Jang 12
12
Brah Jê-sus kươt lơơm pring tu Bê-tha-ni
(Ma-thi-ơ 26:6-13; Mak 14:3-9)
1Prau nar noor ryơơng Chloong Rlach, Brah Jê-sus han tơt poh Bê-tha-ni laa ktôk gôq La-sa-rơ ri, bnih baah Pang ja tơkrêh a ktôk chhưt rêh kươi. 2Bu riap ddôk sa aan Pang tu nei. Ma-thê jraih kaar, nha La-sa-rơ laa mbu knông nak bơl bnih gôq pôl bliêng n'hai Pang. 3Ma-ri pơih di drwal#12:3 drwal: Di drwal La-ma jjơk tơmlai 326g. pring tơơm chhơm daak tơơm thlay đat lơơm jơng Brah Jê-sus, ja nei nhôq chhok nơơm jhut jơng Pang. Klơm pring chhơm bêêng nhi.#Lu 7:37-38. 4Dôh di mbu knông bơl jơrnơ Brah Jê-sus ri laa Ju-đa Ich-ka-ri-ôt, bah a kươi au ndun Pang, mor laah: 5“A hay 'bưn tach pring chhơm au pơih pei riêng đơ-ni-ê jah aan bnih l'ơơi?” 6Bu nei mor bei nei 'bưn geh đươm agleng tơt bnih l'ơơi, dôh đươm ơơm laa mbu bnih ttung lmuôich, leet kan thong prak, mơ bu nei ơih ttung prak baah bnih nday teq mưt u nei. 7Brah Jê-sus maanh: “Phrui teq ur nei gôq khơơm, đươm ur nei ja ơn teq pring chhơm au aan nar rôôp tơơp Hei. 8Bơl 'bei geh bnih l'ơơi gôq n'hai 'bei yoot, dôh bơl 'bei 'bưn geh Hei yoot laang.”
9Di phung bnih Jo-thai gưt Brah Jê-sus a nei lôh kơrnaan tơt, 'bưn geh dơơn đươm Pang ei, dôh kot jah mơq La-sa-rơ, bnih baah Pang ja tơkrêh a ktôk chhưt rêh kươi. 10Nei mơ bơl yau thwaai ndap ttơơm kot êch lưm broih La-sa-rơ nha, 11đươm kheet bi baah ơk bnih Jo-thai ja teq bu u jơ Brah Jê-sus.
Brah Jê-sus mưt poh Jê-ru-sa-lem
(Ma-thi-ơ 21:1-11; Mak 11:1-11; Lu-ka 19:28-40)
12Ôi tơt, geh phung bnih ơk đat han joq ryơơng. Tơt ttang mor Brah Jê-sus plah tơt poh Jê-ru-sa-lem 13nei bu pơih bling sra, han wơơt Pang u troh rôw laah:
“Hô-sa-na!
Smlaang aan Yaang tơmoh chhak Brah baah lôh,
Laa Snđach I-sra-ên ri.”
14Brah Jê-sus a mơp mlơm pi seh kroih nei hao jih, bei baak ja 'bian:
15“Ơi koon ur Si-ôn, khơơm n'hông!
Tôw, snđach 'bei lôh, jih lơ seh kroih koon!”
16Bơh tơơm, bơl jơrnơ 'bưn gưt pal ntil nei, dôh tơt Brah Jê-sus ja kươt tư wơơl, plah nei bu mơ gênh kơơi pal ntil nei kươt 'bian teq u Pang, u ja kươt lơh aan Pang. 17Phung bnih ja gôq n'hai Brah Jê-sus plah Brah khuôl La-sa-rơ sot rlach kmôôch, u tơkrêh bu nei a ktôk chhưt rêh kươi, kot lơh ndraanh teq u Pang. 18Đươm nei phung bnih han wơơt Pang, lah đươm bu ja ttang laa Pang lơh chmlih chmleek nei. 19Nei mơ, bơl bnih Pha-ri-si mor tơrnang nơơm: “Bơl 'bei sau 'bưn, bơl 'bei 'bưn lơh ơơn kươt leq. Phrui mơq, leq swich teh tênh bu nei.”
