II. Korinito 8
8
1KE haba khaca, hnyat me lakeiny lö, öhmun e thumetu öbun ge ibetengiö baû anyin Khong hnyi ta je ekalesia hnyi Makedonia; 2ka habe, adre cubic ödra hnyi vec ae gan hmâ, ke ame kû gan hmâ but anyidra sēnyin me hna ham bâûâ ûnyi hnyi anyidra theduoc. 3Ke inya oge me ohnatho, a gʼ adre me ham bâûâ hoton hnödra hna khana, eke, me hanyâûâ but hnödra hna khana, 4ke adre kunʼ öhmun ûjongi öhmun hnyi betenge eling me munyi hadruâ wakap: 5ke ca helâji me hnöhmun hna ûnykûme, ke adre me më ham ödra bi ka Than, me kohmun minya hoton weny Khong. 6Wale me öhmun e sumatö Tito thö, anyin a e ame ibi hwân, ke helâe minya e ame he ka umo unyibun ibetengiö eang. 7Ke öbun e tren gânâ ta je ûnyi hia, wale labageju, me ha hofuc, me metâ, me kong hnyekunâ gan hmâ, me anyibun ibetengiö kohmun, awe, e so ame he ka si minya unyibun ibetengiö ang. 8Oge me ca ha me hnân hnanyibu, ke ame cubec anyibun ibetengiö ûnyi ge hna kong hnyekunâ anyin keihen. 9Anyin ae khanʼ öbun ibetengiö baû anyin Tuhöta Iesu Keriso, a e at ae tren ta ûnyi, ke e ame otheduocâ e hobi köbun, mʼ öbun e he ka tren ta ûnyi ûnyi hnyi anyin theduoc. 10Ke inya oge me omanenâ ûnykûmenök hnyi ûnyi eang: anyin ae ûcû köbun tavat öbun e hwân ehac, a khaca but hunaibun, he ka ca mâdrâ thibi, ke so minya bi he ka weny. 11Ke walang ang, oumo ju hna ânyâ minya; me me um minya ju ûnyi hnyi hna hu, helâji me hnobun hna ie weny. 12Anyin a ne hu hnyok ae weny, adre me he ka kap e hoton hna hu hnen at, ke ca hoton bi hna ca hu gan bi. 13Anyin oge me ca ha ûnyi e me me hâhâ keihen, kʼ öbun hmak bi öbun: 14ke so bi me me tha ûcû; haba hnobun hna tren gânâ hnyi ûen eang, me hobi kâu anyidra theduoc, me me hobi kâu anyibun theduoc hnödra hna tren gânâ; me me tha ûcû thibi: 15helâ me hna sihnalimen, ka habe, Haba at ame thithigâ gânâ me ba kolon kâu; ke haba at ame thithigâ ûhnyûkongo me ba ûnyi ae hia gan.
16Ke ole ka Khong at ame ip hnyi hnyeku Tito ibetengiö köbun helâe. 17Anyin a e ame kap hnöhmun hna ûne kâu; ke ûnyi hnyi hnen hna hnyok gan hmâ ka hnyin, me e ame ka hamen he but köbun. 18Ke öhmun e hia but kunâ e tha e me ke liamekeiny, waleji adre ogânâ hnyi ta je ekalesia hia hnyi ûthumetu ae so; 19I ke ca eang thibi, ke adre ûca minya e hnen ta je ekalesia he ka tha he mʼ öhmun he ka hom ibetengiö eang, wale öhmun e huliwan hnân ogânâ Than, me hnân bi haten hyekuhmun ae weny: 20ke öhmun e outen ang, wâ e nye haikongu öhmun ke at hnyi tang omjeû eang ae gan öhmun e huliwan: 21anyin a öhmun e ûnykûme he ka ânyâ ta je ûnyi hnyi wisa, ca hnyi hnyimakan Than thibi, ke hnyi hnyimakan minya bi tavat. 22Ke öhmun e hia but kunâ he ka tha he mʼ ödru liamekeiny mʼ öhmun, waleji öhmun e wâhmakhmetoâ hnyekon ae kahwa hnyi ta je ûnyi ae se hia, ke walang ang ae nua kahwainy hnykon, ûnyi hnyi anyin labageju köbun. 23A ne ke at ame hnei ga Tito, awe, e at ame tha e mönya, me at ame tha huliwa mönya köbun; ke adre ne hnei minya ge liamekeiny mötu, awe, ödru li ûthumetu anyin ekalesia ke hmanenanginy Keriso. 24Anyin a wale omanenâ thö ködrin hnyi hnyimakan ta je ekalesia haten anyibun betenge, ke hnöhmun hna ohobeluâ ûnyi gabun.
