YUUKA 4
4
Iruva Aniinga Mose Finya ya Wende
1Mose karouwa kaammbia, “Kyaindi lyo mmbasheirikkya, nta mbashearannyaa unyanga lwakwa-fo, mmbo vashambaa, ‘Nndumi Iruva nnyalekoora neewe-fo.’” 2Nndumi Iruva kammbia, “Nkyokyi ekyo kutiri efo wokony lwafo?” Kammbia, 3“Mbiiri.” Kammbia, “Ituule yoo-si; nawe kaituula-u, nayo ikaaluka shoka.” Mose kairisha. 4Nndumi Iruva kavia Mose, “Orua woko lwafo kutire shoka nkya. Koorrwa woko lwakwe kaitira, nayo shoka ikaaluka-se mbiiri efo wokony lwakwe.” 5Naambo veedimi ikusirya-u sheelyi ni Nndumi Iruva wa Abrahamu, na Iruva wa Isaki na Iruva wa Yakobo alekoora neewe. 6Nndumi Iruva kawuya immbia, “Ulaalu vika woko lwafo efo mbafuny, ‘Kavika woko lwakwe efo mbafuny; nawe llya aleluuta-fo, ate mmbo lwantirwa ni ivave, mmbo lwanfwana waa pyai sha laura ya kyaamwi?’” 7Kammbia, “Vika-se woko lwafo mbafuny, kavika woko lwakwe mbafuny yakwe, ‘Woi, ate lwammaa iwuya shaasa lweekai.’” 8Naasany vakanra valakwirikkya, nta yaarannya unyanga lwa wende lwa mbee, mmbo vashearannyaa unyanga lwa wende yelo lwa kavii. 9Na kwakooya valema ikusirya-u kyuuka na ngyende yeto ivii, nta yiita unyanga lwafo, naasa, kwiipoo mura efo mureny kusheletya yoo uteriny wuumu, na mura yeto kwawuuta mureny mmbo ushealukaa samu yoo uteeriny.
10Mose kavia Nndumi Iruva, “Woi Nndumi Iruva, nta nshikee nndu aishi irerafo-te, uka elyo, uka llya kwekeerera na ishinga lyafo; mashika nshikee ntakusu irera-fo, na ulumi lwakwa mmbo lukee uroo.” 11Nndumi Iruva kammbesa, “A mmbi yeto alesongosya kana kya nndu? Ao mbo-vi yeto aallwa nndu kava mbimbi ao mfu maarwi, ao nalole ao nafwe miso? A nshi yeny Nndumi Iruva? 12Naasa ulaalu endaany, neeny shishekweekyaa kwiire-raa na, shikuloshe ekyo kushere-raa.” 13Mose Kaamba, “Woi Nndumi, shakutereva, Ruma yeto kukundaa inruma.” 14Unyafi lwa Nndumi Iruva lukarooya Mose kaamba, “A mwanama-u Aron, Mlevi, aiyo-se? Shiishi shamanya we ashidimaa irera nisha. Ando amwi neekyony, lola akakato eefo ashekwammbyaa, nawe elyi ashekulollyaa mmbo atirwaa ni nsia, 15Neewe mmbo kushere-raa nawe, naivika marero kaniny kyakwe; neeny nshekayaa kana kyafo, na kana kyakwe, shimuloshe ekyo mushetanaa. 16Nawe mmbo ashereryaa vandu ando afo, nawe mmbo ashevaa sha kana kwafo yewe, neewe kusheva sha Iruva kwakwe. 17Neewe mmbo kushendaa na mbiiri yei wokony lwafo, na nnyo kushetanaa nayo ngyende tilya.”
Mose Awuya Misri
18Naasa Mose kakupoo kawuya kwa nkwaakwe Yetro, kammbia, “Shakutereva, shiniinga mumu shiwuiye vana va ma yewo vakee kulya Misri, naambo shilole kwakooya veefo na muu fika ulaalu.” Yetro kavia Mose, “Nkisha, kweengye na ufoo.” 19Nndumi Iruva kavia Mose ekee kulya Midian, “Naasany enda wuya Misri, mashika valya woose veekundye yuuta muu wafo valemmaa ifwa.” 20Naasa kepoo nka akwe na vana vakwe kavasaamisa mungo wa nshungu, kawuya Kafika Misri, na Mose keenda arie mbiiri ilya ya Iruva efo wokony lwakwe. 21Nndumi Iruva kavia Mose, kyeeeri kushefikaa Misri, mmbo kusheoraa ngyende tilya toose mbee ya Farao shaasa shilekuniinga finya itana; kyeendi lyo mmbo nshaallwaa nrima wakwe uve muumu, nawe nnyasheningaa vandu yewo mumu weenda-fo.
