مَتَّ 13
13
بَلْندٛلْ دٛوْ دٜمٛووٛ
(مَرْکُسْ 4:1-9؛ لُکَ 8:4-8)
1ࢩَلَادٜ مَنْ عِيسَى وُرْتِ سَارٜ، يٜحِ، جٛوطِ حَا ڢٛمٛوندٜ وٜىٰندُ؞ 2مٛوࢡٜ طُوطّٜ نغَرِ حَا مَاکٛ؞ نغَمْ مَنْ عٛنَسْتِ کٛومْبٛوَلْ#13:2 کٛومْبٛوَلْ مَلَّ لَانَوَلْ؞، عٛجٛوطِ ندٜرْ مَاغَلْ، مٛوࢡْرٜ بٛو دَرِ حَا ڢٛمٛوندٜ#لُکَ 5:1-3؞؞ 3عٛعٜکِّتِنِ ندٜ کُوجٜ طُوطّٜ بٜى بَلْندِ؞
عٛوِعِ ࢡٜ: «دٜمٛووٛ يٜحِ نغٜسَ نغَمْ سَاکٛيْغٛ؞ 4ندٜ عٛطٛنْ سَاکَ، عَاوْدِ نغٛطْندِ سٛلِ دٛوْ لَاوٛلْ، شٛلِّ نغَرِ، شُࢡْتِ ندِ؞ 5عَاوْدِ نغٛطْندِ سَامِ حَا کٛرْکَعٜ، حَا لٜسْدِ طُوطَايْ؞ ندِ ڢُطِ لَوْ نغَمْ لٜسْدِ لُغَّايْ؞ 6ندٜ نَانغٜ ڢُطِ، نغٜ وُلِ ڢُطْنغٛوجِ، طِ نجٛورِ نغَمْ طِ نغَلَا طَطِ؞ 7عَاوْدِ نغٛطْندِ سٛلِ شَکَ غِعٜ؞ غِعٜ مَوْنِدِ بٜى مَارِ، ࢡِلِّ ندِ؞ 8عَمَّا عَاوْدِ نغٛطْندِ سٛلِ حَا لٜسْدِ مبٛوندِ، ندِ نَڢِ، وَطِ شَمّٜىٰجٜ: غٛطّٜ طٛنْ بٜى غَبّٜ تٜىٰمٜرّٜ، غٛطّٜ بٜى شَݠَّنْطٜ جٛوٜىٰغٛ، غٛطّٜ بٛو بٜى شَݠَّنْطٜ تَتِ؞» 9مٛ وٛودِ نٛݠِّ ڢُو، نَنَ!
نغَمْ طُمٜ عِيسَى حُووْتِنِرِ بَلْندِ؟
(مَرْکُسْ 4:10-12؛ لُکَ 8:9-10)
10ࢡَاوٛطٛنْ ݠُکَرَعٜنْ نغَرِ حَا عِيسَى، ࢨَمِمٛ: «نغَمْ طُمٜ عَطٛنْ وٛلْوَنَ يِمْࢡٜ بٜى بَلْندِ؟» 11عٛجَابِ ࢡٜ: «عٛنٛنْ، اَللَّه عَنْدِنِ عٛنْ سِرِّيجِ لَامُ مُمْ، عَمَّا کَمْࢡٜ ࢡٜعَنْدِنَاکَ؞ 12نغَمْ مَرْطٛ حُوندٜ، ࢡٜࢡٜسْدَنَنْ مٛ حَا عٛوٛنَ ندٜرْ جٜيْنِتَارٜ، عَمَّا مٛ مَرَايْ کٛو طُمٜ، ࢡٜکٛوشَنْ کٛو ݠٜىٰتُمْ مَاکٛ#مَتَّ 25:29؛ مَرْکُسْ 4:25؛ لُکَ 8:18؛ 19:26؞؞ 13نغَمْ مَنْ مِطٛنْ وٛلْوَنَ ࢡٜ بٜى بَلْندِ؞ نغَمْ ࢡٜطٛنْ ندَارَ، عَمَّا ࢡٜنغِعَتَا؞ ࢡٜطٛنْ نَنَ، عَمَّا ࢡٜݠَامَتَا سَمْ؞ 14بَنَ نِي عَنَّبَاکُ عٜسَايَ غٛونغْطِرِ نغَمْ مَࢡّٜ، عٛوِعْنٛ:
عٛنْ نَنَنْ بٜى نٛݠِّ مٛنْ، عَمَّا عٛنْ ݠَامَتَا سَمْ،
عٛنْ ندَارَنْ بٜى غِتٜ مٛنْ، عَمَّا عٛنْ نغِعَتَا کٛو طُمٜ؞
15نغَمْ ࢡٜرْطٜ يِمْࢡٜ ࢡٜعٜ مَاتَتَا کٛو طُمٜ،
ࢡٜشُکِّ نٛݠِّ مَࢡّٜ،
ࢡٜمَࢡِّ غِتٜ مَࢡّٜ، نغَمْ تَا ࢡٜنغِعَ،
تَا ࢡٜنَنَ،
تَا ࢡٜݠَامَ،
تَا ࢡٜتُوبَ بٛو، نغَمْ تَا مِنْ مِيَمْطِتِنَ ࢡٜ#عٜسَايَ 6:9-10؞؞
