Ta je huliwa 24
24
1HWABAN je bong a faiv ame o thö at bihut ae nua, jia Anania, me ke je wahingat, me at khet, Teretulo ien; me ödrin e haiö Paulo ka gavena. 2Ke adre me hawo Teretulo, me e ame hwân he ka bi fuco e, ame ha, ka habe,
Taböny than Filiki lö, e gan hmâ anyihmun ûsoköu ûnyi gam, ke ûnyi ge ânyâm metâ adre me owisa hnyei ang me me so tot, 3ke ohmun e kap e hnyi je ûen ke hnyi je dok hia, me ole gan hmâ. 4Ke wâ oge nye öhunyinyi u, inya oge me khöû köu he ka long menyiki ohmun hnyi ke je hofuc ae wakhalet. 5Anyin a ohmun e wâ but at ang ame bi jönihmun, kʼ ame okûâ ûhûgûnö dokhu unyin at Juda hia eang hmeledrany, haba e me homakan at Nazareta: 6ke e ame heleû deny minya he ka okongoâ uma kap: mʼ ohmun e kât e: 8ke u me he ka wâhmakhmeto ta je hofuc hia ohmun e hâiâ e gan, u ka he ka hnö e. 9Ke haba at Juda minya adre me tha hien, mē, me ogâ ta je ûnyi hia eling.
10Ke haba gavena ame atmemakö Paulo he ka fuc, me e ame ha, ka habe,
E khanö nya ae se hia ta je huna u je owisa hnyin hnyei ang anyin a wale oge me senyin he ka ha wisö nya bi: 11anyin ae khanö u he ka wâhmakhmeto, ae tiga twelv thibi je bong waleji oge me o hnyi Jerusalema he ka hmi: 12ke adre me ca ō nya bi hnyi hnyin uma kap, me hnyin je sunago, me hnyi taun, oge me ivinö me ke at, me omonumonoâ tavat. 13Ke ca khanʼ ödra minya bi he ka ohnathoâ ta je ûnyi adre me bi fuci nya hnyin. 14Ke wale bi ang hnok hna he ka haimemenâ köu, a inya oge me hmi ka Khongon lakamöhmun hoton deny adre me ha heretikon, ke oge me kap ta je ûnyi hia adre sihnalimen hnyi hnanyibu me je perofeta: 15ke oge me geju ka Khong wale adre me kap minya, a gʼ ame he ka möt hmetu tavat ae wisa me tavat ae ca wisa bi. 16Anyin a wale inya oge me hwege me me hu bala bi oûnykûmik ae so ka Khong me at. 17Hwaban ta je huna ae se hia, inya oge me o eang he ka hom ta je betenge ka aten ik hnyei, me ta je hut, 18ke hnyi hnok hna ânyâ e, me ame ô nya hnen at Juda ûheny Asia hnyi hnyin uma kap, oge hamök obosoi nya, ke ca tha inya me tavat, ke ba minya imediököu, 19ke so ködrin bi he ka munyi o eang he ka tot hnyi hnyimâkâm, me bi fuci nya a ne hu hodrin gak. 20Ke e ka ba, bamödrin hnyat ang he ka ha, a ne hu hwakecik ae ca wisa bi adre wâ waleji hnyi hnok hna tot hnyi hnyimakan ûhnenamö, 21ke so bi hofuc ang a khaca, waleji o ge me tot me hongot hnyi wanbödra, ka habe, Öbun e hnei nya hnyi bong ang ge möt hmetu ûnyi hnyi hna mok.
22Ke haba Filiki ame hnʼ ödra but ka hnyi ke bong, anyin a e ame wâhmakhmetoâ bongon hmi e, haingen, ka habe, E ka o but Lusia taben ae nua, oge me he ka ha muâ ûnyi gabun. 23Ke e ame hûna ka keneturio he ka tuö e, me betenge gan: ke adre me ca he ka thawâ je lahanen he ka senâ e.
24Ke hwaban ke je bong ame o but Filiki me Drusila a âiân momo Juda, me e ame hum Paulo he ka long gan bongon labageju ka Keriso. 25Ke e ame tiga ha bongon hwakecin ae wisa ke hnyok, ke bong owisa hnyi obiny, me haba Filiki ame öbubuny, me ha, ka habe, Me he thö walang ang; ke e ka hu ûen ae ûcû me oge me he ka hawo u hmetu. 26E ame ûnykûme a gʼ ame he Paulo ka ham kâu mone: waleling me me osehia hawâ e he ka ûhnenamö mē. 27Hwaban lo li huna, kʼ adre me tilö hwabö Filiki, jia Pokio Feso; ke haba Filiki ame weny he ka osenyinâ at Juda, me e ame hnö Paulo bala hnyin uma ceat.
