Jang 8
8
1Nha Brah Jê-sus hao bnơm Ô-liu.
Mei dơur ta tưr
2Tơt meeng aang, Pang plơq kơơi nhi r'bưn. Leq phung raih kot lôh n'hai Pang; Pang gôq u teh chhuôr kne aan bu.
3Bơl yau gưt jhai ch'bap u bnih Pha-ri-si liêu mbu dơur dol a mơp plah ta tưr, teq bnih au ta yoong nggơl klung 4u mor n'hai Pang: “Ơi Yau, mei dơur au dol nhôp a mơp plah ta tưr. 5Knông ch'bap, Môi-se tơmbơh aan bơl bơn phrui jang tmau bơl bnih bei nei. Nha Yau nei mor bei êch?” 6Bu lah bei nei jah tuul Pang, chuôp geh baak pnđing Pang. Brah Jê-sus kun u teh, nhôq koon dong 'bian tal steh. 7Đươm bu khang ôp yoot mơ Pang nggơơr mat u mor: “'Bơơn knông bơl 'bei laa bnih 'bưn geh dôih, phrui pơih tmau jang teq u ruh nei noor ơơi.” 8Ja nei Pang leet kun u teh 'bian lơ steh. 9Tơt bu ttang ntil au nei bu tawai du, bơl bnih prêh snam han noor. Brah Jê-sus gôq a kơơi mbu êêng n'hai mei dơur nha plah ta yoong kluung nei. 10Brah Jê-sus nggơơr mat mor n'hai mei dơur: “Ruh nei ơi, bu a êch leq hôm? 'Bưn 'bơơn pơrkat ruh laang?” 11Mei dơur ơh: “Ơi Brah, 'bưn 'bơơn hôm.” Brah Jê-sus lah: “Hei kot 'bưn pơrkat ruh ơơm; phrui han, khơơm lơh dôih hôm.”]#7:5320138:11 Knông m'baak plơơp 'bian ti 'bưn geh pal sêr au (a 7:53 tơt 8:11).
Brah Jê-sus lah rơn aang swich teh ri
12Brah Jê-sus mor nha n'hai phung raih laah: “Hei laa rơn aang swich teh ri, bnih êch tênh Hei a kươi 'bưn han knông jơ ngôw, dôh geh rơn aang baak rêh ri.”#Mat 5:14; Ja 9:5. 13Bơl bnih Pha-ri-si mor: “Yau lơh ndraanh êêng aan nơơm nei baak ndraanh Yau ri 'bưn dip jah jơ.”#Ja 5:31. 14Brah Jê-sus ơh: “Paich Hei lơh ndraanh êêng aan nơơm hei đôôi nei baak lơh ndraanh Hei ri nha dip jah jơ, đươm Hei gưt nơơm hei lôh a êch u plah han u đêch. Dôh bơl 'bei 'bưn gưt Hei lôh a êch u plah han đêch. 15Bơl 'bei pơrkat tênh pêêk pai, pa Hei 'bưn pơrkat 'bơơn ơơm. 16Đươm bei nei, mơq Hei pơrkat nei baak pơrkat Hei ri laa dip ngan đươm Hei 'bưn phrui dơơn geh di mbu, dôh Hei n'hai Bươp laa Yaang ja maanh Hei. 17Knông ch'bap bơl 'bei ri geh 'bian laah baak ndraanh baar du mơ laa dip ngan. 18Hei lơh ndraanh êêng aan nơơm, u Bươp laa Yaang ja maanh Hei kot lơh ndraanh aan Hei.” 19Đươm bei nei, bu ôp Pang: “Bươp Yau ri a êch?” Brah Jê-sus ơh: “Bơl 'bei 'bưn gưt Hei, kot 'bưn gưt Bươp Hei. Mơq bơl 'bei gưt Hei nei kot gưt Bươp Hei đêêl.”
20Brah Jê-sus lah pal baak au tu ktôk dơih pal thông piyơ prak, plah chhuôr kne knông nhi r'bưn. Dôh 'bưn 'bơơn nhôp Pang đươm bêl Pang ndah tơt.
