مَتَّ 20
20
بَلْندٛلْ دٛوْ حُووٛوࢡٜ نغٜسَ عِنَبٛوجٜ
1«لَامُ عَسَمَنْجِ نَنْدِ بٜى جَوْمُ نغٜسَ مٛ وُرْتِ ڢَجِرِ شُبْ نغَمْ تٜڢٛيْغٛ حُووٛوࢡٜ نغَمْ نغٜسَ عِنَبٛوجٜ مُوطُمْ؞ 2عٛنَرِّ بٜى مَࢡّٜ، عٛيٛࢡَ ࢡٜ ࢩَلَادٜ ڢُو سُلٜيْرٜ شَرْدِ؞ ندٜنْ عٛنٜلِ ࢡٜ حَا نغٜسَ مَاکٛ؞ 3عٛوُرْتِ ڢَحِنْ سَاعَ جٛوٜىٰنَيِ، عٛيِعِ يِمْࢡٜ وٛطْࢡٜ طٛنْ ندَرِ حَا لُومٛ، ࢡٜنغَلَا کُوغَلْ؞ 4عٛوِعِ ࢡٜ: نجٜحٜ حَا نغٜسَ عَمْ عٛنٛنْ بٛو، مِيٛࢡَنْ عٛنْ کٛ حَانِ؞ 5ࢡٜندِلِّ حَا نغٜسَ مَاکٛ؞ جَوْمُ سَارٜ وُرْتِ ڢَحِنْ شَکَ ࢩَلَوْمَ، عٛوُرْتِ سَاعَ تَتِ بٛو، عٛوَطِ بَنَ نَانٜ؞ 6سَاعَ جٛوِ عٛوُرْتِ ڢَحِنْ، عٛتَوِ يِمْࢡٜ وٛطْࢡٜ طٛنْ ندَرِ؞ عٛࢨَمِ ࢡٜ: نغَمْ طُمٜ ࢩَلُّطٛنْ دَرَاغٛ حَا طٛ مٜىٰرٜ؟ 7ࢡٜنجَابِ: نغَمْ وَلَا مٛ تٜڢِ مِنْ نغَمْ کُوغَلْ سَمْ؞ عٛوِعِ ࢡٜ: نجٜحٜ، کُووٜ عٛنٛنْ بٛو حَا نغٜسَ عَمْ؞
8«ندٜ نَانغٜ مُتِ، جَوْمُ نغٜسَ وِعِ عَرْدِيطٛ کُوغَلْ مُوطُمْ: عٜوْنَ حُووٛوࢡٜ، يٛࢡْ ࢡٜ نغٜىٰنَارِ مَࢡّٜ، ڢُطِّرْ بٜى سَکِّتِيࢡٜ يَحُغٛ حَا نغٜسَ، تِمِّنِرْ بٜى عَارْتُࢡٜ#ڢَرِلَّاجِ لٜوِعٜنْ 19:13؛ تٛوکْتَاکِ تَوْرٜىٰتَ 24:15؞؞ 9يَحْࢡٜ نغٜسَ دٜيْدٜيْ سَاعَ جٛوِ نغَرِ، ࢡٜکٜࢡِ کٛو مٛيْ مَࢡّٜ سُلٜيْرٜ سُلٜيْرٜ؞ 10ندٜ عَارْتُࢡٜ يَحُغٛ نغٜسَ نغَرِ، ࢡٜتَمِّنٛ ࢡٜکٜࢡَنْ طُوطُّمْ، عَمَّا عٛحٛکِّ ࢡٜ کَمْࢡٜ بٛو سُلٜيْرٜ سُلٜيْرٜ؞ 11ندٜ ࢡٜنجَࢡِ، ࢡٜنغُرْنغُرْتِ دٛوْ جَوْمُ نغٜسَ، 12ࢡٜمبِعِ: ندَا، حُووْࢡٜ سَاعَ نغٛوتَ تَنْ عَيٛࢡِ ࢡٜ کَلْ-کَلْ بٜى عَمِنْ، مِنِنْ ࢩَلُّࢡٜ حُووُغٛ ندٜرْ بٛنٜ عٜ غُلْطُمْ نَانغٜ! 