Mahendo 23
23
1Paulo kaid̯eḍea gu hi gasa na kawamba, “Wandugu zangu! Mojo wangu ntau kajela na maisha yangu yonse usoni kwa Muungu hat̯a hiḍi hiḍi yeo.” 2Huyu *Mukohani Mukuu Anania epfovisikia hivi, kawaamuru hawaḍe weosumama hafufi na Paulo wamubige mapfi ya miyomu. 3Paulo kamwamba, “Hakika Muungu nae anakubiga, wewe wiye dza yukuta jupfakazijwejo nt̯okaa! Kukaa hapfo kunihukumu kuuḅana na hi *Sharia, na huku wewe mwenye kwakuivunzani hi Sharia kwa kuwaamuru wanibige!” 4Hawa wantu weokuwa hafufi na Paulo wamwamba, “Kwakumutsolani Mukohani Mukuu jwa Muungu!” 5Paulo kambukuya kamba, “Sikuvimanya hat̯a wandugu zanguni, kwamba huyu ndiye huyu *Mukohani Mukuu. Koro haya matsoro yamba, ‘Nkudzomuneneye mazuka haju jwa wantu wenu.’ ”
6Paulo epfoona ya kwamba wangine wa hi gasa wewa *Masad̯ukayo na wangine wewa *Mafarisayo, kanena na idzwi kuu kamba, “Wandugu zangu, mimi ni Mufarisayo, mwana jwa Mafarisayo. Maana niyehejweyo hapfa d̯ubini ni kwa dzambo ḍya kwamba nina madzikwat̯yo kwamba hawa wafwiyeo wadzafufujwa!” 7Epfokwisa kunena hivi t̯u, hawa Mafarisayo na Masad̯ukayo wanjia kuhehani, na hichi kit̯aro kigawika. 8(Koro hawa Masad̯ukayo wanakaa wakyamba ntaku kufufuka kwa hawa wafwiyeo, na kwamba ntaku malaika nolawe ruhu. Kenge hawa Mafarisayo wahikiza vyonse vyohahu.) 9Kuholoka chara nkuu, na wangine wa hawa waalimu wa Sharia weokuwa kit̯aro cha Mafarisayo wasumama na wapfinga na nguvu, wamba, “Swiswi ntahukwakuonani tsowa ḍiḍeḍyonse ḍya huyu muntu ahendeyeḍyo! Pfangine kuna ruhu ambu malaika aneneye nae ḍugha!”
10Huku kuheha kuhenda kukali hat̯a huyu mura kanjia oga wa kwamba Paulo andehararujwa na kahi. Ndookomu kawaamuru hawa asikariwe wende wakamuhwae na nguvu Paulo na humuḍe kit̯aroni na wanjie nae humu nkambini.
11Huḍe sikuwe Ḅwana kasumama hafufi na Paulo na kamwamba, “Dzipfe mojo! Dzevi usumwiiyevyo dzuu yangu hapfa Yerusalemi, ni had̯i Rumi nako wende ukahende dzevi.”
Wayahud̯i wapanga kumuyaga Paulo
12Chamukoche magurani, Wayahud̯i wangine wat̯ut̯aa pfamodza na wahenda mupango wa kumuyaga Paulo. Waḍya muma wa kutsaaḍya ambu kunwa kiḍechonse hat̯a wadzepfomuyaga Paulo. 13Kwiwa wantu zaid̯i ya miyongo mine weopanga hivi pfamodza. 14Makisa wawaḍaabvat̯a hawa wakohani wakuu na wazee wa Kiyahud̯i wenda wawamba, “Huḍya muma pfamodza wa kutsaaḍya kiḍechonse hat̯a hudzepfomuyaga Paulo. 15D̯ubva nywinywi na hi gasa, humani muntu akamuyombe mura jwa Kirumi amuyehe Paulo kwenu. Dzihendezeni dza kwamba munatsaka kumuchona urembo, mumanye hi ya hachi dzuuye. Kenge swiswi hunawa hwaa t̯ayari kumuyaga hat̯a asidzafika hapfa.”
