Mapookyony 41
41
Yosefu Atambasshwa Moorya a Mangyi
1Naasa kwikisia myaaka ivii sele, Farao koorya yoorya, nawe vai mmbo eselelyi yoo mbai ya mura. 2Ate, ng'umbe shisha shivanri, tikasaama tuuka mureny, tikalya mare waambareny. 3Na ng'umbe tingyi mfungare tikasaama tuuka mureny, shifwa-fwa, shiniiri, tikashesalala kufii na tilya tingyi. 4Naasa ng'umbe eto mfungare shifwa-fwa shiniiri tikalya ng'umbe tilya shisha mfungare, shivanri. Naasa Farao kookya rweny. 5Kalala, koorya-se lya kavii. Ate vai, fyaa mfungare fivesye fikauka yoo ikenyeny lyimwi, fyaa fiwongye, fisha. 6Na lyingyi fyaa fikasha fya mafovyo fikee fyuumise ni uraato lwa taari ya ngameny fikashemmya ando a filya. 7Naasa fyaa efyo fya mafovyo mfungare fikamira fyaa filya mfungare fisha fyeisshwe. Naasa Farao kookya rweny, ate nnyoorya!
8Fika ngama nrima wakwe ukaereve, karuma vandu vandevaanga vaanga woose va Misri, na vandu varango woose veefo. Farao kawoongoya yoorya lyakwe, kulave-fo nta umwi aidima itambashuya Farao mbony eto. 9Naasa nniini wa veraiya mangyi wari kavia Farao, “Inu shankummbwa maravi akwa moose.” 10Kyeeri kilya kulesua neese mashinga afo, kwalweera kifingyony kwa nniini wa vasikari, yeny na nniini wa nkori wa mikate. 11Lukaorya yoorya kio kimwi yeny nawe, wo nndu yoorya lyakwe na urango lwa vayo. 12Neefo mmbo lweefo ando amwi na nsoro umwi Mwebiri, nsero wa nniini wa vasikari lukamwongoya, nawe kalutambashuya, kaaluya wo nndu yoorya lyakwe shaasa lyeekai. 13Kyikava indo shaasa alelutambashuya, niindo kileveeva, yeny shaviirwa ishoreny lyakwa, nawe kavaniko nrii-u.
14Naasa Farao karuma vandu, Yosefu kandevaangwa, vakammbuta uviny kulya kifinngyony. Kauta nrwe, kaalasha soori, kaanga kwa Farao. 15Farao kavia Yosefu, “Mmbo shileorya, nta kulakae-fo nndu aidima ishitambashuya. Neeny shaita mbony tafo, shisha sheelyi kweeta yoorya, vai kushidimaa itambashwa.” 16Yosefu karouwa Farao kammbia, “Nshi yeny-fo, Ni Iruva muni asheniingaa Farao kiroowo kya ufoo.” 17Farao kavia Yosefu, “Yoorya elyo lyako mmbo shesalelyi yoo wambareny lwa mura, 18llate, shalollya ng'umbe mfungare tishukaa mureny, shivanri, shisha, tikalya mare.” 19Numa shalollya ng'umbe tingyi mfungare tasaama numa yeeto, shifwa-fwa shiniiri deny, shiniiri; kunu urukeny lwa Misri nshilelollye ng'umbe sheeto kwa ufwa-fwa-fo. 20Na ng'umbe eto shiniiri, shikasha tikamira ng'umbe tilya ta mbee shivanri. 21Neelyi tammaa imira tilya tingyi nta tilaore sheelyi taantimira kyeendi, tikeengera iva indo sha llya mapookyony tikee shikasha. Naasa neeny shookkya rony. 22Naasa shalollya lyingyi efo yooryeny, shalollya fyaa mfungare fyammya yoo ikyenyeny lyimwi, fyaa fisha fiisshwe. 23Shalollya lyingyi fyaa mfungare fifwa-fwa, fikeefyuumise ni uraato lwa taari ya ngameny fikashemya-u. 24Na fyaa efyo fifwa-fwa fikamira filya mfungare fisha. Neeny shavia vaanga yewo, kulawonike-u nta umwi aidima ishoora utambashyo lwa vayo.
