مَتَّ 10
10
نٜلَاࢡٜ سَݠّٛ عٜ طِطٛ
(مَرْکُسْ 3:13-19؛ لُکَ 6:12-16)
1عِيسَى عٜوْنِ ݠُکَرَعٜنْ مُوطُمْ سَݠّٛ عٜ طِطٛ؞ عٛحٛکِّ ࢡٜ بَاوْطٜ رِيوُغٛ غِنَّاجِ عٜ ࢩَوْندُغٛ يِمْࢡٜ دِغَ ࢩَوُجِ ڢٜىٰرٜ ڢٜىٰرٜ ڢُو؞ 2ندَا عِنْطٜ نٜلَاࢡٜ سَݠّٛ عٜ طِطٛ مَنْ: عَرَنْ، سِمٛنْ بِعٜتٜىٰطٛ ݠِيٜرْ عٜ دٜىٰرْطُمْ عَندِرٜ، يَاکُبَ عٜ دٜىٰرْطُمْ يُحَنَّ، ࢡِࢡّٜ زٜبٜدٜ، 3ڢِلِݠْ عٜ بَرْتٛلٛمٜ، تٛمَسْ عٜ مَتَّ جٛمْنٛووٛ، يَاکُبَ ࢡِي عَلْڢَ عٜ تَدّٜ، 4سِمٛنْ کَنَانِيجٛ عٜ يَحُودَ عِسْکَرِيٛتْ زَمْبٛتٛوطٛ عِيسَى؞
کُوغَلْ نٜلَاࢡٜ
(مَرْکُسْ 6:7-13؛ لُکَ 9:1-6)
5عِيسَى نٜلِ ݠُکَرَعٜنْ سَݠّٛ عٜ طِطٛ ࢡٜعٜ، عٛعُمْرِ ࢡٜ: «تَا نجٜحٜ حَا عُمَّاتٛوجٜ غٛطّٜ نغٛنِ، تَا نَسْتٜ غُرٜ سَمَرِيَعٜنْ بٛو؞ 6عَمَّا نجٜحٜ حَا إِسْرَاءِيلَعٜنْ لَاتِيࢡٜ بَنَ بَالِ مَجُّطِ؞ 7نجٜحٜ، نغَازِنٜ بٜى وِعُغٛ: لَامُ عَسَمَنْجِ ࢡَدِتَکٜ؞ 8نجَمْطِتِنٜ ࢩَوْࢡٜ، عُمِّتِنٜ مَايْࢡٜ، لَࢡِّنٜ کُتُرُعٜنْ، ندِيوٜ غِنَّاجِ؞ عٛنْ کٜࢡِ طُمْ شَاحُ، عٛنٛنْ بٛو شَاحٜ طُمْ؞ 9تَا نجٛغٜ کَنغّٜىٰرِ مَلَّ شَرْدِ مَلَّ شٜىٰدٜ؞ 10تَا نجٛغٜ بٛورٛ نغَمْ جَحَانغَلْ مَلَّ لِمْشٜ طِطِ؞ تَا کٛوعٜ ݠَطٜ مَلَّ سَوْرُ بٛو، نغَمْ کُووٛووٛ حٜعِ حٜࢡُغٛ نغُورٜ مُوطُمْ#1 کٛرِنْتُعٜنْ 9:14؛ 1 تِمٛتٜ 5:18؞؞
11«تٛ عٛنْ نَسْتِ بٜرْنِوٛلْ مَلَّ وُرٛ ڢُو، طَࢡِّتٜ غٛطّٛ مٛ حٜعِ جَࢡَّاغٛ عٛنْ، نجٛوطٜ حَا مَاکٛ حَا تٛ عٛنْ ندِلِّ؞ 12تٛ عٛنْ طٛنْ نَسْتَ سَارٜ غٛطّٛ، کٛوڢْنٜ وٛنْࢡٜ تٛنْ؞ 13تٛ يِمْࢡٜ سَارٜ مَنْ نجَࢡَّکٜ عٛنْ، جَمْ مٛوطٛنْ لَاتَنْتٛ ࢡٜ؞ عَمَّا تٛ ࢡٜنجَࢡَّاکِ عٛنْ، جَمْ مٛوطٛنْ لٛرٛتٛ حَا مٛوطٛنْ؞ 14تٛ عٛنْ نَسْتِ سَارٜ مَلَّ وُرٛ، ࢡٜشَلِ جَࢡَّاغٛ عٛنْ مَلَّ نَنَنْغٛ عٛنْ، نغُرْتٜ سَارٜ مَنْ مَلَّ وُرٛ مَنْ، ݠِطّٜ شٛلَّاجٜ کٛسْطٜ مٛوطٛنْ#کُوطٜ نٜلَاࢡٜ 13:51؞؞ 15غٛونغَ مبِعَنْمِ عٛنْ: ࢩَلَادٜ دَرْنغَلْ، کِيتَ مَࢡّٜ تُلَّنْ دٛوْ کِيتَ يِمْࢡٜ سٛدٛمَ عٜ غٛمٛرَّ#لَاتَانٛوجِ 19:24-28؛ مَتَّ 11:24؞ #لُکَ 10:4-12؞؞»
تٛوࢩَانغٜىٰجِ غَرَنْطِ
(مَرْکُسْ 13:9-13؛ لُکَ 21:12-17)
16«ندَا، مِطٛنْ نٜلَ عٛنْ بَنَ بَالِ شَکَ شَاڢَالِ؞ نغَمْ مَنْ لَاتٜ عٛنْ ࢨٛيْࢡٜ بَنَ بٛطّٜ، لَاࢡّٜ بَنَ ݠٛولِ#لُکَ 10:3؞؞ 17عَمَّا ندٜىٰنٜ کٛعٜ مٛوطٛنْ، نغَمْ ࢡٜنجَحْرَنْ عٛنْ يٜىٰسٛ حِيتٛوࢡٜ، ࢡٜࢡٛشَّنْ عٛنْ ندٜرْ شُوطِ دٜوَلْ مَࢡّٜ؞ 18ࢡٜنجَحْرَنْ عٛنْ يٜىٰسٛ نغٛمْنَعٜنْ عٜ لَامِيࢡٜ نغَمْ دَلِيلَ عَمْ، نغَمْ حَا عٛنْ شٜىٰدٛ سٜىٰدَمْکُ مٛوطٛنْ يٜىٰسٛ مَࢡّٜ عٜ يٜىٰسٛ يِمْࢡٜ عُمَّاتٛوجٜ غٛطّٜ؞ 19تٛ ࢡٜنجَحْرِ عٛنْ يٜىٰسٛ حِيتٛوࢡٜ، تَا شَکْلٜ دٛوْ کٛ مبِعٛتٛنْ مَلَّ نٛ مبٛلْوِرْتٛنْ، بٛلّٜ طٜ عٛنْ مبٛلْوَتَ نغَرَنَنْ عٛنْ سَاعِ مَنْ ندٜنْ؞ 20نغَمْ نَا عٛنٛنْ تَمِّ وٛلْوُغٛ، عَمَّا رُوحُ بَابِرَاوٛ مٛوطٛنْ وٛلْوَنْ ندٜرْ مٛوطٛنْ#مَرْکُسْ 13:9-11؛ لُکَ 12:11-12؛ 21:12-15؞؞
21«يِمْࢡٜ ندٛکَّنْ دٜىٰرْطِرَاࢡٜ مُوطُمْعٜنْ نغَمْ مبَرٜىٰغٛ، بَابِرَاࢡٜ بٛو ࢡِکّٛيْ مُوطُمْعٜنْ، ࢡِکّٛيْ عُمَّنْتٛ سَارٛعٜنْ مُوطُمْعٜنْ، مبَرَ ࢡٜ#مَرْکُسْ 13:12؛ لُکَ 21:16؞؞ 22يِمْࢡٜ ڢُو نغَࢩَنْ عٛنْ نغَمْ دَلِيلَ عَمْ؞ عَمَّا مٛ مُࢩِ حَا تِمّٛودٜ، حِسَنْ#مَتَّ 24:9،13؛ مَرْکُسْ 13:13؛ لُکَ 21:17؞؞ 23تٛ ࢡٜݠُطِّ تٛوࢩَاغٛ عٛنْ حَا بٜرْنِوٛلْ نغٛلْ، ندِلّٜ حَا بٜرْنِوٛلْ نغٛلَ؞ غٛونغَ مبِعَنْمِ عٛنْ: عٛنْ مبَاوَتَا ڢِيلْتُغٛ بٜرْنِيجِ إِسْرَاءِيلَ حِدّٜکٛ ࢡِي-نٜطّٛ وَرَ؞
