Marko 8
8
Eitiemua ꞉Yeso lewa nkalupuni ong'uan
(Matayo 15:32–39)
1Kore tee nenia perot, netii aitoki apa lturrur kitok oyewuo aiturrurro. Kore tankaraki nemeata ninche ntoki nanya, neipot ꞉Yeso looiteng'eni lenyena nejoki, 2<<Kaata lng'er too kulo tung'ana, amu ketowuana tenebo o nanu too mperot uni nemeitoki eata nanya. 3Naa kore tanapalaa ninche mechomo nkang'ite eata sumach, naa keidim neiterriaa to nkoitiei, netii looing'uaa nelakua.>>
4Neng'amaa ꞉looiteng'eni lenyena, aajoki, <<Taaji sa etum ltung'ani ndaa naitiemu kulo tung'ana tele kees?>>
5Neipar ꞉Yeso ninche ajoki, <<Aja mukateni niatata?>>
Newoliki aajoki, <<Sapa.>>
6Neitanap ꞉Yeso ilo turrur metowuana to nkop. Nerrapu nenia mukateni sapa. Kore payie eidip aichoo Nkai nache, negil neicho looiteng'eni lenyena metooriki ltung'ana, neas ninche nejia. 7Neata aitoki lkuni sinkirri kunini. Kore payie emayian ninche, neicho looiteng'eni lenyena metooriki ltung'ana. 8Nenya ltung'ana ndaa neimu. Nerrapuni nkikapuni sapa naabore ng'urrot naatelekuaki. 9Naa kebaya apa lolo lewa#8:9 Kore lewa naa keji ltung'ana too nkulie nkibelekenyat ee Bibiliani. Kake kejo Matayo 15:38 lewa metii ntomonok o nkera. matejo nkalupuni ong'uan oaatama inia ndaa. Kore tesiedi inia, neicho ꞉Yeso ninche mechomo. 10Nedir ninye nabokata meli o looiteng'eni lenyena, nebaki mbata e Dalmanuta.
Keyieu ꞉Lparisayo nkitodolunoto naing'uaa chumata
(Matayo 16:1–4)
11 #
Mat 12:38; Luka 11:16 Nepuonu Lparisayo neng'asu aaichankarrare Yeso, eipar nkitodolunoto naing'uaa chumata aatem. 12#Mat 12:39; Luka 11:29Neitodoyio ltau, nejo, <<Aanyo pee eyiaya ltung'ana le ana pukunoto nkitodolunoto e nking'asia? Kedede kajoki ntae meatae hoo nkitodolunoto naichori ltung'ana le ana pukunoto.>> 13Neing'uaa ninche, neitoki ajing meli, nelang ildo kokun le mpaso.
Nkini mukate naisiicho ee Lparisayo o ne Erode
(Matayo 16:5–12)
14Nerikino ꞉looiteng'eni lenyena eitu eyau mukateni, naaku meata mukateni mara ake nabo naata te meli. 15#Luka 12:1Neitaarriyian ꞉Yeso ninche ajoki, <<Entodol, nirritata ate, te nkini mukate naisiicho ee Lparisayo o ne Erode!#8:15 Kore naipirita nkini mukate naisiicho tene naa inia naitasur Lparisayo o ltung'ana le Erode looiteng'eni. Kore apa Lyiaudi naa keasichere nkini mukate naisiicho aaisiiche mukate pooki, nejia sii etiu, kore ntorno ee Lparisayo o ltung'ana lee Erode naa keidim neitarasu ltung'ana kumo. Indim sii aing'urai ana bae tee rereii ootilimuaki aaibalunyie te siedi le ana Bibilia.>>
16Neipara ninche maate ejo, <<Tankaraki sa nimikiata mukateni peejo nejia?>>
17Kore tankaraki nayielo Yeso mparrunot enche neipar ajoki, <<Aanyo payie iroro maate tankaraki nimiatata mukateni? Ewuon ake mining'ung'u nimiatata ng'eno? Kegol ltauja linchi? 18-19#Yer 5:21; Ese 12:2; Mrk 4:12Iatata ntae nkonyek nimidolichocho, niatata nkiyiaa nimining'ichocho? Amaa, miparrurru apa payie agilaki lolo tung'ana nkalupuni imiet nenia mukateni imiet, aja apa nkikapuni naabore mbelesat nitarraputua?>> Nejoki, <<Tomon o oare.>> 20<<Oo payie agilaki lolo tung'ana nkalupuni ong'uan, nenia mukateni sapa, aja nkikapuni naabore mbelesat nitarraputua?>> Nejoki, <<Sapa.>> 21Nejoki ninche, <<Naaku ewuon ake mining'ung'u?>>
