Mapookyony 23
23
Sara Afwa na Abrahamu Kaura Ando Kwenrika
1Nawe Sara kava na myaaka iyana na makumi avii na mfungare, nto suku ta Sara. 2Sara kafiiya Kiriath-arba, mfo Hebron kulya urukeny lwa Kanaani. 3Abrahamu kasha immbikya kiiyo na imuiya, 4Abrahamu kauka yoo nying'a wa nka wakwe wekai, karera na Bani Hethi, kammbia, “Yeny mmbo shikee muny, nkwany shikai; shiningeny ando a irika, shirike nnying'a va nka wakwa.” 5Wahiti vakarouwa Abrahamu vakammbia, 6“Nkyelwaarannyi-dwa woi mbee, nndu nniini deny kunu kweru ni yewe, rika nka vafo wafo ando yoo kushesauwaa efo fifuny fyeru, nta nkwiifo nndu ashekwiimaa kifu kyakwe, kure kularika nying'a va nka vafo-fo.” 7Abrahamu kavafiirya ndi Wahiti yewo. 8Nawe karera nawo kavavia, “Kwakooya mulangye indo shirike nnying'a va nka vakwa naambo ushuuke, shaaranyiny naambo musheshiterevya kwa Efroni wa Sohari. 9Naambo nashiniinge mbanga ya Makpela ikee yoo mbai ya irema lyakwe, nashiniinge kwa wuuru lwiishwe, mwiiyo, naambo ave ando akwa, eerika vandu.” 10Naasa Efroni mmbo ekee yoo nnang'ani ya Vahiti. Efroni Mhiti kavia Abrahamu, na Vahiti, veshaaranyaa, na vandu woose va efo poo kwakwe kaamba, 11“Nshiindo-fo nndumi wakwa, nkyeshaaranya, Irema elyo mmbo shalyikuniinga, na mbanga yeyo ando amwi nalyo mbee ya vana va vandu vakwa mmbo shakuniinga, kurike-u nnying'a wafo.” 12Abrahamu kavaindya, 13Kavia Efroni, na vandu va uruka woose veetye, kavavia, “Shakutereva kushaaranyi, ‘Wuuru lwa irema mmbo shiniingyaa, kuluwarye, neeny llyo shiriken-fo nnying'a va nka wakwa.’” 14Ekroni kavia Abrahamu, 15“Nndumi wakwa mmbee, shaaranya, ‘Kyenga kya uteeri, wuuru lwa vayo lukee shekeli ta fesa mayana aana ntimaaki kwakwa yeny na yewe? Shakutereva rika nnying'a wa nka wafo.’”
16Abrahamu kairikya marero a Efroni. Abrahamu kamwekennya ileri tilya emmaa isenda maarwiny a Vahiti, shekeli ta fesa mayana aana, ndesa tikwaani neeto ta veekapa mbusha. 17Naasa nrema ya Efroni yeyo yekee Makpela kuleenda na Mamre, nrema na mbanga ya vayo, na miri myoose yeyo yekee efo ireminy yelyo na eyo yekee efo minyanuny taari toose, fyoose mmbo fyeekenwa, 18five masaa a Abrahamu, mbee ya Vahiti veeiyoo, na vandu woose va muri wakwe. 19Naasa efyo fikiinukya, Abrahamu karika Sara nka wakwe, efo mbangeny ya Makpela taari ya ngama ya Mamre, mfo Hebron, kulya urukeny lwa Kanaani. 20Na nrema yeyo na mbanga ya vayo, fikaringisyo sheelyi ni masaa a Abrahamu aniingwa Mmbahiti, kuve ando akwe a irika.
Valið núna:
Mapookyony 23: MAS2
Áherslumerki
Deildu
Afrita
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
Mapookyony 23
23
Sara Afwa na Abrahamu Kaura Ando Kwenrika
1Nawe Sara kava na myaaka iyana na makumi avii na mfungare, nto suku ta Sara. 2Sara kafiiya Kiriath-arba, mfo Hebron kulya urukeny lwa Kanaani. 3Abrahamu kasha immbikya kiiyo na imuiya, 4Abrahamu kauka yoo nying'a wa nka wakwe wekai, karera na Bani Hethi, kammbia, “Yeny mmbo shikee muny, nkwany shikai; shiningeny ando a irika, shirike nnying'a va nka wakwa.” 5Wahiti vakarouwa Abrahamu vakammbia, 6“Nkyelwaarannyi-dwa woi mbee, nndu nniini deny kunu kweru ni yewe, rika nka vafo wafo ando yoo kushesauwaa efo fifuny fyeru, nta nkwiifo nndu ashekwiimaa kifu kyakwe, kure kularika nying'a va nka vafo-fo.” 7Abrahamu kavafiirya ndi Wahiti yewo. 8Nawe karera nawo kavavia, “Kwakooya mulangye indo shirike nnying'a va nka vakwa naambo ushuuke, shaaranyiny naambo musheshiterevya kwa Efroni wa Sohari. 9Naambo nashiniinge mbanga ya Makpela ikee yoo mbai ya irema lyakwe, nashiniinge kwa wuuru lwiishwe, mwiiyo, naambo ave ando akwa, eerika vandu.” 10Naasa Efroni mmbo ekee yoo nnang'ani ya Vahiti. Efroni Mhiti kavia Abrahamu, na Vahiti, veshaaranyaa, na vandu woose va efo poo kwakwe kaamba, 11“Nshiindo-fo nndumi wakwa, nkyeshaaranya, Irema elyo mmbo shalyikuniinga, na mbanga yeyo ando amwi nalyo mbee ya vana va vandu vakwa mmbo shakuniinga, kurike-u nnying'a wafo.” 12Abrahamu kavaindya, 13Kavia Efroni, na vandu va uruka woose veetye, kavavia, “Shakutereva kushaaranyi, ‘Wuuru lwa irema mmbo shiniingyaa, kuluwarye, neeny llyo shiriken-fo nnying'a va nka wakwa.’” 14Ekroni kavia Abrahamu, 15“Nndumi wakwa mmbee, shaaranya, ‘Kyenga kya uteeri, wuuru lwa vayo lukee shekeli ta fesa mayana aana ntimaaki kwakwa yeny na yewe? Shakutereva rika nnying'a wa nka wafo.’”
16Abrahamu kairikya marero a Efroni. Abrahamu kamwekennya ileri tilya emmaa isenda maarwiny a Vahiti, shekeli ta fesa mayana aana, ndesa tikwaani neeto ta veekapa mbusha. 17Naasa nrema ya Efroni yeyo yekee Makpela kuleenda na Mamre, nrema na mbanga ya vayo, na miri myoose yeyo yekee efo ireminy yelyo na eyo yekee efo minyanuny taari toose, fyoose mmbo fyeekenwa, 18five masaa a Abrahamu, mbee ya Vahiti veeiyoo, na vandu woose va muri wakwe. 19Naasa efyo fikiinukya, Abrahamu karika Sara nka wakwe, efo mbangeny ya Makpela taari ya ngama ya Mamre, mfo Hebron, kulya urukeny lwa Kanaani. 20Na nrema yeyo na mbanga ya vayo, fikaringisyo sheelyi ni masaa a Abrahamu aniingwa Mmbahiti, kuve ando akwe a irika.
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.