13عَمَّا جَوْمُ نغٜسَ جَابِ غٛوتٛ مَࢡّٜ، وِعِ: سٛوبَاجٛ عَمْ، مِوَطَايْ مَ رِکِشِ؞ عٜنْ نَرَّايْ دٛوْ نغٜىٰنَارِ سُلٜيْرٜ شَرْدِ وٛورٜ ندٜرْ ࢩَلَوْمَارٜ نَ؟ 14حٛوعُ نغٜىٰنَارِ مَ، يَحْ، مِنْ مِيِطِ يٛࢡُغٛ شَکِتِيطٛ يَحُغٛ حَا کُوغَلْ بٛو بَنَ مِيٛࢡِ مَ؞ 15مَلَّ مِوَاوَتَا حُووْتِنِرْغٛ جَوْدِ عَمْ بَنَ مِيِطِ؟ مَلَّ عَحَاجِ نغَمْ مِ بٛوطّٛ؟ 16بَنَ نٛنْ بٛو، سَکِّتِيࢡٜ لَاتٛتٛ عَارْتُࢡٜ، عَارْتُࢡٜ بٛو لَاتٛتٛ سَکِّتِيࢡٜ#مَتَّ 19:30؛ مَرْکُسْ 10:31؛ لُکَ 13:30؞؞»
عِيسَى وَنغِنِ مَايْدٜ مُوطُمْ عٜ عُمِّتِنٜىٰکِ مُوطُمْ تَتَࢡْرٜ
(مَرْکُسْ 10:32-34؛ لُکَ 18:31-34)
17ندٜ عِيسَى طٛنْ يَحَ عُرُسَلِيمَ، عٛحٛوعِ ݠُکَرَعٜنْ مَاکٛ سَݠّٛ عٜ طِطٛ ڢٜىٰرٜ مَࢡّٜ؞ دٛوْ لَاوٛلْ عٛوِعِ ࢡٜ: 18«نَنٜ، عٜنْ طٛنْ نجَحَ عُرُسَلِيمَ، تٛنْ ࢡٜندٛکَّنْ ࢡِي-نٜطّٛ حَا جُوطٜ مَوْࢡٜ لِمَنْعٜنْ عٜ مٛودِࢡّٜ تَوْرٜىٰتَ؞ ࢡٜکِيتٛتٛ مٛ کِيتَ مَايْدٜ؞ 19کَمْࢡٜ ࢡٜندٛکَّنْ مٛ حَا جُوطٜ حٜىٰڢٜىٰرْࢡٜ، ࢡٜنجَنْشَنْ مٛ، ࢡٜࢡٛشَّنْ مٛ، ࢡٜࢡِلَنْ مٛ دٛوْ لٜغَّلْ غَاڢَانغَلْ؞ عَمَّا ࢩَلَادٜ تَتَࢡْرٜ، عٛعُمِّتِتّٛ دِغَ مَايْدٜ؞»
ࢨَمٛلْ دَادَ يَاکُبَ عٜ يُحَنَّ
(مَرْکُسْ 10:35-45)
20ندٜنْ دَادَ ࢡِࢡّٜ زٜبٜدٜ وَرِ حَا عِيسَى بٜى ࢡِࢡّٜ مُمْ؞ عٛسُجِدِ، تٛرِمٛ حُوندٜ؞ 21عِيسَى ࢨَمِمٛ: «کٛ نغِطَّا؟» عٛجَابِ: «ࢩَنْدٜ عَلَامَکٜ، عَشُّ ࢡِطّٛ عَمْ غٛوتٛ جٛوطٛ حَا ࢩَامٛ مَ، غٛوتٛ بٛو حَا نَنٛ مَ؞» 22عِيسَى جَابِمٛ: «عٛنْ عَنْدَا کٛ تٛرٛتٛوطٛنْ؞ عٛنْ مبَاوَنْ يَرُغٛ جَرْدُغٜلْ بٛنٜ نغٜلْ مِنْ مِتَمِّ يَرُغٛ نَ؟» ࢡٜمبِعِ: «مِنْ مبَاوَنْ؞» 23عِيسَى جَابِ ࢡٜ: «غٛونغَ، عٛنْ نجَرَنْ جَرْدُغٜلْ عَمْ، عَمَّا جٛوطَاغٛ حَا ࢩَامٛ مَلَّ حَا نَنٛ عَمْ، نَا مِنْ حٛکَّتَ طُمْ، طُمْ طٛنْ نغَمْ يِمْࢡٜ ࢡٜ بَابِرَاوٛ عَمْ تَاسْکِتِنِ؞»