Eichiunyie ꞉Yeso ltung'ani modooni te Betesaida
22Nebaki ninche Betesaida, neyakini Yeso ltung'ani modooni, neomoni meiseyie ninye. 23Neibung ꞉Yeso ilo tung'ani modooni nkaina, neipung'ie arik aitalam nenia ang'ite. Nenataki nkamlak nkonyek enyena, neiteleki nkaik, neipar ajoki, <<Keitoki idol?>>
24Nebol nkonyek aing'oricho, nejo, <<Kadol ltung'ana etuwuana lkeek oopuoito.>>
25Neigil aitoki Yeso aiteleki nkaik enyena nkonyek e ilo tung'ani. Nebol ꞉ninye nkonyek akurru, neichiu, nedol ntoki pooki aitibiraki. 26Nereu ꞉Yeso ninye nkang, nejoki, <<Mijing abaki naaduo ang'ite.>>
Etilimua ꞉Petero Yeso ajo Kristo
(Matayo 16:13–20; Luka 9:18–21)
27Neing'uaa Yeso o looiteng'eni lenyena inie alo nkulie ang'ite naanyikita lkerenket le Kaisaria Pilipi. Naa kore epuoito ninche to nkoitiei, neiparichiere ajoki, <<Ng'ae ejo ltung'ana kara nanu?>>
28 #
Mrk 6:14,15; Luka 9:7,8 Newoliki aajoki, <<Keti loojo Yoana Laipatisani, nejo lkulie Elija, nejo aitoki lkulie lobo loo lolo oibonok le apa le Nkai.>>
29 #
Yoa 6:68,69 Neipar ninche ajoki, <<Oo ntae, ijoijo ng'ae ara nanu?>>
Newoliki ꞉Petero ajoki, <<Ira iyie Mesia.#8:29 Kore Mesia naa Kristo to nkutuk ee Lgirriki. Neji pukura Loela neipirita laitejeunoni oaanyutae apa te Isirael, ng'urai aitoki rerei otii siedi le ana Bibilia.>>
30Neitaarriyian ninche pee meliki hoo ltung'ani lolo omon oipirita ninye.
Etilimua ꞉Yeso lkiye o mpiunoto enye
(Matayo 16:21–23; Luka 9:22)
31Neng'asu aiteng'en ninche ajoki <<Kore Nkerai e Ltung'ani, meata ajo metum sina kitok, neany ꞉lpayiani kutuaa o laitainok kutuaa la lasar#8:31 Kore Laitainok kutuaa la lasar naa loo lkiama laa larikok loo Lyiaudi te Yerusalem. o laiteng'enak loo nkitanapat, neri metua, kake kore tesiedi mperot uni naa keitipiuni.>> 32Kore ana bae naa keiroro ninye eibalunyie, kake neya ꞉Petero ninye aitalam lkulie, neng'asu akusakan.
33Kore pee emerregelakino ꞉Yeso aing'or looiteng'eni lenyena, nekusakan Petero ejoki, <<Chomo tesiedi nanu Chitani! Amu mara mbaa e Nkai iparraa, kake mbaa e ltung'ani.>>
Kore tinirukurukore Yeso naa itum sina
(Matayo 16:24–28; Luka 9:23–27)
34 #
Mat 10:38; Luka 14:27 Neipot ilo turrur o looiteng'eni lenyena meotu netii, nejoki, <<Tenetii ltung'ani oyieu naairukurukore, nchoo emiki koon, nenap lmusalaba lenye naairukurukore. 35#Mat 10:39; Luka 17:33; Yoa 12:25Amu kore loyieu neitejeu nkichui enye, neiminie, naa kore loiminie nkichui#8:35 Kore nkichui too Lgirriki naa keidim ataa nkichon anaa nkichui abaki te lkereri le 36. enye tankaraki nanu o tankaraki Lomon Supati, naa keitejeu. 36Amu kaa dupoto etum ltung'ani, tenotum nkop pooki neiminie nkichui enye? 37Anaa nyo eidim ltung'ani aitapaachie nkurruk enye? 38Amu kore ilo odol anyit tankaraki nanu o rereii lainien, too kulo tung'ana le mpukunoto torno o ne loloito, naa kedol abaki ꞉Nkerai e Ltung'ani anyit te ninye, tenelotu to wong'an e nkitoo enye o ne Papa tenebo o lmalaikani sinyat.>>
Valið núna:
Marko 8: saq
Áherslumerki
Deildu
Afrita
Want to have your highlights saved across all your devices? Sign up or sign in