Bnih Hi-lap wơng Brah Jê-sus
20Plah nei, knông nak bơl bnih han hao chuh th'bưn lap nar ryơơng geh mbu baar du Hi-lap. 21Bơl bnih au lôh n'hai Phi-lip, bnih a poh Bêt-sai-đa klung kwaal Ga-li-lê, u mor laah: “Ơi ay, bơl hei êch a mơp Brah Jê-sus.” 22Phi-lip han mor n'hai Anh-rê; ja nei Anh-rê n'hai Phi-lip han tơmbơh tơt Brah Jê-sus. 23Brah Jê-sus ơh: “Bêl Koon Bnih kươt tư wơơl ja lôh. 24Ngan, Hei lah bơl 'bei ngan: Mơq grap ba 'bưn a tup u teh u chhưt 'bat, bu nha dơơn laa di grap ei; dôh mơq chhưt 'bat, bu kươt play kao ơk. 25'Bơơn srlanh sm'boh rêh nơơm nei a kươi saap, nha 'bơơn a kiêr sm'boh rêh nơơm knông klap au nei a kươi ơn kơơi kươt aan baak rêh yoot yôw.#Mat 10:39; 16:25; Mak 8:35; Lu 9:24; 17:33. 26Mơq 'bơơn jraih kaar Hei nei phrui han tênh Hei; u Hei gôq a êch, bnih jraih kaar Hei a kươi kot a nei. Mơq 'bơơn jraih kaar Hei nei Bươp Hei a kươi đing 'bei.
27Bei au wêêng yaang Hei rhơq rpơq Hei a kươi mor pi ơơn au? ‘Bươp ơi, dan đoh Koon rlach bêl au! Dôh kot đươm bêl au baah Koon ja lôh. 28Bươp ơi, dan phrui tư wơơl saak Bươp!’” Plah nei geh baak a lơ trôôk lah laah: “Hei ja tư wơơl hơơi, Hei a kươi nha tư wơơl dơq.” 29Phung bnih ta yoong tu nei ttang kươt baak nei mor: “Nei laa nggôôr tơr”. M'baak nday leet lah: “Nei laa mbu lênh brah ta chhuôr n'hai Pang.” 30Brah Jê-sus lah: “'Bưn geh đươm Hei baah baak au a ngôôn laang, dôh đươm bơl 'bei. 31Bei au laa khal swich teh dol pơrkat, u bah kan bôôk swich teh au a kươi dol pưndul du. 32Nha Hei, tơt Hei kươt yôông rlach steh, Hei a kươi têêk jôm bnih lôh n'hai Hei.” 33Pang mor bei nei jah chong aan sau Pang a kươi chhưt bei êch. 34Phung raih ơh laah: “Bơl hei geh ttang ch'bap lah Yaang Krist nha yoot yôw. Nei a hay Yau laa Koon Bnih phrui kươt yôông n'hao? Bei nei Koon Bnih au laa 'bơơn?” 35Brah Jê-sus ơh: “Rơn aang nha gôq n'hai bơl 'bei di rbôông dơq. Phrui chwaat han knông plah bơl 'bei nha geh rơn aang, jah mang jơ ngôw 'bưn pưm rlum bơl 'bei. Bnih êch han knông jơ ngôw nei 'bưn gưt nơơm han đêch. 36Knông plah geh rơn aang, phrui jơ mưt u rơn aang jah bơl 'bei but koon rơn aang ri.”
Di kươi lah bei nei, Brah Jê-sus han, u het rlach bu.
Baak 'bưn jơ bơl bnih Jo-thai ri
37Paich laa Pang ja lơh ơk đat chmlih chmleek bôôk mat bu, dôh bu nha 'bưn jơ Pang, 38jah baak grnưt noor Ê-sai ja mor kươt dip plak:
“Brah ơi, 'bơơn ja jơ pal ntil bơl hei chhuôr,
U koon ti Brah ja kươt tơrsau aan nơơm?”