21Pang mor nha n'hai bu: “Hei han, bơl 'bei a kươi wơng Hei, u bơl 'bei a kươi chhưt knông dôih 'baap nơơm. Ktôk Hei han, bơl 'bei 'bưn geh han kươt.” 22Bơl bnih Jo-thai mor: “Ach bu nei a kươi lưm êêng chhak nơơm pan, tơt mor laah: ‘Ktôk Hei han, bơl 'bei 'bưn han kươt’?” 23Brah Jê-sus ơh: “Bơl 'bei sot a teh, pa Hei lôh a trôôk. Bơl 'bei sot a swich teh au, pa Hei 'bưn sot a swich teh au. 24Đươm nei, Hei ja maanh bơl 'bei laah bơl 'bei a kươi chhưt knông dôih 'baap nơơm; đươm mơq bơl 'bei 'bưn jơ Hei laa Yaang Geh Yoot nei bơl 'bei a kươi chhưt knông dôih 'baap nơơm.” 25Bu ôp Pang laah: “Bei nei Yau laa 'bơơn?” Brah Jê-sus ơh: “Bei Hei ja mor n'hai bơl 'bei a ptơơm.#8:25 Bei Hei ja mor n'hai bơl 'bei a ptơơm: Knông m'baak plơơp 'bian ti, ndroong au 'bưn sơp n'hai srlah rơih. Awap gưt bei ndroong ôp “A hay Hei Phrui mor n'hai bơl 'bei a tơơm?” Paich laa ndroong “Hei phrui mor n'hai bơl 'bei a tơơm!” 26Hei geh ơk ntil jah mor u pơrkat teq u bơl 'bei; dôh Yaang ja maanh Hei lôh laa a ngan, u Hei tơmbơh aan swich teh ntil ơơn Hei ja iat a ktôk Pang.” 27Bu 'bưn gưt laah Pang plah mor teq u Bươp aan bu. 28Đươm bei nei, Brah Jê-sus mor laah: “Tơt bơl 'bei yôông Koon Bnih, plah nei bơl 'bei a kươi gưt Hei laa Yaang Geh yoot, u gưt Hei 'bưn lơh êêng ntil ơơn, dôh dơơn tơmbơh pal ntil Bươp kne Hei. 29Yaang ja maanh Hei nha gôq n'hai Hei, 'bưn teq Hei mbu êêng, đươm Hei lơh nggan nggan ntil au klanh chưt Pang.” 30Tơt Pang mor pal ntil au nei ơk bnih jơ Pang.
31Bei nei, Brah Jê-sus mor n'hai bơl bnih Jo-thai ja jơ Pang laah: “Mơq bơl 'bei khang gôq knông baak Hei ri, nei bơl 'bei laa jơrnơ Hei a ngan. 32Bơl 'bei a kươi gưt song klanh, u song klanh a kươi dơrlôh bơl 'bei.” 33Bơl bnih Jo-thai mor: “Bơl hei laa mbaang Ap-ra-ham, ndah ơơm lơh dêch 'bơơn, a hay Yau leet mor: ‘Bơl 'bei a kươi kươt snôk sroong’?”#Mat 3:9; Lu 3:8. 34Brah Jê-sus ơh: “Ngan, Hei maanh bơl 'bei ngan, 'bơơn lơh dôih laa dêch aan dôih 'baap. 35Dêch nei 'bưn gôq knông nhi yoot, dôh koon sau nei gôq a nei yoot yôw. 36Bei nei, mơq Koon đoh chloong bơl 'bei nei bơl 'bei kươt baak snôk sroong ngan. 37Hei gưt bơl 'bei laa mbaang Ap-ra-ham, dôh bơl 'bei leet root baak lưm Hei, đươm baak Hei 'bưn geh ktôk knông bơl 'bei. 38Hei mor pal ntil Hei sau a ktôk Bươp Hei, nha bơl 'bei lơh pal ntil bơl 'bei ttang ktôk bươp nơơm.”