© 2021, Bible Translation and Literacy
Marko 8
8
Eitiemua ꞉Yeso lewa nkalupuni ong'uan
(Matayo 15:32–39)
1Kore tee nenia perot, netii aitoki apa lturrur kitok oyewuo aiturrurro. Kore tankaraki nemeata ninche ntoki nanya, neipot ꞉Yeso looiteng'eni lenyena nejoki, 2<<Kaata lng'er too kulo tung'ana, amu ketowuana tenebo o nanu too mperot uni nemeitoki eata nanya. 3Naa kore tanapalaa ninche mechomo nkang'ite eata sumach, naa keidim neiterriaa to nkoitiei, netii looing'uaa nelakua.>>
4Neng'amaa ꞉looiteng'eni lenyena, aajoki, <<Taaji sa etum ltung'ani ndaa naitiemu kulo tung'ana tele kees?>>
5Neipar ꞉Yeso ninche ajoki, <<Aja mukateni niatata?>>
Newoliki aajoki, <<Sapa.>>
6Neitanap ꞉Yeso ilo turrur metowuana to nkop. Nerrapu nenia mukateni sapa. Kore payie eidip aichoo Nkai nache, negil neicho looiteng'eni lenyena metooriki ltung'ana, neas ninche nejia. 7Neata aitoki lkuni sinkirri kunini. Kore payie emayian ninche, neicho looiteng'eni lenyena metooriki ltung'ana. 8Nenya ltung'ana ndaa neimu. Nerrapuni nkikapuni sapa naabore ng'urrot naatelekuaki. 9Naa kebaya apa lolo lewa#8:9 Kore lewa naa keji ltung'ana too nkulie nkibelekenyat ee Bibiliani. Kake kejo Matayo 15:38 lewa metii ntomonok o nkera. matejo nkalupuni ong'uan oaatama inia ndaa. Kore tesiedi inia, neicho ꞉Yeso ninche mechomo. 10Nedir ninye nabokata meli o looiteng'eni lenyena, nebaki mbata e Dalmanuta.
Keyieu ꞉Lparisayo nkitodolunoto naing'uaa chumata
(Matayo 16:1–4)
11 #
Mat 12:38; Luka 11:16 Nepuonu Lparisayo neng'asu aaichankarrare Yeso, eipar nkitodolunoto naing'uaa chumata aatem. 12#Mat 12:39; Luka 11:29Neitodoyio ltau, nejo, <<Aanyo pee eyiaya ltung'ana le ana pukunoto nkitodolunoto e nking'asia? Kedede kajoki ntae meatae hoo nkitodolunoto naichori ltung'ana le ana pukunoto.>> 13Neing'uaa ninche, neitoki ajing meli, nelang ildo kokun le mpaso.
Nkini mukate naisiicho ee Lparisayo o ne Erode
(Matayo 16:5–12)
14Nerikino ꞉looiteng'eni lenyena eitu eyau mukateni, naaku meata mukateni mara ake nabo naata te meli. 15#Luka 12:1Neitaarriyian ꞉Yeso ninche ajoki, <<Entodol, nirritata ate, te nkini mukate naisiicho ee Lparisayo o ne Erode!#8:15 Kore naipirita nkini mukate naisiicho tene naa inia naitasur Lparisayo o ltung'ana le Erode looiteng'eni. Kore apa Lyiaudi naa keasichere nkini mukate naisiicho aaisiiche mukate pooki, nejia sii etiu, kore ntorno ee Lparisayo o ltung'ana lee Erode naa keidim neitarasu ltung'ana kumo. Indim sii aing'urai ana bae tee rereii ootilimuaki aaibalunyie te siedi le ana Bibilia.>>
16Neipara ninche maate ejo, <<Tankaraki sa nimikiata mukateni peejo nejia?>>
17Kore tankaraki nayielo Yeso mparrunot enche neipar ajoki, <<Aanyo payie iroro maate tankaraki nimiatata mukateni? Ewuon ake mining'ung'u nimiatata ng'eno? Kegol ltauja linchi? 18-19#Yer 5:21; Ese 12:2; Mrk 4:12Iatata ntae nkonyek nimidolichocho, niatata nkiyiaa nimining'ichocho? Amaa, miparrurru apa payie agilaki lolo tung'ana nkalupuni imiet nenia mukateni imiet, aja apa nkikapuni naabore mbelesat nitarraputua?>> Nejoki, <<Tomon o oare.>> 20<<Oo payie agilaki lolo tung'ana nkalupuni ong'uan, nenia mukateni sapa, aja nkikapuni naabore mbelesat nitarraputua?>> Nejoki, <<Sapa.>> 21Nejoki ninche, <<Naaku ewuon ake mining'ung'u?>>