39Đươm nei, bu 'bưn geh jơ, đươm Ê-sai nha mor:
40“Brah ja tak lơh pi mat bu tiah,
Chưt bu kraam đat,
Daq pi mat bu sau kươt,
Chưt bu gưt kươt u rngơq,
Jah Hei tơmbah aan.”
41Ê-sai mor ntil au, đươm ja sau chring chraang Pang ri u mor teq u Pang. 42Đươm bei nei, geh ơk bnih knông liêu troong jơ Pang, dôh đươm bnih Pha-ri-si, nei bu 'bưn baanh chôl Pang, n'hông dol prơh rlach nhi pơrgum. 43Đươm bu êch uôt a sroh a srong koon bnih ri huôih laa chring chraang Brah Ưn ri.
44Brah Jê-sus tơmbơh laah: “Bnih êch jơ Hei, 'bưn geh dơơn jơ Hei, dôh jơ Yaang ja maanh Hei. 45Nha bnih êch sau Hei laa sau Yaang ja maanh Hei. 46Hei laa rơn aang ja lôh swich teh, jah bnih 'bơơn jơ Hei nei 'bưn nh'ơơm gôq knông jơ ngôw. 47Mơq bnih êch iat baak Hei baah 'bưn prap ơn nei 'bưn geh Hei pơrkat bnih nei. Đươm Hei lôh 'bưn geh jah pơrkat swich teh, dôh jah koh kơơl swich teh. 48Bnih êch teq lơơi Hei, 'bưn sang wơơt baak Hei, nei ja geh mbu yau pơrkat; đươm baak Hei ja mor a kươi pơrkat bu knông nar ptut. 49Hei 'bưn mor tênh rnđêch êêng nơơm, dôh nơơm Bươp laa Yaang ja maanh Hei tơmbơh aan Hei phrui mor ntil ơơn u tơmbơh ntil ơơn. 50Hei gưt laah rmaanh Pang ri laa baak rêh yoot yôw. Bei nei, pal ntil Hei mor nei Hei mor dip bei Bươp ja tơmbơh pn'ak.”
Valið núna:
Jang 12: SBL2024
Áherslumerki
Deildu
Afrita
Want to have your highlights saved across all your devices? Sign up or sign in
© 2024 Bible Society Vietnam. All rights reserved.
Jang 12
12
Brah Jê-sus kươt lơơm pring tu Bê-tha-ni
(Ma-thi-ơ 26:6-13; Mak 14:3-9)
1Prau nar noor ryơơng Chloong Rlach, Brah Jê-sus han tơt poh Bê-tha-ni laa ktôk gôq La-sa-rơ ri, bnih baah Pang ja tơkrêh a ktôk chhưt rêh kươi. 2Bu riap ddôk sa aan Pang tu nei. Ma-thê jraih kaar, nha La-sa-rơ laa mbu knông nak bơl bnih gôq pôl bliêng n'hai Pang. 3Ma-ri pơih di drwal#12:3 drwal: Di drwal La-ma jjơk tơmlai 326g. pring tơơm chhơm daak tơơm thlay đat lơơm jơng Brah Jê-sus, ja nei nhôq chhok nơơm jhut jơng Pang. Klơm pring chhơm bêêng nhi.#Lu 7:37-38. 4Dôh di mbu knông bơl jơrnơ Brah Jê-sus ri laa Ju-đa Ich-ka-ri-ôt, bah a kươi au ndun Pang, mor laah: 5“A hay 'bưn tach pring chhơm au pơih pei riêng đơ-ni-ê jah aan bnih l'ơơi?” 6Bu nei mor bei nei 'bưn geh đươm agleng tơt bnih l'ơơi, dôh đươm ơơm laa mbu bnih ttung lmuôich, leet kan thong prak, mơ bu nei ơih ttung prak baah bnih nday teq mưt u nei. 7Brah Jê-sus maanh: “Phrui teq ur nei gôq khơơm, đươm ur nei ja ơn teq pring chhơm au aan nar rôôp tơơp Hei. 8Bơl 'bei geh bnih l'ơơi gôq n'hai 'bei yoot, dôh bơl 'bei 'bưn geh Hei yoot laang.”
