Mapookyony 43
43
Vana va Maaye va Yosefu Vawuya Misri na Benyaminy
1Shaa ikarwaa kulya urukeny lwa Kanaani. 2Kyeeri valemaa ilya shoonga tilya valeuta Misri, ndeye wao kavavia, “Wuyeny kulya mundeluurya-se-fo shoonga.” 3Yuda kavavia, “Nndu ulya mmbo aleamba, ‘Mmusheshilolya kisangu kyako mwanany waany n-du nalansha neeni-fo.’ 4Kwanra mwaneru n-du neende neese, lusokaa lundeura shoonga. 5Lyo kwanra kulamwekeya, llusokaafo mashika ndu ulya mmbo aleluvia, ‘Mmusheshilolyaa kisangu kyakwa, mwanany waany kanra nalesha neeni-fo.’” 6Israeli kaamba, “Nkyiki elyi muleshitannya ukasha indo mukavia nndu eto kwiifo mwana ungyi n-du?” 7Vakammbia, Nndu yeto mmbo alelusuma nnu mbony teru na ta kyeny kweru, kaamba, “A ndeye waany eefo na muu? Mutiri mwanamaye waany ungyi? Neese lukarouwa nisha efyo fyoose. A mmbo lweshidimaa imanya aluvia, Sokeny ando amwi neeto ungyi?”
8Yuda kavia ndeye Israel, “Shiniingya mwana yeu, lukupoo lweende, naambo lukie lulashefwa, yese neewe na vana veru.” 9Yeny shishevaa nkureeki wakwe, kushembwarya wokony lwakwa, shanra shilembiira, kwafo shinkurambikye, ra nsheva nndu nrekwa mbee yafo kyeeri kyoose. 10Mashika kulore ni elyi lwankuryariya, mmbo lwekooyaa lwambuya lya kavii. 11Ndeye waawo Israeli kaamba, “Kwankooya niindo, taneny indi, endeny murye findo fya pya, munderwaaya nndu yeto, ukyi lunnywa, ubani, manemane na mafura. 12Mukamare fesa kavii mmwasi ando amwi na tilya tileviirwa mikusheny mweende mutirye, kulakooye mmbo tilerekyo 13Ipoony, na mwanany waany, mweende nawe neewuya nawe. 14Iruva muni finya toose namulyilye mbee ya nndu eto, namuporomuye mwanamaye yeto waany ungyi, na Benyamen. Neeny shanfiiyo m'mbana vakwa, naasa-da.”
15Naasa vandu yewo vakaipoo findo fya pya, vakaipoo na fesa kavii, na Benyamen, vakakwiipoo vakasoka Misri, vakandefika mbee ya Yosefu. 16Na llya alelollya Benyaminy kavia nndu yeto mwisalallya mmba yakwe, “Ende vandu yeva kulya kyeny, kushishe na ideesya, mashika vandu yeva mmbo vashelyaa neeny nsanyiny.” 17Nndu ulya katana shaasa Yosefu alevavasya. Nawe karwaa vandu yewo kyeny kwa Yosefu. 18Kyeendi vandu yewo vakairyaa mashika llya valerawa kwa Yosefu, vakakusara, ni kimaruma kya fesa tilya tileviiro kulya mikusheny kulakooye mmbo lweendwa kunu luutyo uvingo, lutiro mfungwa luve mashinga ando amwi na mishungu yeeru.
19Vakaserikya kufii na mwisalalya mmba ya Yosefu yoo mwangony vakarera nawe. 20Vakammbia, “Lola, yese dede Kyaaro kilya kya mbee mmbo lulesoka lusheura shoonga. 21Lya lulefikya mba ya veny, lukaporomwa mikusha lukakooya efo mikusheny wo ndu fesa takwe efo nkusheny, wo umwi fesa toose, nato ekati lutirye toose. 22Neese mmbo lurye na fesa tingyi naambo luure nato shoonga, nta llumanyaa nndu aleviira fesa eto efo mikusheny yeeru-fo.” 23Kavavia, “Ufoo lukae neeni mulairyee-fo, Iruva waany, avekee Iruva wa ndeye waany, mmbwe eto alemuviirya pule yeyo efo mikusheny yaany. Fesa tany shiletilolya.” Naasa kavaporomuya Simion.