16Ela mwihwawe Paulo kasikia dzuu ya hu mupango. Ndookomu kenda kanjia humu nkambini na kavimusumwiiya Paulo. 17Makisa Paulo kahana mumodza jwa hawa wakuu wa asikari kamwamba, “Muhwae huyu muurani wende nae kwa huyu mura. Ana kintu cha kumwambia.” 18D̯ubva huyu mukuu jwa asikari kamuhwaa kenda nae kwa huyu mura, kamwamba, “Huyu mufungwa Paulo kanihana na kaniyomba nimuyehe kwako huyu muurani kwa dzambo ana kintu cha kukwambia.”
19Huyu mura kamugija mukono huyu muurani, kamukuntia geri, makisa kamuuza kamwamba, “Wikitsaka kunyambia kintu ga?” 20Jeje kamwamba, “Hawa wakuu wa Wayahud̯i wakuḅaliana kukuyomba keso umupfiike Paulo gasani, wakidzihendeza dza kwamba wanatsaka kumanya hiḍe ya hachi dzuuye. 21Ela nkudzowafwanye, kwa dzambo ḍya kwamba kuna zaid̯i ya wantu miyongo mine wadzeodzimufitsia kumuinda jeje. Waḍya muma wa kutsaaḍya ambu kunwa hat̯a wadzepfomuyaga Paulo. Hivi wa t̯ayari kuvihenda, wakuindiiyani chuuwocho t̯u.”
22Huyu Mura kamwamba huyu muurani, “Nkudzomwambie yuḍejwonse ya kwamba kuyanyambia haya mambo.” Makisa kamugonzoza huyu muurani.
Paulo kasamiswa Kaisaria
23Makisa huyu mura kahana wakuu wa asikari wawii kawamba, “Wekani t̯ayari asikari magana mawii wa kwenda Kaisaria, pfamodza na wapfaa farasi miyongo mifungahe na asikari magana mawii wa kujwana na mafumo, na muwe t̯ayari kufikia saa ntahu za nasiku yeo. 24Mumpeni na Paulo mafarasi ya kupfaa na muhakikishe kwamba kafika salama kwa liwali Feliki.” 25Makisa huyu mura kora hi ḅaruwa hi:
26“Mimi Kilaudio Lusia nyakukworeani wewe Muhilwa Feliki, liwali jwa ḍyimbo, nikukedhya nto.
27Hawa Wayahud̯i wemugija huyu na wesaa kumuyaga. Ela nipfomanya ya kwamba ni mwanansi jwa Kirumi, nyenda mimi na asikari wangu hwenda humuhwaa. 28Nikitsaka kumanya masit̯aki yao dzuu yakwe, ndookomu nimuhwaa nyenda nae gasani kwao. 29Niona ya kwamba nkakuhenda kiḍechonse cha kumuhendeza ayagwe ambu angizwe gerenzani. Wekimusit̯aki na mambo yeyonahusu Sharia yao wenye. 30Na nipfomanyiswa ya kwamba Wayahud̯i wangine wakuhendani mipango ya kumuyaga, nihuna kumuyeha kwako. Niwamba hawa weokumusit̯akini Paulo, wayayehe haya masit̯aki yao kwako.”
31D̯ubva hawa asikari wamuhwaa Paulo dzeviḍe waamurijwevyo wenda nae uuḍe siku hat̯a Antipatiri. 32Chamukoche, hawa asikari weowakyenenda na maguu wauja nkambini. Wamuyatsa Paulo ende na hawa asikari wapfaiyeo mafarasi. 33Wepfofika Kaisaria, waimumpa hi ḅaruwa huyu liwali, na wamumumpa na Paulo. 34Huyu liwali kaisoma hi ḅaruwa makisa kamuuza Paulo ya kwamba kayawa ḍyimbo ga. Epfomanyiswa ya kwamba Paulo kayawa Kilikia, 35kamwamba, “Nainena hi d̯ubiyo hawa wasit̯aki wako wadzepfokudza.” Makisa kayavya amuri kwa asikari wamwamiye Paulo mpaanzeni mwa *Herod̯e.