24ندٜ ݠُکَرَعٜنْ سَݠّٛ لُتُّࢡٜ نَنِ حَالَ کَعَ، ࢡٜࢡٜرْنَنِ دٜىٰرْطِرَاࢡٜ طِطٛ غٛ؞ 25ندٜنْ عِيسَى عٜوْنِ ࢡٜ ڢُو، وِعِ ࢡٜ: «عٛنْ عَنْدِ لَامِيࢡٜ عُمَّاتٛوجٜ طٛنْ ندٛولَ يِمْࢡٜ مُوطُمْعٜنْ، مَوْࢡٜ بٛو طٛنْ کٛلَّ ࢡٜ بَاوْطٜ؞ 26عَمَّا تَا طُمْ وٛنَ نٛنْ شَکَ مٛوطٛنْ؞ تٛ غٛوتٛ مٛوطٛنْ يِطِ لَاتَاغٛ مَوْطٛ، سٜيْ عٛلَاتٛ جَغِّيطٛ مٛوطٛنْ#لُکَ 22:25-26؞؞ 27مٛ يِطِ عَرْدَاغٛ شَکَ مٛوطٛنْ، لَاتٛتٛ مَشُّطٛ مٛوطٛنْ#مَتَّ 23:11؛ مَرْکُسْ 9:35؛ لُکَ 22:26؞؞ 28نغَمْ ࢡِي-نٜطّٛ بٛو وَرَايْ نغَمْ يِمْࢡٜ کُووَنَ مٛ، عَمَّا نغَمْ عٛحُووَنَ يِمْࢡٜ، عٛحٛکَّ يٛنغْکِ مَاکٛ نغَمْ سٛوتُّغٛ طُوطْࢡٜ؞»
عِيسَى وُمْتِنِ وُمْࢡٜ طِطٛ
(مَرْکُسْ 10:46-52؛ لُکَ 18:35-43)
29ندٜ ࢡٜنغُرْتِ وُرٛ يٜرِکٛ، مٛوࢡْرٜ طُوطْندٜ تٛکِّ عِيسَى؞ 30وُمْࢡٜ طِطٛ طٛنّٛ نجٛوطِ کٛمْبِ لَاوٛلْ، ندٜ ࢡٜنَنِ عِيسَى طٛنْ سَالٛ، ࢡٜنغٛوکِ، ࢡٜمبِعِ: «جَوْمِرَاوٛ، ࢡِي دَاوُدَ، عٜنْطُ مِنْ!» 31مٛوࢡْرٜ تٜلْࢡَنِ ࢡٜ حَا ࢡٜنجٜىٰطٛ؞ عَمَّا ࢡٜتٛوْنِ سَوْتُ، ࢡٜمبِعِ: «جَوْمِرَاوٛ، ࢡِي دَاوُدَ، عٜنْطُ مِنْ!» 32عِيسَى دَرِ، عٜوْنِ ࢡٜ، ࢨَمِ ࢡٜ: «کٛ نغِطّٛنْ مِوَطَنَ عٛنْ؟» 33ࢡٜنجَابِ: «جَوْمِرَاوٛ، حَا غِتٜ عَمِنْ مبُمْتَ؞» 34عِيسَى يُرْمِنِ ࢡٜ، مٜىٰمِ غِتٜ مَࢡّٜ، لَوْ يِمْࢡٜ طِطٛ غٛ مبُمْتِ، ࢡٜتٛکِّمٛ؞
Valið núna:
مَتَّ 20: داَ
Áherslumerki
Deildu
Afrita
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
