Isaías 63
63
Kiuu ja tetniuu ia Dios tnundoꞌo
1Te ka kachi ñayiu:
“¿Na in kuu ia vaji Bosra, ñuu ja tnii Edom, ja niꞌnu ya saꞌun kuaꞌa?
¿Na in kuu ia niꞌnu saꞌun vii ndevaꞌa yun
ja jika ya jin jandakui ndevaꞌa ya?”
Te kachi Jitoꞌo:
“Maa rin kuu ja kaꞌan ja sandaa rin,
te ndiso rin tniuu kaꞌnu ja skaku niꞌnu ña rin”.
2Te ka jikan tnoꞌo ñayiu:
“¿Te nau ja ni kuu kuakuaꞌa saꞌun niꞌnu ni
na kuinio saꞌun niꞌnu tee jaxin uva jin siꞌin de?”, ka jiñaꞌi.
3Te jiñaꞌa Jitoꞌo: “Maintnoꞌo maa rin kuu ja ni jain niꞌnu uva,
te tu na ñayiu ni in ñuu ja ni chituu ña jin rin.
Ni kiti ini ndevaꞌa rin jin ñayiu, te ni jain niꞌnu rin jin.
Ni jaxin vii rin jin jakiti ini xeen rin,
te ni yagua ndee niñi yun saꞌun rin,
te ni tiundee niñi yun nii saꞌun niꞌnu rin.
4Chi ja ni jani rin in kiuu ja tetniuu rin tnundoꞌo siki ñayiu kueꞌe,
te ja ni kenta kiuu ja skaku niꞌnu rin ñayiu ñuu rin.
5Ni ndiaꞌa rin nuu oo rin, te tu na in oo ja chituu ña jin rin.
Ni saꞌu kuii ini rin ja tu na yituu ña jin rin
te jin jandakui rin kuu ja ni kundee rin,
te ni yituu ña ja kiti ini rin jin rin.
6Te jin jakiti ini xeen rin, te ni jaxin vii rin ñayiu ndiꞌi ñuu,
te jin jakiti ini rin, te ni ndasini rin jin,
te ni jati rin niñi nuu ñuꞌu.”
Kundaꞌu ini ia Dios ñayiu Israel
7Ndakani san ja ni kundaꞌu ini ña Jitoꞌo,
te na vi katao yaa nuu ya ja vi saꞌa kaꞌnuo ya,
ja jaꞌa ndiꞌi ja ni saꞌa ya jion
vi jin kuaꞌa jaguaꞌa ja ni saꞌa ya jin ñayiu Israel ja kutoo ña ya,
vi ni kundaꞌu ndevaꞌa ini ña ya.
8Chi ni kachi ya: “Jandaa ndija ja ñayiu ñuo ka kui,
te ma vi xndaꞌu ñai”, ni kachi ya.
Te ni skaku niꞌnu ña ya.
9Te ndiꞌi ni jichi nuu ka kusuchi ini ñayiu, te tnaꞌu ini ya,
te ni tetniuu ya in ia jinokuechi ja oo nuu ya ja ni skaku niꞌnu ña,
chi ja kutoo ña ya vi ja kundaꞌu ini ña ya, te ni ndatau ña ya,
te ni ndoneꞌe ña ya, te ni jito ña ya ndiꞌi ni kiuu ndee jananaꞌa.
10Su ni ka kusoꞌo ñayiu nuu ya, te ni ka saꞌi ja ni kusuchi ini ya,
te yun kuu ja ni ka onee uꞌu tnaꞌi jin ya
te ni ndakoo maa ya ja ni ka jaxin tnaꞌa ya jin.
11Su ni ka ndakaꞌan ñayiu ñuu ya tiempu ndee janaꞌa,
na ni ndeneꞌe ña Moisés, te ka kachi:
“¿Ndenu oo ia Dios ja ni skaku niꞌnu ña ya jion vi jin Moisés nuu ndute mar,
tee ni ojito ña jin ñayiu?
¿Ndenu oo ia ni jiñaꞌa Espíritu ya nuu ñayiu yun,
12ia ni saꞌa ja yeꞌe tajan jakaꞌnu ya ni jika jin Moisés,
ia ni saꞌa ja ni teꞌnde sagua ndute mar jin nuu ñayiu ñuu ya,
nagua teku tnoꞌo ya nikuii nikani ja ia kaꞌnu kuu ya,
13ia ni saꞌa ja ni ka jika ñayiu ndee kaꞌa ndute mar?”