Valið núna:
Mahendo 23: pkb
Áherslumerki
Deildu
Afrita
Want to have your highlights saved across all your devices? Sign up or sign in
© 2004, Bible Translation and Literacy
Mahendo 23
23
1Paulo kaid̯eḍea gu hi gasa na kawamba, “Wandugu zangu! Mojo wangu ntau kajela na maisha yangu yonse usoni kwa Muungu hat̯a hiḍi hiḍi yeo.” 2Huyu *Mukohani Mukuu Anania epfovisikia hivi, kawaamuru hawaḍe weosumama hafufi na Paulo wamubige mapfi ya miyomu. 3Paulo kamwamba, “Hakika Muungu nae anakubiga, wewe wiye dza yukuta jupfakazijwejo nt̯okaa! Kukaa hapfo kunihukumu kuuḅana na hi *Sharia, na huku wewe mwenye kwakuivunzani hi Sharia kwa kuwaamuru wanibige!” 4Hawa wantu weokuwa hafufi na Paulo wamwamba, “Kwakumutsolani Mukohani Mukuu jwa Muungu!” 5Paulo kambukuya kamba, “Sikuvimanya hat̯a wandugu zanguni, kwamba huyu ndiye huyu *Mukohani Mukuu. Koro haya matsoro yamba, ‘Nkudzomuneneye mazuka haju jwa wantu wenu.’ ”
6Paulo epfoona ya kwamba wangine wa hi gasa wewa *Masad̯ukayo na wangine wewa *Mafarisayo, kanena na idzwi kuu kamba, “Wandugu zangu, mimi ni Mufarisayo, mwana jwa Mafarisayo. Maana niyehejweyo hapfa d̯ubini ni kwa dzambo ḍya kwamba nina madzikwat̯yo kwamba hawa wafwiyeo wadzafufujwa!” 7Epfokwisa kunena hivi t̯u, hawa Mafarisayo na Masad̯ukayo wanjia kuhehani, na hichi kit̯aro kigawika. 8(Koro hawa Masad̯ukayo wanakaa wakyamba ntaku kufufuka kwa hawa wafwiyeo, na kwamba ntaku malaika nolawe ruhu. Kenge hawa Mafarisayo wahikiza vyonse vyohahu.) 9Kuholoka chara nkuu, na wangine wa hawa waalimu wa Sharia weokuwa kit̯aro cha Mafarisayo wasumama na wapfinga na nguvu, wamba, “Swiswi ntahukwakuonani tsowa ḍiḍeḍyonse ḍya huyu muntu ahendeyeḍyo! Pfangine kuna ruhu ambu malaika aneneye nae ḍugha!”
10Huku kuheha kuhenda kukali hat̯a huyu mura kanjia oga wa kwamba Paulo andehararujwa na kahi. Ndookomu kawaamuru hawa asikariwe wende wakamuhwae na nguvu Paulo na humuḍe kit̯aroni na wanjie nae humu nkambini.
11Huḍe sikuwe Ḅwana kasumama hafufi na Paulo na kamwamba, “Dzipfe mojo! Dzevi usumwiiyevyo dzuu yangu hapfa Yerusalemi, ni had̯i Rumi nako wende ukahende dzevi.”
Wayahud̯i wapanga kumuyaga Paulo
12Chamukoche magurani, Wayahud̯i wangine wat̯ut̯aa pfamodza na wahenda mupango wa kumuyaga Paulo. Waḍya muma wa kutsaaḍya ambu kunwa kiḍechonse hat̯a wadzepfomuyaga Paulo. 13Kwiwa wantu zaid̯i ya miyongo mine weopanga hivi pfamodza. 14Makisa wawaḍaabvat̯a hawa wakohani wakuu na wazee wa Kiyahud̯i wenda wawamba, “Huḍya muma pfamodza wa kutsaaḍya kiḍechonse hat̯a hudzepfomuyaga Paulo. 15D̯ubva nywinywi na hi gasa, humani muntu akamuyombe mura jwa Kirumi amuyehe Paulo kwenu. Dzihendezeni dza kwamba munatsaka kumuchona urembo, mumanye hi ya hachi dzuuye. Kenge swiswi hunawa hwaa t̯ayari kumuyaga hat̯a asidzafika hapfa.”