25Yosefu kavia Farao, “Yoorya lya mangyi llyimwi; Iruva mmbo aleora mangyi efyo ashetanaa kyeeri ekyi.” 26Ng'umbe tilya shisha mfungare ni myaaka mfungare; na fyaa filya fisha mfungare ni myaaka mfungare. Yoorya llyimwi nsi. 27Na ng'umbe tilya mfungare shifwa-fwa shikasha tilesaama numa yeeto tingyi mmyaaka mfungare; na fyaa filya mfungare fya ruu fikee fyuumise ngyuraato lwa ngameny ni myaaka mfungare ya shaa.
28Niindo shilevia Farao, “Sheelyi Iruva mmbo oora Farao ekyo ashetanaa yaa kyeeriny ekyi.” 29Lola myaaka mfungare ya mbora ikeesha kunu urukeny lwa Misri koose. 30Numa ishe myaaka mfungare ya shaa numa ya vayo, na mbora yeyo mmbo isherekaa urukeny loose lwa Misri, na shaa ishewoya uruka.
31Nta mbora yeyo nnyishekumbuwaa-fo kyimaruma kya shaa yeyo isheshaa numa ya vayo mashika nnyisheng'anaa nnu. 32Yoorya elyo lya Farao mmbo lyilesha kavii mashika elyi Iruva ekundye ilyivika finya nawe nalyiinutye uviny.
33Naasany, Farao naruuye nndu atiri urango na waarya asalallye uruka lwa Misri. 34Farao atane indo avike na veesalallya uruka, vawarye kyenga kya karaanu kya fimu fyoose fya Misri, myaakeny yei mfungare ya mbora. 35Vasangirye shoonga shoose ya myaaka yei misha ikeesha, vavike kiraambu kya shoonga kwa Farao, vasanyirye shoonga miriny koose. 36Na shoonga yeyo mmbo ishevaa kiraambu kya uruka kyeeri kya myaaka, yeyo mfungare ya shaa yeyo isheshaa urukeny lwa Misri uruka lulashelyamarwa nshaa.
Yosefu Avikwa Mwiishillya Nniini wa Misri
37Mbony yeto tikasennya Farao na vandu vakwe woose. 38Farao kavia vandu vakwe, “Nkwi efo lushuuta nndu sha yeu, atiri mumuyo wa ki-Iruva nnang'ani yakwe?” 39Farao kavia Yosefu, “Kimmba Iruva ankumanyisya efyo fyoose, nkwiiyo ungyi atiri urango na waarya sha yewe-fo.” 40Naasany ni yewe kushesalallyaa mmba yakwa, na irero lyafo llyo lyishesalallyaa vandu vakwa. Ni yoo kitiminy kya umangyi kweni nshekaa uwe ngota yewe.
41Farao kavia Yosefu, “Lola yeny shankuvika uwe ya uruka loose lwa Misri.” 42Farao koota-fo nrashi yakwe ya umangyi efo wokony kaivika Yosefu, kammbika na soori shisha, na nse wa saabu singony yakwe. 43Kansaamisa ikariny lyakwe etiri lya kavii. Na vandu vakakapa ngaya mbee yakwe, vakaamba, “Fiiryeny nndi.” Niindo kammbika uwe ya uruka loose lwa Misri. 44Farao kavia Yosefu, “Yeny ni Farao, kulaore ni kwa ivavaso lyafo, nndu nalaipoo woko nta urende kunu urukeny lwa Misri-fo.” 45Farao kavaanga Yosefu kulya Sefanath-panea, kamworisa Asenathi mfu wa Potifera, nkohani wa Oni nave nka wakwe. Yosefu kakweenngya efo neefo efo urukeny lwa Misri.