16«عَمَّا عٛنٛنْ، بَرْکَ وٛودَنِ غِتٜ مٛنْ نغَمْ طٜ طٛنْ نغِعَ، بَرْکَ وٛودَنِ نٛݠِّ مٛنْ بٛو نغَمْ طِ طٛنْ نَنَ؞ 17غٛونغَ مبِعَنْمِ عٛنْ: اَلنَّبِعٜنْ عٜ عَدِلِعٜنْ نغِطْنٛ يِعُغٛ کٛ نغِعٛتٛنْ، عَمَّا ࢡٜنغِعَايْ، ࢡٜنغِطْنٛ نَنُغٛ کٛ نَنٛتٛنْ، عَمَّا ࢡٜنَنَايْ#لُکَ 10:23-24؞؞»
سِڢَ بَلْندٛلْ دٛوْ دٜمٛووٛ
(مَرْکُسْ 4:13-20؛ لُکَ 8:11-15)
18«عٛنٛنْ، نَنٜ سِڢَ بَلْندٛلْ دٜمٛووٛ غٛ؞ 19يِمْࢡٜ وٛطْࢡٜ نَنِ حَبَرُ لَامُ عَسَمَنْجِ، عَمَّا ࢡٜݠَامَايْ؞ کَمْࢡٜ ࢡٜنَنْدِ بٜى عَاوْدِ شٛلْندِ حَا لَاوٛلْ، نغَمْ کَلُّطٛ وَرَنْ، وِڢْتٛ کٛ سَاکَ ندٜرْ ࢡٜرْطٜ مَࢡّٜ؞ 20وٛطْࢡٜ نَنْدِ بٜى عَاوْدِ شٛلْندِ حَا کٛرْکَعٜ؞ کَمْࢡٜ، تٛ ࢡٜنَنِ وٛلْدٜ اَللَّه، لَوْ ࢡٜنجَࢡَ ندٜ بٜى سٜيٛ؞ 21عَمَّا ࢡٜنغَلَا طَطِ، ࢡٜتَبِتِتَّا، نغَمْ تٛ ࢡِلَّارٜ عٜ تٛوࢩَارٜ عُکَّنَکٜ ࢡٜ دَلِيلَ وٛلْدٜ اَللَّه، ࢡٜعَشَّنْ نُطِّنْکِ لَوْ؞ 22وٛطْࢡٜ بٛو نَنْدِ بٜى عَاوْدِ شَکَ غِعٜ؞ کَمْࢡٜ، تٛ ࢡٜنَنِ وٛلْدٜ اَللَّه، لَرُورَاجِ عٜ عٜسْتٛ رِسْکُ ࢡِطَّنْ وٛلْدٜ مَنْ، ندٜ وَطَتَا نَڢُودَ سَمْ؞ 23عَمَّا وٛطْࢡٜ نَنْدِ بٜى عَاوْدِ شٛلْندِ حَا لٜسْدِ مبٛوندِ؞ کَمْࢡٜ، تٛ ࢡٜنَنِ وٛلْدٜ اَللَّه، ࢡٜݠَامِ ندٜ، ࢡٜمبَنغِنَنْ ࢡٜنْدَلٛوجٜ: وٛطْࢡٜ شٛوِ تٜىٰمٜرّٜ، وٛطْࢡٜ شَݠَّنْطٜ جٛوٜىٰغٛ، وٛطْࢡٜ بٛو شَݠَّنْطٜ تَتِ؞»
بَلْندٛلْ غٜىٰنٜ شَکَ عَلْکَمَارِ
24عِيسَى وٛلْوَنِ ࢡٜبَلْنْدٛلْ ڢٜىٰرٜ، عٛوِعِ: «لَامُ عَسَمَنْجِ نَنْدِ بٜى غٛطّٛ مٛ سَاکِ عَاوْدِ مبٛوندِ وَاتٛ عَلْکَمَارِ ندٜرْ نغٜسَ مُوطُمْ؞ 25جٜمَّارٜ ڢٜىٰرٜ، ندٜ يِمْࢡٜ ڢُو طٛنْ طَانِ، غَࢩٛ مَاکٛ وَرِ، سَاکِ عَاوْدِ غٜىٰنٜ شَکَ عَلْکَمَارِ مَاکٛ، دِلِّ؞ 26ندٜ عَلْکَمَارِ مَوْنِ، وَطِ شَمّٜىٰجٜ، غٜىٰنٜ بٛو مبَنغِ؞ 27حُووٛوࢡٜ جَوْمُ نغٜسَ نغَرِ، مبِعِمٛ: جَاغٛرْطٛ، نَا عَلْکَمَارِ عَسَاکِ ندٜرْ نغٜسَ مَاطَ نَ؟ کٛ وَطِ غٜىٰنٜ بٛو مبَنغِ تٛنْ؟ 28عٛوِعِ ࢡٜ: غَࢩٛ عَمْ وَطِ طُمْ؞ حُووَنٛوࢡٜ ࢨَمِمٛ: ندٜنْ کَمْ عَيِطِ مِنْ طٛوڢَ طٜ نَ؟ 29عٛجَابِ ࢡٜ: عَاعَ، نغَمْ تٛ عٛنْ طٛنْ طٛوڢَ طٜ، عٛنْ طٛوڢْدَنْ عَلْکَمَارِ بٜى مَاجٜ؞ 30عَشّٜ طُمْ ڢُو طُمْ مَوْنِدَ حَا وَکَّتِ شٛدٛلْ؞ سَاعِ مَنْ مِوِعَنْ سٛدٛوࢡٜ: عَارْتٜ مٛوࢡْتُغٛ غٜىٰنٜ، کَࢡّٜ طٜ، نغُلٜ طٜ؞ عَمَّا عَلْکَمَارِ کَمْ، مٛوࢡْتَنٜىٰطَمْ ندِ حَا بٜىٰمبَلْ عَمْ؞»
