Salmos 132
132
Ni kee yuꞌu ia Dios in tnoꞌo ndaa nuu David
Yaa ka jita ñayiu nuu mavindanui Jerusalén
1Ndakaꞌan ni naxa ni ndoꞌo David, vi Jitoꞌo,
vi ndiꞌi tnundoꞌo ni tnaꞌa de.
2Ndakaꞌan ni tnoꞌo ni kee yuꞌu de nuu ni, vi Jitoꞌo san,
vi tnoꞌo ja ni kaꞌan de nuu ni, ja kuu ni ia Dios ndakui ndi Jacob.
3Te kachi de: “Ma ndiuu saꞌun san veꞌe san,
te ni ma jinkotuu san nuu jito san ja ndatatu san,
4te ni ma ndakuene san,
te ni ma kusun ndei san,
5guaa ndee na niꞌi san in nuu koo Jitoꞌo,
vi in nuu koo veñuꞌu ia ndakui ndi Jacob”.
6Chi guaa ndee ñuu Efrata ka oo san, te ni ka onini san ka kaꞌan ñayiu ja jaꞌa jatnu ii ni,
te ni ka ndaniꞌi san nuu ñundeꞌi ñayiu tatatnoꞌo Jaar.
7Na kiꞌinkueio te na kiukueio ndee ini veꞌe ii Jitoꞌo,
te na vi jinkuiin jitio ndee nuu jaꞌa ya.
8Ndakoo ni, vi Jitoꞌo, jin jatnu ii nuu oo jakaꞌnu ni,
te neꞌe ni nuu koo ni ja ndatatu ni.
9Te na vi kuiꞌnu sutu ni na kuinio in saꞌun ja vi saꞌa ndaa de,
Te na vi kana ñayiu maa ni nuu ka jitai ja ka kusii ini.
10Te ja jaꞌa ja kutoo ni David, tee jinokuechi nuu ni,
te ma chiyata ni tee ni kaji maa ni.
11Te jandaa ja ni kee yuꞌu Jitoꞌo nuu David,
te ma ndasama ya tnoꞌo ni kaꞌan ya,
te jiñaꞌa ya: “Kani rin in ndikin tata ron ja kotatnuni nuu tniuu maa ron”.
12Te nuu ja na vi skunkuu seꞌe ron tratu ni saꞌa rin jin ron,
vi tnoꞌo tatnuni rin ja kaxtnoꞌo rin nui,
te suni vi kotatnuni seꞌi nikuii nikani, nagua ni otatnuni maa ron.
13Te ni kaji Jitoꞌo yuku Sión,
chi yun ni kuini ya ja koo veꞌe nuu koo ya.
14Te ni kachi ya: Yaꞌa kuu nuu koo rin nikuii nikani ja ndatatu rin.
Yaꞌa kuu nuu koo rin, chi saa junkuaan ini maa rin.
15Te saꞌa vii saꞌa vaꞌa rin ñuu yaꞌa,
ja vi konevaꞌa kuaꞌa ndevaꞌa ron ja vi kokaa ron,
te suni vi konevaꞌa kuaꞌa ñayiu ka kundaꞌu xtaa ja vi kokai.
16Te skuiꞌnu rin sutu ron na kuinio in saꞌun ja vi kaku niꞌnu de,
te vi kokata ñayiu maa rin yaa ja ka kusii ini.
17Te yun saꞌa rin ja nana ndee in tee ndakui ja kotatnuni neꞌu ndikin tata David,
chi ja ni saꞌa tuaꞌa rin in ñuꞌu ja koyeꞌe nuu tee ni kaji rin.
18Te saꞌa rin ja vi kukanoo ndevaꞌa ñayiu ka kaꞌan uꞌu ña jin de,
su maa de, chi saꞌa rin ja yeꞌe tajan de jin tniuu kaꞌnu nee de.
Valið núna:
Salmos 132: xtnNTplus
Áherslumerki
Deildu
Afrita
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.