24«جَنغٛووٛ ࢡُرَتَا جَنغِنٛووٛ مُوطُمْ مَنغُ، مَشُّطٛ بٛو ࢡُرَتَا جَاغٛرْطٛ مُوطُمْ مَنغُ#لُکَ 6:40؛ يُحَنَّ 13:16؛ 15:20؞؞ 25تٛ جَنغٛووٛ يٛتَّکٜ دَرْندٜ جَنغِنٛووٛ مُوطُمْ، مَشُّطٛ بٛو يٛتَّکٜ دَرْندٜ جَاغٛرْطٛ مُوطُمْ، طُمْ حٜعِ؞ تٛ ࢡٜعٜوْنَکٜ جَوْمُ سَارٜ بٜعٜلْزٜبُلْ#10:25 بٜعٜلْزٜبُلْ طُمْ جَمّٛورٜ سَيْطَانُ، تٜىٰمَ طُمْ يِطِ وِعْغٛ جَوْمُ-بُوبِ؞، ࢡٜࢡُرَتَا حَلِّنْغٛ يِمْࢡٜ سَارٜ مَاکٛ نَ#مَتَّ 9:34؛ 12:24؛ مَرْکُسْ 3:22؛ لُکَ 11:15؞؟»
مٛيْ حَانِ حُلٜىٰغٛ؟
(لُکَ 12:2-7)
26«کَدِ، تَا کُلٜ ࢡٜ؞ شُوطِيطُمْ ڢُو وَنغَنْ، سِرِّيجُمْ ڢُو ڢَامٛتٛ#مَرْکُسْ 4:22؛ لُکَ 8:17؞؞ 27کٛ مِوِعَتَ عٛنْ ندٜرْ ࢩِࢡْرٜ، مبَنغِنٜ طُمْ شَکَ ࢩَلَوْمَ؞ کٛ عٛنْ نَنَتَ ندٜرْ سٛڢْندَاغٛ، نغٛويْنٜ طُمْ بٜى بَنغُطُمْ؞ 28تَا کُلٜ يِمْࢡٜ نغَمْ کٛو ࢡٜمبَاوَنْ مبَرُغٛ ࢡَلِّ مٛوطٛنْ، ࢡٜمبَاوَتَا مبَرُغٛ يٛنغْکِ؞ عَمَّا کُلٜ اَللَّه بَاوْطٛ حَلْکُغٛ ࢡَنْدُ عٜ يٛنغْکِ ڢُو ندٜرْ يِيتٜ جَحَنَّمَ؞ 29ࢡٜشٛورَّتَا شٛلّٛيْ طِطٛيْ بَاکِنْ سُلٜيْجٜ طِطِ نَ؟ عَمَّا وَلَا کٛو غٛوتٜلْ مَاکٛيْ دٛعّٛتٛ حَا لٜسْدِ سٛنَا تٛ بَابِرَاوٛ مٛوطٛنْ يٜرْدَکٜ طُمْ؞ 30عٛنٛنْ بٛو، کٛو غَاسَاجِ کٛعٜ مٛوطٛنْ طِ لِمَاطِ غٛوتٛلْ غٛوتٛلْ ڢُو؞ 31نغَمْ مَاجُمْ تَا کُلْتٛرٜ، عٛنْ ࢡُرِ شٛلّٛيْ طُوطْکٛيْ سَمَنْ؞»
سٜىٰدَاغٛ عِيسَى
(لُکَ 12:8-9)
32«کٛو مٛيْ سٜىٰدِ يٜىٰسٛ يِمْࢡٜ عٛعَنْدِ يَمْ، مِنْ بٛو مِسٜىٰدٛتٛ يٜىٰسٛ بَابِرَاوٛ عَمْ مٛ عَسَمَ مِعَنْدِمٛ؞ 33عَمَّا مٛ يٜدِّ يَمْ يٜىٰسٛ يِمْࢡٜ، مِنْ بٛو مِيٜدَّنْ مٛ يٜىٰسٛ بَابِرَاوٛ عَمْ مٛ عَسَمَ#2 تِمٛتٜ 2:12؞؞»