39Bu ơh: “Bươp bơl hei laa Ap-ra-ham.” Brah Jê-sus mor: “Mơq bơl 'bei lah koon Ap-ra-ham nei phrui lơh pal ntil Ap-ra-ham ja lơh. 40Dôh bêl au bơl 'bei wơng lưm Hei, laa bnih ja mor aan bơl 'bei song klanh ttang kươt a Brah Ưn. Ap-ra-ham ja 'bưn lơh pal kaar bei nei. 41Bơl 'bei lơh pal kaar bươp bơn ri.” Bu mor: “Bơl hei 'bưn geh laa koon ta tưr, bơl hei dơơn geh di mbu Bươp, laa Brah Ưn.” 42Pang maanh bu: “Mơq Brah Ưn laa Bươp bơl 'bei, nei bơl 'bei phrui srlanh Hei; đươm Hei sot a Brah Ưn u a Pang baah lôh, đươm Hei 'bưn lôh êêng, dôh nơơm Pang ja maanh Hei. 43A hay bơl 'bei 'bưn geh gưt ntil Hei mor? Đươm bơl 'bei 'bưn geh iat kươt baak Hei ri. 44Bơl 'bei sot a bươp nơơm laa chaak ap, u êch lơh tênh rnđêch pêêk pai bươp nơơm ri. A ptơơm bu ja laa bah lưm bnih, u 'bưn ta yoong knông song klanh đươm song klanh 'bưn gôq knông bu. Jơl bu mor lhiat nei mor tênh chưt kmlơt nơơm bu ri, đươm bu laa bah mor lhiat u laa bươp baak mor lhiat ri. 45Dôh đươm Hei mor song klanh mơ bơl 'bei 'bưn jơ Hei. 46Geh 'bơơn knông bơl 'bei kaap dôih Hei kươt 'bưn? Mơq Hei mor song klanh, a hay bơl 'bei 'bưn jơ Hei? 47'Bơơn sot a Brah Ưn nei iat baak Brah Ưn. Ntil bơl 'bei 'bưn iat, đươm bơl 'bei 'bưn pơơn teq u Brah Ưn.”
48Bơl bnih Jo-thai ơh: “Bơl hei mor Yau laa bnih Sa-ma-ri u dol chaak rup, 'bưn dip đat laang?” 49Brah Jê-sus ơh: “Hei 'bưn geh chaak rup, dôh Hei tư wơơl Bươp Hei, nha bơl 'bei nei jah đam điêl Hei. 50Hei 'bưn wơng chring chraang êêng aan nơơm; ja geh Yaang wơng ntil nei u pơrkat. 51Ngan, Hei maanh bơl 'bei ngan, mơq 'bơơn prap baak Hei nei a kươi 'bưn khal êch sau baak chhưt.” 52Bơl bnih Jo-thai mor: “Bei au, bơl hei gưt srlah Yau dol chaak rup. Ap-ra-ham ja chhưt, bơl grnưt noor kot bei nei; nei baah Yau leet mor: ‘Mơq 'bơơn prap baak Hei a kươi 'bưn khal êch han tơt baak chhưt.’ 53Geh lah Yau ttih đat huôih Ap-ra-ham, yau yi bơl hei, laa bnih ja chhưt hơơi pan? Bơl grnưt noor kot chhưt! Yau aan êêng nơơm laa 'bơơn?” 54Brah Jê-sus ơh: “Mơq Hei tư wơơl êêng nơơm nei chring chraang Hei ri 'bưn geh sot pi ơơn. Nơơm Bươp tư wơơl Hei, Pang laa Yaang bơl 'bei khuôl laa Brah Ưn nơơm ri. 55Bơl 'bei 'bưn gưt Pang dôh Hei gưt Pang. Mơq Hei lah Hei 'bưn gưt Pang nei Hei kot mor lhiat bei bơl 'bei. Dôh Hei ngan gưt Pang u prap baak Pang. 56Bươp bơl 'bei laa Ap-ra-ham broh s'bai ndưng kươt sau nar Hei ri; pang ja sau u a hơt a rơơn.” 57Bơl bnih Jo-thai mor: “Yau ndah sơp pram jơt snam, baah ja sau Ap-ra-ham?” 58Brah Jê-sus ơh: “Ngan, Hei maanh bơl 'bei ngan, khal ndah geh Ap-ra-ham geh mat, Hei geh yoot.” 59Bu sach tmau drơh jah jang Pang, dôh Brah Jê-sus het du, u sot rlach nhi r'bưn.
Valið núna:
Jang 8: SBL2024
Áherslumerki
Deildu
Afrita
Want to have your highlights saved across all your devices? Sign up or sign in
© 2024 Bible Society Vietnam. All rights reserved.