Eichiunyie ꞉Yeso ltung'ani modooni te Betesaida
22Nebaki ninche Betesaida, neyakini Yeso ltung'ani modooni, neomoni meiseyie ninye. 23Neibung ꞉Yeso ilo tung'ani modooni nkaina, neipung'ie arik aitalam nenia ang'ite. Nenataki nkamlak nkonyek enyena, neiteleki nkaik, neipar ajoki, <<Keitoki idol?>>
24Nebol nkonyek aing'oricho, nejo, <<Kadol ltung'ana etuwuana lkeek oopuoito.>>
25Neigil aitoki Yeso aiteleki nkaik enyena nkonyek e ilo tung'ani. Nebol ꞉ninye nkonyek akurru, neichiu, nedol ntoki pooki aitibiraki. 26Nereu ꞉Yeso ninye nkang, nejoki, <<Mijing abaki naaduo ang'ite.>>
Etilimua ꞉Petero Yeso ajo Kristo
(Matayo 16:13–20; Luka 9:18–21)
27Neing'uaa Yeso o looiteng'eni lenyena inie alo nkulie ang'ite naanyikita lkerenket le Kaisaria Pilipi. Naa kore epuoito ninche to nkoitiei, neiparichiere ajoki, <<Ng'ae ejo ltung'ana kara nanu?>>
28 #
Mrk 6:14,15; Luka 9:7,8 Newoliki aajoki, <<Keti loojo Yoana Laipatisani, nejo lkulie Elija, nejo aitoki lkulie lobo loo lolo oibonok le apa le Nkai.>>
29 #
Yoa 6:68,69 Neipar ninche ajoki, <<Oo ntae, ijoijo ng'ae ara nanu?>>
Newoliki ꞉Petero ajoki, <<Ira iyie Mesia.#8:29 Kore Mesia naa Kristo to nkutuk ee Lgirriki. Neji pukura Loela neipirita laitejeunoni oaanyutae apa te Isirael, ng'urai aitoki rerei otii siedi le ana Bibilia.>>
30Neitaarriyian ninche pee meliki hoo ltung'ani lolo omon oipirita ninye.
Etilimua ꞉Yeso lkiye o mpiunoto enye
(Matayo 16:21–23; Luka 9:22)
31Neng'asu aiteng'en ninche ajoki <<Kore Nkerai e Ltung'ani, meata ajo metum sina kitok, neany ꞉lpayiani kutuaa o laitainok kutuaa la lasar#8:31 Kore Laitainok kutuaa la lasar naa loo lkiama laa larikok loo Lyiaudi te Yerusalem. o laiteng'enak loo nkitanapat, neri metua, kake kore tesiedi mperot uni naa keitipiuni.>> 32Kore ana bae naa keiroro ninye eibalunyie, kake neya ꞉Petero ninye aitalam lkulie, neng'asu akusakan.
33Kore pee emerregelakino ꞉Yeso aing'or looiteng'eni lenyena, nekusakan Petero ejoki, <<Chomo tesiedi nanu Chitani! Amu mara mbaa e Nkai iparraa, kake mbaa e ltung'ani.>>
Kore tinirukurukore Yeso naa itum sina
(Matayo 16:24–28; Luka 9:23–27)
34 #
Mat 10:38; Luka 14:27 Neipot ilo turrur o looiteng'eni lenyena meotu netii, nejoki, <<Tenetii ltung'ani oyieu naairukurukore, nchoo emiki koon, nenap lmusalaba lenye naairukurukore. 35#Mat 10:39; Luka 17:33; Yoa 12:25Amu kore loyieu neitejeu nkichui enye, neiminie, naa kore loiminie nkichui#8:35 Kore nkichui too Lgirriki naa keidim ataa nkichon anaa nkichui abaki te lkereri le 36. enye tankaraki nanu o tankaraki Lomon Supati, naa keitejeu. 36Amu kaa dupoto etum ltung'ani, tenotum nkop pooki neiminie nkichui enye? 37Anaa nyo eidim ltung'ani aitapaachie nkurruk enye? 38Amu kore ilo odol anyit tankaraki nanu o rereii lainien, too kulo tung'ana le mpukunoto torno o ne loloito, naa kedol abaki ꞉Nkerai e Ltung'ani anyit te ninye, tenelotu to wong'an e nkitoo enye o ne Papa tenebo o lmalaikani sinyat.>>
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
© 2021, Bible Translation and Literacy