loong Hei ri, 29mơ Hei ươn nggoor aan bơl 'bei kot bei Bươp Hei ja ươn aan Hei ei, 30jah bơl 'bei kươt sôông sa pôl bliêng n'hai Hei knông nggoor Hei u kươt gôq lơ ngguôl jah pơrkat jmơt baar puich I-sra-ên.”#Mat 19:28.
Baak pơrjat aan Phi-e-rơ
(Ma-thi-ơ 26:31-35; Mak 14:27-31; Jang 13:36-38)
31“Ơi Si-môn, Si-môn, au, Sa-tan drơnan khiêng bơl 'bei bei ba. 32Dôh Hei ja r'bon dan aan 'bei jah 'bei 'bưn khwaq chưt jơrnơ. Bei nei, tơt 'bei plơq kươi, phrui lơh aan oh bi 'bei moh dang.” 33Phi-e-rơ ơh: “Ơi Brah, hei riêp ơơm pôl khaam pôl chhưt n'hai Brah.” 34Brah Jê-sus ơh: “Ơi Phi-e-rơ, Hei lah aan 'bei gưt, nar au tơt iêr ndah ndrau, 'bei a kươi dmôw pei wưt 'bưn gưt Hei.” 35Pang kươi lah: “Tơt Hei maanh bơl 'bei han, 'bưn liêu thong prak, thong loom, sroom ơơn leq, bơl 'bei geh khwaq pi ơơn 'bưn?” Bơl jơrnơ ơh: “'Bưn khwaq pi ơơn.”#Mat 10:9-10; Mak 6:8-9; Lu 9:3; 10:4. 36Pang lah: “Dôh bei au, 'bơơn geh thong prak, phrui liêu pôl; 'bơơn geh thong loom, kot bei nei; 'bơơn 'bưn geh đao, phrui tach ao agaih baah pook. 37Đươm Hei maanh bơl 'bei, baak Sm'bưt Brah au phrui kươt dip plak knông Hei: ‘Pang ja dol kơơp bei bơl bah lơh tih.’ Ngan bei nei, baak 'bian teq u Hei plah kươt dip plak.” 38Bu ơh laah: “Brah ơi, geh baar đao au.” Pang lah: “Nei laa sơp.”
Mir Gêt-sê-ma-nê
(Ma-thi-ơ 26:36-46; Mak 14:32-42)
39Ja nei, Brah Jê-sus han sot u hao bnơm Ô-liu tênh bei rnđơơih. Bơl jơrnơ han pôl tênh Pang. 40Jơl ja tơt ktôk, Pang lah n'hai bơl jơrnơ: “Phrui r'bon dan jah bơl 'bei rôih rlach teq u baak lêch lung.” 41Pang han rlach bơl jơrnơ tơmlai mbôông jang di rklôw tmau u kơltut u teh baah r'bon dan 42laah: “Smbah Bươp, mơq Bươp êch, dan prap tgaan au rlach Koon! Paich bei nei, dan rnđêch Bươp kươt but, đươm 'bưn tênh rnđêch Koon!” 43[Geh di lênh brah a trôôk lôh tơt u top kmlang aan Pang. 44Knông ji kôr đat, Pang r'bon dan ơk huôih nha, brhaal but bei mhaam a tup u teh.]#22:43-44 [Geh di lênh brah... a tup u teh.]: Knông m'baak plơơp 'bian ti laa 'bưn geh sêr au. 45R'bon dan luôih, Pang ta yoong plơq kươi n'hai bơl jơrnơ u sau bu plah bêch đươm chhong rmlơng. 46Pang lah: “A hay bơl 'bei bêch? Phrui kah r'bon dan jah bơl 'bei rôih rlach teq u baak lêch lung.”
Brah Jê-sus dol nhôp
(Ma-thi-ơ 26:47-56; Mak 14:43-50; Jang 18:3-11)
47Tơt Pang plah nha mor, tôw, di phung ơk têêk lôh đươm Ju-đa, mbu knông jmơt baar jơt jơng, liêu troong. Bu han dơơh Brah Jê-sus jah phêp Pang. 48Dôh Brah Jê-sus maanh: “Ơi Ju-đa, koon pơih phêp jah ndun Koon Bnih neh?” 49Bơl bnih gôq n'hai Pang sau kaar êch dơơh lôh tơt mor drơh: “Ơi Brah, bơl hei pơih đao baah pơm 'bưn?” 50Mbu bnih knông nak bu pơm dêch yau thwaai ttơơm ri u sreh tech tôr mak ma. 51Dôh Brah Jê-sus lah: “Hơơi! Srung ơơi!” Ja nei Pang buut teq u tôr dêch nei baah tơmbah aan bu. 52Brah Jê-sus lah n'hai bơl yau thwaai ndap ttơơm, bơl kaanh kaar kray nhi r'bưn n'hai bơl raanh ttơơm lôh nhôp Pang, laah: “A hay bơl 'bei liêu pêh u tong jra lôh nhôp Hei bei nhôp bah ttung bei nei? 53Rêêng nar Hei gôq knông nhi r'bưn n'hai bơl 'bei pa bơl 'bei 'bưn nhôp Hei. Dôh au laa bêl bơl 'bei ri u kmheng mang jơ ngôw ei.”#Lu 19:47; 21:37.
