Marko 2
2
Nkitoria e Yeso napalikinyie ng'ok
(Matayo 9:1–8; Luka 5:17–26)
1Kore pee ebik Yeso nkuti perot, nerrinyunyie aitoki alotu Kapernaum, nening'i ꞉ninye aajo ketii nkang. 2Nepuo lkumo aaiturrurrokino ninye ana metali mpaach abaki to nkutuk e nkaji. Neiteng'en ꞉Yeso ninche rerei le Nkai. 3Neyakini ninye ltung'ani otigilgile, oanapita ltung'ana oong'uan. 4Kore tankaraki ilo turrur, nelau mpaach naitabakinyie ilo otigilgile netii Yeso. Nedir nkeper e nkaji, nebol aang'eru nkisiapet te ng'oji neichiaakinore Yeso. Neitodoki ninye inia choni naperie ilo otigilgile. 5Kore pee edol ꞉Yeso nkurukoto enche, nejoki ilo otigilgile, <<Nkerai ai, kitapalikaki ng'ok inono.>>
6Netii sii laiteng'enak loo nkitanapat oowueni te inie, neparraa taa ltauja lenche, ejo, 7<<Aanyo pee eiroro ele tung'ani ajo inchi? Nkai edekita ninye! Ng'ae oidim atapaliki ng'ok, mara Nkai ake apeny?>>
8Kore ake inia kata, neyielou Yeso ta ltau lenye ajo, ana duaake eata taa ltauja lenche, nejoki, <<Aanyo payie iparraa kuna baa taa ltauja linchi? 9Kaa nalelek, tenejokini ele otigilgile, <Kipalikino ng'ok inono,> ana tenejokini, <Inyuo, tarrapu nchoni ino chomo?> 10Kake kore payie iyielouu aajo keata Nkerai e Ltung'ani nkitoria to nkop napalikinyie ng'ok>> 11- nejoki taa ilo tung'ani otigilgile - <<Kore naajoki iyie, inyuo, tarrapu nchoni ino chomo nkang!>> 12Neinyuototo ninye, nerrapu nchoni enye nabokata, neipung edolita ltung'ana pooki, meing'asiata ninche, neisis Nkai ejo, <<Eitu hoo aikata kidol mbae natuwuana ana!>>
Eipoto ꞉Yeso Lawi
(Matayo 9:9–13; Luka 5:27–32)
13Neipung aitoki Yeso achep nchepata e mpaso. Nelotu lturrur pooki netii ninye, neng'asu aiteng'en ninche. 14Kore echepita Yeso mpaso, nedol Lawi layieni le Alpayo ewuon to ng'oji nelakieki kodi. Nejoki ninye, <<Rukurukoreeki nanu!>> Neinyuototo Lawi, neirukurukore ninye.
15Kore tesiedi inia, newuon Yeso anya ndaa ta nkaji e Lawi. Netii sii lkumo laitalakunok le kodi o loo ng'ok aanyeita ndaa tenebo o ninye o looiteng'eni lenyena, amu keikumo apa lootuo airukurukore ninye.
16Kore pee edol ꞉lolo aiteng'enak lo nkitanapat oara lo Lparisayo ninye enya ndaa tenebo o lolo loo ng'ok o laitalakunok le kodi, neipar ꞉ninche looiteng'eni lenyena, aajoki, <<Aanyo pee enya ninye ndaa tenebo o kulo aitalakunok le kodi o loopeny ng'ok?>>
17Kore pee ening ꞉Yeso nejoito ninche, neng'amakino ajoki, <<Mara lolo lememoyiaa ooyieu labaani kake lolo oomoyiaa ooyieu. Eitu alotu aipot loosipat, kake loaata ng'ok.>>
Nkipara naipirita enata ee nkutukie
(Matayo 9:14–17; Luka 5:33–39)
18Kore apa looiteng'eni le Yoana Laipatisani o Lparisayo naa keen nkutukie. Nepuonu lkulie tung'ana neipar Yeso aajoki, <<Aanyo pee een looiteng'eni le Yoana o loo Lparisayo nkutukie, nemeen linono?>>
19Newoliki ꞉Yeso ninche ajoki, <<Amaa sa, aji eiko lomon lo ltung'ani oyemicho teneen nkutukie, ewuon eboitiere ꞉loyemicho ninche? Meata neiko pee eas nejia ewuon ake eboitiere ninye. 20Kake kebau kenya nkata nayae ilo oyemicho aitung'aa ninche, naa keen ninche nkutukie inia parri. 21Meatae ltung'ani, oripaki rache e nkila ng'ejuk nkila musana, amu teneiko nejia, naa keng'erari ꞉inia kila ng'ejuk to musana, nerroyo nkijata oleng. 22Nemeatae sii ltung'ani opik naichuo e lmusabibu ng'ejuk lbenia musan, amu tenepik, nedany ꞉naichuo lolo benia musan, nerroyo naichuo tenebo o lolo benia. Kake kore naichuo ng'ejuk naa lbenia ng'ejuko epiki.>>