نَا جَمْ، عَمَّا کَاڢَحِ
(لُکَ 12:51-53؛ 14:26-27)
34«تَا نُمٜ مِوَدِّ سَلَامَنْ حَا دُنِيَارُ؞ نَا سَلَامَنْ نغَدُّمِ، عَمَّا کَاڢَحِ؞ 35مِوَرِ نغَمْ وَادُغٛ ࢡِطّٛ غٛرْکٛ بٜى بَابَ مُمْ، ࢡِطّٛ دٜبّٛ بٜى دَادَ مُمْ، دٜبّٛ بٛو بٜى عٜسُمْ دٜبّٛ؞ 36يِمْࢡٜ سَارٜ غٛطّٛ لَاتٛتٛ وَࢩْوَࢩْࢡٜ مُمْ#مِکَ 7:6؞؞
37«کٛو مٛيْ ࢡُرِ يِطُغٛ بَابَ مُوطُمْ مَلَّ دَادَ مُوطُمْ دٛوْ عَمْ، حٜعَايْ لَاتَاغٛ مٛ عَمْ؞ کٛو مٛيْ ࢡُرِ يِطُغٛ ࢡِنغٜلْ مُوطُمْ غٛرْغٜلْ مَلَّ دٜيٜلْ دٛوْ عَمْ حٜعَايْ لَاتَاغٛ مٛ عَمْ؞ 38کٛو مٛيْ تٛ حٛوعَايْ غَاڢَانغَلْ مُوطُمْ، تٛکِّ يَمْ، حٜعَايْ لَاتَاغٛ مٛ عَمْ#مَتَّ 16:24؛ مَرْکُسْ 8:34؛ لُکَ 9:23؞؞ 39کٛو مٛيْ يِطِ عَيْنُغٛ يٛنغْکِ مُوطُمْ، مَجِّنَنْ کِ؞ عَمَّا مٛ مَجِّنِ يٛنغْکِ مُوطُمْ نغَمْ عَمْ، حٜࢡْتَنْ کِ#مَتَّ 16:25؛ مَرْکُسْ 8:35؛ لُکَ 9:24؛ 17:33؛ يُحَنَّ 12:25؞؞»
مبَرْجَارِ
(مَرْکُسْ 9:41؛ لُکَ 10:16)
40«کٛو مٛيْ جَࢡِّ عٛنْ، جَࢡِّ يَمْ؞ مٛ جَࢡِّ يَمْ، جَࢡِّ نٜلْطٛ يَمْ بٛو#مَرْکُسْ 9:37؛ لُکَ 9:48؛ 10:16؛ يُحَنَّ 13:20؞؞ 41کٛو مٛيْ جَࢡِّ اَلنَّبِيجٛ نغَمْ عٛ اَلنَّبِيجٛ، حٜࢡَنْ مبَرْجَارِ بَنَ ندِ اَلنَّبِيجٛ؞ کٛو مٛيْ جَࢡِّ عَدِلِيجٛ نغَمْ عٛ عَدِلِيجٛ، حٜࢡَنْ مبَرْجَارِ بَنَ ندِ عَدِلِيجٛ؞ 42غٛونغَ مبِعَنْمِ عٛنْ: کٛو مٛيْ حٛکِّ کٛو ندِيَمْ ݠٜىٰوْطَمْ ندٜرْ جَرْدُغٜلْ حَا ࢡُرْطٛ لٜىٰسُغٛ شَکَ ݠُکَرَعٜنْ عَمْ ࢡٜعٜ نغَمْ عٛ ݠُکَرَاجٛ عَمْ، حٜࢡَنْ مبَرْجَارِ مُوطُمْ ڢَکَتْ؞»
Valið núna:
مَتَّ 10: داَ
Áherslumerki
Deildu
Afrita
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