Phi-e-rơ dmôw Brah
(Ma-thi-ơ 26:57,58,69-75; Mak 14:53,54,66-72; Jang 18:12-18,25-27)
54Bu nhôp Brah Jê-sus liêu han u jưn Pang tơt nhi yau thwaai ttơơm. Phi-e-rơ han tênh Pang ngngai rngai. 55Bu khôm ôinh nggơl tal lơwaang ja nei gôq pôl ta n'hai, Phi-e-rơ kot gôq klung bu. 56Mbu dêch ur sau Phi-e-rơ gôq dơơh puung ôinh nei mơq chmlam bu u mor: “Bu au kot gôq n'hai bnih nei.” 57Dôh Phi-e-rơ dmôw drơh u mor: “Ơi ruh nei, hei 'bưn gưt bu nei laang!” 58Di rbôông kươi, geh bnih nday sau Phi-e-rơ u mor: “Ay kot pơơn teq u phung tôw!” Phi-e-rơ ơh: “Au bi, 'bưn geh laang!” 59Tơmlai di bêl kươi, geh bah nday ranh ngan laah: “Ngan kaar bu au kot gôq n'hai Jê-sus, đươm bu kot laa bnih Ga-li-lê.” 60Dôh Phi-e-rơ mor: “Au bi, hei 'bưn gưt bi mor ơơn!” Kơndaal plah Phi-e-rơ nha mor nei iêr ndrau. 61Brah wih kươi mơq bu. Phi-e-rơ gênh kươi baak Brah ja lah: “Nar au, iêr ndah ndrau, 'bei a kươi dmôw Hei pei wưt.” 62Phi-e-rơ han sot agaih u nhim ngliêng ji kôr.
Brah Jê-sus dol bơl lênh đam điêl u pơm sơmboong
63Bơl bah mơq kray Brah Jê-sus jam jot u pơm Pang. 64Bu kơldêp mat Pang teq, ja nei ôp: “Phrui mor grnưt noor ơơi! 'Bơơn pơm 'bei nei?” 65Bu nha mor ơk baak nday jam joot Pang.
Brah Jê-sus di mat Phung kliêu Jưm mlưm
(Ma-thi-ơ 26:59-66; Mak 14:55-64; Jang 18:19-24)
66Tơt aang nar ôi muôi, bơl raanh ttơơm knông raih, bơl yau thwaai ndap ttơơm u bơl yau gưt jhai pơrgum kươi, ja nei bu jưn Brah Jê-sus tơt Phung kliêu Jưm mlưm. 67Bu ôp: “Mơq 'bei laa Yaang Krist, phrui mor aan bơl bơn gưt.” Pang ơh: “Mơq Hei lah, bơl 'bei a kươi 'bưn jơ; 68mơq Hei ôp, nei bơl 'bei a kươi 'bưn ơh. 69Dôh a bei au u kươi, Koon Bnih a kươi gôq mak ma Brah Ưn dang kmheng.” 70Leq sêch kot ôp: “Bei nei 'bei laa Koon Brah Ưn neh?” Pang ơh: “Nơơm bơl 'bei ja mor bei nei.” 71Bu Mor: “Bơl bơn a 'bêch top ndraanh ơơn nha? Nơơm bơl bơn ja iat a wiêm bu mor sot hơơi!”
Valið núna:
Lu-ka 22: SBL2024
Áherslumerki
Deildu
Afrita
Want to have your highlights saved across all your devices? Sign up or sign in
© 2024 Bible Society Vietnam. All rights reserved.
Lu-ka 22
22
Baak rngiêl, baak chhưt u baak rêh kươi Brah Jê-sus ri
(22:1 – 24:53)
Pơrgênh jmlôm bơl yau thwaai ri
(Ma-thi-ơ 26:1-5; Mak 14:1,2; Jang 11:45-53)
1Ryơơng Nom 'Bưn Kenh, nei laa ryơơng Chloong Rlach ja dơơh tơt. 2Bơl yau thwaai ndap ttơơm u bơl yau gưt jhai wơng root jah lưm Brah Jê-sus, đươm bu n'hông phung raih.