Mbae naipirita Sabato
(Matayo 12:1–8; Luka 6:1–5)
23 #
Nkit 23:25
Kore mparri nabo e Sabato, neim Yeso o looiteng'eni lenyena atua lchampa le nkano, kore eimita ninche atua ilo champa, neng'asu looiteng'eni aagilu nkuechi ee lperes le nkano. 24Nejoki ꞉Lparisayo ninye, <<Ng'ura, aanyo pee eas looiteng'eni linono ta Sabato ana bae nemeichiaakino?>>
25Neng'amaa ninche, nejoki, <<Amaa, eitu aikata isomsom inia nataasa apa Daudi, ta nkata e laitainoni kitok la lasar oji Abiatar, pee elau ninye ndaa nanya, netum sumach o lboitieii lenyena? 26#Lal 24:9#1Sam 21:1–6Neitu sa isomsom, neikuna apa ꞉ninye te inia kata pee ejing nkaji e Nkai, nenya mukateni naaitakaki Nkai neitoki aicho lboitieii lenyena, abaki meichiaakino apa payie enya lkulie tung'ana mara ake laitainok la lasar aapeny?>>
27Neitoki Yeso ajoki ninche, <<Eitibiraki Sabato tankaraki ltung'ani, kake mara ltung'ani tankaraki Sabato. 28Naaku naa kera Nkerai e Ltung'ani#2:28 Kore Nkerai e Ltung'ani Ng'ura Daniel 7:13, ng'ura rerei oibalunyieki tesiedi le Bibilia. Laitoriani abaki le Sabato.>>
Valið núna:
Marko 2: saq
Áherslumerki
Deildu
Afrita
Want to have your highlights saved across all your devices? Sign up or sign in
© 2021, Bible Translation and Literacy
Marko 2
2
Nkitoria e Yeso napalikinyie ng'ok
(Matayo 9:1–8; Luka 5:17–26)
1Kore pee ebik Yeso nkuti perot, nerrinyunyie aitoki alotu Kapernaum, nening'i ꞉ninye aajo ketii nkang. 2Nepuo lkumo aaiturrurrokino ninye ana metali mpaach abaki to nkutuk e nkaji. Neiteng'en ꞉Yeso ninche rerei le Nkai. 3Neyakini ninye ltung'ani otigilgile, oanapita ltung'ana oong'uan. 4Kore tankaraki ilo turrur, nelau mpaach naitabakinyie ilo otigilgile netii Yeso. Nedir nkeper e nkaji, nebol aang'eru nkisiapet te ng'oji neichiaakinore Yeso. Neitodoki ninye inia choni naperie ilo otigilgile. 5Kore pee edol ꞉Yeso nkurukoto enche, nejoki ilo otigilgile, <<Nkerai ai, kitapalikaki ng'ok inono.>>
6Netii sii laiteng'enak loo nkitanapat oowueni te inie, neparraa taa ltauja lenche, ejo, 7<<Aanyo pee eiroro ele tung'ani ajo inchi? Nkai edekita ninye! Ng'ae oidim atapaliki ng'ok, mara Nkai ake apeny?>>
8Kore ake inia kata, neyielou Yeso ta ltau lenye ajo, ana duaake eata taa ltauja lenche, nejoki, <<Aanyo payie iparraa kuna baa taa ltauja linchi? 9Kaa nalelek, tenejokini ele otigilgile, <Kipalikino ng'ok inono,> ana tenejokini, <Inyuo, tarrapu nchoni ino chomo?> 10Kake kore payie iyielouu aajo keata Nkerai e Ltung'ani nkitoria to nkop napalikinyie ng'ok>> 11- nejoki taa ilo tung'ani otigilgile - <<Kore naajoki iyie, inyuo, tarrapu nchoni ino chomo nkang!>> 12Neinyuototo ninye, nerrapu nchoni enye nabokata, neipung edolita ltung'ana pooki, meing'asiata ninche, neisis Nkai ejo, <<Eitu hoo aikata kidol mbae natuwuana ana!>>
Eipoto ꞉Yeso Lawi
(Matayo 9:9–13; Luka 5:27–32)
13Neipung aitoki Yeso achep nchepata e mpaso. Nelotu lturrur pooki netii ninye, neng'asu aiteng'en ninche. 14Kore echepita Yeso mpaso, nedol Lawi layieni le Alpayo ewuon to ng'oji nelakieki kodi. Nejoki ninye, <<Rukurukoreeki nanu!>> Neinyuototo Lawi, neirukurukore ninye.
