Mapookyony 34
34
Dina Aafinywa
1Naasa Dina mwana wa Lea, ulya Lea alemwiirya Yakobo, kasomuka nandelollya vana vengyi. 2Shekemu mwana wa Hamori, Mhivi, nshilyi wa uruka kallollya kantira kamwaafinya. 3Nrima wakwe ukalanga Dina mwana wa Yakobo, kankunda, karera nawe marero mesha, 4Shekemu karera na ndeye Hamori kaamba, “Shionisya mwana yeu wa kyika nave nka wakwa.” 5Naasa, Yakobo kaita mmbo aleafinya mwana wakwe Dina. Na vana valya vakwe mmbo vekee ureny veshiisaa findo. Yakobo kasya-do, kutani llya valesha.
6Hamori ndeye wa Shekemu kakupoo keenngya Yakobo narere nawe. 7Kyeeri ekyo kyeni vana va Yakobo vakawuya wooka ureny. Kyeeri valeita mbony eyo vakaaukwa neenyaasika nnu, kimmba shekemu aletannya Israel utefusu elo, lweyaafinya mwana wa kyeny wa Yakobo kilasumannyi itana. 8Hamori karera nawo kaamba, “Nrima wa mwana-kwa Shekemu mmbo ulanngye mfu yeu waany, shamutereva-dwa nningyeny namwoore. 9Mukoore neese, muluniingye vefu vany, neese lumuniigye vefu veru. 10Neeni mmbo mukaa neese na uruka elu ekalu yaa mbee yaany, keeny-fo nekapya-fo mbusha, muwoni-fo masaa.” 11Shekemu kavia ndeye wa mwana ulya wa kyika na vana va maye, “Shiirikywa mbee yaany, neekyo mushiviaa nsheniinngyaa. 12Naakwa mwafumbuta findo fya ukwe deny na findo fya pya, nshenigyaa kiinani na ffya musheshiviaa, lyo mushikuniinngye mwana yeu tupu nave nka wakwa.”
13Vana va Yakobo vakarouwa Shekemu na ndeye Hamori na Kinyala, mashika elyi aletefusa mfwa-maye waawo. 14Vakavavia, “Llushiidimaa itana kindo kya ngata yeyo luniinngye mfwa-maye weeru kwa nndu alakee nrini-fo, mmbo kyivaa usutu deny kweru. 15Ni kindo kimwi nsi kishidimaa imusanda neese, mukammba sheese, wo nndu nndumi kwany narino, 16llyo lushemuninngyaa vefu veru, neese lwipoo vefu vany, mmbo lushekaa neeni, neese mmbo lushevaa vandu vamwi. 17Kyeendi mwanra mulalwiita murino, naasa mmbo lushipoo mfwamaye weeru lweende deny.” 18Marero awo akasennya Hamori na Shekemu, mwana wa Hamori. 19Na nsoro ulya nnyalekyeeyo yiinutya irero elyo-fo, mashika elyi ekunndye nnu mfu yeto wa Yakobo nawe katira wiindi nnu ngota woose efo kyeny kwa ndeye.
20Hamori na nsero wakwe Shekemu vakasha yoo ngiriny ya muri wao, vakarera na vandu wa muri wawo vakavavia, 21“Vandu yeva mmbo vatiri ufoo neese kyasia vakae kunu, vakapye-fo mbusha; mashika uruka ni uniini mmbo ivamaa deny, neese loore vefu vawo, na vefu veru luvaningye.” 22Kyaindi ishingo llyimwi-nsi lyishevasandaa neese vakee kweru, luve vamwi, llurinwaa, wo nndu nndumi, shaasa nawo vakee varini. 23Ale, moonri awo, na masaa awo na findo fyawo fyeevikya mfishevaa fyeru? Naasany lukutire nawo naambo vakee kweru. 24Vakaarannya kilya Hamori na mwana wakwe Shekemu alevavia, wo nndu nndumi wa efo muriny wakwe vakarinwa.
25Naasa nkonu wa kararu kyeeri vakeevavio deny, vana vavii va Yakobo, Simion na Levi, vana-va-maye va Dina, vakaipoo wo nndu usu lwakwe, vakasha kulya muriny ulya na ukaari, vakawaa womi woose. 26Vakawaa Hamori na mwana-wakwe Shekemu, na usu woovi, vakauta Dina efo kwa Shekemu vakeenda.
27Vana va Yakobo vakasheya yewo valevawaa vakatira muri wawo mfungwa, mashika elyi valelyamara mfwa-maye waawo. 28Vakaipoo moonri awo na ng'umbe tawo, na mishungu yaawo na findo fyeeke efo muriny na efyo fyeeke efo mareminy. 29Vakaipoo na masaa awo moose, na vana vawo woose na vaka vawo, na findo fyoose fya efo kyeny kwawo vakafitira mfungwa. 30Yakobo kavia Simion na Levi, “Mwanshaatara mukashireesa kikasha efo vanduny va uruka elu, vakanaani na Vaperizi, na yeny kimmba vandu vakwa vakee vaangu, mmbo vasheshikuumbyaa, vashikape, neeny nshemamitwa, yeny na mmba yakwa”. 31Nawo vakaamba, “A ndesa nkisha natannyi mfwamaye weeru sha nka wa shia?”