Su tu na ndee ni ka kachiꞌi jaꞌi, na kuinio in kuai ja kuaꞌan ti nuu ñuꞌu teꞌa.
14Te ni jito ni jini ña Espíritu Jitoꞌo,
na kuinio in isndiki ja ni nujino ti in yoso kaꞌnu ja kaa ti.
Saa ni jito ni jini ni ñayiu ñuu ni,
saa te ni teku tnoꞌo ni ja ia vii ndevaꞌa kuu ni.
Ka jikantaꞌu ñayiu nuu ia Dios ja chindee chituu ña ya
15Kondiaꞌa ni ndee andivi, ndee nuu ii nuu yeꞌe tajan ja oo ni, vi Jitoꞌo,
te kuni ni ja tu chituu ka ña ni. Chi ¿ndenu oo ja kutoo ña ni vi jakaꞌnu ni?
¿Nau ja tu ndiꞌni ka ni ja jaꞌa san?
¿A tu kundaꞌu ini ka ña ni jin in in san?
16Maa ni kuu tata yua san, visi tu jini ña Abraham jin san,
ni tu ndakuni ña Israel jin in in san.
Su tata yua san kuu maa ni, vi Jitoꞌo san,
te nikuii nikani ka kaꞌan san ja maa ni ni ndatau ña jin san.
17¿Te nau ja ni jandetu ni, vi Jitoꞌo san, ja ni ka kujioo san nuu ichi ni,
te ni saꞌa ndee ni ini anu san ja tu ka yuꞌu niꞌnu ña san?
Ndajiokuiin ni nuu ka oo san ja jaꞌa maa san ja ka jinokuechi san nuu ni,
vi tatatnoꞌo ja ka kuu san kuenta maa ni.
18Chi jin joo ni tiempu ni ka oo san ja ka kuu san ñayiu maa ni nuu ñuu ii ni,
te ni ka xnani ndiꞌi ñayiu ka kaꞌan uꞌu ña jin san veñuꞌu ni.
19Te vitna ka kuu san na kuinio ñayiu ja tu na ama tatnuni ni nuu san,
na kuinio ñayiu ja tu na ama ka ndakakuneꞌe san jin ni, vi Dios.
Valið núna:
Isaías 63: xtnNTplus
Áherslumerki
Deildu
Afrita
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
Isaías 63
63
Kiuu ja tetniuu ia Dios tnundoꞌo
1Te ka kachi ñayiu:
“¿Na in kuu ia vaji Bosra, ñuu ja tnii Edom, ja niꞌnu ya saꞌun kuaꞌa?
¿Na in kuu ia niꞌnu saꞌun vii ndevaꞌa yun
ja jika ya jin jandakui ndevaꞌa ya?”
Te kachi Jitoꞌo:
“Maa rin kuu ja kaꞌan ja sandaa rin,
te ndiso rin tniuu kaꞌnu ja skaku niꞌnu ña rin”.
2Te ka jikan tnoꞌo ñayiu:
“¿Te nau ja ni kuu kuakuaꞌa saꞌun niꞌnu ni
na kuinio saꞌun niꞌnu tee jaxin uva jin siꞌin de?”, ka jiñaꞌi.
3Te jiñaꞌa Jitoꞌo: “Maintnoꞌo maa rin kuu ja ni jain niꞌnu uva,
te tu na ñayiu ni in ñuu ja ni chituu ña jin rin.
Ni kiti ini ndevaꞌa rin jin ñayiu, te ni jain niꞌnu rin jin.
Ni jaxin vii rin jin jakiti ini xeen rin,
te ni yagua ndee niñi yun saꞌun rin,
te ni tiundee niñi yun nii saꞌun niꞌnu rin.
4Chi ja ni jani rin in kiuu ja tetniuu rin tnundoꞌo siki ñayiu kueꞌe,
te ja ni kenta kiuu ja skaku niꞌnu rin ñayiu ñuu rin.
5Ni ndiaꞌa rin nuu oo rin, te tu na in oo ja chituu ña jin rin.
Ni saꞌu kuii ini rin ja tu na yituu ña jin rin
te jin jandakui rin kuu ja ni kundee rin,
te ni yituu ña ja kiti ini rin jin rin.
