Salmos 146
146
Vi kosaꞌa kaꞌnuo ia Dios ndiꞌi ni kiuu ja ka tekuo
1¡Kaꞌnu kuu Jitoꞌo!
Saꞌa kaꞌnu san ia Dios jin ndiꞌi san jin anu san.
2Kosaꞌa kaꞌnu san Jitoꞌo ndiꞌi ni kiuu ja teku san.
Kokata san yaa nuu ia Dios san nini teku san.
3Ma kukanu ini ni tee ka kuu naꞌnu,
te ni ñayiu ja jiꞌi, chi ma kuu vi skaku niꞌnu ñai jin ni.
4Chi ka kana anui te ka jiꞌi, te ka ndajiokuiin ka ndui ñuyaka.
Te vi maa kiuu yun ka naa ndiꞌi ja ka ndakani ini ja vi saꞌi.
5Su na taꞌu na ndetu ñayiu ja chindee chituu ña ia Dios ndi Jacob,
jin ñayiu ja ka ndetu kaꞌnu ña jin Jitoꞌo, ia kuu Dios mai.
6Chi maa ya ni saꞌa andivi vi ñuyiu vi ndute mar vi ndiꞌi tuꞌu ja oo nuu,
te siun ni skunkuu ya tnoꞌo ndaa ja kaꞌan ya.
7Te saꞌa ndaa ya ja jaꞌa ñayiu ka tnaꞌa tnoꞌo suchi ini,
te jiñaꞌa ya ja ka jaa ñayiu ka kokin,
vi keneꞌe ya ñayiu ka ndesi vekaa.
8Vi ndasaꞌa Jitoꞌo nduchi nuu ñayiu ka ndesi nuu,
vi ndoneꞌe ña Jitoꞌo jin ñayiu ka ndondiso,
vi kutoo ña Jitoꞌo jin ñayiu ndaa.
9Te jito jini ña Jitoꞌo jin ñayiu inka ñuu ja ka jika nuu ndaꞌu,
vi chituu ña ya jin suchi ka kuu laꞌu vi ñasiꞌi ja ni ka ndondaꞌu.
Su saꞌa ya ja ka kujioo ñayiu ka saꞌa jakueꞌe nuu ichi ndaa.
10Te siun ni kotatnuni Jitoꞌo.
Te nikuii nikani kotatnuni ia Dios maa ni, ja ka kuu ni ñayiu ñuu Sión.
¡Kaꞌnu kuu Jitoꞌo!
Valið núna:
Salmos 146: xtnNTplus
Áherslumerki
Deildu
Afrita
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.