46Yosefu mmbo etiri myaaka makumi araru kyeeri alesha mbee ya Farao, we mangyi ya Misri. Yosefu kooka mbee ya Farao, kasaiya uruka loose lwa Misri. 47Naasa kyeeri kya myaaka ilya mfungare ya mbora, uruka lukatira findo fiingyi nnu. 48Kasangyirya shoonga toose urukeny lwa Misri myaaka ilya mfungare. Kasangyirya shoonga efo miriny, shoonga ta mareminy kuringitya miri myoose, tikasurumwa. 49Yosefu kasangyirya shoonga ta mbeu sha nsanga wa mbai ya nruva, shiingyi nnu, kara-fo yeekyena, mashika mfyeva yeekyena-fo.
50Kulaore myaaka ya shaa yansha, Yosefu kairywa vana vavii, yewo Asenath mfu wa Potifera, Nkohani wa Oni, alemwiirya. 51Ulya mmbee Yosefu kammbaanga Manase, kyeyaamba, Iruva ansheekya sharekywa ngatara takwa toose na mmba ya nnde shoose. 52Na wa kavii kammbaanga Efraimu, kyeyaamba, Iruva mmbo ashiniinga ngyeeri kunu urukeny lwa makiva akwa.
53Myaaka ilya mfungare ya mbora kulya Misri ikeera, 54myaaka ilya mfungare ya shaa ikapooka isha, shaasa llya Yosefu aleamba. Ikasha shaa ngyurukeny toose, lyo urukeny lwa Misri koose kukatira shoonga. 55Uruka loose lwa Misri lwikiwona shaa ilya vandu vakaiya na Farao navaniinge shoonga. Farao kavia Vamisri woose. “Endeny kwa Yosefu, ekyo amuviaa, taniny.” 56Shaa ikakwaana ulaniny koose nafo. Yosefu karua mbeshe toose kakummbya Vamisri shoonga. Shaa ikarwaa deny kulya Misri. 57Vandu va ngyuruka toose vakasha Misri kwa Yosefu naambo woore shoonga, mashika llya shaa ilerwaa nnu ulaniny koose.
Valið núna:
Mapookyony 41: MAS2
Áherslumerki
Deildu
Afrita
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
Mapookyony 41
41
Yosefu Atambasshwa Moorya a Mangyi
1Naasa kwikisia myaaka ivii sele, Farao koorya yoorya, nawe vai mmbo eselelyi yoo mbai ya mura. 2Ate, ng'umbe shisha shivanri, tikasaama tuuka mureny, tikalya mare waambareny. 3Na ng'umbe tingyi mfungare tikasaama tuuka mureny, shifwa-fwa, shiniiri, tikashesalala kufii na tilya tingyi. 4Naasa ng'umbe eto mfungare shifwa-fwa shiniiri tikalya ng'umbe tilya shisha mfungare, shivanri. Naasa Farao kookya rweny. 5Kalala, koorya-se lya kavii. Ate vai, fyaa mfungare fivesye fikauka yoo ikenyeny lyimwi, fyaa fiwongye, fisha. 6Na lyingyi fyaa fikasha fya mafovyo fikee fyuumise ni uraato lwa taari ya ngameny fikashemmya ando a filya. 7Naasa fyaa efyo fya mafovyo mfungare fikamira fyaa filya mfungare fisha fyeisshwe. Naasa Farao kookya rweny, ate nnyoorya!
8Fika ngama nrima wakwe ukaereve, karuma vandu vandevaanga vaanga woose va Misri, na vandu varango woose veefo. Farao kawoongoya yoorya lyakwe, kulave-fo nta umwi aidima itambashuya Farao mbony eto. 9Naasa nniini wa veraiya mangyi wari kavia Farao, “Inu shankummbwa maravi akwa moose.” 10Kyeeri kilya kulesua neese mashinga afo, kwalweera kifingyony kwa nniini wa vasikari, yeny na nniini wa nkori wa mikate. 11Lukaorya yoorya kio kimwi yeny nawe, wo nndu yoorya lyakwe na urango lwa vayo. 12Neefo mmbo lweefo ando amwi na nsoro umwi Mwebiri, nsero wa nniini wa vasikari lukamwongoya, nawe kalutambashuya, kaaluya wo nndu yoorya lyakwe shaasa lyeekai. 13Kyikava indo shaasa alelutambashuya, niindo kileveeva, yeny shaviirwa ishoreny lyakwa, nawe kavaniko nrii-u.
