Ta je huliwa 18
18
1HWABAN ta je ûnyi e, e ame he ûheny Athenai me o hnyi Korinito. 2Ke e ame wâ ke at Juda, Akula ien, at adre hnokoâ hnyi Ponoto, e ame hap o thö ûheny Italia tha e me âiân Perisila, anyin a Kalaudio ame obâ at Juda hia ûnyi hnyi Roma: e ame he but ködru; 3ke e ame tha laba mödru me huliwa, ke khaca thibi anyin huliwa mʼ ödru; haba anyidrin huliwa, me ödrin e tibet je uma mano. 4Ke e ame ûne hnyi sunago hnyi ta je sabath, kʼ ame ohmehmela at Juda, me at Heleni.
5Ke ame o but Sila me Timoteo ûhedru Makedonia, me ame hwege thö hnyeku Paulo hnyi hofuc, kʼ ame ohnathoâ ka at Juda, ka habe, Iesu thibi a Keriso. 6Ke adre me hna degecâ, ke fuc bigan, me e ame jijingâ anyin je ûkhaû me ha ködra, ka habe, Ame he dröbun ka tabâ je böbun bi; ke iny gufa bi nya: hwan walang ang oge me he bi nya ka Aten ta je hnyei. 7Me e ame he ûheny e, me didro ka hnyi uma umen ke at ame outen Khong, Tito Juseto ien, kʼ ame ûtangköu umen uma me sunago. 8Ke haba Kerisepo, taben sunago ame labageju ka Than, me anyin lap hia; ke se hia minya at Korinito adre me long me labageju, me adre me bapataisoi ödra. 9Me ame ha Than kö Paulo hnyi hna omanenâ hnyi lit, ka habe, Ca ot bi, ke fuc dö, ca laba hnyibû bi: 10anyin a inya unyâm ke ba at ame he ka utut he ka okongu u: anyin ae se hia ta je latök hnyi taun ang. 11Ke khaca huna me siks ta tehi e ame laba eling, ame nʼ ödra ge hofuc hwan Khong.
12Ke hnyi ûen ame konesula hnyin Galiona hnyi Akaia, haba at Juda adre me tot kö Paulo hnyi hnyok a khaca, me lelo thö ka hnyi tahen owisa, 13me ha, ka habe, Haba at eang ame ohmehmela tavat he ka hmi ka Khong ae ve e me hnanyibu. 14Ame he but Paulo ka fuc, me haba Galiona ame ha ka at Juda ka habe, At Juda lö, ame ne ke hwakecin bi ae kong, ke ame ne iyawo ae monu, me, e ûcû könya he ka köp öbun: 15ke adre ne ivinoâ hofuc, me je ien, me anyibun hnanyibu, me hamöbun bi; e ca wek bi nya he ka owisa ta je ûnyi e. 16Me e ame obʼ ödra ûnyi hnyi taben owisa. 17Ke ödra hia adre me kot Sosetheni, a taben sunago, me kot e hnyi hnyimakan taben owisa. Ke haba Galiona ame ca oûnyihnathoâ ta je ûnyi e.
18E se hia je bong ame tiga laba bala Paulo, me e ame ûhûne me je liamekeiny, me tabâ hu ûheny e Suria ai, ke tha e mē Perisila me Akula; ke adre me sö leûnen ban hnyi Kenikerea, anyin a anyin khöbi. 19Odrin e o but hnyi Efeso, me e ame hnʼ ödru biju eling: ke haba e ame didro ka hnyin sunago, me khetâ ka at Juda. 20Ke adre me hom behânâ e he ka laba beû, ke e ca hmehmela bi; 21ke e ame ûhûne mödra me ha, ka habe, E ka weny Khong, me oge me he ka hmetu thö köbun, me e ame tabâ hu ûheny Efeso. 22Ke ame khop dö hnyi Kaisaria, e ame ölö thö he ka iouny me ekalesia, me e ame he but Anetioka ai. 23Ke a hia but laba eling hnyi ke je bong, me e ame he but, me vheno hia hnyei Galatia me Ferugia, ame sihwegiâ ta je laten hia.
24Ke ame o but ka hnyi Efeso ke at Juda, Apolo ien, adre hnokoâ hnyi Alesanedria, at ae khana khet; ke e ame ti metâ hnyi je hna sihnalimen. 25Adre hia but nâ at eling hnyi gethen deny Than; ke kahwa hnyekon, ke e ame fuc me nâ wia ta je ûnyi ga Iesu, kʼ ame wâhmakhmetoâ thibi bapataiso anyi Ioane: 26ke e ame hwân ka ha hwegiâ hnyi sunago. Ke ame long hwan ga Perisila me Akula, me ödru me hawa e, me omanenâ wia kâu bongon gethen deny Khong. 27E ame weny he ka he Akaia ai, me ame hadruâ e hnen je liamekeiny, me sihnalimen ka je taben he ka kap e: me e ame he but, me hadruâ gânâ tavat adre me labageju ûnyi hnyi ibetengiö baû: 28anyin a e ame hwege ivinö me at Juda, kʼ ame kû ûnyi hnyi je tusi a Iesu thibi Keriso.