مَتَّ 10
10
نٜلَاࢡٜ سَݠّٛ عٜ طِطٛ
(مَرْکُسْ 3:13-19؛ لُکَ 6:12-16)
1عِيسَى عٜوْنِ ݠُکَرَعٜنْ مُوطُمْ سَݠّٛ عٜ طِطٛ؞ عٛحٛکِّ ࢡٜ بَاوْطٜ رِيوُغٛ غِنَّاجِ عٜ ࢩَوْندُغٛ يِمْࢡٜ دِغَ ࢩَوُجِ ڢٜىٰرٜ ڢٜىٰرٜ ڢُو؞ 2ندَا عِنْطٜ نٜلَاࢡٜ سَݠّٛ عٜ طِطٛ مَنْ: عَرَنْ، سِمٛنْ بِعٜتٜىٰطٛ ݠِيٜرْ عٜ دٜىٰرْطُمْ عَندِرٜ، يَاکُبَ عٜ دٜىٰرْطُمْ يُحَنَّ، ࢡِࢡّٜ زٜبٜدٜ، 3ڢِلِݠْ عٜ بَرْتٛلٛمٜ، تٛمَسْ عٜ مَتَّ جٛمْنٛووٛ، يَاکُبَ ࢡِي عَلْڢَ عٜ تَدّٜ، 4سِمٛنْ کَنَانِيجٛ عٜ يَحُودَ عِسْکَرِيٛتْ زَمْبٛتٛوطٛ عِيسَى؞
کُوغَلْ نٜلَاࢡٜ
(مَرْکُسْ 6:7-13؛ لُکَ 9:1-6)
5عِيسَى نٜلِ ݠُکَرَعٜنْ سَݠّٛ عٜ طِطٛ ࢡٜعٜ، عٛعُمْرِ ࢡٜ: «تَا نجٜحٜ حَا عُمَّاتٛوجٜ غٛطّٜ نغٛنِ، تَا نَسْتٜ غُرٜ سَمَرِيَعٜنْ بٛو؞ 6عَمَّا نجٜحٜ حَا إِسْرَاءِيلَعٜنْ لَاتِيࢡٜ بَنَ بَالِ مَجُّطِ؞ 7نجٜحٜ، نغَازِنٜ بٜى وِعُغٛ: لَامُ عَسَمَنْجِ ࢡَدِتَکٜ؞ 8نجَمْطِتِنٜ ࢩَوْࢡٜ، عُمِّتِنٜ مَايْࢡٜ، لَࢡِّنٜ کُتُرُعٜنْ، ندِيوٜ غِنَّاجِ؞ عٛنْ کٜࢡِ طُمْ شَاحُ، عٛنٛنْ بٛو شَاحٜ طُمْ؞ 9تَا نجٛغٜ کَنغّٜىٰرِ مَلَّ شَرْدِ مَلَّ شٜىٰدٜ؞ 10تَا نجٛغٜ بٛورٛ نغَمْ جَحَانغَلْ مَلَّ لِمْشٜ طِطِ؞ تَا کٛوعٜ ݠَطٜ مَلَّ سَوْرُ بٛو، نغَمْ کُووٛووٛ حٜعِ حٜࢡُغٛ نغُورٜ مُوطُمْ#1 کٛرِنْتُعٜنْ 9:14؛ 1 تِمٛتٜ 5:18؞؞
11«تٛ عٛنْ نَسْتِ بٜرْنِوٛلْ مَلَّ وُرٛ ڢُو، طَࢡِّتٜ غٛطّٛ مٛ حٜعِ جَࢡَّاغٛ عٛنْ، نجٛوطٜ حَا مَاکٛ حَا تٛ عٛنْ ندِلِّ؞ 12تٛ عٛنْ طٛنْ نَسْتَ سَارٜ غٛطّٛ، کٛوڢْنٜ وٛنْࢡٜ تٛنْ؞ 13تٛ يِمْࢡٜ سَارٜ مَنْ نجَࢡَّکٜ عٛنْ، جَمْ مٛوطٛنْ لَاتَنْتٛ ࢡٜ؞ عَمَّا تٛ ࢡٜنجَࢡَّاکِ عٛنْ، جَمْ مٛوطٛنْ لٛرٛتٛ حَا