Roma 3
3
1KE ieû ke ûnyi ae nua ge at Juda? ke ieû troban peritom? 2E gan hmâ hnyi ta je hwakecin hia: walang a bân, a gʼ adre hna kodra ta je hofuc hwan Khong. 3Eja ke ne adre ne ca labageju keihen, me ieû thö? e khana anyidra ca labageju he ka oûnyibâûâ hwakecin ae hnathu anyin Khong? 4Ohe; eja ke ne a ne thoi tavat hia, me so e me hnathu bala bi Khong; helâ me hna sihnalimen, ka habe,
Mʼ u me he ka wisa hnyi hwâm ta je hofuc
Me tom, at ka he ka hnei u.
5Ke a ne hnân omanenâ hwakecin Khong ae wisa hnen hwakecita ae ca wisa bi, ieû ate me he ka ha? Hawa, e ca wisa hwakecin Khong, at ame bi hwaban ge hmonyin? (Inya oge me fuc helâ me at.) 6Ohe; a ne helâe ame he Khong ka kâmâu ka hnö hmeledrany? 7Ke ame ne he anyik thoi ka olungâ hnathuiny Khong me ogânâ e, hnân eû he ka hnei nya hmetu helâ me at ae kong? 8ke geû, adre me ca he ka ha, ka habe, (helâ me hnödra hna haikongu ohmun, ke helâ me hna bi fuc ohmun ge keihen, ka habe, haingöhmun), Otin e he ka ânyâ monu me me o but so? e wisa hnaûhango a ödra.
9Ke hawa, e kong hnöhmun ke so bi hnödra? Ohe, e ba; anyin ate hia but owisa a tha at Juda me at Heleni hia hmelen hulo; 10helâ me hna sihnalimen, ka habe,
E ba at ae wisa, e ba hmonyin me khaca;
11E ba at ame wâ ûnykûme,
E ba at ame elâm Khong;
12Adre me saû hia but, adre me tha monu but;
E ba at ame mâdrâ so, e ba hmonyin me khaca:
13Helâ me erkemok ae memang je jeköwidra;
Kʼ adre me iyawo ge je bohmödra:
Eû hnyi hnyin je esongodidra öginyin asip;
14E unöngötö je hnyimödra ge ûhangö me hofuc ae hiny:
15E logot li cadra he ka hingâlâ dra;
16Eû hnyi dedra je gethen ûohia, me hnyok ae vec;
17E ca khanʼ ödra gethen deny hnahic:
18E ba ot ka Khong hnyi hnyimakodra.
19Ke e khanʼ öta a haba ta je ûnyi adre ha hnyi hnanyibu, me adre me ha ka tavat adre me laba hmelen hnanyibu; me me he ka ohnyibö ta je hnyem hia, mʼ adre me he ka ohnaûhangoâ hmeledrany hia thi-thö ûnyi ge Khong: 20anyin ae ca khana bi ke at he ka wisa hnyi hnyimakan ge ta je huliwainy hnanyibu: anyin ae manen dut hulo ge hnanyibu. 21Ke manen dut walang ang hwakecin ae wisa, ke ca ûnyi ge hnanyibu bi, kʼ ame ohnathoâ hnen hnanyibu me ta je perofeta; 22wale hwakecin ae wisa anyin Khong hnen labageju kö Iesu Keriso hobi kodra hia tavat adre me labageju; anyin ae ve bongon bi; 23anyin ae kong tavat hia, kʼ adre me ca o ka hnyi hmanenanginy Khong, 24ke adre me haisoâ bâûâ bi öta hnen anyin ibetengiö ûnyi ge ûhomeli wale unyin Keriso Iesu: 25a hut ame oâ hnen Khong, deny labageju ka hnyi dren, mʼ adre me he ka omanenâ hwakecin ae wisa ûnyi hnyi hnen hna thang ut ta je hulo adre ânyâ ehac, ûnyi hnyi hokhnyok beû hmâ anyin Khong; 26mʼ adre me omanenâ hnyi ûen ang hwakecin ae wisa: me me ka wisa bi, kʼ ame he minya ka haiwisa at ame labageju kö Iesu. 27Anyin a wale, ewa hna ohobeluâ? E ba hnen bi e. Hnen ie hnanyibu? hawa, ge huliwa? Ohe; ke so bi ûnyi ge hnanyibuiny labageju. 28Anyin a wale, ate me ûnykûme, ka habe, adre me haiwisa at ge labageju, ke ca ha bi huliwainy hnanyibu. 29Hawa, e Khongon at Juda thibi? ke ca Khongon Aten minya bi ta je hnyei? Eke, me Aten ta je hnyei minya: 30awe, ame ne khaca thibi Khong, kʼ ame he ka haiwisa hna peritom ûnyi hnyi labageju, ke tavat adre ca peritom bi hnen labageju. 31Hawa, ate me he ka oûnyibâûâ hnanyibu hnen labageju! Ohe; ke so bi ate me otilâ hmâ hnanyibu.