24Nndu eto keende vandu yewo kwa Yosefu, kavaniinga mura, neevasangya marende, neeninga mishungu yaawo shoonga. 25Vakatira kindo kilya kya pya verie kutani Yosefu alesha nsanyiny, mashika vemmbio mmbo vashelyaa shoonga nawe. 26Kyeeri Yosefu alesha vakamweengye kindo kilya kya pya veerye, vakakwinyika vakafika si. 27Kavavesa mbony tawo, “A ndeye waany mmiku ulya, aifo nisha ndesa?” 28Vakaamba, “Ishinga lyafo, we ndeeto weeru eefo nisha, eefo na muu, vakafiirya ndi kyemwindya.” 29Lya aipoo miso kalollya Benyamen, mwanawo, mwana wa maye, kaamba, “Yeu mmbwe mwanany n-du muleshivia mbony takwe?” Kammbia, “Iruva nakutarame mwanakwa.” 30Yosefu kaangusya, yuukau ni llya nrima wakwe ulelooka kimaruma kya mwanawo, karuuya ando nandeiya, kaanga neefo kiryeny kyakwe kandeiya-fo.
31Kasangya kisangu, kasomuka kakukaarisa, kaamba, “Endeny shoonga.” 32Vakadeesya shoonga we muni nawo veni, na Vamisri valya vekee nawe kyaanya kyawo, mashika Vamisri mmbashidimaa ilya na Vaebrania-fo, nielyi kwa Vamisri kikee kindo kya iipala. 33Vakavikwa rembo, kupookya ulya wa mbee iwonika, kundekooya ulya n-du, vandu yewo vakafulukywa wo veni. 34Vakarikyo waavi lwa shoonga luuka yoo meseny yakwe kyeendi waavi lwa Benjamen kalufumbuta karaanu ngota lwawo. Vakana, vakafura ando amwi nawe.
Valið núna:
Mapookyony 43: MAS2
Áherslumerki
Deildu
Afrita
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
Mapookyony 43
43
Vana va Maaye va Yosefu Vawuya Misri na Benyaminy
1Shaa ikarwaa kulya urukeny lwa Kanaani. 2Kyeeri valemaa ilya shoonga tilya valeuta Misri, ndeye wao kavavia, “Wuyeny kulya mundeluurya-se-fo shoonga.” 3Yuda kavavia, “Nndu ulya mmbo aleamba, ‘Mmusheshilolya kisangu kyako mwanany waany n-du nalansha neeni-fo.’ 4Kwanra mwaneru n-du neende neese, lusokaa lundeura shoonga. 5Lyo kwanra kulamwekeya, llusokaafo mashika ndu ulya mmbo aleluvia, ‘Mmusheshilolyaa kisangu kyakwa, mwanany waany kanra nalesha neeni-fo.’” 6Israeli kaamba, “Nkyiki elyi muleshitannya ukasha indo mukavia nndu eto kwiifo mwana ungyi n-du?” 7Vakammbia, Nndu yeto mmbo alelusuma nnu mbony teru na ta kyeny kweru, kaamba, “A ndeye waany eefo na muu? Mutiri mwanamaye waany ungyi? Neese lukarouwa nisha efyo fyoose. A mmbo lweshidimaa imanya aluvia, Sokeny ando amwi neeto ungyi?”
8Yuda kavia ndeye Israel, “Shiniingya mwana yeu, lukupoo lweende, naambo lukie lulashefwa, yese neewe na vana veru.” 9Yeny shishevaa nkureeki wakwe, kushembwarya wokony lwakwa, shanra shilembiira, kwafo shinkurambikye, ra nsheva nndu nrekwa mbee yafo kyeeri kyoose. 10Mashika kulore ni elyi lwankuryariya, mmbo lwekooyaa lwambuya lya kavii. 11Ndeye waawo Israeli kaamba, “Kwankooya niindo, taneny indi, endeny murye findo fya pya, munderwaaya nndu yeto, ukyi lunnywa, ubani, manemane na mafura. 12Mukamare fesa kavii mmwasi ando amwi na tilya tileviirwa mikusheny mweende mutirye, kulakooye mmbo tilerekyo 13Ipoony, na mwanany waany, mweende nawe neewuya nawe. 14Iruva muni finya toose namulyilye mbee ya nndu eto, namuporomuye mwanamaye yeto waany ungyi, na Benyamen. Neeny shanfiiyo m'mbana vakwa, naasa-da.”