9Di phung bnih Jo-thai gưt Brah Jê-sus a nei lôh kơrnaan tơt, 'bưn geh dơơn đươm Pang ei, dôh kot jah mơq La-sa-rơ, bnih baah Pang ja tơkrêh a ktôk chhưt rêh kươi. 10Nei mơ bơl yau thwaai ndap ttơơm kot êch lưm broih La-sa-rơ nha, 11đươm kheet bi baah ơk bnih Jo-thai ja teq bu u jơ Brah Jê-sus.
Brah Jê-sus mưt poh Jê-ru-sa-lem
(Ma-thi-ơ 21:1-11; Mak 11:1-11; Lu-ka 19:28-40)
12Ôi tơt, geh phung bnih ơk đat han joq ryơơng. Tơt ttang mor Brah Jê-sus plah tơt poh Jê-ru-sa-lem 13nei bu pơih bling sra, han wơơt Pang u troh rôw laah:
“Hô-sa-na!
Smlaang aan Yaang tơmoh chhak Brah baah lôh,
Laa Snđach I-sra-ên ri.”
14Brah Jê-sus a mơp mlơm pi seh kroih nei hao jih, bei baak ja 'bian:
15“Ơi koon ur Si-ôn, khơơm n'hông!
Tôw, snđach 'bei lôh, jih lơ seh kroih koon!”
16Bơh tơơm, bơl jơrnơ 'bưn gưt pal ntil nei, dôh tơt Brah Jê-sus ja kươt tư wơơl, plah nei bu mơ gênh kơơi pal ntil nei kươt 'bian teq u Pang, u ja kươt lơh aan Pang. 17Phung bnih ja gôq n'hai Brah Jê-sus plah Brah khuôl La-sa-rơ sot rlach kmôôch, u tơkrêh bu nei a ktôk chhưt rêh kươi, kot lơh ndraanh teq u Pang. 18Đươm nei phung bnih han wơơt Pang, lah đươm bu ja ttang laa Pang lơh chmlih chmleek nei. 19Nei mơ, bơl bnih Pha-ri-si mor tơrnang nơơm: “Bơl 'bei sau 'bưn, bơl 'bei 'bưn lơh ơơn kươt leq. Phrui mơq, leq swich teh tênh bu nei.”
Bnih Hi-lap wơng Brah Jê-sus
20Plah nei, knông nak bơl bnih han hao chuh th'bưn lap nar ryơơng geh mbu baar du Hi-lap. 21Bơl bnih au lôh n'hai Phi-lip, bnih a poh Bêt-sai-đa klung kwaal Ga-li-lê, u mor laah: “Ơi ay, bơl hei êch a mơp Brah Jê-sus.” 22Phi-lip han mor n'hai Anh-rê; ja nei Anh-rê n'hai Phi-lip han tơmbơh tơt Brah Jê-sus. 23Brah Jê-sus ơh: “Bêl Koon Bnih kươt tư wơơl ja lôh. 24Ngan, Hei lah bơl 'bei ngan: Mơq grap ba 'bưn a tup u teh u chhưt 'bat, bu nha dơơn laa di grap ei; dôh mơq chhưt 'bat, bu kươt play kao ơk. 25'Bơơn srlanh sm'boh rêh nơơm nei a kươi saap, nha 'bơơn a kiêr sm'boh rêh nơơm knông klap au nei a kươi ơn kơơi kươt aan baak rêh yoot yôw.#Mat 10:39; 16:25; Mak 8:35; Lu 9:24; 17:33. 26Mơq 'bơơn jraih kaar Hei nei phrui han tênh Hei; u Hei gôq a êch, bnih jraih kaar Hei a kươi kot a nei. Mơq 'bơơn jraih kaar Hei nei Bươp Hei a kươi đing 'bei.