22Neewe mmbo kuvia Farao, “Nndumi Iruva aamba, Israeli ni mwana wakwa yeny, mmbee wakwa; 23Neeny mmbo shakuvia, niinga mwana yeto wakwa mumu neende, naambo nandeshifurukannya, neewe kwalema inninga mumu neende; lolaany ulaalu, yeny mmbo nshewaa mwana wafo, mwana wafo mmbee.” 24Naasa kyeeri vekee shia ando kweelala, Nndumi Iruva kakwaanannya nawe kakunda immbwaa. 25Naasa Sipora kaipoo iwe yoovi, karina mwana wakwe, kapaana nakyo Mose yoo urende, kaamba, “Ni-kya dede yewe mmbo kukee Nndumi wa walyi kwakwa yeny.” 26Naasa kanra. Naasa nka wakwe kaamba, “Yewe mmbo kukee mmi mwishalyika, wa samu kimaruma kya irina.”
27Nndumi Iruva, kavia Aron, “Enda kulya kasa kukwaanannye na Mose, Nawe keenda, kankooya alya ifumbuny lya Iruva kammiminda.” 28“Mose kavia Aron marero alya moose a Nndumi Iruva alenruma neende nang'u, na ngyende yeto toose alevavasya.”
29Mose na Aron vakaenda, vakasanyirya vamiku woose va Vana va Israeli. 30Aron kavavia marero moose yoo Nndumi Iruva alevia Mose, kavetana na ngyende tilya mbee ya vandu yewo. 31Vandu yewo vakakusirya-u, na kyeeri valeeta Nndumi Iruva mmbo ansheya Vana va Israeli, nawe mmbo allollya makiva awo, vakainyika mirwe vakainndya.
Valið núna:
YUUKA 4: MAS2
Áherslumerki
Deildu
Afrita
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
YUUKA 4
4
Iruva Aniinga Mose Finya ya Wende
1Mose karouwa kaammbia, “Kyaindi lyo mmbasheirikkya, nta mbashearannyaa unyanga lwakwa-fo, mmbo vashambaa, ‘Nndumi Iruva nnyalekoora neewe-fo.’” 2Nndumi Iruva kammbia, “Nkyokyi ekyo kutiri efo wokony lwafo?” Kammbia, 3“Mbiiri.” Kammbia, “Ituule yoo-si; nawe kaituula-u, nayo ikaaluka shoka.” Mose kairisha. 4Nndumi Iruva kavia Mose, “Orua woko lwafo kutire shoka nkya. Koorrwa woko lwakwe kaitira, nayo shoka ikaaluka-se mbiiri efo wokony lwakwe.” 5Naambo veedimi ikusirya-u sheelyi ni Nndumi Iruva wa Abrahamu, na Iruva wa Isaki na Iruva wa Yakobo alekoora neewe. 6Nndumi Iruva kawuya immbia, “Ulaalu vika woko lwafo efo mbafuny, ‘Kavika woko lwakwe efo mbafuny; nawe llya aleluuta-fo, ate mmbo lwantirwa ni ivave, mmbo lwanfwana waa pyai sha laura ya kyaamwi?’” 7Kammbia, “Vika-se woko lwafo mbafuny, kavika woko lwakwe mbafuny yakwe, ‘Woi, ate lwammaa iwuya shaasa lweekai.’” 8Naasany vakanra valakwirikkya, nta yaarannya unyanga lwa wende lwa mbee, mmbo vashearannyaa unyanga lwa wende yelo lwa kavii. 9Na kwakooya valema ikusirya-u kyuuka na ngyende yeto ivii, nta yiita unyanga lwafo, naasa, kwiipoo mura efo mureny kusheletya yoo uteriny wuumu, na mura yeto kwawuuta mureny mmbo ushealukaa samu yoo uteeriny.