مَتَّ 20
20
بَلْندٛلْ دٛوْ حُووٛوࢡٜ نغٜسَ عِنَبٛوجٜ
1«لَامُ عَسَمَنْجِ نَنْدِ بٜى جَوْمُ نغٜسَ مٛ وُرْتِ ڢَجِرِ شُبْ نغَمْ تٜڢٛيْغٛ حُووٛوࢡٜ نغَمْ نغٜسَ عِنَبٛوجٜ مُوطُمْ؞ 2عٛنَرِّ بٜى مَࢡّٜ، عٛيٛࢡَ ࢡٜ ࢩَلَادٜ ڢُو سُلٜيْرٜ شَرْدِ؞ ندٜنْ عٛنٜلِ ࢡٜ حَا نغٜسَ مَاکٛ؞ 3عٛوُرْتِ ڢَحِنْ سَاعَ جٛوٜىٰنَيِ، عٛيِعِ يِمْࢡٜ وٛطْࢡٜ طٛنْ ندَرِ حَا لُومٛ، ࢡٜنغَلَا کُوغَلْ؞ 4عٛوِعِ ࢡٜ: نجٜحٜ حَا نغٜسَ عَمْ عٛنٛنْ بٛو، مِيٛࢡَنْ عٛنْ کٛ حَانِ؞ 5ࢡٜندِلِّ حَا نغٜسَ مَاکٛ؞ جَوْمُ سَارٜ وُرْتِ ڢَحِنْ شَکَ ࢩَلَوْمَ، عٛوُرْتِ سَاعَ تَتِ بٛو، عٛوَطِ بَنَ نَانٜ؞ 6سَاعَ جٛوِ عٛوُرْتِ ڢَحِنْ، عٛتَوِ يِمْࢡٜ وٛطْࢡٜ طٛنْ ندَرِ؞ عٛࢨَمِ ࢡٜ: نغَمْ طُمٜ ࢩَلُّطٛنْ دَرَاغٛ حَا طٛ مٜىٰرٜ؟ 7ࢡٜنجَابِ: نغَمْ وَلَا مٛ تٜڢِ مِنْ نغَمْ کُوغَلْ سَمْ؞ عٛوِعِ ࢡٜ: نجٜحٜ، کُووٜ عٛنٛنْ بٛو حَا نغٜسَ عَمْ؞
8«ندٜ نَانغٜ مُتِ، جَوْمُ نغٜسَ وِعِ عَرْدِيطٛ کُوغَلْ مُوطُمْ: عٜوْنَ حُووٛوࢡٜ، يٛࢡْ ࢡٜ نغٜىٰنَارِ مَࢡّٜ، ڢُطِّرْ بٜى سَکِّتِيࢡٜ يَحُغٛ حَا نغٜسَ، تِمِّنِرْ بٜى عَارْتُࢡٜ#ڢَرِلَّاجِ لٜوِعٜنْ 19:13؛ تٛوکْتَاکِ تَوْرٜىٰتَ 24:15؞؞ 9يَحْࢡٜ نغٜسَ دٜيْدٜيْ سَاعَ جٛوِ نغَرِ، ࢡٜکٜࢡِ کٛو مٛيْ مَࢡّٜ سُلٜيْرٜ سُلٜيْرٜ؞ 10ندٜ عَارْتُࢡٜ يَحُغٛ نغٜسَ نغَرِ، ࢡٜتَمِّنٛ ࢡٜکٜࢡَنْ طُوطُّمْ، عَمَّا عٛحٛکِّ ࢡٜ کَمْࢡٜ بٛو سُلٜيْرٜ سُلٜيْرٜ؞ 11ندٜ ࢡٜنجَࢡِ، ࢡٜنغُرْنغُرْتِ دٛوْ جَوْمُ نغٜسَ، 12ࢡٜمبِعِ: ندَا، حُووْࢡٜ سَاعَ نغٛوتَ تَنْ عَيٛࢡِ ࢡٜ کَلْ-کَلْ بٜى عَمِنْ، مِنِنْ ࢩَلُّࢡٜ حُووُغٛ ندٜرْ بٛنٜ عٜ غُلْطُمْ نَانغٜ! 