Mapookyony 45
45
Yosefu Avya Vana va Maye we Mmbovi
1Yoo Yosefu nnyalekiidima ikusuruma mbee yaawo vekee mbee yakwe-fo. Kakooma kaamba, “Uteny wo nndu mbee yakwa.” Nta nkwiiyo nndu alesalalau-fo, kyeeri Yosefu alekwaamba kwa vana va maye-fo. 2Karosya unyanga kaiya, kutani Vamisri vaita. 3Yosefu kavia vana va maye, “Yeny ni Yosefu, nde-yaa-kwa aiyo na muu?” Nta vana va maye valaidimi inrouwa, mashika mmbo valetirwa mmbwerei mbee yakwe. 4Yosefu kavia vana va maye, “Oshony kwakwa; naasa vakeenda kwakwe. Kavavia,” “Yeny ni Yosefu ulya muleshikumba shasha Misri. 5Naasany mulakiting'wa-fo nta ifulukkywa elyi muleshikumba kunu-fo, mashika Iruva mmbwe alesheende mbee yaany naambo shikire muu wa vandu veengyi. 6Mashika myaaka yei ivii shaa ileng'ana urukeny, neefo mbee mmbo kwiiyo myaaka iraanu sele ilatiri irema nta yuulu-la. 7Iruva mmbo aleshiruma shasonngwa mbee yaany naambo shishemudeesya kindo kyeemukira yeni shimwaauwe ando kuumu. 8Naasany nshi yeni mulesheende kunu-fo, ni Iruva, nawe kashivika shive sha nde kwa Farao, na nsongoru wa mmba yakwe, na ngari ya uruka loose lwa Misri.” 9Angusyeny ifikkya nde yaakwa, mummbie, “Mwana wafo Yosefu niindi aamba, Iruva mmbwe aleshivika mwisalallya Misri shoose, naasa oshony na kwakwa mulakutevese.” 10Neewe mmbo kushekaa urukeny lwa, Goshen. Kushekaa kufii neeny, yewe na vana vafo na vana va vana vafo, na findo fyafo fyeevikkya, na ng'umbe tafo, na fyoose kukee nafyo. 11Kyeeri kwikee kunu Goshen mmbo nshekuniingaa fyeekulela; mashika kusaaye-u myaaka iraanu ya shaa, kulakooye ungwera yewe na fya mmba yafo. 12Yosefu kavavia-se, “Loleny, yeni moose na miso a mwaneru Benyamen, mumanyi sheelyi yeny mmbwe Yosefu dede.” 13Neeni mmbo musheviaa nde weeru mbony toose ta usuri lwakwa kunu Misri, na ta fyoose mulollye, mundeangusya imweende kunu. 14Kakulyingyillya Benyamen singony, kaiya na Benyamen kaiiya yoo singony yakwe. 15Kamiminda vana va maye woose, kaiya nawo, vekima indo vakapooka irera nawe.
16Kukaitiwa mbony kwa Farao kyeyaamba, Vana va maye va Yosefu vasheye kunu. Farao kasennywa, na mashinga akwe-da. 17Farao kavia Yosefu via vana va mau, “Taniny indi, Rikeny mishungu yaany mario, mukupoo mundefika urukeny lwa Kanaani, 18mundeepo ndeye waany na vandu vany woose, mushe, neeni nshemuningaa mesha a uruka lwa Misri, Neeni mmbo mushewuuraa mbora ta uruka. 19Neewe mmbo kwavavasywa, mutani indo, musheonisa mitika kunu Misri kimaruma kya vana vany na vaka vany, mundeipoo nde waany mushe. 20Nta mulaatarike na kindo, mashika mesha a Misri ni any.”
21Na vana va Israeli niindo valetana. Yosefu kavaniinga mitika shaasa Farao alevavasya, kavaniinga na kishau kya shia. 22Wo ndu kanniinga soori teyaalasha kyeendi Benyamen kanniinga fesa mayana araru na soori na soori isaau teyaalasha, 23na ndeye kavenrikkya indo, mishungu ikumi irie mesha a Misri na mishungu ikumi irie shoonga, na mikate, na shoonga ya ndeye yelyiiya efo shia, 24Kalakana na vana va maye vakeenda, kooka-fo kavavia, “Mulasakkye tara yefo shia.”
25Vakooka Misri vakafika Kanaani kwa Yakobo, we nde yaawo. 26Vakammbia mbony vakaamba, “Yosefu eefo na muu, na mmbwe eto akee mwishillya Misri shoose.” Kaawukwa mmuu, mashika nnyalevairikkya-fo. 27Vakammbia na marero moose a Yosefu alya alevavia; kyeeri alelollya na mitika ilya Yosefu alerika, naambo naipowa nang'u, kawuiywa mmuu vyaa. 28Israeli kaamba, “Naasa-da, Mwanakwa Yosefu eefo dede, ra sheende shindellola kulaore shamfwa.”