بَلْندٛلْ عَاوْدِ شِتَّ
(مَرْکُسْ 4:30-32؛ لُکَ 13:18-19)
31عِيسَى وٛلْوَنِ ࢡٜبَلْنْدٛلْ ڢٜىٰرٜ بٛو، عٛوِعِ: «لَامُ عَسَمَنْجِ نَنْدِ بٜى غَوٜلْ شِتَّ ندِ غٛطّٛ حٛوعِ، سَاکِ ندٜرْ نغٜسَ مُوطُمْ؞ 32ندِ ࢡُرِ عَاوْدِيجِ ڢُو ڢَمْطُغٛ، عَمَّا تٛ ندِ ڢُطِ، ندِ ࢡُرَنْ حَاکٛوجِ غٛطِّ ڢُو مَوْنُغٛ، ندِ لَاتٛتٛ لٜکِّ، حَا شٛلِّ نغَرَ، مبَطَ شَࢡّٜ مَاجِ دٛوْ لِشٜ مَاکِ؞»
بَلْندٛلْ عُڢْنِرْطُمْ
(لُکَ 13:20-21)
33عِيسَى وٛلْوَنِ ࢡٜبَلْنْدٛلْ ڢٜىٰرٜ ڢَحِنْ، عٛوِعِ: «لَامُ عَسَمَنْجِ نَنْدِ بٜى عُڢْنِرْطُمْ؞ دٜبّٛ حٛوعِ طُمْ، وَاتِ طُمْ ندٜرْ کُرٛورِ عٜتِرْطٜ تَتِ، کُرٛورِ مَنْ ڢُو ࢨُوڢِ؞»
نٛ عِيسَى حُووْتِنِرِ بَلْندِ
(مَرْکُسْ 4:33-34)
34کُوجٜ طٜعٜ ڢُو عِيسَى وٛلْوَنِ يِمْࢡٜ بٜى بَلْندِ، عٛوٛلْوَنِ ࢡٜ کٛو طُمٜ ڢُو بٜى بَلْندِ، 35نغَمْ حِࢡِّنغٛ عَنَّبَاکُ عٜسَايَ؞ کَنغْکٛ عٛوِعِ:
«مِوٛلْوَنْ بٜى بَلْندِ،
مِعَنْدِنَنْ ࢡٜ کُوجٜ شُوطِيطٜ دِغَ تَغٜىٰکِ دُنِيَارُ#جَبُورَ 78:2؞؞»
سِڢَ بَلْندٛلْ غٜىٰنٜ شَکَ عَلْکَمَارِ
36ندٜنْ عِيسَى عَشِّ يِمْࢡٜ، نَسْتِ سَارٜ؞ ݠُکَرَعٜنْ نغَرِ حَا مَاکٛ، مبِعِمٛ: «سِڢَنَ مِنْ بَلْندٛلْ غٜىٰنٜ ندٜرْ نغٜسَ عَلْکَمَارِ غٛ؞» 37عٛوِعِ ࢡٜ: «مٛ سَاکِ عَاوْدِ مبٛوندِ، کَنغْکٛ وٛنِ ࢡِي-نٜطّٛ؞ 38نغٜسَ طُمْ دُنِيَارُ، عَلْکَمَارِ طُمْ يِمْࢡٜ لَامُ عَسَمَنْجِ، غٜىٰنٜ بٛو طُمْ تٛکِّيࢡٜ کَلُّطٛ؞ 39غَࢩٛ مٛ سَاکِ طٜ بٛو، طُمْ سَيْطَانُ، سَاعِ شٛدٛلْ طُمْ تِمُّکِ دُنِيَارُ، سٛدٛوࢡٜ بٛو طُمْ مَلَاعِکَعٜنْ؞ 40بَنَ ࢡٜمٛوࢡْتِرْتَ غٜىٰنٜ، ࢡٜنغُلَ طٜ بٜى يِيتٜ، بَنَ نٛنْ طُمْ لَاتٛتٛ حَا تِمُّکِ دُنِيَارُ بٛو؞ 41ࢡِي-نٜطّٛ نٜلَنْ مَلَاعِکَعٜنْ مُوطُمْ، ࢡٜنغُرْتِنَ دِغَ لَامُ مَاکٛ نَسْتِنْࢡٜ يِمْࢡٜ ندٜرْ حَکّٜ عٜ حَلُّࢡٜ ڢُو، 42ࢡٜنغُدِنَ ࢡٜ ندٜرْ يِيتٜ ࢡٛلِنِرْدٜ؞ حَا تٛنْ ࢡٜمبٛيَنْ، ࢡٜکِرْࢨِنْدِرَنْ ࢩِيعٜ؞ 43عَمَّا سَاعِ مَنْ عَدِلِعٜنْ نجَيْنَنْ بَنَ نَانغٜ ندٜرْ لَامُ بَابِرَاوٛ مُوطُمْعٜنْ؞ مٛ وٛودِ نٛݠِّ ڢُو، نَنَ!»