13عَمَّا جَوْمُ نغٜسَ جَابِ غٛوتٛ مَࢡّٜ، وِعِ: سٛوبَاجٛ عَمْ، مِوَطَايْ مَ رِکِشِ؞ عٜنْ نَرَّايْ دٛوْ نغٜىٰنَارِ سُلٜيْرٜ شَرْدِ وٛورٜ ندٜرْ ࢩَلَوْمَارٜ نَ؟ 14حٛوعُ نغٜىٰنَارِ مَ، يَحْ، مِنْ مِيِطِ يٛࢡُغٛ شَکِتِيطٛ يَحُغٛ حَا کُوغَلْ بٛو بَنَ مِيٛࢡِ مَ؞ 15مَلَّ مِوَاوَتَا حُووْتِنِرْغٛ جَوْدِ عَمْ بَنَ مِيِطِ؟ مَلَّ عَحَاجِ نغَمْ مِ بٛوطّٛ؟ 16بَنَ نٛنْ بٛو، سَکِّتِيࢡٜ لَاتٛتٛ عَارْتُࢡٜ، عَارْتُࢡٜ بٛو لَاتٛتٛ سَکِّتِيࢡٜ#مَتَّ 19:30؛ مَرْکُسْ 10:31؛ لُکَ 13:30؞؞»
عِيسَى وَنغِنِ مَايْدٜ مُوطُمْ عٜ عُمِّتِنٜىٰکِ مُوطُمْ تَتَࢡْرٜ
(مَرْکُسْ 10:32-34؛ لُکَ 18:31-34)
17ندٜ عِيسَى طٛنْ يَحَ عُرُسَلِيمَ، عٛحٛوعِ ݠُکَرَعٜنْ مَاکٛ سَݠّٛ عٜ طِطٛ ڢٜىٰرٜ مَࢡّٜ؞ دٛوْ لَاوٛلْ عٛوِعِ ࢡٜ: 18«نَنٜ، عٜنْ طٛنْ نجَحَ عُرُسَلِيمَ، تٛنْ ࢡٜندٛکَّنْ ࢡِي-نٜطّٛ حَا جُوطٜ مَوْࢡٜ لِمَنْعٜنْ عٜ مٛودِࢡّٜ تَوْرٜىٰتَ؞ ࢡٜکِيتٛتٛ مٛ کِيتَ مَايْدٜ؞ 19کَمْࢡٜ ࢡٜندٛکَّنْ مٛ حَا جُوطٜ حٜىٰڢٜىٰرْࢡٜ، ࢡٜنجَنْشَنْ مٛ، ࢡٜࢡٛشَّنْ مٛ، ࢡٜࢡِلَنْ مٛ دٛوْ لٜغَّلْ غَاڢَانغَلْ؞ عَمَّا ࢩَلَادٜ تَتَࢡْرٜ، عٛعُمِّتِتّٛ دِغَ مَايْدٜ؞»
ࢨَمٛلْ دَادَ يَاکُبَ عٜ يُحَنَّ
(مَرْکُسْ 10:35-45)
20ندٜنْ دَادَ ࢡِࢡّٜ زٜبٜدٜ وَرِ حَا عِيسَى بٜى ࢡِࢡّٜ مُمْ؞ عٛسُجِدِ، تٛرِمٛ حُوندٜ؞ 21عِيسَى ࢨَمِمٛ: «کٛ نغِطَّا؟» عٛجَابِ: «ࢩَنْدٜ عَلَامَکٜ، عَشُّ ࢡِطّٛ عَمْ غٛوتٛ جٛوطٛ حَا ࢩَامٛ مَ، غٛوتٛ بٛو حَا نَنٛ مَ؞» 22عِيسَى جَابِمٛ: «عٛنْ عَنْدَا کٛ تٛرٛتٛوطٛنْ؞ عٛنْ مبَاوَنْ يَرُغٛ جَرْدُغٜلْ بٛنٜ نغٜلْ مِنْ مِتَمِّ يَرُغٛ نَ؟» ࢡٜمبِعِ: «مِنْ مبَاوَنْ؞» 23عِيسَى جَابِ ࢡٜ: «غٛونغَ، عٛنْ نجَرَنْ جَرْدُغٜلْ عَمْ، عَمَّا جٛوطَاغٛ حَا ࢩَامٛ مَلَّ حَا نَنٛ عَمْ، نَا مِنْ حٛکَّتَ طُمْ، طُمْ طٛنْ نغَمْ يِمْࢡٜ ࢡٜ بَابِرَاوٛ عَمْ تَاسْکِتِنِ؞»