Jang 8
8
1Nha Brah Jê-sus hao bnơm Ô-liu.
Mei dơur ta tưr
2Tơt meeng aang, Pang plơq kơơi nhi r'bưn. Leq phung raih kot lôh n'hai Pang; Pang gôq u teh chhuôr kne aan bu.
3Bơl yau gưt jhai ch'bap u bnih Pha-ri-si liêu mbu dơur dol a mơp plah ta tưr, teq bnih au ta yoong nggơl klung 4u mor n'hai Pang: “Ơi Yau, mei dơur au dol nhôp a mơp plah ta tưr. 5Knông ch'bap, Môi-se tơmbơh aan bơl bơn phrui jang tmau bơl bnih bei nei. Nha Yau nei mor bei êch?” 6Bu lah bei nei jah tuul Pang, chuôp geh baak pnđing Pang. Brah Jê-sus kun u teh, nhôq koon dong 'bian tal steh. 7Đươm bu khang ôp yoot mơ Pang nggơơr mat u mor: “'Bơơn knông bơl 'bei laa bnih 'bưn geh dôih, phrui pơih tmau jang teq u ruh nei noor ơơi.” 8Ja nei Pang leet kun u teh 'bian lơ steh. 9Tơt bu ttang ntil au nei bu tawai du, bơl bnih prêh snam han noor. Brah Jê-sus gôq a kơơi mbu êêng n'hai mei dơur nha plah ta yoong kluung nei. 10Brah Jê-sus nggơơr mat mor n'hai mei dơur: “Ruh nei ơi, bu a êch leq hôm? 'Bưn 'bơơn pơrkat ruh laang?” 11Mei dơur ơh: “Ơi Brah, 'bưn 'bơơn hôm.” Brah Jê-sus lah: “Hei kot 'bưn pơrkat ruh ơơm; phrui han, khơơm lơh dôih hôm.”]#7:5320138:11 Knông m'baak plơơp 'bian ti 'bưn geh pal sêr au (a 7:53 tơt 8:11).
Brah Jê-sus lah rơn aang swich teh ri
12Brah Jê-sus mor nha n'hai phung raih laah: “Hei laa rơn aang swich teh ri, bnih êch tênh Hei a kươi 'bưn han knông jơ ngôw, dôh geh rơn aang baak rêh ri.”#Mat 5:14; Ja 9:5. 13Bơl bnih Pha-ri-si mor: “Yau lơh ndraanh êêng aan nơơm nei baak ndraanh Yau ri 'bưn dip jah jơ.”#Ja 5:31. 14Brah Jê-sus ơh: “Paich Hei lơh ndraanh êêng aan nơơm hei đôôi nei baak lơh ndraanh Hei ri nha dip jah jơ, đươm Hei gưt nơơm hei lôh a êch u plah han u đêch. Dôh bơl 'bei 'bưn gưt Hei lôh a êch u plah han đêch. 15Bơl 'bei pơrkat tênh pêêk pai, pa Hei 'bưn pơrkat 'bơơn ơơm. 16Đươm bei nei, mơq Hei pơrkat nei baak pơrkat Hei ri laa dip ngan đươm Hei 'bưn phrui dơơn geh di mbu, dôh Hei n'hai Bươp laa Yaang ja maanh Hei. 17Knông ch'bap bơl 'bei ri geh 'bian laah baak ndraanh baar du mơ laa dip ngan. 18Hei lơh ndraanh êêng aan nơơm, u Bươp laa Yaang ja maanh Hei kot lơh ndraanh aan Hei.” 19Đươm bei nei, bu ôp Pang: “Bươp Yau ri a êch?” Brah Jê-sus ơh: “Bơl 'bei 'bưn gưt Hei, kot 'bưn gưt Bươp Hei. Mơq bơl 'bei gưt Hei nei kot gưt Bươp Hei đêêl.”
20Brah Jê-sus lah pal baak au tu ktôk dơih pal thông piyơ prak, plah chhuôr kne knông nhi r'bưn. Dôh 'bưn 'bơơn nhôp Pang đươm bêl Pang ndah tơt.
