II. Korinito 6
6
1KE öhmun ang hnyat öhmun e tha huliwa më, me öhmun e ûjongi öbun, wâ öbun nye kap bâûâ ibetengiö anyin Khong, 2(anyin a haingen, ka habe, Oge me ling u hnyi ûen eji ae so, Ke oge me hadruo u hnyi bonginy möt: ke wâ bi, walang ûen ae so; wâ bi walang ang bonginy möt): 3ke öhmun e ca othoâ at hnyi ke ûnyi bi, mʼ adre me ca he ka haikongoâ hnöhmun hna huliwa; 4ke hnyi ta je ûnyi hia öhmun e omanenʼ öhmun a lathnyabainy Khong öhmun, hnyi hokhnyok ae gan hmâ, me je vec, me theduoc, me hlöuhlöu, 5me hna osoâ, me hnyi uma ceat, me hnyi je imonumonu, me ta je huliwa, me hmâkâ me mekihnânem; 6hnyi hwakecin ae so, me wâ ûnykûme, me lingvec ʼae beû hmâ, me hwakecin betenge, me Hanu Kap, me ibetengiö ae ba thoi hnyin, 7me hnyi hofuc ae hnathu, me hnyi man maniny Khong; hnen omjehen vatiny hwakecin ae wisa hnyi ke keihen metâ me me, 8hnen ogânâ, me oûhnyûkongoâ, hnen haikongoâ, me haisoâ; helâke me hnyat iyawâ, kʼ öhmun hnathu bi; 9helâke hnyat ae ca khanʼ ödra öhmun, ke khanʼ ödra öhmun bi; helâke hnyat adre me he ka mokcu, ke wâ bi öhmun e möt; helâke hnyat adre osoâ, kʼ adre ca hlingâ öhmun bi; 10helâke hnyat ae hmak hnyok, kʼ öhmun e sēnyin bala; helâ me theduoc, kʼ öhmun e otrenâ tavat ae se; helâke me ba ta ûnyi, ke hu but ta je ûnyi hia thithö.
11At Korinito lö, öhmun e khong köbun je hnyimöhmun, ke adre me ogânâ je hnyekuhmun. 12Öbun ca ûhnyûkong eû hnyi je hnyekuhmun, ke öbun ka ûhnyûkong eû hnyi je hnyekubun. 13Ogânâ but öbun, me hnân hwaban bi (inya oge me ha helâ me ka lakuk).
14Ca ûhûkölöbun monu köu me tavat adre me ca labageju bi: anyin ame he ka hawa hwakecin ae wisa he ka tha e me hwakecin ae ca wisa bi? ke ame he ka hawa ka tha e melam me menekholom? 15Ke ame he ka hawa ka tha hnyok Keriso me Belial? ke ame he ka kâmâu ka tha jekhon at labageju me at ame ca labageju bi? 16Ke ame he ka kâmâu ka tha bongon uma umen Khong me ta je hnatheat? anyin a öta ang uma umen Khong ae möt; helâ me hna ha hnen Khong, ka habe, Oge me he ka laba eû hnyidra, me tha he mödra; ke oge me he bi nya ka Khongudrin, ke adre me he bi ka lakeik. 17Anyin a wale, haingen Than, ka habe,
Didrut öbun gadra, ke ve laba but,
Ke ca kâlâ bi ûnyi ae ikiki;
Ke oge me he ka köp öbun,
18Ke oge me he ka Kamöbun,
Kʼ öbun e he ka lakuk obaga me wahlu, haingen Than ae khana hia.
Valið núna:
II. Korinito 6: IAAI
Áherslumerki
Deildu
Afrita
Want to have your highlights saved across all your devices? Sign up or sign in
maintained by the British and Foreign Bible Society
II. Korinito 6
6
1KE öhmun ang hnyat öhmun e tha huliwa më, me öhmun e ûjongi öbun, wâ öbun nye kap bâûâ ibetengiö anyin Khong, 2(anyin a haingen, ka habe, Oge me ling u hnyi ûen eji ae so, Ke oge me hadruo u hnyi bonginy möt: ke wâ bi, walang ûen ae so; wâ bi walang ang bonginy möt): 3ke öhmun e ca othoâ at hnyi ke ûnyi bi, mʼ adre me ca he ka haikongoâ hnöhmun hna huliwa; 4ke hnyi ta je ûnyi hia öhmun e omanenʼ öhmun a lathnyabainy Khong öhmun, hnyi hokhnyok ae gan hmâ, me je vec, me theduoc, me hlöuhlöu, 5me hna osoâ, me hnyi uma ceat, me hnyi je imonumonu, me ta je huliwa, me hmâkâ me mekihnânem; 6hnyi hwakecin ae so, me wâ ûnykûme, me lingvec ʼae beû hmâ, me hwakecin betenge, me Hanu Kap, me ibetengiö ae ba thoi hnyin, 7me hnyi hofuc ae hnathu, me hnyi man maniny Khong; hnen omjehen vatiny hwakecin ae wisa hnyi ke keihen metâ me me, 8hnen ogânâ, me oûhnyûkongoâ, hnen haikongoâ, me haisoâ; helâke me hnyat iyawâ, kʼ öhmun hnathu bi; 9helâke hnyat ae ca khanʼ ödra öhmun, ke khanʼ ödra öhmun bi; helâke hnyat adre me he ka mokcu, ke wâ bi öhmun e möt; helâke hnyat adre osoâ, kʼ adre ca hlingâ öhmun bi; 10helâke hnyat ae hmak hnyok, kʼ öhmun e sēnyin bala; helâ me theduoc, kʼ öhmun e otrenâ tavat ae se; helâke me ba ta ûnyi, ke hu but ta je ûnyi hia thithö.
11At Korinito lö, öhmun e khong köbun je hnyimöhmun, ke adre me ogânâ je hnyekuhmun. 12Öbun ca ûhnyûkong eû hnyi je hnyekuhmun, ke öbun ka ûhnyûkong eû hnyi je hnyekubun. 13Ogânâ but öbun, me hnân hwaban bi (inya oge me ha helâ me ka lakuk).
14Ca ûhûkölöbun monu köu me tavat adre me ca labageju bi: anyin ame he ka hawa hwakecin ae wisa he ka tha e me hwakecin ae ca wisa bi? ke ame he ka hawa ka tha e melam me menekholom? 15Ke ame he ka hawa ka tha hnyok Keriso me Belial? ke ame he ka kâmâu ka tha jekhon at labageju me at ame ca labageju bi? 16Ke ame he ka kâmâu ka tha bongon uma umen Khong me ta je hnatheat? anyin a öta ang uma umen Khong ae möt; helâ me hna ha hnen Khong, ka habe, Oge me he ka laba eû hnyidra, me tha he mödra; ke oge me he bi nya ka Khongudrin, ke adre me he bi ka lakeik. 17Anyin a wale, haingen Than, ka habe,
Didrut öbun gadra, ke ve laba but,
Ke ca kâlâ bi ûnyi ae ikiki;
Ke oge me he ka köp öbun,
18Ke oge me he ka Kamöbun,
Kʼ öbun e he ka lakuk obaga me wahlu, haingen Than ae khana hia.
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
maintained by the British and Foreign Bible Society