Valið núna:
Ta je huliwa 18: IAAI
Áherslumerki
Deildu
Afrita
Want to have your highlights saved across all your devices? Sign up or sign in
maintained by the British and Foreign Bible Society
Ta je huliwa 18
18
1HWABAN ta je ûnyi e, e ame he ûheny Athenai me o hnyi Korinito. 2Ke e ame wâ ke at Juda, Akula ien, at adre hnokoâ hnyi Ponoto, e ame hap o thö ûheny Italia tha e me âiân Perisila, anyin a Kalaudio ame obâ at Juda hia ûnyi hnyi Roma: e ame he but ködru; 3ke e ame tha laba mödru me huliwa, ke khaca thibi anyin huliwa mʼ ödru; haba anyidrin huliwa, me ödrin e tibet je uma mano. 4Ke e ame ûne hnyi sunago hnyi ta je sabath, kʼ ame ohmehmela at Juda, me at Heleni.
5Ke ame o but Sila me Timoteo ûhedru Makedonia, me ame hwege thö hnyeku Paulo hnyi hofuc, kʼ ame ohnathoâ ka at Juda, ka habe, Iesu thibi a Keriso. 6Ke adre me hna degecâ, ke fuc bigan, me e ame jijingâ anyin je ûkhaû me ha ködra, ka habe, Ame he dröbun ka tabâ je böbun bi; ke iny gufa bi nya: hwan walang ang oge me he bi nya ka Aten ta je hnyei. 7Me e ame he ûheny e, me didro ka hnyi uma umen ke at ame outen Khong, Tito Juseto ien, kʼ ame ûtangköu umen uma me sunago. 8Ke haba Kerisepo, taben sunago ame labageju ka Than, me anyin lap hia; ke se hia minya at Korinito adre me long me labageju, me adre me bapataisoi ödra. 9Me ame ha Than kö Paulo hnyi hna omanenâ hnyi lit, ka habe, Ca ot bi, ke fuc dö, ca laba hnyibû bi: 10anyin a inya unyâm ke ba at ame he ka utut he ka okongu u: anyin ae se hia ta je latök hnyi taun ang. 11Ke khaca huna me siks ta tehi e ame laba eling, ame nʼ ödra ge hofuc hwan Khong.
12Ke hnyi ûen ame konesula hnyin Galiona hnyi Akaia, haba at Juda adre me tot kö Paulo hnyi hnyok a khaca, me lelo thö ka hnyi tahen owisa, 13me ha, ka habe, Haba at eang ame ohmehmela tavat he ka hmi ka Khong ae ve e me hnanyibu. 14Ame he but Paulo ka fuc, me haba Galiona ame ha ka at Juda ka habe, At Juda lö, ame ne ke hwakecin bi ae kong, ke ame ne iyawo ae monu, me, e ûcû könya he ka köp öbun: 15ke adre ne ivinoâ hofuc, me je ien, me anyibun hnanyibu, me hamöbun bi; e ca wek bi nya he ka owisa ta je ûnyi e. 16Me e ame obʼ ödra ûnyi hnyi taben owisa. 17Ke ödra hia adre me kot Sosetheni, a taben sunago, me kot e hnyi hnyimakan taben owisa. Ke haba Galiona ame ca oûnyihnathoâ ta je ûnyi e.
18E se hia je bong ame tiga laba bala Paulo, me e ame ûhûne me je liamekeiny, me tabâ hu ûheny e Suria ai, ke tha e mē Perisila me Akula; ke adre me sö leûnen ban hnyi Kenikerea, anyin a anyin khöbi. 19Odrin e o but hnyi Efeso, me e ame hnʼ ödru biju eling: ke haba e ame didro ka hnyin sunago, me khetâ ka at Juda. 20Ke adre me hom behânâ e he ka laba beû, ke e ca hmehmela bi; 21ke e ame ûhûne mödra me ha, ka habe, E ka weny Khong, me oge me he ka hmetu thö köbun, me e ame tabâ hu ûheny Efeso. 22Ke ame khop dö hnyi Kaisaria, e ame ölö thö he ka iouny me ekalesia, me e ame he but Anetioka ai. 23Ke a hia but laba eling hnyi ke je bong, me e ame he but, me vheno hia hnyei Galatia me Ferugia, ame sihwegiâ ta je laten hia.
24Ke ame o but ka hnyi Efeso ke at Juda, Apolo ien, adre hnokoâ hnyi Alesanedria, at ae khana khet; ke e ame ti metâ hnyi je hna sihnalimen. 25Adre hia but nâ at eling hnyi gethen deny Than; ke kahwa hnyekon, ke e ame fuc me nâ wia ta je ûnyi ga Iesu, kʼ ame wâhmakhmetoâ thibi bapataiso anyi Ioane: 26ke e ame hwân ka ha hwegiâ hnyi sunago. Ke ame long hwan ga Perisila me Akula, me ödru me hawa e, me omanenâ wia kâu bongon gethen deny Khong. 27E ame weny he ka he Akaia ai, me ame hadruâ e hnen je liamekeiny, me sihnalimen ka je taben he ka kap e: me e ame he but, me hadruâ gânâ tavat adre me labageju ûnyi hnyi ibetengiö baû: 28anyin a e ame hwege ivinö me at Juda, kʼ ame kû ûnyi hnyi je tusi a Iesu thibi Keriso.
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
maintained by the British and Foreign Bible Society