Filipi 1
1
1INYA Paulo me Timoteo a li athnyabainy Keriso Iesu, ohmu me set ka wakap hia unyin Keriso Iesu hnyi Filipi, me ta je pisop, me je dikona: 2E so e unyibun ibetengiö baû, me hnahic ûnyi ge Khong a Kamöta, me Than Iesu Keriso.
3Inya oge me ole ka Khonguk hnyi hnok ta je hna ûnykûmi öbun hia, 4kʼ oge me labö sumat me senyin hnyi hijik je hic hia hobi köbun hia, 5anyin a öbun e tha hnyok hnyi ûthumetu ae so, hwân hnyi bong a bân ke ne o but walang ang; 6ke oge me wâ cicöâ ûnyi eang, a haba at ame ibi hwân huliwa eû hnyi je hnyekubun, me ame he at eling ka obekhötâ e ke ne o but hnyi bong bongi Iesu Keriso: 7ke e wisa könya he ka ûnykûme köbun hia, anyin a öbun dut eû hnyi hnyik, ke öbun hia öbun e tha hu mönya ibetengiöʼ baû, hnyi hna cö nya, me hnyi hna otilâ me ohmâ ûthumetu ae so. 8Anyin a Khong ame ohnathu nya ae gan hmâ hnok hna hnyok köbun hia ûnyi hnyi ibetengiö ae gan anyin Keriso Iesu. 9Ke walang hijic hic, a gʼ ame he ka kû gan hmâ bala anyibun ibetengiö hnyi metâ me wâhmakhmeto hia; 10mʼ öbun e he ka haisoâ ta je ûnyi ae so; mʼ öbun e he ka hnyok hnathu, ke ba hnyikongon gabun ke ne o but hnyi bong bongon Keriso; 11mʼ öbun e unöngöt ge je wan hwakecin ae wisa ûnyi ga Iesu Keriso, hnân ogânâ me haisoâ Khong.
12Hnyat me lakeiny lö, e wek öbun e he ka khana, a haba ta je ûnyi a o könya me adre hia but wia me hnân okûâ ûthumetu ae so; 13me me manen dut a gʼ adre cö nya can Keriso, ka tavat tue hia unyin than tot, me kolon tavat bia; 14ke haba hna cö nya, me ame ha hwegiâ je hnyat me lakeiny ae se hia unyin Than, mʼ adre me hwege hmonyin he ka ha hofuc hwan Khong me ca ot. 15Ke haba keihen me adre me khetâ Keriso ûnyi hnyi ihunyi nköu me iwatretra; ke haba keihen, me ûnyi hnyi hnyok ae so: 16haba ke keihen, me adre me ânyâ e hnyi ibetengiö, anyin ae khanʼ ödra a gʼ adre ip nya hnân otilâ ûthumetu ae so: 17ke haba keihen, me adre me khetâ Keriso ûnyi hnyi iwatretra, ke ca ûnyi hnyi hnyok ae hnathu, kʼ adre me ûnykûme bi he ka bi hanen könya vec hnyi hna cö nya. 18Ke ieû? adre me khetâ Keriso hnyi ta je deny hia, ame ne ûnyi hnyi bihihwakecin, kʼ ame ne ûnyi hnyi hnathu; waleling mʼ oge me senyin, eke, me oge me he ka senyin bala. 19Anyin ae khanö nya, a haba ûnyi eang, me ame he ka obiny ka hnyi anyik jmöt, hnen hijibun hic, me hna ham Hanu Iesu Keriso, 20hoton hnok hna wek gan hmâ, me gejon, a oge ca he ka hmehma bi hnyi ke ûnyi, ke so bi mʼ adre me he ka ogânâ Keriso walang ang hnen unyin, helâ me ehac, me ti hwege, a ne ûnyi ge möt, a ne ûnyi ge mok. 21Anyin haba anyik möt me hobi kö Keriso; ke haba iny ka mok, me wale hnahicik. 22Ke ame ne wan thibi anyik huliwa, ka habe, he ka möt hnyi unyin— awe, e ca khanö nya hnok hna he ka ûca. 23Anyin oge me loloâ hnyi li ûnyi eang, ke haba wek bi, me he ka he but, e me tha inya me Keriso; wale so ae nua: 24ke so bi e ûnyi hnathu köbun mʼ oge me he ka laba hnyi unyin. 25Wale hnok hna labageju kâu, me khanö nya a oge me he ka laba, eke, me tha laba mʼ öbun hia, he ka bihanen ûne köbun me osenyini öbun hnyi labageju; 26me me gan hmâ but hnobun hna hobelöû hnyi Keriso Iesu ûnyi gak, iny ka o but hmetu köbun. 27E so e he ka ûcû hwakecibun me ûthumetu ae so anyin Keriso: me iny ka o he ka iouny mʼ öbun, ke a ne hiö nya minya bi, oge me he ka long gabun, ka habe, öbun e tethmâ hnyi hanu a khaca, me ûnykûme a khaca, me tha hwege ka hnyi labageju, wale ûthumetu ae so; 28ke ca outen bi ta je iwahnaihmiöny: wale a ke ûnyi hnân haten hnaûhango, ke haten bi möt köbun, a ûnyi ge Khong e; 29anyin adre hia but ham köbun ge Keriso, ca he ka hake labageju thibi kâu, ke so minya he ka vec can e: 30ke hu gabun vat waleji öbun e wâ gak, ke öbun e long walang ang a e unyik.
