مَتَّ 28
28
عُمِّتِنٜىٰکِ عِيسَى
(مَرْکُسْ 16:1-10؛ لُکَ 24:1-12؛ يُحَنَّ 20:1-10)
1ࢡَاوٛ ࢩَنْدٜ سِوْتٛرْدٜ، عَلَتْ سُبَحَ، مَرِيَمَ مٛ مَغْدَلَ عٜ مَرِيَمَ غٛطّٛ نجٜحِ لَارُغٛ يٜنَاندٜ؞ 2دِمْبَنْدٜ لٜسْدِ مَوْندٜ وَطِ، نغَمْ مَلَاعِکَاجٛ جَوْمِرَاوٛ جِݠِّ دِغَ عَسَمَ، ࢡَدِتِ، تَلِّ حَيْرٜ غٛ، جٛوطِ دٛوْ مَارٜ؞ 3جَاتِ مَاکٛ طٛنْ يَيْنَ بَنَ مَعّٜرٜ، لِمْشٜ مَاکٛ بٛو دَنٜىٰجٜ بَنَ حٛتّٛلّٛ؞ 4ندٜ عَيْنٛوࢡٜ نغِعِمٛ، ࢡٜکُلْتٛرِ مَسِنْ، ࢡٜندِوْتٛرِ، ࢡٜلَاتِ بَنَ مَايْࢡٜ؞
5مَلَاعِکَاجٛ وِعِ رٜوْࢡٜ: «تَا کُلْتٛرٜ عٛنٛنْ کَمْ، نغَمْ مِعَنْدِ عٛنْ طٛنْ طَࢡِّتَ عِيسَى غَاڢَاطٛ؞ 6عٛوَلَاطٛنْ حَا طٛ، عٛعُمِّتَکٜ دِغَ مَايْدٜ بَنَ عٛوِعْنٛ؞ نغَرٜ، ندَارٜ نٛکُّورٜ حَا عٛوَالِنٛ؞ 7ندٜنْ نجٜحٜ لَوْ، مبِعٜ ݠُکَرَعٜنْ مَاکٛ: عٛعُمِّتَکٜ دِغَ مَايْدٜ، عٛعَارْتَنْ عٛنْ يَحُغٛ لٜسْدِ غَلِيلِ، عٛنْ نغِعَنْ مٛ تٛنْ؞ کَنْجُمْ نغٜشُّمِ عٛنْ!»
8رٜوْࢡٜ ندِلِّ دِغَ يٜنَاندٜ بٜى جَاوَلْ، ࢡٜرْطٜ مَࢡّٜ کٜىٰوِ کُلٛلْ عٜ سٜيٛ مَنغٛ؞ ࢡٜندٛغِّ، ࢡٜنجَحْرِ حَبَرُ مَنْ حَا ݠُکَرَعٜنْ عِيسَى؞ 9ندٜنْ عِيسَى ڢٛتِّ بٜى مَࢡّٜ، وِعِ: «مِحٛوڢْنِ عٛنْ!» رٜوْࢡٜ ࢡَدِتِمٛ، نَنغِ کٛسْطٜ مَاکٛ، شُجِدَنِمٛ؞ 10ندٜنْ عِيسَى وِعِ ࢡٜ: «تَا کُلْتٛرٜ! نجٜحٜ، عَنْدِنٜ دٜىٰرْطَمْعٜنْ، ࢡٜنجَحَ حَا لٜسْدِ غَلِيلِ، تٛنْ ࢡٜنغِعَتَمِّ!»
ࢩٛعٛوࢡٜ عُمِّتِنٜىٰکِ عِيسَى
11ندٜ رٜوْࢡٜ غٛ طٛنْ ندِلَّ، وٛطْࢡٜ ندٜرْ سٛوجٜعٜنْ عَيْنٛوࢡٜ يٜنَاندٜ غٛ نجٜحِ ندٜرْ بٜرْنِوٛلْ؞ ࢡٜنغٜشِّ مَوْࢡٜ لِمَنْعٜنْ کٛ وَطِ ڢُو؞ 12مَوْࢡٜ ࢡٜعٜ شَرْوٛوتِرِ بٜى ندٛتِّعٜنْ؞ ندٜ ࢡٜنَرِّ، ࢡٜندٛکِّ سٛوجٜعٜنْ غٛ شٜىٰدٜ طُوطّٜ، 13ࢡٜمبِعِ ࢡٜ: «مبِعٜ: ݠُکَرَعٜنْ مَاکٛ نغَرِ جٜمَّ، ࢡٜنغُجِّ ࢡَنْدُ مَاکٛ سَاعِ مِنْ طٛنّٛ طَانِ؞ 14تٛ نغٛمْنَ نَنِ حَالَ کَ، مِنْ کٜࢡْتَنْ دَبَرٜ دٜعِّتِنغٛ مٛ، مِنْ کِسْنَنْ عٛنْ بٛنٜ ڢُو؞» 15سٛوجٜعٜنْ غٛ نجَࢡِ شٜىٰدٜ مَنْ، مبَطِ بَنَ ࢡٜتِنْدِنِ ࢡٜ؞ غٜشَّوٛلْ نغٛلْ سَنغْکِتِ شَکَ يَحُودُعٜنْ حَا وَرْغٛ حَنْدٜ؞
عِيسَى وَنغَنِ ݠُکَرَعٜنْ مُوطُمْ
(مَرْکُسْ 16:14-18؛ لُکَ 24:36-49؛ يُحَنَّ 20:19-23؛ کُوطٜ نٜلَاࢡٜ 1:6-8)
16ݠُکَرَعٜنْ سَݠّٛ عٜ غٛعٛ ندِلِّ حَا لٜسْدِ غَلِيلِ، حَا حٛوسٜىٰرٜ ندٜ عِيسَى عُمْرُنٛ ࢡٜ ࢡٜنجَحَ تٛنْ#مَتَّ 26:32؛ مَرْکُسْ 14:28؞؞ 17ندٜ ࢡٜنغِعِمٛ، ࢡٜشُجِدَنِمٛ، عَمَّا وٛطْࢡٜ مَࢡّٜ شٜکِ؞ 18عِيسَى ࢡَدِتِ ࢡٜ، وِعِ: «بَاوْطٜ حَا عَسَمَ عٜ دٛوْ لٜسْدِ ڢُو ندٛکَّامَ يَمْ؞ 19ندِلّٜ حَا يِمْࢡٜ عُمَّاتٛوجٜ ڢُو، مبَطٜ ࢡٜ ݠُکَرَعٜنْ عَمْ، مبَطَنٜ ࢡٜ بَݠْتِسْمَ بٜى عِنْدٜ بَابِرَاوٛ عٜ ࢡِطّٛ عٜ رُوحُ شٜنِيطٛ#کُوطٜ نٜلَاࢡٜ 1:8؞؞ 20عٜکِّتِنٜ ࢡٜ حَا ࢡٜتٛکّٛ کٛ مِعُمْرِ عٛنْ ڢُو؞ مِنْ مِطٛنْ وٛنْدِ بٜى مٛوطٛنْ ࢩَلْطٜ ڢُو حَا يٛتّٛ تِمُّکِ دُنِيَارُ؞»
Valið núna:
مَتَّ 28: داَ
Áherslumerki
Deildu
Afrita
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.