مٛوطٛنْ؞ 14تٛ عٛنْ نَسْتِ سَارٜ مَلَّ وُرٛ، ࢡٜشَلِ جَࢡَّاغٛ عٛنْ مَلَّ نَنَنْغٛ عٛنْ، نغُرْتٜ سَارٜ مَنْ مَلَّ وُرٛ مَنْ، ݠِطّٜ شٛلَّاجٜ کٛسْطٜ مٛوطٛنْ#کُوطٜ نٜلَاࢡٜ 13:51؞؞ 15غٛونغَ مبِعَنْمِ عٛنْ: ࢩَلَادٜ دَرْنغَلْ، کِيتَ مَࢡّٜ تُلَّنْ دٛوْ کِيتَ يِمْࢡٜ سٛدٛمَ عٜ غٛمٛرَّ#لَاتَانٛوجِ 19:24-28؛ مَتَّ 11:24؞ #لُکَ 10:4-12؞؞»
تٛوࢩَانغٜىٰجِ غَرَنْطِ
(مَرْکُسْ 13:9-13؛ لُکَ 21:12-17)
16«ندَا، مِطٛنْ نٜلَ عٛنْ بَنَ بَالِ شَکَ شَاڢَالِ؞ نغَمْ مَنْ لَاتٜ عٛنْ ࢨٛيْࢡٜ بَنَ بٛطّٜ، لَاࢡّٜ بَنَ ݠٛولِ#لُکَ 10:3؞؞ 17عَمَّا ندٜىٰنٜ کٛعٜ مٛوطٛنْ، نغَمْ ࢡٜنجَحْرَنْ عٛنْ يٜىٰسٛ حِيتٛوࢡٜ، ࢡٜࢡٛشَّنْ عٛنْ ندٜرْ شُوطِ دٜوَلْ مَࢡّٜ؞ 18ࢡٜنجَحْرَنْ عٛنْ يٜىٰسٛ نغٛمْنَعٜنْ عٜ لَامِيࢡٜ نغَمْ دَلِيلَ عَمْ، نغَمْ حَا عٛنْ شٜىٰدٛ سٜىٰدَمْکُ مٛوطٛنْ يٜىٰسٛ مَࢡّٜ عٜ يٜىٰسٛ يِمْࢡٜ عُمَّاتٛوجٜ غٛطّٜ؞ 19تٛ ࢡٜنجَحْرِ عٛنْ يٜىٰسٛ حِيتٛوࢡٜ، تَا شَکْلٜ دٛوْ کٛ مبِعٛتٛنْ مَلَّ نٛ مبٛلْوِرْتٛنْ، بٛلّٜ طٜ عٛنْ مبٛلْوَتَ نغَرَنَنْ عٛنْ سَاعِ مَنْ ندٜنْ؞ 20نغَمْ نَا عٛنٛنْ تَمِّ وٛلْوُغٛ، عَمَّا رُوحُ بَابِرَاوٛ مٛوطٛنْ وٛلْوَنْ ندٜرْ مٛوطٛنْ#مَرْکُسْ 13:9-11؛ لُکَ 12:11-12؛ 21:12-15؞؞
21«يِمْࢡٜ ندٛکَّنْ دٜىٰرْطِرَاࢡٜ مُوطُمْعٜنْ نغَمْ مبَرٜىٰغٛ، بَابِرَاࢡٜ بٛو ࢡِکّٛيْ مُوطُمْعٜنْ، ࢡِکّٛيْ عُمَّنْتٛ سَارٛعٜنْ مُوطُمْعٜنْ، مبَرَ ࢡٜ#مَرْکُسْ 13:12؛ لُکَ 21:16؞؞ 22يِمْࢡٜ ڢُو نغَࢩَنْ عٛنْ نغَمْ دَلِيلَ عَمْ؞ عَمَّا مٛ مُࢩِ حَا تِمّٛودٜ، حِسَنْ#مَتَّ 24:9،13؛ مَرْکُسْ 13:13؛ لُکَ 21:17؞؞ 23تٛ ࢡٜݠُطِّ تٛوࢩَاغٛ عٛنْ حَا بٜرْنِوٛلْ نغٛلْ، ندِلّٜ حَا بٜرْنِوٛلْ نغٛلَ؞ غٛونغَ مبِعَنْمِ عٛنْ: عٛنْ مبَاوَتَا ڢِيلْتُغٛ بٜرْنِيجِ إِسْرَاءِيلَ حِدّٜکٛ ࢡِي-نٜطّٛ وَرَ؞