21Pang mor nha n'hai bu: “Hei han, bơl 'bei a kươi wơng Hei, u bơl 'bei a kươi chhưt knông dôih 'baap nơơm. Ktôk Hei han, bơl 'bei 'bưn geh han kươt.” 22Bơl bnih Jo-thai mor: “Ach bu nei a kươi lưm êêng chhak nơơm pan, tơt mor laah: ‘Ktôk Hei han, bơl 'bei 'bưn han kươt’?” 23Brah Jê-sus ơh: “Bơl 'bei sot a teh, pa Hei lôh a trôôk. Bơl 'bei sot a swich teh au, pa Hei 'bưn sot a swich teh au. 24Đươm nei, Hei ja maanh bơl 'bei laah bơl 'bei a kươi chhưt knông dôih 'baap nơơm; đươm mơq bơl 'bei 'bưn jơ Hei laa Yaang Geh Yoot nei bơl 'bei a kươi chhưt knông dôih 'baap nơơm.” 25Bu ôp Pang laah: “Bei nei Yau laa 'bơơn?” Brah Jê-sus ơh: “Bei Hei ja mor n'hai bơl 'bei a ptơơm.#8:25 Bei Hei ja mor n'hai bơl 'bei a ptơơm: Knông m'baak plơơp 'bian ti, ndroong au 'bưn sơp n'hai srlah rơih. Awap gưt bei ndroong ôp “A hay Hei Phrui mor n'hai bơl 'bei a tơơm?” Paich laa ndroong “Hei phrui mor n'hai bơl 'bei a tơơm!” 26Hei geh ơk ntil jah mor u pơrkat teq u bơl 'bei; dôh Yaang ja maanh Hei lôh laa a ngan, u Hei tơmbơh aan swich teh ntil ơơn Hei ja iat a ktôk Pang.” 27Bu 'bưn gưt laah Pang plah mor teq u Bươp aan bu. 28Đươm bei nei, Brah Jê-sus mor laah: “Tơt bơl 'bei yôông Koon Bnih, plah nei bơl 'bei a kươi gưt Hei laa Yaang Geh yoot, u gưt Hei 'bưn lơh êêng ntil ơơn, dôh dơơn tơmbơh pal ntil Bươp kne Hei. 29Yaang ja maanh Hei nha gôq n'hai Hei, 'bưn teq Hei mbu êêng, đươm Hei lơh nggan nggan ntil au klanh chưt Pang.” 30Tơt Pang mor pal ntil au nei ơk bnih jơ Pang.
31Bei nei, Brah Jê-sus mor n'hai bơl bnih Jo-thai ja jơ Pang laah: “Mơq bơl 'bei khang gôq knông baak Hei ri, nei bơl 'bei laa jơrnơ Hei a ngan. 32Bơl 'bei a kươi gưt song klanh, u song klanh a kươi dơrlôh bơl 'bei.” 33Bơl bnih Jo-thai mor: “Bơl hei laa mbaang Ap-ra-ham, ndah ơơm lơh dêch 'bơơn, a hay Yau leet mor: ‘Bơl 'bei a kươi kươt snôk sroong’?”#Mat 3:9; Lu 3:8. 34Brah Jê-sus ơh: “Ngan, Hei maanh bơl 'bei ngan, 'bơơn lơh dôih laa dêch aan dôih 'baap. 35Dêch nei 'bưn gôq knông nhi yoot, dôh koon sau nei gôq a nei yoot yôw. 36Bei nei, mơq Koon đoh chloong bơl 'bei nei bơl 'bei kươt baak snôk sroong ngan. 37Hei gưt bơl 'bei laa mbaang Ap-ra-ham, dôh bơl 'bei leet root baak lưm Hei, đươm baak Hei 'bưn geh ktôk knông bơl 'bei. 38Hei mor pal ntil Hei sau a ktôk Bươp Hei, nha bơl 'bei lơh pal ntil bơl 'bei ttang ktôk bươp nơơm.”