بَلْندٛلْ جَوْدِ ࢩُکِّيندِ
44«لَامُ عَسَمَنْجِ نَنْدِ بٜى جَوْدِ ندِ ࢡٜࢩُکِّنِ ندٜرْ نغٜسَ؞ مٛ تَوِ ندِ، ࢩُکِّنِ ندِ ڢَحِنْ؞ عٛسٜيِ مَسِنْ، عٛيٜحِ، عٛسٛورِّ مَرْدِ مَاکٛ ڢُو، عٛسٛودِ نغٜسَ مَنْ؞»
بَلْندٛلْ لُولُورِ
45«ڢَحِنْ، لَامُ عَسَمَنْجِ نَنْدِ بٜى ݠِلٛووٛ طَࢡَّنْطٛ لُولُوجٜ بٛوطّٜ؞ 46ندٜ عٛتَوِ لُولُورِ مَرْندِ سَمَنْ مَسِنْ، عٛيٜحِ، عٛسٛورِّ مَرْدِ مَاکٛ ڢُو، عٛسٛودِ ندِ؞»
بَلْندٛلْ زُبَاوٛلْ
47«لَامُ عَسَمَنْجِ نَنْدِ بٛو بٜى زُبَاوٛلْ نغٛلْ وَاوٛوࢡٜ نغُبِ ندٜرْ وٜىٰندُ، نغٛلْ نَنغِ لِطِّ ڢٜىٰرٜ ڢٜىٰرٜىٰجِ؞ 48ندٜ نغٛلْ حٜىٰوِ، ࢡٜݠٛوطِ نغٛلْ حَا ڢٛمٛوندٜ، ࢡٜنجٛوطِ، ࢡٜنغُرْتِنِ لِطِّ؞ لِطِّ بٛوطِّ ࢡٜندٜسِ طِ ندٜرْ شِلَاجٜ مَࢡّٜ، عَمَّا کَلُّطِ، ࢡٜنغُدِنِ طِ؞ 49بَنَ نٛنْ طُمْ لَاتٛتٛ حَا تِمُّکِ دُنِيَارُ بٛو: مَلَاعِکَعٜنْ نغَرَنْ، شٜنْدَنْ عَدِلِعٜنْ بٜى حَلُّࢡٜ، 50ࢡٜنغُبٛتٛ حَلُّࢡٜ ندٜرْ يِيتٜ ࢡٛلِنِرْدٜ؞ حَا تٛنْ ࢡٜمبٛيَنْ، ࢡٜکِرْࢨِنْدِرَنْ ࢩِيعٜ؞»
کُوجٜ کٜسٜ عٜ کِيطّٜ
51عِيسَى ࢨَمِ ݠُکَرَعٜنْ مُوطُمْ: «عٛنْ ݠَامِ بٛلّٜ طٜ ڢُو نَ؟» ࢡٜنجَابِمٛ: «عٛوحٛ، مِنْ ݠَامِ؞» 52ندٜنْ عِيسَى وِعِ ࢡٜ: «نغَمْ مَاجُمْ کٛو مٛيْ مٛودِبّٛوجٛ تَوْرٜىٰتَ، لَاتِيطٛ ݠُکَرَاجٛ، عَنْدُطٛ حَالَ لَامُ عَسَمَنْجِ، نَنْدِ بٜى جَوْمُ سَارٜ، غُرْتِنَنْطٛ کُوجٜ کٜسٜ عٜ کُوجٜ کِيطّٜ دِغَ ندٜسَارِ مُوطُمْ؞»
يِمْࢡٜ نَسَرَتُ نُطِّنَايْ عِيسَى
(مَرْکُسْ 6:1-6؛ لُکَ 4:16-30)
53ندٜ عِيسَى تِمِّنِ وٛلْوَنْغٛ يِمْࢡٜ بَلْندِ طِعِ، عٛعُمِّ نٛکُّورٜ مَنْ، 54عٛيٜحِ حَا بٜرْنِوٛلْ نغٛلْ عٛمَوْنِ؞ عٛڢُطِّ عٜکِّتِنْغٛ يِمْࢡٜ ندٜرْ سُودُ دٜوَلْ مَࢡّٜ؞ وٛنْࢡٜ تٛنْ کَيْطِنِ، مبِعِ: «مٛيْ حٛکِّمٛ حِکْمَ کَ عٜ بَاوْطٜ وَطُغٛ کَايٜىٰڢِيجِ طِعِ؟ 55نَا کَنغْکٛ وٛنِ ࢡِي شٜحٛووٛ نَ؟ نَا مَرِيَمَ وٛنِ دَادَ مَاکٛ نَ؟ نَا يَاکُبَ عٜ يٛسٜسْ عٜ سِمٛنْ عٜ يَحُودَ نغٛنِ دٜىٰرْطِرَاࢡٜ مَاکٛ نَ؟ 56نَا دٜىٰرْطِرَاࢡٜ مَاکٛ رٜوْࢡٜ بٛو طٛنْ نغٛنْدِ بٜى مٜىٰطٜنْ حَا طٛ نَ؟ نٛيْ عٛوَاوْرِ وَطُغٛ کُوجٜ طٜ ڢُو؟» 57نغَمْ مَاجُمْ ࢡٜشَلِ نُطِّنْغٛ مٛ؞
ندٜنْ عِيسَى وِعِ ࢡٜ: «ࢡٜتٜدِّنَنْ اَلنَّبِيجٛ کٛو تٛيْ ڢُو، عَمَّا ندٜرْ وُرٛ مُوطُمْ عٜ شَکَ يِمْࢡٜ سَارٜ مُوطُمْ ࢡٜتٜدِّنْتَا مٛ#يُحَنَّ 4:44؞؞» 58نغَمْ دَلِيلَ سٛويْندٜ نُطِّنْکِ مَࢡّٜ، عِيسَى وَطَايْ کَايٜىٰڢِيجِ طُوطِّ تٛنْ؞