24«جَنغٛووٛ ࢡُرَتَا جَنغِنٛووٛ مُوطُمْ مَنغُ، مَشُّطٛ بٛو ࢡُرَتَا جَاغٛرْطٛ مُوطُمْ مَنغُ#لُکَ 6:40؛ يُحَنَّ 13:16؛ 15:20؞؞ 25تٛ جَنغٛووٛ يٛتَّکٜ دَرْندٜ جَنغِنٛووٛ مُوطُمْ، مَشُّطٛ بٛو يٛتَّکٜ دَرْندٜ جَاغٛرْطٛ مُوطُمْ، طُمْ حٜعِ؞ تٛ ࢡٜعٜوْنَکٜ جَوْمُ سَارٜ بٜعٜلْزٜبُلْ#10:25 بٜعٜلْزٜبُلْ طُمْ جَمّٛورٜ سَيْطَانُ، تٜىٰمَ طُمْ يِطِ وِعْغٛ جَوْمُ-بُوبِ؞، ࢡٜࢡُرَتَا حَلِّنْغٛ يِمْࢡٜ سَارٜ مَاکٛ نَ#مَتَّ 9:34؛ 12:24؛ مَرْکُسْ 3:22؛ لُکَ 11:15؞؟»
مٛيْ حَانِ حُلٜىٰغٛ؟
(لُکَ 12:2-7)
26«کَدِ، تَا کُلٜ ࢡٜ؞ شُوطِيطُمْ ڢُو وَنغَنْ، سِرِّيجُمْ ڢُو ڢَامٛتٛ#مَرْکُسْ 4:22؛ لُکَ 8:17؞؞ 27کٛ مِوِعَتَ عٛنْ ندٜرْ ࢩِࢡْرٜ، مبَنغِنٜ طُمْ شَکَ ࢩَلَوْمَ؞ کٛ عٛنْ نَنَتَ ندٜرْ سٛڢْندَاغٛ، نغٛويْنٜ طُمْ بٜى بَنغُطُمْ؞ 28تَا کُلٜ يِمْࢡٜ نغَمْ کٛو ࢡٜمبَاوَنْ مبَرُغٛ ࢡَلِّ مٛوطٛنْ، ࢡٜمبَاوَتَا مبَرُغٛ يٛنغْکِ؞ عَمَّا کُلٜ اَللَّه بَاوْطٛ حَلْکُغٛ ࢡَنْدُ عٜ يٛنغْکِ ڢُو ندٜرْ يِيتٜ جَحَنَّمَ؞ 29ࢡٜشٛورَّتَا شٛلّٛيْ طِطٛيْ بَاکِنْ سُلٜيْجٜ طِطِ نَ؟ عَمَّا وَلَا کٛو غٛوتٜلْ مَاکٛيْ دٛعّٛتٛ حَا لٜسْدِ سٛنَا تٛ بَابِرَاوٛ مٛوطٛنْ يٜرْدَکٜ طُمْ؞ 30عٛنٛنْ بٛو، کٛو غَاسَاجِ کٛعٜ مٛوطٛنْ طِ لِمَاطِ غٛوتٛلْ غٛوتٛلْ ڢُو؞ 31نغَمْ مَاجُمْ تَا کُلْتٛرٜ، عٛنْ ࢡُرِ شٛلّٛيْ طُوطْکٛيْ سَمَنْ؞»
سٜىٰدَاغٛ عِيسَى
(لُکَ 12:8-9)
32«کٛو مٛيْ سٜىٰدِ يٜىٰسٛ يِمْࢡٜ عٛعَنْدِ يَمْ، مِنْ بٛو مِسٜىٰدٛتٛ يٜىٰسٛ بَابِرَاوٛ عَمْ مٛ عَسَمَ مِعَنْدِمٛ؞ 33عَمَّا مٛ يٜدِّ يَمْ يٜىٰسٛ يِمْࢡٜ، مِنْ بٛو مِيٜدَّنْ مٛ يٜىٰسٛ بَابِرَاوٛ عَمْ مٛ عَسَمَ#2 تِمٛتٜ 2:12؞؞»
