Kolose 2
2
1ANYIN ae wek e me khanʼ öbun ûganiny hnok hna ûjöng hwege hobi köbun, mʼ ödra minya hnyi Laodikea, mʼ ödra hia adre me ca hnyi wâ hnyimakök hnyi unyin; 2mʼ adre me he ka okahwa je hnyekudra, kʼ adre ûhûjâköuâ hnyi betenge, ke hnyi tang omjeû hia wale hna tha kap me wâ ûnykûme, mʼ adre me he ka wâhmakhmeto ûnyi ae iyong anyin Khong, wale Keriso, 3at adre ikhâlâ unyin ta je omjeûiny hia metâ me wâ ûnykûme. 4Wale thibi hnok hna ha, wâ e nye he ke at ka iyâûʼ öbun ge je hofuc ûhahnyok. 5Eja ke ne a ne hiö nya hnyi unyin, inya unyibun hnyi hanu, kʼ oge me senyinâ me wâ hna laba wia a öbun, me ihwegien anyibun labageju ka Keriso.
6Anyin a wale, he bala ju öbun unyin Keriso Iesu a Than, helâ me hnobun hna kap e, 7ke bi wân dut me up öbun goranyai unyin, ke ohmâ ju anyibun labaʼ geju, helâ me hna nʼ öbun, ke ti ole gan hmâ. 8Wâ eâu, wâ e nye he ke at ka sei öbun hnen anyin bemetâ, me tang iyawo hnân omono, hoton hofuc vejec anyin at, me je hna ûne anyin hmeledrany a bân, ke ca hoton bi Keriso: 9kʼ ame laba eû hnyin at eling onyen Khong hia thithö hnyi unyin, 10kʼ adre me ounöngöti öbun ûnyi gan, kʼ ame ban at eling hon ta je musi me ta je man hia thithö; 11wale at adre me peritomoni öbun unyin, hnen peritom adre me ca ânyâ ge hnyam, wale he ka uny degecâ onyen unyin, hnen peritom ûnyi ge Keriso; 12ke adre me tha konâm më hnyi hna bapataiso, wale adre tha omeli öbun hmetu më ge labageju ka hnyi huliwa anyin Khong, waleji at ame omelö hmetu e ûnyi hnyi hna mok. 13Ke haba öbun waleji öbun e mok hnyi hwakecin ae kong, me ca peritomonâ je unyibun, e ame omeli öbun tha öbun më, ke e ame ohia anyita ta je hulo hia; 14ke e ame kot degecâ hna sihnalimen ta je hna hûna ae iwahnaihmiony mʼ öta, me ûcû öta, ke e ame hia but hom degecâ e ûnyi hnyi wanben, kʼ ame thu faoiny hnyi anyin satauro; 15ke e ame ka uny degecâ ta je musi me ta je man, e ame omanenʼ ödra bi hnyi dok ae manen, ke ame dokhu hudrin hnyin e.
16Anyin a wale, ca he ke at ka ûnykûmi öbun can ta je jeû, me hnân ic, me bonginy bijeû, me tehi ae teb ûnyi, me bong sabath: 17wale hmenon ta je ûnyi ame he ka o; ke haba onyen, me, wale Keriso. 18Ca he ke at ka ovhelâ hwaböbunhnen beöûhnyûkongi öbun, me hic ka ta je angela, ame nâ ta je hna omanenâ kâu bi, ame ohobâ bâûâ hnen ûnykûmenen unyin, 19kʼ ame ca kât hmâ bi Ban, wale at a ûnyi gan unyin hia thithö, adre ûhûjâköuâ hnen ta je outhunyin me toiny, ame hûhûö, a öhûhûö hnen Khong.
20Öbun e ne tha mokcu me Keriso ûnyi hnyi hna ûne a bân anyin hmeledrany, anyin a ieû, öbun e long hmetu hoton je hna hûna, helâke öbun e möt ka hnyi hmeledrany, ka habe, 21Ca mâdrâ bi, ca drem bi, ca kâlâ bi, 22(ame he ka hia ta je ûnyi e, at ka mâdrâ), helâ me je hna hûna me je hna ûnö hnen at? 23Haba ta je ûnyi e, ame beometâ thoiâ hnyi hmi baû, me he ka hnyikânâ, me ovecâ unyin bi; ke ca ûnyi hnathu bi hnân hom ûhnyûkongoâ unyin.