Valið núna:
مَتَّ 13: داَ
Áherslumerki
Deildu
Afrita
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
مَتَّ 13
13
بَلْندٛلْ دٛوْ دٜمٛووٛ
(مَرْکُسْ 4:1-9؛ لُکَ 8:4-8)
1ࢩَلَادٜ مَنْ عِيسَى وُرْتِ سَارٜ، يٜحِ، جٛوطِ حَا ڢٛمٛوندٜ وٜىٰندُ؞ 2مٛوࢡٜ طُوطّٜ نغَرِ حَا مَاکٛ؞ نغَمْ مَنْ عٛنَسْتِ کٛومْبٛوَلْ#13:2 کٛومْبٛوَلْ مَلَّ لَانَوَلْ؞، عٛجٛوطِ ندٜرْ مَاغَلْ، مٛوࢡْرٜ بٛو دَرِ حَا ڢٛمٛوندٜ#لُکَ 5:1-3؞؞ 3عٛعٜکِّتِنِ ندٜ کُوجٜ طُوطّٜ بٜى بَلْندِ؞
عٛوِعِ ࢡٜ: «دٜمٛووٛ يٜحِ نغٜسَ نغَمْ سَاکٛيْغٛ؞ 4ندٜ عٛطٛنْ سَاکَ، عَاوْدِ نغٛطْندِ سٛلِ دٛوْ لَاوٛلْ، شٛلِّ نغَرِ، شُࢡْتِ ندِ؞ 5عَاوْدِ نغٛطْندِ سَامِ حَا کٛرْکَعٜ، حَا لٜسْدِ طُوطَايْ؞ ندِ ڢُطِ لَوْ نغَمْ لٜسْدِ لُغَّايْ؞ 6ندٜ نَانغٜ ڢُطِ، نغٜ وُلِ ڢُطْنغٛوجِ، طِ نجٛورِ نغَمْ طِ نغَلَا طَطِ؞ 7عَاوْدِ نغٛطْندِ سٛلِ شَکَ غِعٜ؞ غِعٜ مَوْنِدِ بٜى مَارِ، ࢡِلِّ ندِ؞ 8عَمَّا عَاوْدِ نغٛطْندِ سٛلِ حَا لٜسْدِ مبٛوندِ، ندِ نَڢِ، وَطِ شَمّٜىٰجٜ: غٛطّٜ طٛنْ بٜى غَبّٜ تٜىٰمٜرّٜ، غٛطّٜ بٜى شَݠَّنْطٜ جٛوٜىٰغٛ، غٛطّٜ بٛو بٜى شَݠَّنْطٜ تَتِ؞» 9مٛ وٛودِ نٛݠِّ ڢُو، نَنَ!
نغَمْ طُمٜ عِيسَى حُووْتِنِرِ بَلْندِ؟
(مَرْکُسْ 4:10-12؛ لُکَ 8:9-10)
10ࢡَاوٛطٛنْ ݠُکَرَعٜنْ نغَرِ حَا عِيسَى، ࢨَمِمٛ: «نغَمْ طُمٜ عَطٛنْ وٛلْوَنَ يِمْࢡٜ بٜى بَلْندِ؟» 11عٛجَابِ ࢡٜ: «عٛنٛنْ، اَللَّه عَنْدِنِ عٛنْ سِرِّيجِ لَامُ مُمْ، عَمَّا کَمْࢡٜ ࢡٜعَنْدِنَاکَ؞ 12نغَمْ مَرْطٛ حُوندٜ، ࢡٜࢡٜسْدَنَنْ مٛ حَا عٛوٛنَ ندٜرْ جٜيْنِتَارٜ، عَمَّا مٛ مَرَايْ کٛو طُمٜ، ࢡٜکٛوشَنْ کٛو ݠٜىٰتُمْ مَاکٛ#مَتَّ 25:29؛ مَرْکُسْ 4:25؛ لُکَ 8:18؛ 19:26؞؞ 13نغَمْ مَنْ مِطٛنْ وٛلْوَنَ ࢡٜ بٜى بَلْندِ؞ نغَمْ ࢡٜطٛنْ ندَارَ، عَمَّا ࢡٜنغِعَتَا؞ ࢡٜطٛنْ نَنَ، عَمَّا ࢡٜݠَامَتَا سَمْ؞ 14بَنَ نِي عَنَّبَاکُ عٜسَايَ غٛونغْطِرِ نغَمْ مَࢡّٜ، عٛوِعْنٛ:
عٛنْ نَنَنْ بٜى نٛݠِّ مٛنْ، عَمَّا عٛنْ ݠَامَتَا سَمْ،
عٛنْ ندَارَنْ بٜى غِتٜ مٛنْ، عَمَّا عٛنْ نغِعَتَا کٛو طُمٜ؞
15نغَمْ ࢡٜرْطٜ يِمْࢡٜ ࢡٜعٜ مَاتَتَا کٛو طُمٜ،
ࢡٜشُکِّ نٛݠِّ مَࢡّٜ،