15Kore tesiedi inia, newuon Yeso anya ndaa ta nkaji e Lawi. Netii sii lkumo laitalakunok le kodi o loo ng'ok aanyeita ndaa tenebo o ninye o looiteng'eni lenyena, amu keikumo apa lootuo airukurukore ninye.
16Kore pee edol ꞉lolo aiteng'enak lo nkitanapat oara lo Lparisayo ninye enya ndaa tenebo o lolo loo ng'ok o laitalakunok le kodi, neipar ꞉ninche looiteng'eni lenyena, aajoki, <<Aanyo pee enya ninye ndaa tenebo o kulo aitalakunok le kodi o loopeny ng'ok?>>
17Kore pee ening ꞉Yeso nejoito ninche, neng'amakino ajoki, <<Mara lolo lememoyiaa ooyieu labaani kake lolo oomoyiaa ooyieu. Eitu alotu aipot loosipat, kake loaata ng'ok.>>
Nkipara naipirita enata ee nkutukie
(Matayo 9:14–17; Luka 5:33–39)
18Kore apa looiteng'eni le Yoana Laipatisani o Lparisayo naa keen nkutukie. Nepuonu lkulie tung'ana neipar Yeso aajoki, <<Aanyo pee een looiteng'eni le Yoana o loo Lparisayo nkutukie, nemeen linono?>>
19Newoliki ꞉Yeso ninche ajoki, <<Amaa sa, aji eiko lomon lo ltung'ani oyemicho teneen nkutukie, ewuon eboitiere ꞉loyemicho ninche? Meata neiko pee eas nejia ewuon ake eboitiere ninye. 20Kake kebau kenya nkata nayae ilo oyemicho aitung'aa ninche, naa keen ninche nkutukie inia parri. 21Meatae ltung'ani, oripaki rache e nkila ng'ejuk nkila musana, amu teneiko nejia, naa keng'erari ꞉inia kila ng'ejuk to musana, nerroyo nkijata oleng. 22Nemeatae sii ltung'ani opik naichuo e lmusabibu ng'ejuk lbenia musan, amu tenepik, nedany ꞉naichuo lolo benia musan, nerroyo naichuo tenebo o lolo benia. Kake kore naichuo ng'ejuk naa lbenia ng'ejuko epiki.>>
Mbae naipirita Sabato
(Matayo 12:1–8; Luka 6:1–5)
23 #
Nkit 23:25
Kore mparri nabo e Sabato, neim Yeso o looiteng'eni lenyena atua lchampa le nkano, kore eimita ninche atua ilo champa, neng'asu looiteng'eni aagilu nkuechi ee lperes le nkano. 24Nejoki ꞉Lparisayo ninye, <<Ng'ura, aanyo pee eas looiteng'eni linono ta Sabato ana bae nemeichiaakino?>>
25Neng'amaa ninche, nejoki, <<Amaa, eitu aikata isomsom inia nataasa apa Daudi, ta nkata e laitainoni kitok la lasar oji Abiatar, pee elau ninye ndaa nanya, netum sumach o lboitieii lenyena? 26#Lal 24:9#1Sam 21:1–6Neitu sa isomsom, neikuna apa ꞉ninye te inia kata pee ejing nkaji e Nkai, nenya mukateni naaitakaki Nkai neitoki aicho lboitieii lenyena, abaki meichiaakino apa payie enya lkulie tung'ana mara ake laitainok la lasar aapeny?>>
27Neitoki Yeso ajoki ninche, <<Eitibiraki Sabato tankaraki ltung'ani, kake mara ltung'ani tankaraki Sabato. 28Naaku naa kera Nkerai e Ltung'ani#2:28 Kore Nkerai e Ltung'ani Ng'ura Daniel 7:13, ng'ura rerei oibalunyieki tesiedi le Bibilia. Laitoriani abaki le Sabato.>>
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
© 2021, Bible Translation and Literacy