24ندٜ ݠُکَرَعٜنْ سَݠّٛ لُتُّࢡٜ نَنِ حَالَ کَعَ، ࢡٜࢡٜرْنَنِ دٜىٰرْطِرَاࢡٜ طِطٛ غٛ؞ 25ندٜنْ عِيسَى عٜوْنِ ࢡٜ ڢُو، وِعِ ࢡٜ: «عٛنْ عَنْدِ لَامِيࢡٜ عُمَّاتٛوجٜ طٛنْ ندٛولَ يِمْࢡٜ مُوطُمْعٜنْ، مَوْࢡٜ بٛو طٛنْ کٛلَّ ࢡٜ بَاوْطٜ؞ 26عَمَّا تَا طُمْ وٛنَ نٛنْ شَکَ مٛوطٛنْ؞ تٛ غٛوتٛ مٛوطٛنْ يِطِ لَاتَاغٛ مَوْطٛ، سٜيْ عٛلَاتٛ جَغِّيطٛ مٛوطٛنْ#لُکَ 22:25-26؞؞ 27مٛ يِطِ عَرْدَاغٛ شَکَ مٛوطٛنْ، لَاتٛتٛ مَشُّطٛ مٛوطٛنْ#مَتَّ 23:11؛ مَرْکُسْ 9:35؛ لُکَ 22:26؞؞ 28نغَمْ ࢡِي-نٜطّٛ بٛو وَرَايْ نغَمْ يِمْࢡٜ کُووَنَ مٛ، عَمَّا نغَمْ عٛحُووَنَ يِمْࢡٜ، عٛحٛکَّ يٛنغْکِ مَاکٛ نغَمْ سٛوتُّغٛ طُوطْࢡٜ؞»
عِيسَى وُمْتِنِ وُمْࢡٜ طِطٛ
(مَرْکُسْ 10:46-52؛ لُکَ 18:35-43)
29ندٜ ࢡٜنغُرْتِ وُرٛ يٜرِکٛ، مٛوࢡْرٜ طُوطْندٜ تٛکِّ عِيسَى؞ 30وُمْࢡٜ طِطٛ طٛنّٛ نجٛوطِ کٛمْبِ لَاوٛلْ، ندٜ ࢡٜنَنِ عِيسَى طٛنْ سَالٛ، ࢡٜنغٛوکِ، ࢡٜمبِعِ: «جَوْمِرَاوٛ، ࢡِي دَاوُدَ، عٜنْطُ مِنْ!» 31مٛوࢡْرٜ تٜلْࢡَنِ ࢡٜ حَا ࢡٜنجٜىٰطٛ؞ عَمَّا ࢡٜتٛوْنِ سَوْتُ، ࢡٜمبِعِ: «جَوْمِرَاوٛ، ࢡِي دَاوُدَ، عٜنْطُ مِنْ!» 32عِيسَى دَرِ، عٜوْنِ ࢡٜ، ࢨَمِ ࢡٜ: «کٛ نغِطّٛنْ مِوَطَنَ عٛنْ؟» 33ࢡٜنجَابِ: «جَوْمِرَاوٛ، حَا غِتٜ عَمِنْ مبُمْتَ؞» 34عِيسَى يُرْمِنِ ࢡٜ، مٜىٰمِ غِتٜ مَࢡّٜ، لَوْ يِمْࢡٜ طِطٛ غٛ مبُمْتِ، ࢡٜتٛکِّمٛ؞
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.