ࢡٜمَࢡِّ غِتٜ مَࢡّٜ، نغَمْ تَا ࢡٜنغِعَ،
تَا ࢡٜنَنَ،
تَا ࢡٜݠَامَ،
تَا ࢡٜتُوبَ بٛو، نغَمْ تَا مِنْ مِيَمْطِتِنَ ࢡٜ#عٜسَايَ 6:9-10؞؞
16«عَمَّا عٛنٛنْ، بَرْکَ وٛودَنِ غِتٜ مٛنْ نغَمْ طٜ طٛنْ نغِعَ، بَرْکَ وٛودَنِ نٛݠِّ مٛنْ بٛو نغَمْ طِ طٛنْ نَنَ؞ 17غٛونغَ مبِعَنْمِ عٛنْ: اَلنَّبِعٜنْ عٜ عَدِلِعٜنْ نغِطْنٛ يِعُغٛ کٛ نغِعٛتٛنْ، عَمَّا ࢡٜنغِعَايْ، ࢡٜنغِطْنٛ نَنُغٛ کٛ نَنٛتٛنْ، عَمَّا ࢡٜنَنَايْ#لُکَ 10:23-24؞؞»
سِڢَ بَلْندٛلْ دٛوْ دٜمٛووٛ
(مَرْکُسْ 4:13-20؛ لُکَ 8:11-15)
18«عٛنٛنْ، نَنٜ سِڢَ بَلْندٛلْ دٜمٛووٛ غٛ؞ 19يِمْࢡٜ وٛطْࢡٜ نَنِ حَبَرُ لَامُ عَسَمَنْجِ، عَمَّا ࢡٜݠَامَايْ؞ کَمْࢡٜ ࢡٜنَنْدِ بٜى عَاوْدِ شٛلْندِ حَا لَاوٛلْ، نغَمْ کَلُّطٛ وَرَنْ، وِڢْتٛ کٛ سَاکَ ندٜرْ ࢡٜرْطٜ مَࢡّٜ؞ 20وٛطْࢡٜ نَنْدِ بٜى عَاوْدِ شٛلْندِ حَا کٛرْکَعٜ؞ کَمْࢡٜ، تٛ ࢡٜنَنِ وٛلْدٜ اَللَّه، لَوْ ࢡٜنجَࢡَ ندٜ بٜى سٜيٛ؞ 21عَمَّا ࢡٜنغَلَا طَطِ، ࢡٜتَبِتِتَّا، نغَمْ تٛ ࢡِلَّارٜ عٜ تٛوࢩَارٜ عُکَّنَکٜ ࢡٜ دَلِيلَ وٛلْدٜ اَللَّه، ࢡٜعَشَّنْ نُطِّنْکِ لَوْ؞ 22وٛطْࢡٜ بٛو نَنْدِ بٜى عَاوْدِ شَکَ غِعٜ؞ کَمْࢡٜ، تٛ ࢡٜنَنِ وٛلْدٜ اَللَّه، لَرُورَاجِ عٜ عٜسْتٛ رِسْکُ ࢡِطَّنْ وٛلْدٜ مَنْ، ندٜ وَطَتَا نَڢُودَ سَمْ؞ 23عَمَّا وٛطْࢡٜ نَنْدِ بٜى عَاوْدِ شٛلْندِ حَا لٜسْدِ مبٛوندِ؞ کَمْࢡٜ، تٛ ࢡٜنَنِ وٛلْدٜ اَللَّه، ࢡٜݠَامِ ندٜ، ࢡٜمبَنغِنَنْ ࢡٜنْدَلٛوجٜ: وٛطْࢡٜ شٛوِ تٜىٰمٜرّٜ، وٛطْࢡٜ شَݠَّنْطٜ جٛوٜىٰغٛ، وٛطْࢡٜ بٛو شَݠَّنْطٜ تَتِ؞»
بَلْندٛلْ غٜىٰنٜ شَکَ عَلْکَمَارِ
24عِيسَى وٛلْوَنِ ࢡٜبَلْنْدٛلْ ڢٜىٰرٜ، عٛوِعِ: «لَامُ عَسَمَنْجِ نَنْدِ بٜى غٛطّٛ مٛ سَاکِ عَاوْدِ مبٛوندِ وَاتٛ عَلْکَمَارِ ندٜرْ نغٜسَ مُوطُمْ؞ 25جٜمَّارٜ ڢٜىٰرٜ، ندٜ يِمْࢡٜ ڢُو طٛنْ طَانِ، غَࢩٛ مَاکٛ وَرِ، سَاکِ عَاوْدِ غٜىٰنٜ شَکَ عَلْکَمَارِ مَاکٛ، دِلِّ؞ 26ندٜ عَلْکَمَارِ مَوْنِ، وَطِ شَمّٜىٰجٜ، غٜىٰنٜ بٛو مبَنغِ؞ 27حُووٛوࢡٜ جَوْمُ نغٜسَ نغَرِ، مبِعِمٛ: جَاغٛرْطٛ، نَا عَلْکَمَارِ عَسَاکِ ندٜرْ نغٜسَ مَاطَ نَ؟ کٛ وَطِ غٜىٰنٜ بٛو مبَنغِ تٛنْ؟ 28عٛوِعِ ࢡٜ: غَࢩٛ عَمْ وَطِ طُمْ؞ حُووَنٛوࢡٜ ࢨَمِمٛ: ندٜنْ کَمْ عَيِطِ مِنْ طٛوڢَ طٜ نَ؟ 29عٛجَابِ ࢡٜ: عَاعَ، نغَمْ تٛ عٛنْ طٛنْ طٛوڢَ طٜ، عٛنْ طٛوڢْدَنْ عَلْکَمَارِ بٜى مَاجٜ؞ 30عَشّٜ طُمْ ڢُو طُمْ مَوْنِدَ حَا وَکَّتِ شٛدٛلْ؞ سَاعِ مَنْ مِوِعَنْ سٛدٛوࢡٜ: عَارْتٜ مٛوࢡْتُغٛ غٜىٰنٜ، کَࢡّٜ طٜ، نغُلٜ طٜ؞ عَمَّا عَلْکَمَارِ کَمْ، مٛوࢡْتَنٜىٰطَمْ ندِ حَا بٜىٰمبَلْ عَمْ؞»