Ju-đa ndun Brah
(Ma-thi-ơ 26:14-16; Mak 14:10,11)
3Plah nei, Sa-tan rup teq u Ju-đa, chôôl laa Ich-ka-ri-ôt, lah mbu knông nak jmơt baar du jơt jơng. 4Bu han u pơrgênh n'hai bơl yau thwaai ndap ttơơm u bơl kaanh kaar kan krai teq u troong baah bu awap nhôp ndơơp Pang aan bu. 5Bu broh đat u pơn a kươi aan bu prak kaih. 6Bu ja chuh rnđêch u wơng jơl jah ndơơp Brah Jê-sus knông plah phung raih 'bưn geh a nei.
Riêp ryơơng Sa Griêng Jrah
(Ma-thi-ơ 26:17-25; Mak 14:12-21; Jang 13:21-30)
7Tơt nar ryơơng Nom 'Bưn Kenh, laa nar bu nday phrui lưm koon bưr ryơơng Chloong Rlach, 8Brah Jê-sus maanh Phi-e-rơ u Jang han, baah lah laah: “Phrui han riêp srap ryơơng Chloong Rlach jah bơl bơn sa pôl.” 9Baar du ơh: “Ay êch bơl hei riêp srap ryơơng nei a êch?” 10Pang ơh: “Tơt mưt u poh, geh di mbu aanh koq daak a kươi a mơp bơl 'bei; phrui tênh bnih nei mưt u nhi 11u mor n'hai nnơơm nhi: ‘Yau ôp ay laah: Lwing blap baah Hei u bơl jơrnơ a kươi sa ryơơng Chloong Rlach a êch?’ 12Nnơơm nhi a kươi chong aan bơl 'bei di lwing ttih lơ ndring, griêng grau riêp ơơm. Phrui riêp bơl bơn a nei.” 13Baar du jơrnơ han u a mơp pal ntil dip bei Pang ja lah, ja nei bu riêp srap ryơơng Chloong Rlach.
14Tơt bêl, Pang gôq teq u bliêng n'hai bơl jơt jơng gôq pôl n'hai Pang. 15Pang lah n'hai bu: “Hei êch đat sa ryơơng Chloong Rlach au n'hai bơl 'bei di mat Hei dol ji rngiêl. 16Đươm Hei maanh bơl 'bei, Hei a kươi 'bưn sa ryơơng au hôm aan tơt jơl ryơơng nei kươt lơh sơp knông nggoor Brah Ưn.” 17Pang kan tgaan, or ja nei lah: “Phrui pơih u tacheq ta n'hai. 18Đươm Hei mor pôl bơl 'bei, a bei au Hei a kươi 'bưn ôn daak nho au hôm aan tơt jơl nggoor Brah Ưn lôh.” 19Ja nei Pang pơih nom, or gun, 'bơh, tacheq aan bơl jơrnơ u lah: “Au laa chhak jan Hei đươm bơl 'bei baah teq lơi. Phrui lơh ntil au jah gênh tơt Hei.” 20Tơt luôih sa, Pang kot lơh bei nei, pơih tgaan ndơơp aan bơl jơrnơ u lah: “Tgaan au laa baak pơrnơn mhei knông mhaam Hei đươm bơl 'bei baah a chai.#22:19-20 đươm bơl 'bei baah teq lơi... đươm bơl 'bei baah a chai: Knông m'baak plơơp 'bian ti laa 'bưn geh pal sêr au. 21Au, paang ti bah ndun kơrlap Hei plah dơih lơ bliêng n'hai Hei. 22Koon Bnih han tênh ntil ja waat, dôh ji rngiêl aan bah ndun Koon Bnih!” 23Bơl jơrnơ ptơơm ôp mơq 'bơơn knông nak bu laa bnih a kươi lơh ntil nei.