Valið núna:
Kolose 2: IAAI
Áherslumerki
Deildu
Afrita
Want to have your highlights saved across all your devices? Sign up or sign in
maintained by the British and Foreign Bible Society
Kolose 2
2
1ANYIN ae wek e me khanʼ öbun ûganiny hnok hna ûjöng hwege hobi köbun, mʼ ödra minya hnyi Laodikea, mʼ ödra hia adre me ca hnyi wâ hnyimakök hnyi unyin; 2mʼ adre me he ka okahwa je hnyekudra, kʼ adre ûhûjâköuâ hnyi betenge, ke hnyi tang omjeû hia wale hna tha kap me wâ ûnykûme, mʼ adre me he ka wâhmakhmeto ûnyi ae iyong anyin Khong, wale Keriso, 3at adre ikhâlâ unyin ta je omjeûiny hia metâ me wâ ûnykûme. 4Wale thibi hnok hna ha, wâ e nye he ke at ka iyâûʼ öbun ge je hofuc ûhahnyok. 5Eja ke ne a ne hiö nya hnyi unyin, inya unyibun hnyi hanu, kʼ oge me senyinâ me wâ hna laba wia a öbun, me ihwegien anyibun labageju ka Keriso.
6Anyin a wale, he bala ju öbun unyin Keriso Iesu a Than, helâ me hnobun hna kap e, 7ke bi wân dut me up öbun goranyai unyin, ke ohmâ ju anyibun labaʼ geju, helâ me hna nʼ öbun, ke ti ole gan hmâ. 8Wâ eâu, wâ e nye he ke at ka sei öbun hnen anyin bemetâ, me tang iyawo hnân omono, hoton hofuc vejec anyin at, me je hna ûne anyin hmeledrany a bân, ke ca hoton bi Keriso: 9kʼ ame laba eû hnyin at eling onyen Khong hia thithö hnyi unyin, 10kʼ adre me ounöngöti öbun ûnyi gan, kʼ ame ban at eling hon ta je musi me ta je man hia thithö; 11wale at adre me peritomoni öbun unyin, hnen peritom adre me ca ânyâ ge hnyam, wale he ka uny degecâ onyen unyin, hnen peritom ûnyi ge Keriso; 12ke adre me tha konâm më hnyi hna bapataiso, wale adre tha omeli öbun hmetu më ge labageju ka hnyi huliwa anyin Khong, waleji at ame omelö hmetu e ûnyi hnyi hna mok. 13Ke haba öbun waleji öbun e mok hnyi hwakecin ae kong, me ca peritomonâ je unyibun, e ame omeli öbun tha öbun më, ke e ame ohia anyita ta je hulo hia; 14ke e ame kot degecâ hna sihnalimen ta je hna hûna ae iwahnaihmiony mʼ öta, me ûcû öta, ke e ame hia but hom degecâ e ûnyi hnyi wanben, kʼ ame thu faoiny hnyi anyin satauro; 15ke e ame ka uny degecâ ta je musi me ta je man, e ame omanenʼ ödra bi hnyi dok ae manen, ke ame dokhu hudrin hnyin e.
16Anyin a wale, ca he ke at ka ûnykûmi öbun can ta je jeû, me hnân ic, me bonginy bijeû, me tehi ae teb ûnyi, me bong sabath: 17wale hmenon ta je ûnyi ame he ka o; ke haba onyen, me, wale Keriso. 18Ca he ke at ka ovhelâ hwaböbunhnen beöûhnyûkongi öbun, me hic ka ta je angela, ame nâ ta je hna omanenâ kâu bi, ame ohobâ bâûâ hnen ûnykûmenen unyin, 19kʼ ame ca kât hmâ bi Ban, wale at a ûnyi gan unyin hia thithö, adre ûhûjâköuâ hnen ta je outhunyin me toiny, ame hûhûö, a öhûhûö hnen Khong.
20Öbun e ne tha mokcu me Keriso ûnyi hnyi hna ûne a bân anyin hmeledrany, anyin a ieû, öbun e long hmetu hoton je hna hûna, helâke öbun e möt ka hnyi hmeledrany, ka habe, 21Ca mâdrâ bi, ca drem bi, ca kâlâ bi, 22(ame he ka hia ta je ûnyi e, at ka mâdrâ), helâ me je hna hûna me je hna ûnö hnen at? 23Haba ta je ûnyi e, ame beometâ thoiâ hnyi hmi baû, me he ka hnyikânâ, me ovecâ unyin bi; ke ca ûnyi hnathu bi hnân hom ûhnyûkongoâ unyin.
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
maintained by the British and Foreign Bible Society