Ndandililo 28
28
1Kwayele che Isaka ŵammilasile che Yakubu, ŵampele upile ni kwalajisya achitiji, “Nkalombela jwankongwe jwa ku Kanaani. 2Njaule ku Padani Alamu, ku che Besueli ambuje ŵenu, nkalombele jumo jwa achiŵali ŵa che Labani, achimwene jwa achikulu ŵenu. 3Akunnungu ŵakwete ukombole ampe upile nkole uŵelesi wejinji, kuti mme atati ŵa ŵandu ŵa ilambo yejinji. 4Ampe upile mmwejo pamo ni iŵelesi yenu mpela yatite kwapa upile che Ibulahimu, kuti chilambo chinkutama chino nti jwanlendo chiŵe chenu; chilambo chiŵapegwile che Ibulahimu ni Akunnungu!” 5Nipele, che Isaka ŵantumile che Yakubu, nombewo ŵajawile ku Padani Alamu ku che Labani, mwanache ju che Besueli mualamu, achimwene jwa che Labeka, achikulugwe che Yakubu ni che Esau.
Che Esau akulombela mwali ju che Ishumaeli
6Che Esau ŵaimanyilile kuti che Isaka ŵampele upile che Yakubu ni kwasalila kuti ajaule ku Padani Alamu kukulombela, ni yakuti paŵampele upile ŵankanyisye kuti akalombela jwankongwe jwa ku Kanaani. 7Sooni ŵaimanyilile kuti che Yakubu ŵajitichisye atatigwe pamo ni achikulugwe, nipele ŵajawile ku Padani Alamu. 8Nipele, che Esau ŵaimanyilile kuti atatigwe ŵaachimile achakongwe ŵa ku Kanaani. 9Kwayele, pamo ni achakongwe ŵane ŵala, che Esau ŵajawile ku che Ishumaeli, mwanache ju che Ibulahimu, ni kulombela mwali ju che Ishumaeli liina lyakwe che Mahalati, nlumbugwe che Nebayoti.
Sagamisi ji che Yakubu ku Beseli
10Che Yakubu ŵatyosile ku Beli Sheba, ni kwaula ku Halani. 11Paŵaiche pamalo pampepe, ŵaganisisye yakugona pelepo pakuŵa kwaliji kuswele. Paŵagonaga ŵajigele liganga ŵaliŵisile pantwe kutenda msamilo. 12Ŵasagamile ali nkujiwona ngazi jikutyochela palisi mpaka kwinani. Achikatumetume ŵa kwinani ali nkukwela ni kutuluka pa ngazi pala. 13Ambuje ŵaliji ajimi pachanya ngazi jila, ŵansalile, “Une ndili Ambuje Akunnungu, Akunnungu ŵa che Ibulahimu atati ŵenu, ni Akunnungu ŵa che Isaka. Chilambo chingonile chi chinampe mmwejo pamo ni iŵelesi yenu. 14Iŵelesi yenu chiiŵe yejinji mpela luundu lwa pachilambo ni chiijenele posepose kutandilila kulikuswela lyuŵa mpaka kulikukopochela lyuŵa ni kumpoto mpaka kulujenda. Kwa litala lyenu pamo ni iŵelesi yenu, ŵandu wose ŵa pachilambo chakole upile. 15Uneji ndili pamo ni mmwejo, chinanlindile kuchinjaule kose ni kummusya mu chilambo chino. Ngangunneka mpaka pachichimalile chilanga changu chinampele.”
16Papopo che Yakubu ŵajimwiche kutyochela mu lugono, ŵatite, “Isyene Ambuje ali pelepa, une nganimanyililaga!” 17Nipele, ŵajogwepe ni ŵatite, “Pelepa pakutesya woga nnope! Isyene apano pali nyuumba ja Akunnungu ni nnango wakwinjilila kwinani.”
18Che Yakubu ŵajimwiche kundaŵipe, ŵajigele liganga liŵatesile nsamilo lila, ni ŵalijimiche kuti liŵe liganga lya chikumbuchisyo. Nipele, ŵalitasile mauta liganga lyo. 19Nipele, che Yakubu ŵapaŵilasile pelepo Beseli, nachiŵamuno liina lya wele musi lyaliji Lusi. 20Kwayele che Yakubu ŵaŵisile nasili achitiji, “Mmwejo Akunnungu ŵangu, naga chimme pamo ni une ni kuulinda pa ulendo wangu, ni sooni kuumba chakulya ni yakuwala, 21kuti mujile kwa atati ŵangu kwa chitendewele, nipele, mmwe Ambuje Akunnungu, chinchiŵa Akunnungu ŵangu. 22Liganga lya chikumbuchisyo linyimiche apano li, chipaŵe malo gakumpopelela mmwe Akunnungu, ni une chinjimpa mmwejo liunji limo lya likumi lya indu yose ichimumbe.”
Valið núna:
Ndandililo 28: YBV
Áherslumerki
Deildu
Afrita
Want to have your highlights saved across all your devices? Sign up or sign in
Yao New Testament © The Word for the World Southern Africa and Pioneer Bible Translators, 2018.