Baak ta tau bnih jơrnơ ri
(Ma-thi-ơ 18:1; Mak 9:34; Lu-ka 9:46)
24Bơl jơrnơ leet ta tau tơrnang nơơm mơq 'bơơn knông bu a kươi laa bnih ttih huôih leq.#Mat 18:1; Mak 9:34; Lu 9:46. 25Dôh Pang lah n'hai bu: “Bơl snđach raih agaih pơih ch'bap nơơm baah kan bôôk, bơl nak kan ch'bap kươt khuôl laa bnih ươn 'bun jun smlaang.#Mat 20:25-27; Mak 10:42-44. 26Nha teq u bơl 'bei nei khơơm bei nei, dôh 'bơơn ttih đat knông bơl 'bei phrui but bei bah dêq đat, u 'bơơn laa bnih liêu troong phrui bei bnih jraih kaar.#Mat 23:11; Mak 9:35. 27Đươm lwah bnih gôq sa n'hai bnih lơh kaar, 'bơơn laa bnih ttih huôih? Geh laa bnih gôq sa 'bưn? Dôh Hei gôq a lwah bơl 'bei bei bnih jraih kaar ei.#Ja 13:12-15. 28Bơl 'bei ja ta dơơh n'hai Hei knông pal tuul loong Hei ri, 29mơ Hei ươn nggoor aan bơl 'bei kot bei Bươp Hei ja ươn aan Hei ei, 30jah bơl 'bei kươt sôông sa pôl bliêng n'hai Hei knông nggoor Hei u kươt gôq lơ ngguôl jah pơrkat jmơt baar puich I-sra-ên.”#Mat 19:28.
Baak pơrjat aan Phi-e-rơ
(Ma-thi-ơ 26:31-35; Mak 14:27-31; Jang 13:36-38)
31“Ơi Si-môn, Si-môn, au, Sa-tan drơnan khiêng bơl 'bei bei ba. 32Dôh Hei ja r'bon dan aan 'bei jah 'bei 'bưn khwaq chưt jơrnơ. Bei nei, tơt 'bei plơq kươi, phrui lơh aan oh bi 'bei moh dang.” 33Phi-e-rơ ơh: “Ơi Brah, hei riêp ơơm pôl khaam pôl chhưt n'hai Brah.” 34Brah Jê-sus ơh: “Ơi Phi-e-rơ, Hei lah aan 'bei gưt, nar au tơt iêr ndah ndrau, 'bei a kươi dmôw pei wưt 'bưn gưt Hei.” 35Pang kươi lah: “Tơt Hei maanh bơl 'bei han, 'bưn liêu thong prak, thong loom, sroom ơơn leq, bơl 'bei geh khwaq pi ơơn 'bưn?” Bơl jơrnơ ơh: “'Bưn khwaq pi ơơn.”#Mat 10:9-10; Mak 6:8-9; Lu 9:3; 10:4. 36Pang lah: “Dôh bei au, 'bơơn geh thong prak, phrui liêu pôl; 'bơơn geh thong loom, kot bei nei; 'bơơn 'bưn geh đao, phrui tach ao agaih baah pook. 37Đươm Hei maanh bơl 'bei, baak Sm'bưt Brah au phrui kươt dip plak knông Hei: ‘Pang ja dol kơơp bei bơl bah lơh tih.’ Ngan bei nei, baak 'bian teq u Hei plah kươt dip plak.” 38Bu ơh laah: “Brah ơi, geh baar đao au.” Pang lah: “Nei laa sơp.”
Mir Gêt-sê-ma-nê
(Ma-thi-ơ 26:36-46; Mak 14:32-42)
39Ja nei, Brah Jê-sus han sot u hao bnơm Ô-liu tênh bei rnđơơih. Bơl jơrnơ han pôl tênh Pang. 40Jơl ja tơt ktôk, Pang lah n'hai bơl jơrnơ: “Phrui r'bon dan jah bơl 'bei rôih rlach teq u baak lêch lung.” 41Pang han rlach bơl jơrnơ tơmlai mbôông jang di rklôw tmau u kơltut u teh baah r'bon dan 42laah: “Smbah Bươp, mơq Bươp êch, dan prap tgaan au rlach Koon! Paich bei nei, dan rnđêch Bươp kươt but, đươm 'bưn tênh rnđêch Koon!” 43[Geh di lênh brah a trôôk lôh tơt u top kmlang aan Pang. 44Knông ji kôr đat, Pang r'bon dan ơk huôih nha, brhaal but bei mhaam a tup u teh.]#22:43-44 [Geh di lênh brah... a tup u teh.]: Knông m'baak plơơp 'bian ti laa 'bưn geh sêr au. 45R'bon dan luôih, Pang ta yoong plơq kươi n'hai bơl jơrnơ u sau bu plah bêch đươm chhong rmlơng. 46Pang lah: “A hay bơl 'bei bêch? Phrui kah r'bon dan jah bơl 'bei rôih rlach teq u baak lêch lung.”