Valið núna:
Ta je huliwa 24: IAAI
Áherslumerki
Deildu
Afrita
Want to have your highlights saved across all your devices? Sign up or sign in
maintained by the British and Foreign Bible Society
Ta je huliwa 24
24
1HWABAN je bong a faiv ame o thö at bihut ae nua, jia Anania, me ke je wahingat, me at khet, Teretulo ien; me ödrin e haiö Paulo ka gavena. 2Ke adre me hawo Teretulo, me e ame hwân he ka bi fuco e, ame ha, ka habe,
Taböny than Filiki lö, e gan hmâ anyihmun ûsoköu ûnyi gam, ke ûnyi ge ânyâm metâ adre me owisa hnyei ang me me so tot, 3ke ohmun e kap e hnyi je ûen ke hnyi je dok hia, me ole gan hmâ. 4Ke wâ oge nye öhunyinyi u, inya oge me khöû köu he ka long menyiki ohmun hnyi ke je hofuc ae wakhalet. 5Anyin a ohmun e wâ but at ang ame bi jönihmun, kʼ ame okûâ ûhûgûnö dokhu unyin at Juda hia eang hmeledrany, haba e me homakan at Nazareta: 6ke e ame heleû deny minya he ka okongoâ uma kap: mʼ ohmun e kât e: 8ke u me he ka wâhmakhmeto ta je hofuc hia ohmun e hâiâ e gan, u ka he ka hnö e. 9Ke haba at Juda minya adre me tha hien, mē, me ogâ ta je ûnyi hia eling.
10Ke haba gavena ame atmemakö Paulo he ka fuc, me e ame ha, ka habe,
E khanö nya ae se hia ta je huna u je owisa hnyin hnyei ang anyin a wale oge me senyin he ka ha wisö nya bi: 11anyin ae khanö u he ka wâhmakhmeto, ae tiga twelv thibi je bong waleji oge me o hnyi Jerusalema he ka hmi: 12ke adre me ca ō nya bi hnyi hnyin uma kap, me hnyin je sunago, me hnyi taun, oge me ivinö me ke at, me omonumonoâ tavat. 13Ke ca khanʼ ödra minya bi he ka ohnathoâ ta je ûnyi adre me bi fuci nya hnyin. 14Ke wale bi ang hnok hna he ka haimemenâ köu, a inya oge me hmi ka Khongon lakamöhmun hoton deny adre me ha heretikon, ke oge me kap ta je ûnyi hia adre sihnalimen hnyi hnanyibu me je perofeta: 15ke oge me geju ka Khong wale adre me kap minya, a gʼ ame he ka möt hmetu tavat ae wisa me tavat ae ca wisa bi. 16Anyin a wale inya oge me hwege me me hu bala bi oûnykûmik ae so ka Khong me at. 17Hwaban ta je huna ae se hia, inya oge me o eang he ka hom ta je betenge ka aten ik hnyei, me ta je hut, 18ke hnyi hnok hna ânyâ e, me ame ô nya hnen at Juda ûheny Asia hnyi hnyin uma kap, oge hamök obosoi nya, ke ca tha inya me tavat, ke ba minya imediököu, 19ke so ködrin bi he ka munyi o eang he ka tot hnyi hnyimâkâm, me bi fuci nya a ne hu hodrin gak. 20Ke e ka ba, bamödrin hnyat ang he ka ha, a ne hu hwakecik ae ca wisa bi adre wâ waleji hnyi hnok hna tot hnyi hnyimakan ûhnenamö, 21ke so bi hofuc ang a khaca, waleji o ge me tot me hongot hnyi wanbödra, ka habe, Öbun e hnei nya hnyi bong ang ge möt hmetu ûnyi hnyi hna mok.
22Ke haba Filiki ame hnʼ ödra but ka hnyi ke bong, anyin a e ame wâhmakhmetoâ bongon hmi e, haingen, ka habe, E ka o but Lusia taben ae nua, oge me he ka ha muâ ûnyi gabun. 23Ke e ame hûna ka keneturio he ka tuö e, me betenge gan: ke adre me ca he ka thawâ je lahanen he ka senâ e.
24Ke hwaban ke je bong ame o but Filiki me Drusila a âiân momo Juda, me e ame hum Paulo he ka long gan bongon labageju ka Keriso. 25Ke e ame tiga ha bongon hwakecin ae wisa ke hnyok, ke bong owisa hnyi obiny, me haba Filiki ame öbubuny, me ha, ka habe, Me he thö walang ang; ke e ka hu ûen ae ûcû me oge me he ka hawo u hmetu. 26E ame ûnykûme a gʼ ame he Paulo ka ham kâu mone: waleling me me osehia hawâ e he ka ûhnenamö mē. 27Hwaban lo li huna, kʼ adre me tilö hwabö Filiki, jia Pokio Feso; ke haba Filiki ame weny he ka osenyinâ at Juda, me e ame hnö Paulo bala hnyin uma ceat.
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
maintained by the British and Foreign Bible Society