27Bei au wêêng yaang Hei rhơq rpơq Hei a kươi mor pi ơơn au? ‘Bươp ơi, dan đoh Koon rlach bêl au! Dôh kot đươm bêl au baah Koon ja lôh. 28Bươp ơi, dan phrui tư wơơl saak Bươp!’” Plah nei geh baak a lơ trôôk lah laah: “Hei ja tư wơơl hơơi, Hei a kươi nha tư wơơl dơq.” 29Phung bnih ta yoong tu nei ttang kươt baak nei mor: “Nei laa nggôôr tơr”. M'baak nday leet lah: “Nei laa mbu lênh brah ta chhuôr n'hai Pang.” 30Brah Jê-sus lah: “'Bưn geh đươm Hei baah baak au a ngôôn laang, dôh đươm bơl 'bei. 31Bei au laa khal swich teh dol pơrkat, u bah kan bôôk swich teh au a kươi dol pưndul du. 32Nha Hei, tơt Hei kươt yôông rlach steh, Hei a kươi têêk jôm bnih lôh n'hai Hei.” 33Pang mor bei nei jah chong aan sau Pang a kươi chhưt bei êch. 34Phung raih ơh laah: “Bơl hei geh ttang ch'bap lah Yaang Krist nha yoot yôw. Nei a hay Yau laa Koon Bnih phrui kươt yôông n'hao? Bei nei Koon Bnih au laa 'bơơn?” 35Brah Jê-sus ơh: “Rơn aang nha gôq n'hai bơl 'bei di rbôông dơq. Phrui chwaat han knông plah bơl 'bei nha geh rơn aang, jah mang jơ ngôw 'bưn pưm rlum bơl 'bei. Bnih êch han knông jơ ngôw nei 'bưn gưt nơơm han đêch. 36Knông plah geh rơn aang, phrui jơ mưt u rơn aang jah bơl 'bei but koon rơn aang ri.”
Di kươi lah bei nei, Brah Jê-sus han, u het rlach bu.
Baak 'bưn jơ bơl bnih Jo-thai ri
37Paich laa Pang ja lơh ơk đat chmlih chmleek bôôk mat bu, dôh bu nha 'bưn jơ Pang, 38jah baak grnưt noor Ê-sai ja mor kươt dip plak:
“Brah ơi, 'bơơn ja jơ pal ntil bơl hei chhuôr,
U koon ti Brah ja kươt tơrsau aan nơơm?”
39Đươm nei, bu 'bưn geh jơ, đươm Ê-sai nha mor:
40“Brah ja tak lơh pi mat bu tiah,
Chưt bu kraam đat,
Daq pi mat bu sau kươt,
Chưt bu gưt kươt u rngơq,
Jah Hei tơmbah aan.”
41Ê-sai mor ntil au, đươm ja sau chring chraang Pang ri u mor teq u Pang. 42Đươm bei nei, geh ơk bnih knông liêu troong jơ Pang, dôh đươm bnih Pha-ri-si, nei bu 'bưn baanh chôl Pang, n'hông dol prơh rlach nhi pơrgum. 43Đươm bu êch uôt a sroh a srong koon bnih ri huôih laa chring chraang Brah Ưn ri.
44Brah Jê-sus tơmbơh laah: “Bnih êch jơ Hei, 'bưn geh dơơn jơ Hei, dôh jơ Yaang ja maanh Hei. 45Nha bnih êch sau Hei laa sau Yaang ja maanh Hei. 46Hei laa rơn aang ja lôh swich teh, jah bnih 'bơơn jơ Hei nei 'bưn nh'ơơm gôq knông jơ ngôw. 47Mơq bnih êch iat baak Hei baah 'bưn prap ơn nei 'bưn geh Hei pơrkat bnih nei. Đươm Hei lôh 'bưn geh jah pơrkat swich teh, dôh jah koh kơơl swich teh. 48Bnih êch teq lơơi Hei, 'bưn sang wơơt baak Hei, nei ja geh mbu yau pơrkat; đươm baak Hei ja mor a kươi pơrkat bu knông nar ptut. 49Hei 'bưn mor tênh rnđêch êêng nơơm, dôh nơơm Bươp laa Yaang ja maanh Hei tơmbơh aan Hei phrui mor ntil ơơn u tơmbơh ntil ơơn. 50Hei gưt laah rmaanh Pang ri laa baak rêh yoot yôw. Bei nei, pal ntil Hei mor nei Hei mor dip bei Bươp ja tơmbơh pn'ak.”
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
© 2024 Bible Society Vietnam. All rights reserved.