نَا جَمْ، عَمَّا کَاڢَحِ
(لُکَ 12:51-53؛ 14:26-27)
34«تَا نُمٜ مِوَدِّ سَلَامَنْ حَا دُنِيَارُ؞ نَا سَلَامَنْ نغَدُّمِ، عَمَّا کَاڢَحِ؞ 35مِوَرِ نغَمْ وَادُغٛ ࢡِطّٛ غٛرْکٛ بٜى بَابَ مُمْ، ࢡِطّٛ دٜبّٛ بٜى دَادَ مُمْ، دٜبّٛ بٛو بٜى عٜسُمْ دٜبّٛ؞ 36يِمْࢡٜ سَارٜ غٛطّٛ لَاتٛتٛ وَࢩْوَࢩْࢡٜ مُمْ#مِکَ 7:6؞؞
37«کٛو مٛيْ ࢡُرِ يِطُغٛ بَابَ مُوطُمْ مَلَّ دَادَ مُوطُمْ دٛوْ عَمْ، حٜعَايْ لَاتَاغٛ مٛ عَمْ؞ کٛو مٛيْ ࢡُرِ يِطُغٛ ࢡِنغٜلْ مُوطُمْ غٛرْغٜلْ مَلَّ دٜيٜلْ دٛوْ عَمْ حٜعَايْ لَاتَاغٛ مٛ عَمْ؞ 38کٛو مٛيْ تٛ حٛوعَايْ غَاڢَانغَلْ مُوطُمْ، تٛکِّ يَمْ، حٜعَايْ لَاتَاغٛ مٛ عَمْ#مَتَّ 16:24؛ مَرْکُسْ 8:34؛ لُکَ 9:23؞؞ 39کٛو مٛيْ يِطِ عَيْنُغٛ يٛنغْکِ مُوطُمْ، مَجِّنَنْ کِ؞ عَمَّا مٛ مَجِّنِ يٛنغْکِ مُوطُمْ نغَمْ عَمْ، حٜࢡْتَنْ کِ#مَتَّ 16:25؛ مَرْکُسْ 8:35؛ لُکَ 9:24؛ 17:33؛ يُحَنَّ 12:25؞؞»
مبَرْجَارِ
(مَرْکُسْ 9:41؛ لُکَ 10:16)
40«کٛو مٛيْ جَࢡِّ عٛنْ، جَࢡِّ يَمْ؞ مٛ جَࢡِّ يَمْ، جَࢡِّ نٜلْطٛ يَمْ بٛو#مَرْکُسْ 9:37؛ لُکَ 9:48؛ 10:16؛ يُحَنَّ 13:20؞؞ 41کٛو مٛيْ جَࢡِّ اَلنَّبِيجٛ نغَمْ عٛ اَلنَّبِيجٛ، حٜࢡَنْ مبَرْجَارِ بَنَ ندِ اَلنَّبِيجٛ؞ کٛو مٛيْ جَࢡِّ عَدِلِيجٛ نغَمْ عٛ عَدِلِيجٛ، حٜࢡَنْ مبَرْجَارِ بَنَ ندِ عَدِلِيجٛ؞ 42غٛونغَ مبِعَنْمِ عٛنْ: کٛو مٛيْ حٛکِّ کٛو ندِيَمْ ݠٜىٰوْطَمْ ندٜرْ جَرْدُغٜلْ حَا ࢡُرْطٛ لٜىٰسُغٛ شَکَ ݠُکَرَعٜنْ عَمْ ࢡٜعٜ نغَمْ عٛ ݠُکَرَاجٛ عَمْ، حٜࢡَنْ مبَرْجَارِ مُوطُمْ ڢَکَتْ؞»
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.