15Naasa vandu yewo vakaipoo findo fya pya, vakaipoo na fesa kavii, na Benyamen, vakakwiipoo vakasoka Misri, vakandefika mbee ya Yosefu. 16Na llya alelollya Benyaminy kavia nndu yeto mwisalallya mmba yakwe, “Ende vandu yeva kulya kyeny, kushishe na ideesya, mashika vandu yeva mmbo vashelyaa neeny nsanyiny.” 17Nndu ulya katana shaasa Yosefu alevavasya. Nawe karwaa vandu yewo kyeny kwa Yosefu. 18Kyeendi vandu yewo vakairyaa mashika llya valerawa kwa Yosefu, vakakusara, ni kimaruma kya fesa tilya tileviiro kulya mikusheny kulakooye mmbo lweendwa kunu luutyo uvingo, lutiro mfungwa luve mashinga ando amwi na mishungu yeeru.
19Vakaserikya kufii na mwisalalya mmba ya Yosefu yoo mwangony vakarera nawe. 20Vakammbia, “Lola, yese dede Kyaaro kilya kya mbee mmbo lulesoka lusheura shoonga. 21Lya lulefikya mba ya veny, lukaporomwa mikusha lukakooya efo mikusheny wo ndu fesa takwe efo nkusheny, wo umwi fesa toose, nato ekati lutirye toose. 22Neese mmbo lurye na fesa tingyi naambo luure nato shoonga, nta llumanyaa nndu aleviira fesa eto efo mikusheny yeeru-fo.” 23Kavavia, “Ufoo lukae neeni mulairyee-fo, Iruva waany, avekee Iruva wa ndeye waany, mmbwe eto alemuviirya pule yeyo efo mikusheny yaany. Fesa tany shiletilolya.” Naasa kavaporomuya Simion.
24Nndu eto keende vandu yewo kwa Yosefu, kavaniinga mura, neevasangya marende, neeninga mishungu yaawo shoonga. 25Vakatira kindo kilya kya pya verie kutani Yosefu alesha nsanyiny, mashika vemmbio mmbo vashelyaa shoonga nawe. 26Kyeeri Yosefu alesha vakamweengye kindo kilya kya pya veerye, vakakwinyika vakafika si. 27Kavavesa mbony tawo, “A ndeye waany mmiku ulya, aifo nisha ndesa?” 28Vakaamba, “Ishinga lyafo, we ndeeto weeru eefo nisha, eefo na muu, vakafiirya ndi kyemwindya.” 29Lya aipoo miso kalollya Benyamen, mwanawo, mwana wa maye, kaamba, “Yeu mmbwe mwanany n-du muleshivia mbony takwe?” Kammbia, “Iruva nakutarame mwanakwa.” 30Yosefu kaangusya, yuukau ni llya nrima wakwe ulelooka kimaruma kya mwanawo, karuuya ando nandeiya, kaanga neefo kiryeny kyakwe kandeiya-fo.
31Kasangya kisangu, kasomuka kakukaarisa, kaamba, “Endeny shoonga.” 32Vakadeesya shoonga we muni nawo veni, na Vamisri valya vekee nawe kyaanya kyawo, mashika Vamisri mmbashidimaa ilya na Vaebrania-fo, nielyi kwa Vamisri kikee kindo kya iipala. 33Vakavikwa rembo, kupookya ulya wa mbee iwonika, kundekooya ulya n-du, vandu yewo vakafulukywa wo veni. 34Vakarikyo waavi lwa shoonga luuka yoo meseny yakwe kyeendi waavi lwa Benjamen kalufumbuta karaanu ngota lwawo. Vakana, vakafura ando amwi nawe.
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.