Valið núna:
Roma 3: IAAI
Áherslumerki
Deildu
Afrita
Want to have your highlights saved across all your devices? Sign up or sign in
maintained by the British and Foreign Bible Society
Roma 3
3
1KE ieû ke ûnyi ae nua ge at Juda? ke ieû troban peritom? 2E gan hmâ hnyi ta je hwakecin hia: walang a bân, a gʼ adre hna kodra ta je hofuc hwan Khong. 3Eja ke ne adre ne ca labageju keihen, me ieû thö? e khana anyidra ca labageju he ka oûnyibâûâ hwakecin ae hnathu anyin Khong? 4Ohe; eja ke ne a ne thoi tavat hia, me so e me hnathu bala bi Khong; helâ me hna sihnalimen, ka habe,
Mʼ u me he ka wisa hnyi hwâm ta je hofuc
Me tom, at ka he ka hnei u.
5Ke a ne hnân omanenâ hwakecin Khong ae wisa hnen hwakecita ae ca wisa bi, ieû ate me he ka ha? Hawa, e ca wisa hwakecin Khong, at ame bi hwaban ge hmonyin? (Inya oge me fuc helâ me at.) 6Ohe; a ne helâe ame he Khong ka kâmâu ka hnö hmeledrany? 7Ke ame ne he anyik thoi ka olungâ hnathuiny Khong me ogânâ e, hnân eû he ka hnei nya hmetu helâ me at ae kong? 8ke geû, adre me ca he ka ha, ka habe, (helâ me hnödra hna haikongu ohmun, ke helâ me hna bi fuc ohmun ge keihen, ka habe, haingöhmun), Otin e he ka ânyâ monu me me o but so? e wisa hnaûhango a ödra.
9Ke hawa, e kong hnöhmun ke so bi hnödra? Ohe, e ba; anyin ate hia but owisa a tha at Juda me at Heleni hia hmelen hulo; 10helâ me hna sihnalimen, ka habe,
E ba at ae wisa, e ba hmonyin me khaca;
11E ba at ame wâ ûnykûme,
E ba at ame elâm Khong;
12Adre me saû hia but, adre me tha monu but;
E ba at ame mâdrâ so, e ba hmonyin me khaca:
13Helâ me erkemok ae memang je jeköwidra;
Kʼ adre me iyawo ge je bohmödra:
Eû hnyi hnyin je esongodidra öginyin asip;
14E unöngötö je hnyimödra ge ûhangö me hofuc ae hiny:
15E logot li cadra he ka hingâlâ dra;
16Eû hnyi dedra je gethen ûohia, me hnyok ae vec;
17E ca khanʼ ödra gethen deny hnahic:
18E ba ot ka Khong hnyi hnyimakodra.
19Ke e khanʼ öta a haba ta je ûnyi adre ha hnyi hnanyibu, me adre me ha ka tavat adre me laba hmelen hnanyibu; me me he ka ohnyibö ta je hnyem hia, mʼ adre me he ka ohnaûhangoâ hmeledrany hia thi-thö ûnyi ge Khong: 20anyin ae ca khana bi ke at he ka wisa hnyi hnyimakan ge ta je huliwainy hnanyibu: anyin ae manen dut hulo ge hnanyibu. 21Ke manen dut walang ang hwakecin ae wisa, ke ca ûnyi ge hnanyibu bi, kʼ ame ohnathoâ hnen hnanyibu me ta je perofeta; 22wale hwakecin ae wisa anyin Khong hnen labageju kö Iesu Keriso hobi kodra hia tavat adre me labageju; anyin ae ve bongon bi; 23anyin ae kong tavat hia, kʼ adre me ca o ka hnyi hmanenanginy Khong, 24ke adre me haisoâ bâûâ bi öta hnen anyin ibetengiö ûnyi ge ûhomeli wale unyin Keriso Iesu: 25a hut ame oâ hnen Khong, deny labageju ka hnyi dren, mʼ adre me he ka omanenâ hwakecin ae wisa ûnyi hnyi hnen hna thang ut ta je hulo adre ânyâ ehac, ûnyi hnyi hokhnyok beû hmâ anyin Khong; 26mʼ adre me omanenâ hnyi ûen ang hwakecin ae wisa: me me ka wisa bi, kʼ ame he minya ka haiwisa at ame labageju kö Iesu. 27Anyin a wale, ewa hna ohobeluâ? E ba hnen bi e. Hnen ie hnanyibu? hawa, ge huliwa? Ohe; ke so bi ûnyi ge hnanyibuiny labageju. 28Anyin a wale, ate me ûnykûme, ka habe, adre me haiwisa at ge labageju, ke ca ha bi huliwainy hnanyibu. 29Hawa, e Khongon at Juda thibi? ke ca Khongon Aten minya bi ta je hnyei? Eke, me Aten ta je hnyei minya: 30awe, ame ne khaca thibi Khong, kʼ ame he ka haiwisa hna peritom ûnyi hnyi labageju, ke tavat adre ca peritom bi hnen labageju. 31Hawa, ate me he ka oûnyibâûâ hnanyibu hnen labageju! Ohe; ke so bi ate me otilâ hmâ hnanyibu.
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
maintained by the British and Foreign Bible Society