39Bu ơh: “Bươp bơl hei laa Ap-ra-ham.” Brah Jê-sus mor: “Mơq bơl 'bei lah koon Ap-ra-ham nei phrui lơh pal ntil Ap-ra-ham ja lơh. 40Dôh bêl au bơl 'bei wơng lưm Hei, laa bnih ja mor aan bơl 'bei song klanh ttang kươt a Brah Ưn. Ap-ra-ham ja 'bưn lơh pal kaar bei nei. 41Bơl 'bei lơh pal kaar bươp bơn ri.” Bu mor: “Bơl hei 'bưn geh laa koon ta tưr, bơl hei dơơn geh di mbu Bươp, laa Brah Ưn.” 42Pang maanh bu: “Mơq Brah Ưn laa Bươp bơl 'bei, nei bơl 'bei phrui srlanh Hei; đươm Hei sot a Brah Ưn u a Pang baah lôh, đươm Hei 'bưn lôh êêng, dôh nơơm Pang ja maanh Hei. 43A hay bơl 'bei 'bưn geh gưt ntil Hei mor? Đươm bơl 'bei 'bưn geh iat kươt baak Hei ri. 44Bơl 'bei sot a bươp nơơm laa chaak ap, u êch lơh tênh rnđêch pêêk pai bươp nơơm ri. A ptơơm bu ja laa bah lưm bnih, u 'bưn ta yoong knông song klanh đươm song klanh 'bưn gôq knông bu. Jơl bu mor lhiat nei mor tênh chưt kmlơt nơơm bu ri, đươm bu laa bah mor lhiat u laa bươp baak mor lhiat ri. 45Dôh đươm Hei mor song klanh mơ bơl 'bei 'bưn jơ Hei. 46Geh 'bơơn knông bơl 'bei kaap dôih Hei kươt 'bưn? Mơq Hei mor song klanh, a hay bơl 'bei 'bưn jơ Hei? 47'Bơơn sot a Brah Ưn nei iat baak Brah Ưn. Ntil bơl 'bei 'bưn iat, đươm bơl 'bei 'bưn pơơn teq u Brah Ưn.”
48Bơl bnih Jo-thai ơh: “Bơl hei mor Yau laa bnih Sa-ma-ri u dol chaak rup, 'bưn dip đat laang?” 49Brah Jê-sus ơh: “Hei 'bưn geh chaak rup, dôh Hei tư wơơl Bươp Hei, nha bơl 'bei nei jah đam điêl Hei. 50Hei 'bưn wơng chring chraang êêng aan nơơm; ja geh Yaang wơng ntil nei u pơrkat. 51Ngan, Hei maanh bơl 'bei ngan, mơq 'bơơn prap baak Hei nei a kươi 'bưn khal êch sau baak chhưt.” 52Bơl bnih Jo-thai mor: “Bei au, bơl hei gưt srlah Yau dol chaak rup. Ap-ra-ham ja chhưt, bơl grnưt noor kot bei nei; nei baah Yau leet mor: ‘Mơq 'bơơn prap baak Hei a kươi 'bưn khal êch han tơt baak chhưt.’ 53Geh lah Yau ttih đat huôih Ap-ra-ham, yau yi bơl hei, laa bnih ja chhưt hơơi pan? Bơl grnưt noor kot chhưt! Yau aan êêng nơơm laa 'bơơn?” 54Brah Jê-sus ơh: “Mơq Hei tư wơơl êêng nơơm nei chring chraang Hei ri 'bưn geh sot pi ơơn. Nơơm Bươp tư wơơl Hei, Pang laa Yaang bơl 'bei khuôl laa Brah Ưn nơơm ri. 55Bơl 'bei 'bưn gưt Pang dôh Hei gưt Pang. Mơq Hei lah Hei 'bưn gưt Pang nei Hei kot mor lhiat bei bơl 'bei. Dôh Hei ngan gưt Pang u prap baak Pang. 56Bươp bơl 'bei laa Ap-ra-ham broh s'bai ndưng kươt sau nar Hei ri; pang ja sau u a hơt a rơơn.” 57Bơl bnih Jo-thai mor: “Yau ndah sơp pram jơt snam, baah ja sau Ap-ra-ham?” 58Brah Jê-sus ơh: “Ngan, Hei maanh bơl 'bei ngan, khal ndah geh Ap-ra-ham geh mat, Hei geh yoot.” 59Bu sach tmau drơh jah jang Pang, dôh Brah Jê-sus het du, u sot rlach nhi r'bưn.
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
© 2024 Bible Society Vietnam. All rights reserved.