16Ela mwihwawe Paulo kasikia dzuu ya hu mupango. Ndookomu kenda kanjia humu nkambini na kavimusumwiiya Paulo. 17Makisa Paulo kahana mumodza jwa hawa wakuu wa asikari kamwamba, “Muhwae huyu muurani wende nae kwa huyu mura. Ana kintu cha kumwambia.” 18D̯ubva huyu mukuu jwa asikari kamuhwaa kenda nae kwa huyu mura, kamwamba, “Huyu mufungwa Paulo kanihana na kaniyomba nimuyehe kwako huyu muurani kwa dzambo ana kintu cha kukwambia.”
19Huyu mura kamugija mukono huyu muurani, kamukuntia geri, makisa kamuuza kamwamba, “Wikitsaka kunyambia kintu ga?” 20Jeje kamwamba, “Hawa wakuu wa Wayahud̯i wakuḅaliana kukuyomba keso umupfiike Paulo gasani, wakidzihendeza dza kwamba wanatsaka kumanya hiḍe ya hachi dzuuye. 21Ela nkudzowafwanye, kwa dzambo ḍya kwamba kuna zaid̯i ya wantu miyongo mine wadzeodzimufitsia kumuinda jeje. Waḍya muma wa kutsaaḍya ambu kunwa hat̯a wadzepfomuyaga Paulo. Hivi wa t̯ayari kuvihenda, wakuindiiyani chuuwocho t̯u.”
22Huyu Mura kamwamba huyu muurani, “Nkudzomwambie yuḍejwonse ya kwamba kuyanyambia haya mambo.” Makisa kamugonzoza huyu muurani.
Paulo kasamiswa Kaisaria
23Makisa huyu mura kahana wakuu wa asikari wawii kawamba, “Wekani t̯ayari asikari magana mawii wa kwenda Kaisaria, pfamodza na wapfaa farasi miyongo mifungahe na asikari magana mawii wa kujwana na mafumo, na muwe t̯ayari kufikia saa ntahu za nasiku yeo. 24Mumpeni na Paulo mafarasi ya kupfaa na muhakikishe kwamba kafika salama kwa liwali Feliki.” 25Makisa huyu mura kora hi ḅaruwa hi:
26“Mimi Kilaudio Lusia nyakukworeani wewe Muhilwa Feliki, liwali jwa ḍyimbo, nikukedhya nto.
27Hawa Wayahud̯i wemugija huyu na wesaa kumuyaga. Ela nipfomanya ya kwamba ni mwanansi jwa Kirumi, nyenda mimi na asikari wangu hwenda humuhwaa. 28Nikitsaka kumanya masit̯aki yao dzuu yakwe, ndookomu nimuhwaa nyenda nae gasani kwao. 29Niona ya kwamba nkakuhenda kiḍechonse cha kumuhendeza ayagwe ambu angizwe gerenzani. Wekimusit̯aki na mambo yeyonahusu Sharia yao wenye. 30Na nipfomanyiswa ya kwamba Wayahud̯i wangine wakuhendani mipango ya kumuyaga, nihuna kumuyeha kwako. Niwamba hawa weokumusit̯akini Paulo, wayayehe haya masit̯aki yao kwako.”
31D̯ubva hawa asikari wamuhwaa Paulo dzeviḍe waamurijwevyo wenda nae uuḍe siku hat̯a Antipatiri. 32Chamukoche, hawa asikari weowakyenenda na maguu wauja nkambini. Wamuyatsa Paulo ende na hawa asikari wapfaiyeo mafarasi. 33Wepfofika Kaisaria, waimumpa hi ḅaruwa huyu liwali, na wamumumpa na Paulo. 34Huyu liwali kaisoma hi ḅaruwa makisa kamuuza Paulo ya kwamba kayawa ḍyimbo ga. Epfomanyiswa ya kwamba Paulo kayawa Kilikia, 35kamwamba, “Nainena hi d̯ubiyo hawa wasit̯aki wako wadzepfokudza.” Makisa kayavya amuri kwa asikari wamwamiye Paulo mpaanzeni mwa *Herod̯e.
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
© 2004, Bible Translation and Literacy