14Naasa Farao karuma vandu, Yosefu kandevaangwa, vakammbuta uviny kulya kifinngyony. Kauta nrwe, kaalasha soori, kaanga kwa Farao. 15Farao kavia Yosefu, “Mmbo shileorya, nta kulakae-fo nndu aidima ishitambashuya. Neeny shaita mbony tafo, shisha sheelyi kweeta yoorya, vai kushidimaa itambashwa.” 16Yosefu karouwa Farao kammbia, “Nshi yeny-fo, Ni Iruva muni asheniingaa Farao kiroowo kya ufoo.” 17Farao kavia Yosefu, “Yoorya elyo lyako mmbo shesalelyi yoo wambareny lwa mura, 18llate, shalollya ng'umbe mfungare tishukaa mureny, shivanri, shisha, tikalya mare.” 19Numa shalollya ng'umbe tingyi mfungare tasaama numa yeeto, shifwa-fwa shiniiri deny, shiniiri; kunu urukeny lwa Misri nshilelollye ng'umbe sheeto kwa ufwa-fwa-fo. 20Na ng'umbe eto shiniiri, shikasha tikamira ng'umbe tilya ta mbee shivanri. 21Neelyi tammaa imira tilya tingyi nta tilaore sheelyi taantimira kyeendi, tikeengera iva indo sha llya mapookyony tikee shikasha. Naasa neeny shookkya rony. 22Naasa shalollya lyingyi efo yooryeny, shalollya fyaa mfungare fyammya yoo ikyenyeny lyimwi, fyaa fisha fiisshwe. 23Shalollya lyingyi fyaa mfungare fifwa-fwa, fikeefyuumise ni uraato lwa taari ya ngameny fikashemya-u. 24Na fyaa efyo fifwa-fwa fikamira filya mfungare fisha. Neeny shavia vaanga yewo, kulawonike-u nta umwi aidima ishoora utambashyo lwa vayo.
25Yosefu kavia Farao, “Yoorya lya mangyi llyimwi; Iruva mmbo aleora mangyi efyo ashetanaa kyeeri ekyi.” 26Ng'umbe tilya shisha mfungare ni myaaka mfungare; na fyaa filya fisha mfungare ni myaaka mfungare. Yoorya llyimwi nsi. 27Na ng'umbe tilya mfungare shifwa-fwa shikasha tilesaama numa yeeto tingyi mmyaaka mfungare; na fyaa filya mfungare fya ruu fikee fyuumise ngyuraato lwa ngameny ni myaaka mfungare ya shaa.
28Niindo shilevia Farao, “Sheelyi Iruva mmbo oora Farao ekyo ashetanaa yaa kyeeriny ekyi.” 29Lola myaaka mfungare ya mbora ikeesha kunu urukeny lwa Misri koose. 30Numa ishe myaaka mfungare ya shaa numa ya vayo, na mbora yeyo mmbo isherekaa urukeny loose lwa Misri, na shaa ishewoya uruka.
31Nta mbora yeyo nnyishekumbuwaa-fo kyimaruma kya shaa yeyo isheshaa numa ya vayo mashika nnyisheng'anaa nnu. 32Yoorya elyo lya Farao mmbo lyilesha kavii mashika elyi Iruva ekundye ilyivika finya nawe nalyiinutye uviny.
33Naasany, Farao naruuye nndu atiri urango na waarya asalallye uruka lwa Misri. 34Farao atane indo avike na veesalallya uruka, vawarye kyenga kya karaanu kya fimu fyoose fya Misri, myaakeny yei mfungare ya mbora. 35Vasangirye shoonga shoose ya myaaka yei misha ikeesha, vavike kiraambu kya shoonga kwa Farao, vasanyirye shoonga miriny koose. 36Na shoonga yeyo mmbo ishevaa kiraambu kya uruka kyeeri kya myaaka, yeyo mfungare ya shaa yeyo isheshaa urukeny lwa Misri uruka lulashelyamarwa nshaa.
