جٜکَرِيَ 11
11
دٛعّٜرٜ تٛوࢩٛوࢡٜ
1عَنْ لِبَنٛنْ، مَࢡِّتِتْ دَمُّطٜ مَاطَ، حَا يِيتٜ ࢩَامَ لٜطّٜ مَ شٜمْبِطّٜ#11:1 لٜطّٜ شٜمْبِطّٜ طُمْ عَلَامَ نغَمْ عُمَّاتٛوجٜ مَوْطٜ مَلَّ لَامِيࢡٜ مَاجٜ؞؞ 2عُومَ، عَنْ لٜکِّ بٛوطْکِ! نغَمْ لٜطّٜ شٜمْبِطّٜ ندٛعَّکٜ، لٜطّٜ مَوْطٜ طٜعٜ نَتِّدِ! مبٛيٜ، عٛنٛنْ لٜطّٜ مَوْطٜ حَا بَاسَنْ! نغَمْ لَيْندٜ سُکُّندٜ ندٜ غٛطّٛ وَاوَتَانٛ نَسْتُغٛ ندٜرْ مَارٜ ڢٜعِّدَامَ! 3نَنٜ، وَيْنَاࢡٜ طٛنْ مبٛيَ، نغَمْ دُرْدُدٜ مَࢡّٜ وٛوندٜ حَلْکَامَ؞ بَرٛوطٜ شٜمْبِطّٜ طٛنْ عُبّٛ، نغَمْ غُوࢡٜ شُکُّطٜ حَا مَايٛ عُرْدُنْ مبٛنَّامَ؞
ڢٜلٛورٜ دٛوْ لَامِيࢡٜ حَلُّࢡٜ
4جَوْمِرَاوٛ اَللَّه عَمْ وِعِ يَمْ: «وَيْنُ بَالِ تَاسْکِتِنَاطِ نغَمْ حِرْسٜىٰغٛ! 5سٛودٛوࢡٜ طِ طٛنْ کِرْسَ طِ، ࢡٜندَارَتَا طُمْ بَنَ عَيْبٜ؞ سٛورّٛوࢡٜ طِ طٛنْ مبِعَ: عُسٜکٛ جَوْمِرَاوٛ، ندَا مِنْ ندِسْکِ! کٛو وَيْنَاࢡٜ مَاجِ بٛو نغَلَا عٜنْطَمْ نغَمْ مَاجِ؞» 6جَوْمِرَاوٛ وِعِ: «مِعٜنْطَتَا جٛوطِيࢡٜ ندٜرْ لٜسْدِ! مِحٛکَّنْ کٛو مٛيْ حَا جُنغٛ کٜىٰدِّطُّمْ عٜ جُنغٛ لَامِيطٛ مُمْ؞ کَمْࢡٜ ࢡٜمبٛنَّنْ لٜسْدِ، مِنْ بٛو مِحِسْنَتَا کٛو مٛيٜ دِغَ جُوطٜ مَࢡّٜ؞»
7مِدُرِ بَالِ طِ سٛورّٛوࢡٜ تَاسْکِتِنِ نغَمْ حِرْسٜىٰغٛ؞ مِحٛوعِ شَبِّ طِطِ؞ وٛورُ مَاجِ، مِعٜوْنِ ندُ: مبٛوطٜىٰنغَ، ندُيَ بٛو: کَوْتَلْ؞ ندٜنْ مِتٛکِّ دُرُغٛ تٛکّٜرٜ؞ 8مِرِيوِ وَيْنَاࢡٜ تَتٛ ندٜرْ لٜوْرُ وٛورُ؞ ندٜنْ مِڢُطِّ وَࢩُغٛ بَالِ، کَنْجِ بٛو طِ شَڢْتِ يَمْ؞ 9ندٜنْ کَدِ مِوِعِ طِ: «مِدُرَتَا عٛنْ ڢَحِنْ! مبَاتَنْطِ، مبَاتَ! مَجَّنْطِ، مَجَّ؞ لُتَّنْطِ بٛو ࢩَامِنْدِرَ حَکُّندٜ مَاجِ؞» 10مِحٛوعِ سَوْرُ عَمْ: مبٛوطٜىٰنغَ غٛ، مِيٜوِ ندُ؞ بَنَ نٛنْ ݠِيسْتُمِ عَلْکَوَلْ نغَلْ جَوْمِرَاوٛ حَࢡُّنٛ بٜى عُمَّاتٛوجٜ ڢُو؞ 11نغَلْ ڢِيسْتَامَ ࢩَلَادٜ مَنْ؞ سٛورّٛوࢡٜ بَالِ حَکِّلَنَنْࢡٜ يَمْ غٛ عَنْدِتِ طُمْ وٛلْدٜ جَوْمِرَاوٛ؞ 12ندٜنْ کَدِ مِوِعِ ࢡٜ: «تٛ طُمْ ڢٛتَّنِ عٛنْ، ندٛکّٜىٰطَمْ نغٜىٰنَارِ عَمْ؞ تٛ نَا نٛنْ بٛو، عَشّٜ؞» ࢡٜندٛکِّ يَمْ نغٜىٰنَارِ عَمْ، شٜىٰدٜ شَرْدِ شَݠَّنْطٜ تَتِ؞ 13ࢡٜݠٛونْدِ يَمْ مِ کٜعَنْطٛ نغٜىٰنَارِ مبٛوندِ! جَوْمِرَاوٛ وِعِ يَمْ: «سَکِّنَنْ طُمْ ࢡٛلِنٛووٛ؞» مِحٛوعِ شٜىٰدٜ شَرْدِ شَݠَّنْطٜ تَتِ غٛ، مِسَکِّنَنِ طٜ ࢡٛلِنٛووٛ ندٜرْ سُودُ جَوْمِرَاوٛ؞ #مَتَّ 27:9-10؞ 14ندٜنْ مِيٜوِ سَوْرُ عَمْ طِطَوْرُ وِعٜتٜىٰندُ کَوْتَلْ غٛ؞ بَنَ نٛنْ ݠِيسْتُمِ دٜىٰرْطِرَاغُ حَکُّندٜ يَحُودَ عٜ إِسْرَاءِيلَ؞
15جَوْمِرَاوٛ وِعِ يَمْ: «حٛوعُ ڢَحِنْ کُوجٜ کُوغَلْ غَيْنَاکٛ ݠَاتَاطٛ؞ 16ندَا، مِنٜلٛيَنْ غَيْنَاکٛ غٛطّٛ حَا لٜسْدِ؞ عٛسُکْلَنْتَاکٛ بَالِ مَجُّطِ، عٛطَࢡِّتِتَّا عٜىٰرْطِ، عٛحُرْغَتَا ࢩَوْطِ، عٛࢩَامْنَتَا جَمِ؞ عَمَّا عٛࢩَامَنْ کُسٜلْ بَالِ ࢡُرْطِ ڢَيُغٛ، عٛسٜىٰکَنْ کٛلٛنغِ مَاجِ؞ 17بٛنٜ لَاتَنٛ غَيْنَاکٛ مٜىٰرٜىٰجٛ غُدِنَنْطٛ تٛکّٜرٜ! کَاڢَحِ وَرَ دٛوْ جُنغٛ مَاکٛ عٜ دٛوْ يِيتٜرٜ مَاکٛ ࢩَامْرٜ! جُنغٛ مَاکٛ وَاتَ! يِيتٜرٜ مَاکٛ ࢩَامْرٜ وُمَ!»
Valið núna:
جٜکَرِيَ 11: داَ
Áherslumerki
Deildu
Afrita
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.