Valið núna:
Filipi 1: IAAI
Áherslumerki
Deildu
Afrita
Want to have your highlights saved across all your devices? Sign up or sign in
maintained by the British and Foreign Bible Society
Filipi 1
1
1INYA Paulo me Timoteo a li athnyabainy Keriso Iesu, ohmu me set ka wakap hia unyin Keriso Iesu hnyi Filipi, me ta je pisop, me je dikona: 2E so e unyibun ibetengiö baû, me hnahic ûnyi ge Khong a Kamöta, me Than Iesu Keriso.
3Inya oge me ole ka Khonguk hnyi hnok ta je hna ûnykûmi öbun hia, 4kʼ oge me labö sumat me senyin hnyi hijik je hic hia hobi köbun hia, 5anyin a öbun e tha hnyok hnyi ûthumetu ae so, hwân hnyi bong a bân ke ne o but walang ang; 6ke oge me wâ cicöâ ûnyi eang, a haba at ame ibi hwân huliwa eû hnyi je hnyekubun, me ame he at eling ka obekhötâ e ke ne o but hnyi bong bongi Iesu Keriso: 7ke e wisa könya he ka ûnykûme köbun hia, anyin a öbun dut eû hnyi hnyik, ke öbun hia öbun e tha hu mönya ibetengiöʼ baû, hnyi hna cö nya, me hnyi hna otilâ me ohmâ ûthumetu ae so. 8Anyin a Khong ame ohnathu nya ae gan hmâ hnok hna hnyok köbun hia ûnyi hnyi ibetengiö ae gan anyin Keriso Iesu. 9Ke walang hijic hic, a gʼ ame he ka kû gan hmâ bala anyibun ibetengiö hnyi metâ me wâhmakhmeto hia; 10mʼ öbun e he ka haisoâ ta je ûnyi ae so; mʼ öbun e he ka hnyok hnathu, ke ba hnyikongon gabun ke ne o but hnyi bong bongon Keriso; 11mʼ öbun e unöngöt ge je wan hwakecin ae wisa ûnyi ga Iesu Keriso, hnân ogânâ me haisoâ Khong.
12Hnyat me lakeiny lö, e wek öbun e he ka khana, a haba ta je ûnyi a o könya me adre hia but wia me hnân okûâ ûthumetu ae so; 13me me manen dut a gʼ adre cö nya can Keriso, ka tavat tue hia unyin than tot, me kolon tavat bia; 14ke haba hna cö nya, me ame ha hwegiâ je hnyat me lakeiny ae se hia unyin Than, mʼ adre me hwege hmonyin he ka ha hofuc hwan Khong me ca ot. 15Ke haba keihen me adre me khetâ Keriso ûnyi hnyi ihunyi nköu me iwatretra; ke haba keihen, me ûnyi hnyi hnyok ae so: 16haba ke keihen, me adre me ânyâ e hnyi ibetengiö, anyin ae khanʼ ödra a gʼ adre ip nya hnân otilâ ûthumetu ae so: 17ke haba keihen, me adre me khetâ Keriso ûnyi hnyi iwatretra, ke ca ûnyi hnyi hnyok ae hnathu, kʼ adre me ûnykûme bi he ka bi hanen könya vec hnyi hna cö nya. 18Ke ieû? adre me khetâ Keriso hnyi ta je deny hia, ame ne ûnyi hnyi bihihwakecin, kʼ ame ne ûnyi hnyi hnathu; waleling mʼ oge me senyin, eke, me oge me he ka senyin bala. 19Anyin ae khanö nya, a haba ûnyi eang, me ame he ka obiny ka hnyi anyik jmöt, hnen hijibun hic, me hna ham Hanu Iesu Keriso, 20hoton hnok hna wek gan hmâ, me gejon, a oge ca he ka hmehma bi hnyi ke ûnyi, ke so bi mʼ adre me he ka ogânâ Keriso walang ang hnen unyin, helâ me ehac, me ti hwege, a ne ûnyi ge möt, a ne ûnyi ge mok. 21Anyin haba anyik möt me hobi kö Keriso; ke haba iny ka mok, me wale hnahicik. 22Ke ame ne wan thibi anyik huliwa, ka habe, he ka möt hnyi unyin— awe, e ca khanö nya hnok hna he ka ûca. 23Anyin oge me loloâ hnyi li ûnyi eang, ke haba wek bi, me he ka he but, e me tha inya me Keriso; wale so ae nua: 24ke so bi e ûnyi hnathu köbun mʼ oge me he ka laba hnyi unyin. 25Wale hnok hna labageju kâu, me khanö nya a oge me he ka laba, eke, me tha laba mʼ öbun hia, he ka bihanen ûne köbun me osenyini öbun hnyi labageju; 26me me gan hmâ but hnobun hna hobelöû hnyi Keriso Iesu ûnyi gak, iny ka o but hmetu köbun. 27E so e he ka ûcû hwakecibun me ûthumetu ae so anyin Keriso: me iny ka o he ka iouny mʼ öbun, ke a ne hiö nya minya bi, oge me he ka long gabun, ka habe, öbun e tethmâ hnyi hanu a khaca, me ûnykûme a khaca, me tha hwege ka hnyi labageju, wale ûthumetu ae so; 28ke ca outen bi ta je iwahnaihmiöny: wale a ke ûnyi hnân haten hnaûhango, ke haten bi möt köbun, a ûnyi ge Khong e; 29anyin adre hia but ham köbun ge Keriso, ca he ka hake labageju thibi kâu, ke so minya he ka vec can e: 30ke hu gabun vat waleji öbun e wâ gak, ke öbun e long walang ang a e unyik.
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
maintained by the British and Foreign Bible Society