Proverbios 19
19
1Guaꞌa ka kuu ja kokuu ndaꞌuo su kokuo ñayiu ndaa,
masu ja kokuo ñayiu vasa, te kokaꞌon tnoꞌo tnoꞌo.
2Te suni masu vatuka kuu ja ma jinkuiꞌnu ini ñayiu nagua saꞌi,
chi nuu ja nuu ndevaꞌa ini ñayiu jin ja saꞌi, te saꞌa kueꞌi.
3Te ñayiu tu jini nagua saꞌi, chi skunaa ña jin nuu ichi jikai,
te saa suaꞌa mai kiti ini nuu Jitoꞌo.
4Ñayiu kuika, chi kaya kuaꞌa ñayiu ndeka tnaꞌa guaꞌa jin.
Su ñayiu ndaꞌu, chi vi ndee ñayiu ndeka tnaꞌa guaꞌa jin, ka xndendoo ña.
5Testiu tnoꞌo, ma kakui, chi tniuyaꞌui jin ja saꞌi,
te suni ma kaku ñayiu kaꞌan tnoꞌo tnoꞌo.
6Kuaꞌa ñayiu ka nduku ja na chituu ña ñayiu vaꞌa ini,
te ndiꞌi ñayiu ka kuini ja vi kondeka tnaꞌa guaꞌi jin ñayiu ka skutaꞌu ña.
7Ñayiu kundaꞌu, chi vi ndee ñani, te ka skexiko ña jin,
te viꞌi ka tu ñayiu ka ndeka tnaꞌa guaꞌa jin ja ma vi xndendoo ña.
Visi ndukui ja kaꞌin jin tnoꞌo vii ndevaꞌa, su tu nukuꞌun ñai,
chi ja kuaꞌankuei ñayiu yun.
8Na in niꞌi ja jinkuiꞌnu ini, te kutoi mai.
Te na in tavaꞌa ja ni kutuaꞌi yun, te niꞌi javaꞌa mai.
9Testiu tnoꞌo, ma kakui, chi tniuyaꞌui jin ja saꞌi.
Te ñayiu kaꞌan tnoꞌo tnoꞌo, chi nai.
10Masu vatuka kuu nuu ñayiu vasa ja konevaꞌi ja vii ndevaꞌa,
te vini in tee jinokuechi, chi masu vatuka kuu ja kotatnuni de nuu tee ka kuu nijaꞌnu.
11Ñayiu niꞌnu ini, chi kuekuee kiti ini,
te nuu ja jakaꞌnu ini taka jakueꞌe ka saꞌa ña jin, te niꞌi jayiñuꞌu.
12Ja kiti ini rey kuu na kuinio nuu kañu xeen ndikaꞌa.
Su jandiuxi ja saꞌa de kuu na kuinio yuyu ja jinkoso nuu ite.
13Seꞌe vasa, chi skunai ja nevaꞌa tatai,
te ñasiꞌi jinkuaan ini ja tee tnaꞌa kuu na kuinio in nuu jiꞌin ja chia jiꞌin te jiꞌin ni.
14Skutaꞌu ña tata veꞌe vi ndiꞌi jakuika nevaꞌa de ja saꞌa jajin seꞌe de.
Su in ñasiꞌi niꞌnu ini kuu in ñaꞌa ni skutaꞌu ña maa Jitoꞌo.
15Ja kuu kuꞌnduo saꞌa ja kaꞌan ndevaꞌo kusuon,
te ñayiu kuu kuxi ja satniuu, chi kokokin ndaꞌui.
16Te na in tavaꞌa tnoꞌo tatnuni ia Dios, te tavaꞌi mai nuu jakueꞌe.
Su ñayiu skexiko ichi ia Dios, te kui.
17Na in jiñaꞌa nuu, nuu ñayiu kundaꞌu, te nuu maa Jitoꞌo jiñaꞌa nui,
te ndatniuyaꞌu maa ya tniuu guaꞌa ja saꞌi yun.
18Nini oo ka kiuu ja kuu saꞌa ni, te kani ni seꞌe ni ja ndakanu ichi ndaa ni jin.
Su ma kani ndevaꞌa ni jin ja kui.
19Ñayiu kiti ini ndevaꞌa, chi tniuyaꞌu mai jin ja kiti ini yun.
Te nuu ja nduku ni ja skaku ni jin, te saa viꞌi ka kokuu.
20Konini ni tnoꞌo ka xteku ña jin ni, te kuantaꞌu ni nuu ka ndakanu ichi ndaa ña jin ni,
nagua ja saa, te kenta ni kokuu ni ñayiu ndichi nuu makunijaꞌnu ni.
21Kuakuaꞌa ja ndakani ini ñayiu ja saꞌi,
su maa ni nagua kuini maa Jitoꞌo kuu ja kuu saꞌi.
22Ja kusii ini ñayiu kuu ja kundaꞌu ini inka ñayiu,
te guaꞌa ka kuu ja kokuu ndaꞌui, masu ja kokui ñayiu tnoꞌo.
23Ja yuꞌu niꞌnu ñayiu Jitoꞌo jaka ña ja kotekui,
te ndatatu sii ini jin ya, te ma kakiꞌi ña jakueꞌe.
24Ñayiu kuꞌndu, chi skendaꞌi nuu koꞌo,
su ni ja tu tnai yuꞌi ja kai.
25Vi kani ña jin ñayiu kuasun ini, te jin yun vi jinkuiꞌnu ini ñayiu tu ka jini naxa vi saꞌi,
vi kuxeen ni nuu ñayiu jinkuiꞌnu ini, te na kuu ndichi kai.
26Suchi suꞌu ña jin tatai, te keneꞌe ndaꞌi nanai,
kuu in seꞌe ja jiñaꞌa jakanoo, te ka skexiko ña ñayiu jin.
27Konini tnoꞌo ja ka kaxtnoꞌo nuu ron, vi seꞌe,
te ma kujioo ron nuu tnoꞌo ndichi.
28Testiu kueꞌe ndevaꞌa, chi saꞌa kuasuin ñayiu saꞌa ndaa kuechi,
te ñayiu saꞌa neꞌe saꞌa yichi, chi ninoꞌo ni tnoꞌo kueꞌe kaꞌin.
29Te ja oo tuaꞌa nuu kiꞌinkuei ñayiu inu kuasun ini ja vi tniuyaꞌui ja ka saꞌi,
vi yoꞌo ja jino yata ñayiu vasa.
Valið núna:
Proverbios 19: xtnNTplus
Áherslumerki
Deildu
Afrita
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.