Brah Jê-sus dol nhôp
(Ma-thi-ơ 26:47-56; Mak 14:43-50; Jang 18:3-11)
47Tơt Pang plah nha mor, tôw, di phung ơk têêk lôh đươm Ju-đa, mbu knông jmơt baar jơt jơng, liêu troong. Bu han dơơh Brah Jê-sus jah phêp Pang. 48Dôh Brah Jê-sus maanh: “Ơi Ju-đa, koon pơih phêp jah ndun Koon Bnih neh?” 49Bơl bnih gôq n'hai Pang sau kaar êch dơơh lôh tơt mor drơh: “Ơi Brah, bơl hei pơih đao baah pơm 'bưn?” 50Mbu bnih knông nak bu pơm dêch yau thwaai ttơơm ri u sreh tech tôr mak ma. 51Dôh Brah Jê-sus lah: “Hơơi! Srung ơơi!” Ja nei Pang buut teq u tôr dêch nei baah tơmbah aan bu. 52Brah Jê-sus lah n'hai bơl yau thwaai ndap ttơơm, bơl kaanh kaar kray nhi r'bưn n'hai bơl raanh ttơơm lôh nhôp Pang, laah: “A hay bơl 'bei liêu pêh u tong jra lôh nhôp Hei bei nhôp bah ttung bei nei? 53Rêêng nar Hei gôq knông nhi r'bưn n'hai bơl 'bei pa bơl 'bei 'bưn nhôp Hei. Dôh au laa bêl bơl 'bei ri u kmheng mang jơ ngôw ei.”#Lu 19:47; 21:37.
Phi-e-rơ dmôw Brah
(Ma-thi-ơ 26:57,58,69-75; Mak 14:53,54,66-72; Jang 18:12-18,25-27)
54Bu nhôp Brah Jê-sus liêu han u jưn Pang tơt nhi yau thwaai ttơơm. Phi-e-rơ han tênh Pang ngngai rngai. 55Bu khôm ôinh nggơl tal lơwaang ja nei gôq pôl ta n'hai, Phi-e-rơ kot gôq klung bu. 56Mbu dêch ur sau Phi-e-rơ gôq dơơh puung ôinh nei mơq chmlam bu u mor: “Bu au kot gôq n'hai bnih nei.” 57Dôh Phi-e-rơ dmôw drơh u mor: “Ơi ruh nei, hei 'bưn gưt bu nei laang!” 58Di rbôông kươi, geh bnih nday sau Phi-e-rơ u mor: “Ay kot pơơn teq u phung tôw!” Phi-e-rơ ơh: “Au bi, 'bưn geh laang!” 59Tơmlai di bêl kươi, geh bah nday ranh ngan laah: “Ngan kaar bu au kot gôq n'hai Jê-sus, đươm bu kot laa bnih Ga-li-lê.” 60Dôh Phi-e-rơ mor: “Au bi, hei 'bưn gưt bi mor ơơn!” Kơndaal plah Phi-e-rơ nha mor nei iêr ndrau. 61Brah wih kươi mơq bu. Phi-e-rơ gênh kươi baak Brah ja lah: “Nar au, iêr ndah ndrau, 'bei a kươi dmôw Hei pei wưt.” 62Phi-e-rơ han sot agaih u nhim ngliêng ji kôr.
Brah Jê-sus dol bơl lênh đam điêl u pơm sơmboong
63Bơl bah mơq kray Brah Jê-sus jam jot u pơm Pang. 64Bu kơldêp mat Pang teq, ja nei ôp: “Phrui mor grnưt noor ơơi! 'Bơơn pơm 'bei nei?” 65Bu nha mor ơk baak nday jam joot Pang.
Brah Jê-sus di mat Phung kliêu Jưm mlưm
(Ma-thi-ơ 26:59-66; Mak 14:55-64; Jang 18:19-24)
66Tơt aang nar ôi muôi, bơl raanh ttơơm knông raih, bơl yau thwaai ndap ttơơm u bơl yau gưt jhai pơrgum kươi, ja nei bu jưn Brah Jê-sus tơt Phung kliêu Jưm mlưm. 67Bu ôp: “Mơq 'bei laa Yaang Krist, phrui mor aan bơl bơn gưt.” Pang ơh: “Mơq Hei lah, bơl 'bei a kươi 'bưn jơ; 68mơq Hei ôp, nei bơl 'bei a kươi 'bưn ơh. 69Dôh a bei au u kươi, Koon Bnih a kươi gôq mak ma Brah Ưn dang kmheng.” 70Leq sêch kot ôp: “Bei nei 'bei laa Koon Brah Ưn neh?” Pang ơh: “Nơơm bơl 'bei ja mor bei nei.” 71Bu Mor: “Bơl bơn a 'bêch top ndraanh ơơn nha? Nơơm bơl bơn ja iat a wiêm bu mor sot hơơi!”
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
© 2024 Bible Society Vietnam. All rights reserved.