I. Korinito 1
1
1INYA Paulo, at adre hawâ hnen weny Khong hnân aposetolo anyi Iesu Keriso, me Sosethene a liamekeiny möta, 2ohmu me sihnalimen ka ekalesia anyin Khong hnyi Korinito, wale tavat adre me okabi ödra unyi Iesu Keriso, kʼ adre me hawʼ ödra me wakap, tha ödra me tavat hia thithö hnyi je dok hia adre me hawâ ien Tuhöta a Iesu Keriso, a Tuhödra ke Tuhötin: 3e so e e unyibun ibetengiö baû me hnahic ûnyi ge Khong a Kamöta me Than Iesu Keriso.
4Inya oge me ole bala ka Khonguk gabun, can ibetengiö baû adre ham köbun ga Iesu Keriso; 5a gʼ adre otreni öbun ge omjeû ûnyi gan hnyi ta je ûnyi hia, hnyi ta je hofuc hia, me ta je metâ hia: 6helâ me hnödra hna ohmâ eû hnyibun hnathu ge Keriso: 7wale me me ca hia gabun ke bwihlany; kʼ öbun e halubahingen he ka manen Tuhöta Iesu Keriso; 8wale at ame he ka otethmʼ öbun ke ne o but obiny, me me ba hnân haikongu öbun hnyi bong bongon Tuhöta Iesu Keriso. 9Haba Khong, me hnathu, waleji at ame hia but hawʼ öbun he ka tha e me Nokon a Iesu Keriso a Tuhöta.
10Hnyat me lakeiny lö, inya oge me sumat öbun hnyi ien Tuhöta Iesu Keriso, ka habe, e so e khaca thibi ifucibun, me me ca he ka hu je imouköu unyibun; ke so öbun e tha hnyok hnathu hnyi oûnykûm a khaca. 11Anyin a haba tavat hnyi hnyaba Keloe, me ödrin e hia but hai öbun könya, a gʼ ame iwatretra öbun. 12Walang hok hofuc, ka habe, ve haingöbun hia, ka haba, iny atö Paulo inya; ke iny atö Apolo inya; ke iny atö Kefa inya; ke iny atö Keriso inya. 13Hawa, adre susubâ Keriso? adre osatauroi Paulo hobi köbun? ke adre bapataisoi öbun ka hnyi iö Paulo? 14Inya oge me oleâ ka Khong anyin ae ba ke at gabun oge bapataisoâ, ke so thibi Kerisepo me Gaio; 15wâ e nye ha ke at, ka habe, oge bapataisoâ ka hnyi iök. 16Ke oge bapataisoâ minya lap anyi Setefana: ke ca khanö nya ame ne hu ke at oge bapataisoâ minya. 17Anyin a ca kunö nya Keriso he ka bapataiso, ke so bi, he ka khetâ ûthumetu ae so: ca hnen ifucin metâ, wâ e nye gufa but satauro anyi Keriso.
18Anyin a hwen monu ûthmetu ge satauro ka tavat adre me he ka hnaûhango; ke man maniny Khong köta a tavat adre me he ka möt. 19Anyin adre hia but sihnalimen, ka habe,
Oge me he ka ohia metâ anyin tavat ae metâ,
Ke oge me he ka oûnyibâûâ hna wâ ûnykûme hnen tavat adre me wâ ûnykûme.
20Ewa at ae metâ? Ewa at sihnalimen? Ewa at ivinö hnyi dö eang? Hawa, Khong ame ca omono metâ eang hmeledrany? 21Anyin a ûnyi hnyi metâ anyin Khong, e ca khana bi Khong hnen aten hmeledrany hnyi anyidra metâ, haba Khong ame weny he ka omelö tavat adre me labageju, hnen hwen monu, a wale hna khetâ. 22Haba at Juda, me wedra ta je haten, ke haba at Heleni adre me elâm metâ: 23ke ohmun e khetâ Keriso adre osatauroâ, wale hnân thö ka at Juda, ke hwen monu bi ka at Heleni; 24ke Keriso man maniny Khong, me metâ anyin Khong ka tavat adre ûca, at Juda me at Helene minya. 25Anyin a haba hwen monu anyin Khong me nua metâiny hon at, ke haba sēnyin anyin Khong me nua hwegien hon at.
26Hnyat me lakeiny lö, wâ ju hna hawʼ öbun, anyin ae ca se hia bi tavat ae metâ hnyi unyin, ke ca se hia minya bi tavat ae lung, ke ca se hia minya bi ta je than: 27ke haba Khong ame ûca ta je ûnyi ae monu hnyi hmeledrany he ka ohmehma tavat ae metâ; ke haba Khong ame ûca ta je ûnyi ae sēnyin hnyi hmeledrany he ka ohmehma ta je ûnyi ae hwege; 28ke haba Khong ame ûca ta je ûnyi baû hnyi hmeledrany, me ta je hna hûkotiâ, me ta je ûnyi ae ba, he ka ohia ta je ûnyi ae manen: 29me me ba at ame he ka hobelöu hnyi hnyimakan Khong. 30Ke ûnyi gan öbun hnyi Keriso Iesu, at adre wia köta ûnyi ge Khong hnân metâ, me hwakecin ae wisa, me kap, me hnân möt: 31helâ me hnödra hna sihnalimen, ka habe, Haba at ame hobeluâ, me so e ame hobeluâ hnyi Than.