10Mose kavia Nndumi Iruva, “Woi Nndumi Iruva, nta nshikee nndu aishi irerafo-te, uka elyo, uka llya kwekeerera na ishinga lyafo; mashika nshikee ntakusu irera-fo, na ulumi lwakwa mmbo lukee uroo.” 11Nndumi Iruva kammbesa, “A mmbi yeto alesongosya kana kya nndu? Ao mbo-vi yeto aallwa nndu kava mbimbi ao mfu maarwi, ao nalole ao nafwe miso? A nshi yeny Nndumi Iruva? 12Naasa ulaalu endaany, neeny shishekweekyaa kwiire-raa na, shikuloshe ekyo kushere-raa.” 13Mose Kaamba, “Woi Nndumi, shakutereva, Ruma yeto kukundaa inruma.” 14Unyafi lwa Nndumi Iruva lukarooya Mose kaamba, “A mwanama-u Aron, Mlevi, aiyo-se? Shiishi shamanya we ashidimaa irera nisha. Ando amwi neekyony, lola akakato eefo ashekwammbyaa, nawe elyi ashekulollyaa mmbo atirwaa ni nsia, 15Neewe mmbo kushere-raa nawe, naivika marero kaniny kyakwe; neeny nshekayaa kana kyafo, na kana kyakwe, shimuloshe ekyo mushetanaa. 16Nawe mmbo ashereryaa vandu ando afo, nawe mmbo ashevaa sha kana kwafo yewe, neewe kusheva sha Iruva kwakwe. 17Neewe mmbo kushendaa na mbiiri yei wokony lwafo, na nnyo kushetanaa nayo ngyende tilya.”
Mose Awuya Misri
18Naasa Mose kakupoo kawuya kwa nkwaakwe Yetro, kammbia, “Shakutereva, shiniinga mumu shiwuiye vana va ma yewo vakee kulya Misri, naambo shilole kwakooya veefo na muu fika ulaalu.” Yetro kavia Mose, “Nkisha, kweengye na ufoo.” 19Nndumi Iruva kavia Mose ekee kulya Midian, “Naasany enda wuya Misri, mashika valya woose veekundye yuuta muu wafo valemmaa ifwa.” 20Naasa kepoo nka akwe na vana vakwe kavasaamisa mungo wa nshungu, kawuya Kafika Misri, na Mose keenda arie mbiiri ilya ya Iruva efo wokony lwakwe. 21Nndumi Iruva kavia Mose, kyeeeri kushefikaa Misri, mmbo kusheoraa ngyende tilya toose mbee ya Farao shaasa shilekuniinga finya itana; kyeendi lyo mmbo nshaallwaa nrima wakwe uve muumu, nawe nnyasheningaa vandu yewo mumu weenda-fo.
22Neewe mmbo kuvia Farao, “Nndumi Iruva aamba, Israeli ni mwana wakwa yeny, mmbee wakwa; 23Neeny mmbo shakuvia, niinga mwana yeto wakwa mumu neende, naambo nandeshifurukannya, neewe kwalema inninga mumu neende; lolaany ulaalu, yeny mmbo nshewaa mwana wafo, mwana wafo mmbee.” 24Naasa kyeeri vekee shia ando kweelala, Nndumi Iruva kakwaanannya nawe kakunda immbwaa. 25Naasa Sipora kaipoo iwe yoovi, karina mwana wakwe, kapaana nakyo Mose yoo urende, kaamba, “Ni-kya dede yewe mmbo kukee Nndumi wa walyi kwakwa yeny.” 26Naasa kanra. Naasa nka wakwe kaamba, “Yewe mmbo kukee mmi mwishalyika, wa samu kimaruma kya irina.”
27Nndumi Iruva, kavia Aron, “Enda kulya kasa kukwaanannye na Mose, Nawe keenda, kankooya alya ifumbuny lya Iruva kammiminda.” 28“Mose kavia Aron marero alya moose a Nndumi Iruva alenruma neende nang'u, na ngyende yeto toose alevavasya.”
29Mose na Aron vakaenda, vakasanyirya vamiku woose va Vana va Israeli. 30Aron kavavia marero moose yoo Nndumi Iruva alevia Mose, kavetana na ngyende tilya mbee ya vandu yewo. 31Vandu yewo vakakusirya-u, na kyeeri valeeta Nndumi Iruva mmbo ansheya Vana va Israeli, nawe mmbo allollya makiva awo, vakainyika mirwe vakainndya.
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.