Valið núna:
II. Korinito 8: IAAI
Áherslumerki
Deildu
Afrita
Want to have your highlights saved across all your devices? Sign up or sign in
maintained by the British and Foreign Bible Society
II. Korinito 8
8
1KE haba khaca, hnyat me lakeiny lö, öhmun e thumetu öbun ge ibetengiö baû anyin Khong hnyi ta je ekalesia hnyi Makedonia; 2ka habe, adre cubic ödra hnyi vec ae gan hmâ, ke ame kû gan hmâ but anyidra sēnyin me hna ham bâûâ ûnyi hnyi anyidra theduoc. 3Ke inya oge me ohnatho, a gʼ adre me ham bâûâ hoton hnödra hna khana, eke, me hanyâûâ but hnödra hna khana, 4ke adre kunʼ öhmun ûjongi öhmun hnyi betenge eling me munyi hadruâ wakap: 5ke ca helâji me hnöhmun hna ûnykûme, ke adre me më ham ödra bi ka Than, me kohmun minya hoton weny Khong. 6Wale me öhmun e sumatö Tito thö, anyin a e ame ibi hwân, ke helâe minya e ame he ka umo unyibun ibetengiö eang. 7Ke öbun e tren gânâ ta je ûnyi hia, wale labageju, me ha hofuc, me metâ, me kong hnyekunâ gan hmâ, me anyibun ibetengiö kohmun, awe, e so ame he ka si minya unyibun ibetengiö ang. 8Oge me ca ha me hnân hnanyibu, ke ame cubec anyibun ibetengiö ûnyi ge hna kong hnyekunâ anyin keihen. 9Anyin ae khanʼ öbun ibetengiö baû anyin Tuhöta Iesu Keriso, a e at ae tren ta ûnyi, ke e ame otheduocâ e hobi köbun, mʼ öbun e he ka tren ta ûnyi ûnyi hnyi anyin theduoc. 10Ke inya oge me omanenâ ûnykûmenök hnyi ûnyi eang: anyin ae ûcû köbun tavat öbun e hwân ehac, a khaca but hunaibun, he ka ca mâdrâ thibi, ke so minya bi he ka weny. 11Ke walang ang, oumo ju hna ânyâ minya; me me um minya ju ûnyi hnyi hna hu, helâji me hnobun hna ie weny. 12Anyin a ne hu hnyok ae weny, adre me he ka kap e hoton hna hu hnen at, ke ca hoton bi hna ca hu gan bi. 13Anyin oge me ca ha ûnyi e me me hâhâ keihen, kʼ öbun hmak bi öbun: 14ke so bi me me tha ûcû; haba hnobun hna tren gânâ hnyi ûen eang, me hobi kâu anyidra theduoc, me me hobi kâu anyibun theduoc hnödra hna tren gânâ; me me tha ûcû thibi: 15helâ me hna sihnalimen, ka habe, Haba at ame thithigâ gânâ me ba kolon kâu; ke haba at ame thithigâ ûhnyûkongo me ba ûnyi ae hia gan.
16Ke ole ka Khong at ame ip hnyi hnyeku Tito ibetengiö köbun helâe. 17Anyin a e ame kap hnöhmun hna ûne kâu; ke ûnyi hnyi hnen hna hnyok gan hmâ ka hnyin, me e ame ka hamen he but köbun. 18Ke öhmun e hia but kunâ e tha e me ke liamekeiny, waleji adre ogânâ hnyi ta je ekalesia hia hnyi ûthumetu ae so; 19I ke ca eang thibi, ke adre ûca minya e hnen ta je ekalesia he ka tha he mʼ öhmun he ka hom ibetengiö eang, wale öhmun e huliwan hnân ogânâ Than, me hnân bi haten hyekuhmun ae weny: 20ke öhmun e outen ang, wâ e nye haikongu öhmun ke at hnyi tang omjeû eang ae gan öhmun e huliwan: 21anyin a öhmun e ûnykûme he ka ânyâ ta je ûnyi hnyi wisa, ca hnyi hnyimakan Than thibi, ke hnyi hnyimakan minya bi tavat. 22Ke öhmun e hia but kunâ he ka tha he mʼ ödru liamekeiny mʼ öhmun, waleji öhmun e wâhmakhmetoâ hnyekon ae kahwa hnyi ta je ûnyi ae se hia, ke walang ang ae nua kahwainy hnykon, ûnyi hnyi anyin labageju köbun. 23A ne ke at ame hnei ga Tito, awe, e at ame tha e mönya, me at ame tha huliwa mönya köbun; ke adre ne hnei minya ge liamekeiny mötu, awe, ödru li ûthumetu anyin ekalesia ke hmanenanginy Keriso. 24Anyin a wale omanenâ thö ködrin hnyi hnyimakan ta je ekalesia haten anyibun betenge, ke hnöhmun hna ohobeluâ ûnyi gabun.
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
maintained by the British and Foreign Bible Society