بَلْندٛلْ عَاوْدِ شِتَّ
(مَرْکُسْ 4:30-32؛ لُکَ 13:18-19)
31عِيسَى وٛلْوَنِ ࢡٜبَلْنْدٛلْ ڢٜىٰرٜ بٛو، عٛوِعِ: «لَامُ عَسَمَنْجِ نَنْدِ بٜى غَوٜلْ شِتَّ ندِ غٛطّٛ حٛوعِ، سَاکِ ندٜرْ نغٜسَ مُوطُمْ؞ 32ندِ ࢡُرِ عَاوْدِيجِ ڢُو ڢَمْطُغٛ، عَمَّا تٛ ندِ ڢُطِ، ندِ ࢡُرَنْ حَاکٛوجِ غٛطِّ ڢُو مَوْنُغٛ، ندِ لَاتٛتٛ لٜکِّ، حَا شٛلِّ نغَرَ، مبَطَ شَࢡّٜ مَاجِ دٛوْ لِشٜ مَاکِ؞»
بَلْندٛلْ عُڢْنِرْطُمْ
(لُکَ 13:20-21)
33عِيسَى وٛلْوَنِ ࢡٜبَلْنْدٛلْ ڢٜىٰرٜ ڢَحِنْ، عٛوِعِ: «لَامُ عَسَمَنْجِ نَنْدِ بٜى عُڢْنِرْطُمْ؞ دٜبّٛ حٛوعِ طُمْ، وَاتِ طُمْ ندٜرْ کُرٛورِ عٜتِرْطٜ تَتِ، کُرٛورِ مَنْ ڢُو ࢨُوڢِ؞»
نٛ عِيسَى حُووْتِنِرِ بَلْندِ
(مَرْکُسْ 4:33-34)
34کُوجٜ طٜعٜ ڢُو عِيسَى وٛلْوَنِ يِمْࢡٜ بٜى بَلْندِ، عٛوٛلْوَنِ ࢡٜ کٛو طُمٜ ڢُو بٜى بَلْندِ، 35نغَمْ حِࢡِّنغٛ عَنَّبَاکُ عٜسَايَ؞ کَنغْکٛ عٛوِعِ:
«مِوٛلْوَنْ بٜى بَلْندِ،
مِعَنْدِنَنْ ࢡٜ کُوجٜ شُوطِيطٜ دِغَ تَغٜىٰکِ دُنِيَارُ#جَبُورَ 78:2؞؞»
سِڢَ بَلْندٛلْ غٜىٰنٜ شَکَ عَلْکَمَارِ
36ندٜنْ عِيسَى عَشِّ يِمْࢡٜ، نَسْتِ سَارٜ؞ ݠُکَرَعٜنْ نغَرِ حَا مَاکٛ، مبِعِمٛ: «سِڢَنَ مِنْ بَلْندٛلْ غٜىٰنٜ ندٜرْ نغٜسَ عَلْکَمَارِ غٛ؞» 37عٛوِعِ ࢡٜ: «مٛ سَاکِ عَاوْدِ مبٛوندِ، کَنغْکٛ وٛنِ ࢡِي-نٜطّٛ؞ 38نغٜسَ طُمْ دُنِيَارُ، عَلْکَمَارِ طُمْ يِمْࢡٜ لَامُ عَسَمَنْجِ، غٜىٰنٜ بٛو طُمْ تٛکِّيࢡٜ کَلُّطٛ؞ 39غَࢩٛ مٛ سَاکِ طٜ بٛو، طُمْ سَيْطَانُ، سَاعِ شٛدٛلْ طُمْ تِمُّکِ دُنِيَارُ، سٛدٛوࢡٜ بٛو طُمْ مَلَاعِکَعٜنْ؞ 40بَنَ ࢡٜمٛوࢡْتِرْتَ غٜىٰنٜ، ࢡٜنغُلَ طٜ بٜى يِيتٜ، بَنَ نٛنْ طُمْ لَاتٛتٛ حَا تِمُّکِ دُنِيَارُ بٛو؞ 41ࢡِي-نٜطّٛ نٜلَنْ مَلَاعِکَعٜنْ مُوطُمْ، ࢡٜنغُرْتِنَ دِغَ لَامُ مَاکٛ نَسْتِنْࢡٜ يِمْࢡٜ ندٜرْ حَکّٜ عٜ حَلُّࢡٜ ڢُو، 42ࢡٜنغُدِنَ ࢡٜ ندٜرْ يِيتٜ ࢡٛلِنِرْدٜ؞ حَا تٛنْ ࢡٜمبٛيَنْ، ࢡٜکِرْࢨِنْدِرَنْ ࢩِيعٜ؞ 43عَمَّا سَاعِ مَنْ عَدِلِعٜنْ نجَيْنَنْ بَنَ نَانغٜ ندٜرْ لَامُ بَابِرَاوٛ مُوطُمْعٜنْ؞ مٛ وٛودِ نٛݠِّ ڢُو، نَنَ!»
