Mariko 12:29-31

Mariko 12:29-31 KABWA

Yeesu akamukyukya ega, “Erikuru n-dinu, ‘Mwitegeerere bheenyu Abhaisiraeri! Omukuru Waryubha weetu, ngʼo Omukuru omwenego. Omuhanje Omukuru Waryubha waaho, kwa omutima gwaho gonsego, kwa enkoro yaaho yonsego, kwa obhungʼeeni bhwaho bhonsego na kwa eginguru gyaho gyonsego.’ Na eriragiriryo rya kabhiri erikuru n-dinu, ‘Omuhanje omurikyaho, kya ego oreehanja uuwe omwene.’ Ritariho eriragiriryo erindi erikuru okukira agabhiri gayo.”