Yosefu Avikwa Mwiishillya Nniini wa Misri
37Mbony yeto tikasennya Farao na vandu vakwe woose. 38Farao kavia vandu vakwe, “Nkwi efo lushuuta nndu sha yeu, atiri mumuyo wa ki-Iruva nnang'ani yakwe?” 39Farao kavia Yosefu, “Kimmba Iruva ankumanyisya efyo fyoose, nkwiiyo ungyi atiri urango na waarya sha yewe-fo.” 40Naasany ni yewe kushesalallyaa mmba yakwa, na irero lyafo llyo lyishesalallyaa vandu vakwa. Ni yoo kitiminy kya umangyi kweni nshekaa uwe ngota yewe.
41Farao kavia Yosefu, “Lola yeny shankuvika uwe ya uruka loose lwa Misri.” 42Farao koota-fo nrashi yakwe ya umangyi efo wokony kaivika Yosefu, kammbika na soori shisha, na nse wa saabu singony yakwe. 43Kansaamisa ikariny lyakwe etiri lya kavii. Na vandu vakakapa ngaya mbee yakwe, vakaamba, “Fiiryeny nndi.” Niindo kammbika uwe ya uruka loose lwa Misri. 44Farao kavia Yosefu, “Yeny ni Farao, kulaore ni kwa ivavaso lyafo, nndu nalaipoo woko nta urende kunu urukeny lwa Misri-fo.” 45Farao kavaanga Yosefu kulya Sefanath-panea, kamworisa Asenathi mfu wa Potifera, nkohani wa Oni nave nka wakwe. Yosefu kakweenngya efo neefo efo urukeny lwa Misri.
46Yosefu mmbo etiri myaaka makumi araru kyeeri alesha mbee ya Farao, we mangyi ya Misri. Yosefu kooka mbee ya Farao, kasaiya uruka loose lwa Misri. 47Naasa kyeeri kya myaaka ilya mfungare ya mbora, uruka lukatira findo fiingyi nnu. 48Kasangyirya shoonga toose urukeny lwa Misri myaaka ilya mfungare. Kasangyirya shoonga efo miriny, shoonga ta mareminy kuringitya miri myoose, tikasurumwa. 49Yosefu kasangyirya shoonga ta mbeu sha nsanga wa mbai ya nruva, shiingyi nnu, kara-fo yeekyena, mashika mfyeva yeekyena-fo.
50Kulaore myaaka ya shaa yansha, Yosefu kairywa vana vavii, yewo Asenath mfu wa Potifera, Nkohani wa Oni, alemwiirya. 51Ulya mmbee Yosefu kammbaanga Manase, kyeyaamba, Iruva ansheekya sharekywa ngatara takwa toose na mmba ya nnde shoose. 52Na wa kavii kammbaanga Efraimu, kyeyaamba, Iruva mmbo ashiniinga ngyeeri kunu urukeny lwa makiva akwa.
53Myaaka ilya mfungare ya mbora kulya Misri ikeera, 54myaaka ilya mfungare ya shaa ikapooka isha, shaasa llya Yosefu aleamba. Ikasha shaa ngyurukeny toose, lyo urukeny lwa Misri koose kukatira shoonga. 55Uruka loose lwa Misri lwikiwona shaa ilya vandu vakaiya na Farao navaniinge shoonga. Farao kavia Vamisri woose. “Endeny kwa Yosefu, ekyo amuviaa, taniny.” 56Shaa ikakwaana ulaniny koose nafo. Yosefu karua mbeshe toose kakummbya Vamisri shoonga. Shaa ikarwaa deny kulya Misri. 57Vandu va ngyuruka toose vakasha Misri kwa Yosefu naambo woore shoonga, mashika llya shaa ilerwaa nnu ulaniny koose.
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.