Valið núna:
Mapookyony 34: MAS2
Áherslumerki
Deildu
Afrita
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
Mapookyony 34
34
Dina Aafinywa
1Naasa Dina mwana wa Lea, ulya Lea alemwiirya Yakobo, kasomuka nandelollya vana vengyi. 2Shekemu mwana wa Hamori, Mhivi, nshilyi wa uruka kallollya kantira kamwaafinya. 3Nrima wakwe ukalanga Dina mwana wa Yakobo, kankunda, karera nawe marero mesha, 4Shekemu karera na ndeye Hamori kaamba, “Shionisya mwana yeu wa kyika nave nka wakwa.” 5Naasa, Yakobo kaita mmbo aleafinya mwana wakwe Dina. Na vana valya vakwe mmbo vekee ureny veshiisaa findo. Yakobo kasya-do, kutani llya valesha.
6Hamori ndeye wa Shekemu kakupoo keenngya Yakobo narere nawe. 7Kyeeri ekyo kyeni vana va Yakobo vakawuya wooka ureny. Kyeeri valeita mbony eyo vakaaukwa neenyaasika nnu, kimmba shekemu aletannya Israel utefusu elo, lweyaafinya mwana wa kyeny wa Yakobo kilasumannyi itana. 8Hamori karera nawo kaamba, “Nrima wa mwana-kwa Shekemu mmbo ulanngye mfu yeu waany, shamutereva-dwa nningyeny namwoore. 9Mukoore neese, muluniingye vefu vany, neese lumuniigye vefu veru. 10Neeni mmbo mukaa neese na uruka elu ekalu yaa mbee yaany, keeny-fo nekapya-fo mbusha, muwoni-fo masaa.” 11Shekemu kavia ndeye wa mwana ulya wa kyika na vana va maye, “Shiirikywa mbee yaany, neekyo mushiviaa nsheniinngyaa. 12Naakwa mwafumbuta findo fya ukwe deny na findo fya pya, nshenigyaa kiinani na ffya musheshiviaa, lyo mushikuniinngye mwana yeu tupu nave nka wakwa.”
13Vana va Yakobo vakarouwa Shekemu na ndeye Hamori na Kinyala, mashika elyi aletefusa mfwa-maye waawo. 14Vakavavia, “Llushiidimaa itana kindo kya ngata yeyo luniinngye mfwa-maye weeru kwa nndu alakee nrini-fo, mmbo kyivaa usutu deny kweru. 15Ni kindo kimwi nsi kishidimaa imusanda neese, mukammba sheese, wo nndu nndumi kwany narino, 16llyo lushemuninngyaa vefu veru, neese lwipoo vefu vany, mmbo lushekaa neeni, neese mmbo lushevaa vandu vamwi. 17Kyeendi mwanra mulalwiita murino, naasa mmbo lushipoo mfwamaye weeru lweende deny.” 18Marero awo akasennya Hamori na Shekemu, mwana wa Hamori. 19Na nsoro ulya nnyalekyeeyo yiinutya irero elyo-fo, mashika elyi ekunndye nnu mfu yeto wa Yakobo nawe katira wiindi nnu ngota woose efo kyeny kwa ndeye.
20Hamori na nsero wakwe Shekemu vakasha yoo ngiriny ya muri wao, vakarera na vandu wa muri wawo vakavavia, 21“Vandu yeva mmbo vatiri ufoo neese kyasia vakae kunu, vakapye-fo mbusha; mashika uruka ni uniini mmbo ivamaa deny, neese loore vefu vawo, na vefu veru luvaningye.” 22Kyaindi ishingo llyimwi-nsi lyishevasandaa neese vakee kweru, luve vamwi, llurinwaa, wo nndu nndumi, shaasa nawo vakee varini. 23Ale, moonri awo, na masaa awo na findo fyawo fyeevikya mfishevaa fyeru? Naasany lukutire nawo naambo vakee kweru. 24Vakaarannya kilya Hamori na mwana wakwe Shekemu alevavia, wo nndu nndumi wa efo muriny wakwe vakarinwa.
25Naasa nkonu wa kararu kyeeri vakeevavio deny, vana vavii va Yakobo, Simion na Levi, vana-va-maye va Dina, vakaipoo wo nndu usu lwakwe, vakasha kulya muriny ulya na ukaari, vakawaa womi woose. 26Vakawaa Hamori na mwana-wakwe Shekemu, na usu woovi, vakauta Dina efo kwa Shekemu vakeenda.
27Vana va Yakobo vakasheya yewo valevawaa vakatira muri wawo mfungwa, mashika elyi valelyamara mfwa-maye waawo. 28Vakaipoo moonri awo na ng'umbe tawo, na mishungu yaawo na findo fyeeke efo muriny na efyo fyeeke efo mareminy. 29Vakaipoo na masaa awo moose, na vana vawo woose na vaka vawo, na findo fyoose fya efo kyeny kwawo vakafitira mfungwa. 30Yakobo kavia Simion na Levi, “Mwanshaatara mukashireesa kikasha efo vanduny va uruka elu, vakanaani na Vaperizi, na yeny kimmba vandu vakwa vakee vaangu, mmbo vasheshikuumbyaa, vashikape, neeny nshemamitwa, yeny na mmba yakwa”. 31Nawo vakaamba, “A ndesa nkisha natannyi mfwamaye weeru sha nka wa shia?”
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.