Matai 3
3
1Pwu pamwaka ugwa pwu akavoneka UJohani umwotsi akasimilitsa inongwa ndukungo lwa mu-Jutai 2akata: Nkilivukage mańa lwitsile uludeva lwa kukyańa luhegelye. 3Uju vi uvi antsovage UJesaja uńamalago upwu atetsage: Ilimeńu lya mwilangi likwilanga ndukungo lita: Nnotsage unsevo gwa Ntwa, ndiṅanye inzila tsa mwene. 4Umwene UJohani aswalaga ugwańingilitsa uńalwage lwa ngamila, ihudikaga ulukova nkivino. Isinu alitsaga namakivale nuvwuke vwa nzuke. 5Pwu vakahuma vakabiha upwu alipwu voni nava mu-Jelulsalemu, voni nava mu-Jutai ikilunga kyoni, nava nkilunga kyoni ikibadiṅine nulugasi lwa Jolitani. 6Vakipala vuvule inongwa tsa vene. Pwu umwene akavotsa ndugasi lwa Jolitani. 7Vwu avwene umwene navapalisai va vongosu navasatukai vibiha kumwene kukwotsivwa pwu akavavula akata: Ńi lukona lwa ńandalwe veni avavulile uńe ukuta mulapona uluvipo ulukwitsa? 8Muhupage uluseke ulunogye nulukilivuko. 9Mbandikage ukwitsova ńi vene ukuta: Uvwe tuli nudadajitu Abulahamu. Ukwa ndivavule une, mańa Unguluve avumańile ukumpelela agange amaganga aga Abulahamu ukuta gwu gipelage ukuva vana gagwo. 10Najyene inzunu jili pamilela pamibiki kakatale. Gyoni imibiki igyu nagihupa iseke innonu giladumulwa gilalahwa mmwoto. 11Une nene viki? Ndikuvotsa ga magasi ukuta nkilivukage. Umwene uvi ikwitsa mumbele mwane, uvi andutile amaka, uvi nukumpimbila isikato sya mwene nandinogili, vi alavotsehetsaga nu Mepo Umbalatse numwoto. 12Vi ulupetelo luli mmavoko ga mwene, alalukunaga ulukuvatilo lwa mwene, ingano jya mwene alavika nkibana kya mwene, ugwene umwelelo gwualakotsaga numwoto ugwu nagwitsima lusiku.
13Pwu UJesu akahuma mu-Galilai akabiha kwa Johani pa-Jolitani akata vi ikuńotsaga, 14Umwene UJohani akata ndinkilivule akata: Veve utye vwitse kwane uve? Ndita une lweli ndi upita uńotsage uve! 15Umwene UJesu akanda akata: Vwidikage vi njyango. Mańa vwu upita tumalise vuvule-vule tsoni itsa vugolosu. Pwu akidika akamwotsa. 16Lino vwu otsivwe UJesu pwu akahuma ndugasi pange asuvile. Pwu akavona kukyańa kudindwike, akavona UMepo va Nguluve ikumwikila ndi ngundya. 17Akavona nilimeńu likahuma kukyańa likata: Uju vi nswambango ungane kwane uvi aṅelye uńe.
Valið núna:
Matai 3: Kinga
Áherslumerki
Deildu
Afrita
Want to have your highlights saved across all your devices? Sign up or sign in
New Testament in Kikinga © British and Foreign Bible Society, 1961.