Valið núna:
I. Korinito 1: IAAI
Áherslumerki
Deildu
Afrita
Want to have your highlights saved across all your devices? Sign up or sign in
maintained by the British and Foreign Bible Society
I. Korinito 1
1
1INYA Paulo, at adre hawâ hnen weny Khong hnân aposetolo anyi Iesu Keriso, me Sosethene a liamekeiny möta, 2ohmu me sihnalimen ka ekalesia anyin Khong hnyi Korinito, wale tavat adre me okabi ödra unyi Iesu Keriso, kʼ adre me hawʼ ödra me wakap, tha ödra me tavat hia thithö hnyi je dok hia adre me hawâ ien Tuhöta a Iesu Keriso, a Tuhödra ke Tuhötin: 3e so e e unyibun ibetengiö baû me hnahic ûnyi ge Khong a Kamöta me Than Iesu Keriso.
4Inya oge me ole bala ka Khonguk gabun, can ibetengiö baû adre ham köbun ga Iesu Keriso; 5a gʼ adre otreni öbun ge omjeû ûnyi gan hnyi ta je ûnyi hia, hnyi ta je hofuc hia, me ta je metâ hia: 6helâ me hnödra hna ohmâ eû hnyibun hnathu ge Keriso: 7wale me me ca hia gabun ke bwihlany; kʼ öbun e halubahingen he ka manen Tuhöta Iesu Keriso; 8wale at ame he ka otethmʼ öbun ke ne o but obiny, me me ba hnân haikongu öbun hnyi bong bongon Tuhöta Iesu Keriso. 9Haba Khong, me hnathu, waleji at ame hia but hawʼ öbun he ka tha e me Nokon a Iesu Keriso a Tuhöta.
10Hnyat me lakeiny lö, inya oge me sumat öbun hnyi ien Tuhöta Iesu Keriso, ka habe, e so e khaca thibi ifucibun, me me ca he ka hu je imouköu unyibun; ke so öbun e tha hnyok hnathu hnyi oûnykûm a khaca. 11Anyin a haba tavat hnyi hnyaba Keloe, me ödrin e hia but hai öbun könya, a gʼ ame iwatretra öbun. 12Walang hok hofuc, ka habe, ve haingöbun hia, ka haba, iny atö Paulo inya; ke iny atö Apolo inya; ke iny atö Kefa inya; ke iny atö Keriso inya. 13Hawa, adre susubâ Keriso? adre osatauroi Paulo hobi köbun? ke adre bapataisoi öbun ka hnyi iö Paulo? 14Inya oge me oleâ ka Khong anyin ae ba ke at gabun oge bapataisoâ, ke so thibi Kerisepo me Gaio; 15wâ e nye ha ke at, ka habe, oge bapataisoâ ka hnyi iök. 16Ke oge bapataisoâ minya lap anyi Setefana: ke ca khanö nya ame ne hu ke at oge bapataisoâ minya. 17Anyin a ca kunö nya Keriso he ka bapataiso, ke so bi, he ka khetâ ûthumetu ae so: ca hnen ifucin metâ, wâ e nye gufa but satauro anyi Keriso.
18Anyin a hwen monu ûthmetu ge satauro ka tavat adre me he ka hnaûhango; ke man maniny Khong köta a tavat adre me he ka möt. 19Anyin adre hia but sihnalimen, ka habe,
Oge me he ka ohia metâ anyin tavat ae metâ,
Ke oge me he ka oûnyibâûâ hna wâ ûnykûme hnen tavat adre me wâ ûnykûme.
20Ewa at ae metâ? Ewa at sihnalimen? Ewa at ivinö hnyi dö eang? Hawa, Khong ame ca omono metâ eang hmeledrany? 21Anyin a ûnyi hnyi metâ anyin Khong, e ca khana bi Khong hnen aten hmeledrany hnyi anyidra metâ, haba Khong ame weny he ka omelö tavat adre me labageju, hnen hwen monu, a wale hna khetâ. 22Haba at Juda, me wedra ta je haten, ke haba at Heleni adre me elâm metâ: 23ke ohmun e khetâ Keriso adre osatauroâ, wale hnân thö ka at Juda, ke hwen monu bi ka at Heleni; 24ke Keriso man maniny Khong, me metâ anyin Khong ka tavat adre ûca, at Juda me at Helene minya. 25Anyin a haba hwen monu anyin Khong me nua metâiny hon at, ke haba sēnyin anyin Khong me nua hwegien hon at.
26Hnyat me lakeiny lö, wâ ju hna hawʼ öbun, anyin ae ca se hia bi tavat ae metâ hnyi unyin, ke ca se hia minya bi tavat ae lung, ke ca se hia minya bi ta je than: 27ke haba Khong ame ûca ta je ûnyi ae monu hnyi hmeledrany he ka ohmehma tavat ae metâ; ke haba Khong ame ûca ta je ûnyi ae sēnyin hnyi hmeledrany he ka ohmehma ta je ûnyi ae hwege; 28ke haba Khong ame ûca ta je ûnyi baû hnyi hmeledrany, me ta je hna hûkotiâ, me ta je ûnyi ae ba, he ka ohia ta je ûnyi ae manen: 29me me ba at ame he ka hobelöu hnyi hnyimakan Khong. 30Ke ûnyi gan öbun hnyi Keriso Iesu, at adre wia köta ûnyi ge Khong hnân metâ, me hwakecin ae wisa, me kap, me hnân möt: 31helâ me hnödra hna sihnalimen, ka habe, Haba at ame hobeluâ, me so e ame hobeluâ hnyi Than.
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
maintained by the British and Foreign Bible Society