Valið núna:
Mapookyony 45: MAS2
Áherslumerki
Deildu
Afrita
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
Mapookyony 45
45
Yosefu Avya Vana va Maye we Mmbovi
1Yoo Yosefu nnyalekiidima ikusuruma mbee yaawo vekee mbee yakwe-fo. Kakooma kaamba, “Uteny wo nndu mbee yakwa.” Nta nkwiiyo nndu alesalalau-fo, kyeeri Yosefu alekwaamba kwa vana va maye-fo. 2Karosya unyanga kaiya, kutani Vamisri vaita. 3Yosefu kavia vana va maye, “Yeny ni Yosefu, nde-yaa-kwa aiyo na muu?” Nta vana va maye valaidimi inrouwa, mashika mmbo valetirwa mmbwerei mbee yakwe. 4Yosefu kavia vana va maye, “Oshony kwakwa; naasa vakeenda kwakwe. Kavavia,” “Yeny ni Yosefu ulya muleshikumba shasha Misri. 5Naasany mulakiting'wa-fo nta ifulukkywa elyi muleshikumba kunu-fo, mashika Iruva mmbwe alesheende mbee yaany naambo shikire muu wa vandu veengyi. 6Mashika myaaka yei ivii shaa ileng'ana urukeny, neefo mbee mmbo kwiiyo myaaka iraanu sele ilatiri irema nta yuulu-la. 7Iruva mmbo aleshiruma shasonngwa mbee yaany naambo shishemudeesya kindo kyeemukira yeni shimwaauwe ando kuumu. 8Naasany nshi yeni mulesheende kunu-fo, ni Iruva, nawe kashivika shive sha nde kwa Farao, na nsongoru wa mmba yakwe, na ngari ya uruka loose lwa Misri.” 9Angusyeny ifikkya nde yaakwa, mummbie, “Mwana wafo Yosefu niindi aamba, Iruva mmbwe aleshivika mwisalallya Misri shoose, naasa oshony na kwakwa mulakutevese.” 10Neewe mmbo kushekaa urukeny lwa, Goshen. Kushekaa kufii neeny, yewe na vana vafo na vana va vana vafo, na findo fyafo fyeevikkya, na ng'umbe tafo, na fyoose kukee nafyo. 11Kyeeri kwikee kunu Goshen mmbo nshekuniingaa fyeekulela; mashika kusaaye-u myaaka iraanu ya shaa, kulakooye ungwera yewe na fya mmba yafo. 12Yosefu kavavia-se, “Loleny, yeni moose na miso a mwaneru Benyamen, mumanyi sheelyi yeny mmbwe Yosefu dede.” 13Neeni mmbo musheviaa nde weeru mbony toose ta usuri lwakwa kunu Misri, na ta fyoose mulollye, mundeangusya imweende kunu. 14Kakulyingyillya Benyamen singony, kaiya na Benyamen kaiiya yoo singony yakwe. 15Kamiminda vana va maye woose, kaiya nawo, vekima indo vakapooka irera nawe.
16Kukaitiwa mbony kwa Farao kyeyaamba, Vana va maye va Yosefu vasheye kunu. Farao kasennywa, na mashinga akwe-da. 17Farao kavia Yosefu via vana va mau, “Taniny indi, Rikeny mishungu yaany mario, mukupoo mundefika urukeny lwa Kanaani, 18mundeepo ndeye waany na vandu vany woose, mushe, neeni nshemuningaa mesha a uruka lwa Misri, Neeni mmbo mushewuuraa mbora ta uruka. 19Neewe mmbo kwavavasywa, mutani indo, musheonisa mitika kunu Misri kimaruma kya vana vany na vaka vany, mundeipoo nde waany mushe. 20Nta mulaatarike na kindo, mashika mesha a Misri ni any.”
21Na vana va Israeli niindo valetana. Yosefu kavaniinga mitika shaasa Farao alevavasya, kavaniinga na kishau kya shia. 22Wo ndu kanniinga soori teyaalasha kyeendi Benyamen kanniinga fesa mayana araru na soori na soori isaau teyaalasha, 23na ndeye kavenrikkya indo, mishungu ikumi irie mesha a Misri na mishungu ikumi irie shoonga, na mikate, na shoonga ya ndeye yelyiiya efo shia, 24Kalakana na vana va maye vakeenda, kooka-fo kavavia, “Mulasakkye tara yefo shia.”
25Vakooka Misri vakafika Kanaani kwa Yakobo, we nde yaawo. 26Vakammbia mbony vakaamba, “Yosefu eefo na muu, na mmbwe eto akee mwishillya Misri shoose.” Kaawukwa mmuu, mashika nnyalevairikkya-fo. 27Vakammbia na marero moose a Yosefu alya alevavia; kyeeri alelollya na mitika ilya Yosefu alerika, naambo naipowa nang'u, kawuiywa mmuu vyaa. 28Israeli kaamba, “Naasa-da, Mwanakwa Yosefu eefo dede, ra sheende shindellola kulaore shamfwa.”
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.