بَلْندٛلْ جَوْدِ ࢩُکِّيندِ
44«لَامُ عَسَمَنْجِ نَنْدِ بٜى جَوْدِ ندِ ࢡٜࢩُکِّنِ ندٜرْ نغٜسَ؞ مٛ تَوِ ندِ، ࢩُکِّنِ ندِ ڢَحِنْ؞ عٛسٜيِ مَسِنْ، عٛيٜحِ، عٛسٛورِّ مَرْدِ مَاکٛ ڢُو، عٛسٛودِ نغٜسَ مَنْ؞»
بَلْندٛلْ لُولُورِ
45«ڢَحِنْ، لَامُ عَسَمَنْجِ نَنْدِ بٜى ݠِلٛووٛ طَࢡَّنْطٛ لُولُوجٜ بٛوطّٜ؞ 46ندٜ عٛتَوِ لُولُورِ مَرْندِ سَمَنْ مَسِنْ، عٛيٜحِ، عٛسٛورِّ مَرْدِ مَاکٛ ڢُو، عٛسٛودِ ندِ؞»
بَلْندٛلْ زُبَاوٛلْ
47«لَامُ عَسَمَنْجِ نَنْدِ بٛو بٜى زُبَاوٛلْ نغٛلْ وَاوٛوࢡٜ نغُبِ ندٜرْ وٜىٰندُ، نغٛلْ نَنغِ لِطِّ ڢٜىٰرٜ ڢٜىٰرٜىٰجِ؞ 48ندٜ نغٛلْ حٜىٰوِ، ࢡٜݠٛوطِ نغٛلْ حَا ڢٛمٛوندٜ، ࢡٜنجٛوطِ، ࢡٜنغُرْتِنِ لِطِّ؞ لِطِّ بٛوطِّ ࢡٜندٜسِ طِ ندٜرْ شِلَاجٜ مَࢡّٜ، عَمَّا کَلُّطِ، ࢡٜنغُدِنِ طِ؞ 49بَنَ نٛنْ طُمْ لَاتٛتٛ حَا تِمُّکِ دُنِيَارُ بٛو: مَلَاعِکَعٜنْ نغَرَنْ، شٜنْدَنْ عَدِلِعٜنْ بٜى حَلُّࢡٜ، 50ࢡٜنغُبٛتٛ حَلُّࢡٜ ندٜرْ يِيتٜ ࢡٛلِنِرْدٜ؞ حَا تٛنْ ࢡٜمبٛيَنْ، ࢡٜکِرْࢨِنْدِرَنْ ࢩِيعٜ؞»
کُوجٜ کٜسٜ عٜ کِيطّٜ
51عِيسَى ࢨَمِ ݠُکَرَعٜنْ مُوطُمْ: «عٛنْ ݠَامِ بٛلّٜ طٜ ڢُو نَ؟» ࢡٜنجَابِمٛ: «عٛوحٛ، مِنْ ݠَامِ؞» 52ندٜنْ عِيسَى وِعِ ࢡٜ: «نغَمْ مَاجُمْ کٛو مٛيْ مٛودِبّٛوجٛ تَوْرٜىٰتَ، لَاتِيطٛ ݠُکَرَاجٛ، عَنْدُطٛ حَالَ لَامُ عَسَمَنْجِ، نَنْدِ بٜى جَوْمُ سَارٜ، غُرْتِنَنْطٛ کُوجٜ کٜسٜ عٜ کُوجٜ کِيطّٜ دِغَ ندٜسَارِ مُوطُمْ؞»
يِمْࢡٜ نَسَرَتُ نُطِّنَايْ عِيسَى
(مَرْکُسْ 6:1-6؛ لُکَ 4:16-30)
53ندٜ عِيسَى تِمِّنِ وٛلْوَنْغٛ يِمْࢡٜ بَلْندِ طِعِ، عٛعُمِّ نٛکُّورٜ مَنْ، 54عٛيٜحِ حَا بٜرْنِوٛلْ نغٛلْ عٛمَوْنِ؞ عٛڢُطِّ عٜکِّتِنْغٛ يِمْࢡٜ ندٜرْ سُودُ دٜوَلْ مَࢡّٜ؞ وٛنْࢡٜ تٛنْ کَيْطِنِ، مبِعِ: «مٛيْ حٛکِّمٛ حِکْمَ کَ عٜ بَاوْطٜ وَطُغٛ کَايٜىٰڢِيجِ طِعِ؟ 55نَا کَنغْکٛ وٛنِ ࢡِي شٜحٛووٛ نَ؟ نَا مَرِيَمَ وٛنِ دَادَ مَاکٛ نَ؟ نَا يَاکُبَ عٜ يٛسٜسْ عٜ سِمٛنْ عٜ يَحُودَ نغٛنِ دٜىٰرْطِرَاࢡٜ مَاکٛ نَ؟ 56نَا دٜىٰرْطِرَاࢡٜ مَاکٛ رٜوْࢡٜ بٛو طٛنْ نغٛنْدِ بٜى مٜىٰطٜنْ حَا طٛ نَ؟ نٛيْ عٛوَاوْرِ وَطُغٛ کُوجٜ طٜ ڢُو؟» 57نغَمْ مَاجُمْ ࢡٜشَلِ نُطِّنْغٛ مٛ؞
ندٜنْ عِيسَى وِعِ ࢡٜ: «ࢡٜتٜدِّنَنْ اَلنَّبِيجٛ کٛو تٛيْ ڢُو، عَمَّا ندٜرْ وُرٛ مُوطُمْ عٜ شَکَ يِمْࢡٜ سَارٜ مُوطُمْ ࢡٜتٜدِّنْتَا مٛ#يُحَنَّ 4:44؞؞» 58نغَمْ دَلِيلَ سٛويْندٜ نُطِّنْکِ مَࢡّٜ، عِيسَى وَطَايْ کَايٜىٰڢِيجِ طُوطِّ تٛنْ؞
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.