Ndandililo 28
28
1Kwayele che Isaka ŵammilasile che Yakubu, ŵampele upile ni kwalajisya achitiji, “Nkalombela jwankongwe jwa ku Kanaani. 2Njaule ku Padani Alamu, ku che Besueli ambuje ŵenu, nkalombele jumo jwa achiŵali ŵa che Labani, achimwene jwa achikulu ŵenu. 3Akunnungu ŵakwete ukombole ampe upile nkole uŵelesi wejinji, kuti mme atati ŵa ŵandu ŵa ilambo yejinji. 4Ampe upile mmwejo pamo ni iŵelesi yenu mpela yatite kwapa upile che Ibulahimu, kuti chilambo chinkutama chino nti jwanlendo chiŵe chenu; chilambo chiŵapegwile che Ibulahimu ni Akunnungu!” 5Nipele, che Isaka ŵantumile che Yakubu, nombewo ŵajawile ku Padani Alamu ku che Labani, mwanache ju che Besueli mualamu, achimwene jwa che Labeka, achikulugwe che Yakubu ni che Esau.
Che Esau akulombela mwali ju che Ishumaeli
6Che Esau ŵaimanyilile kuti che Isaka ŵampele upile che Yakubu ni kwasalila kuti ajaule ku Padani Alamu kukulombela, ni yakuti paŵampele upile ŵankanyisye kuti akalombela jwankongwe jwa ku Kanaani. 7Sooni ŵaimanyilile kuti che Yakubu ŵajitichisye atatigwe pamo ni achikulugwe, nipele ŵajawile ku Padani Alamu. 8Nipele, che Esau ŵaimanyilile kuti atatigwe ŵaachimile achakongwe ŵa ku Kanaani. 9Kwayele, pamo ni achakongwe ŵane ŵala, che Esau ŵajawile ku che Ishumaeli, mwanache ju che Ibulahimu, ni kulombela mwali ju che Ishumaeli liina lyakwe che Mahalati, nlumbugwe che Nebayoti.
Sagamisi ji che Yakubu ku Beseli
10Che Yakubu ŵatyosile ku Beli Sheba, ni kwaula ku Halani. 11Paŵaiche pamalo pampepe, ŵaganisisye yakugona pelepo pakuŵa kwaliji kuswele. Paŵagonaga ŵajigele liganga ŵaliŵisile pantwe kutenda msamilo. 12Ŵasagamile ali nkujiwona ngazi jikutyochela palisi mpaka kwinani. Achikatumetume ŵa kwinani ali nkukwela ni kutuluka pa ngazi pala. 13Ambuje ŵaliji ajimi pachanya ngazi jila, ŵansalile, “Une ndili Ambuje Akunnungu, Akunnungu ŵa che Ibulahimu atati ŵenu, ni Akunnungu ŵa che Isaka. Chilambo chingonile chi chinampe mmwejo pamo ni iŵelesi yenu. 14Iŵelesi yenu chiiŵe yejinji mpela luundu lwa pachilambo ni chiijenele posepose kutandilila kulikuswela lyuŵa mpaka kulikukopochela lyuŵa ni kumpoto mpaka kulujenda. Kwa litala lyenu pamo ni iŵelesi yenu, ŵandu wose ŵa pachilambo chakole upile. 15Uneji ndili pamo ni mmwejo, chinanlindile kuchinjaule kose ni kummusya mu chilambo chino. Ngangunneka mpaka pachichimalile chilanga changu chinampele.”
16Papopo che Yakubu ŵajimwiche kutyochela mu lugono, ŵatite, “Isyene Ambuje ali pelepa, une nganimanyililaga!” 17Nipele, ŵajogwepe ni ŵatite, “Pelepa pakutesya woga nnope! Isyene apano pali nyuumba ja Akunnungu ni nnango wakwinjilila kwinani.”
18Che Yakubu ŵajimwiche kundaŵipe, ŵajigele liganga liŵatesile nsamilo lila, ni ŵalijimiche kuti liŵe liganga lya chikumbuchisyo. Nipele, ŵalitasile mauta liganga lyo. 19Nipele, che Yakubu ŵapaŵilasile pelepo Beseli, nachiŵamuno liina lya wele musi lyaliji Lusi. 20Kwayele che Yakubu ŵaŵisile nasili achitiji, “Mmwejo Akunnungu ŵangu, naga chimme pamo ni une ni kuulinda pa ulendo wangu, ni sooni kuumba chakulya ni yakuwala, 21kuti mujile kwa atati ŵangu kwa chitendewele, nipele, mmwe Ambuje Akunnungu, chinchiŵa Akunnungu ŵangu. 22Liganga lya chikumbuchisyo linyimiche apano li, chipaŵe malo gakumpopelela mmwe Akunnungu, ni une chinjimpa mmwejo liunji limo lya likumi lya indu yose ichimumbe.”
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
Yao New Testament © The Word for the World Southern Africa and Pioneer Bible Translators, 2018.