6Te jin jakiti ini xeen rin, te ni jaxin vii rin ñayiu ndiꞌi ñuu,
te jin jakiti ini rin, te ni ndasini rin jin,
te ni jati rin niñi nuu ñuꞌu.”
Kundaꞌu ini ia Dios ñayiu Israel
7Ndakani san ja ni kundaꞌu ini ña Jitoꞌo,
te na vi katao yaa nuu ya ja vi saꞌa kaꞌnuo ya,
ja jaꞌa ndiꞌi ja ni saꞌa ya jion
vi jin kuaꞌa jaguaꞌa ja ni saꞌa ya jin ñayiu Israel ja kutoo ña ya,
vi ni kundaꞌu ndevaꞌa ini ña ya.
8Chi ni kachi ya: “Jandaa ndija ja ñayiu ñuo ka kui,
te ma vi xndaꞌu ñai”, ni kachi ya.
Te ni skaku niꞌnu ña ya.
9Te ndiꞌi ni jichi nuu ka kusuchi ini ñayiu, te tnaꞌu ini ya,
te ni tetniuu ya in ia jinokuechi ja oo nuu ya ja ni skaku niꞌnu ña,
chi ja kutoo ña ya vi ja kundaꞌu ini ña ya, te ni ndatau ña ya,
te ni ndoneꞌe ña ya, te ni jito ña ya ndiꞌi ni kiuu ndee jananaꞌa.
10Su ni ka kusoꞌo ñayiu nuu ya, te ni ka saꞌi ja ni kusuchi ini ya,
te yun kuu ja ni ka onee uꞌu tnaꞌi jin ya
te ni ndakoo maa ya ja ni ka jaxin tnaꞌa ya jin.
11Su ni ka ndakaꞌan ñayiu ñuu ya tiempu ndee janaꞌa,
na ni ndeneꞌe ña Moisés, te ka kachi:
“¿Ndenu oo ia Dios ja ni skaku niꞌnu ña ya jion vi jin Moisés nuu ndute mar,
tee ni ojito ña jin ñayiu?
¿Ndenu oo ia ni jiñaꞌa Espíritu ya nuu ñayiu yun,
12ia ni saꞌa ja yeꞌe tajan jakaꞌnu ya ni jika jin Moisés,
ia ni saꞌa ja ni teꞌnde sagua ndute mar jin nuu ñayiu ñuu ya,
nagua teku tnoꞌo ya nikuii nikani ja ia kaꞌnu kuu ya,
13ia ni saꞌa ja ni ka jika ñayiu ndee kaꞌa ndute mar?”
Su tu na ndee ni ka kachiꞌi jaꞌi, na kuinio in kuai ja kuaꞌan ti nuu ñuꞌu teꞌa.
14Te ni jito ni jini ña Espíritu Jitoꞌo,
na kuinio in isndiki ja ni nujino ti in yoso kaꞌnu ja kaa ti.
Saa ni jito ni jini ni ñayiu ñuu ni,
saa te ni teku tnoꞌo ni ja ia vii ndevaꞌa kuu ni.
Ka jikantaꞌu ñayiu nuu ia Dios ja chindee chituu ña ya
15Kondiaꞌa ni ndee andivi, ndee nuu ii nuu yeꞌe tajan ja oo ni, vi Jitoꞌo,
te kuni ni ja tu chituu ka ña ni. Chi ¿ndenu oo ja kutoo ña ni vi jakaꞌnu ni?
¿Nau ja tu ndiꞌni ka ni ja jaꞌa san?
¿A tu kundaꞌu ini ka ña ni jin in in san?
16Maa ni kuu tata yua san, visi tu jini ña Abraham jin san,
ni tu ndakuni ña Israel jin in in san.
Su tata yua san kuu maa ni, vi Jitoꞌo san,
te nikuii nikani ka kaꞌan san ja maa ni ni ndatau ña jin san.
17¿Te nau ja ni jandetu ni, vi Jitoꞌo san, ja ni ka kujioo san nuu ichi ni,
te ni saꞌa ndee ni ini anu san ja tu ka yuꞌu niꞌnu ña san?
Ndajiokuiin ni nuu ka oo san ja jaꞌa maa san ja ka jinokuechi san nuu ni,
vi tatatnoꞌo ja ka kuu san kuenta maa ni.
18Chi jin joo ni tiempu ni ka oo san ja ka kuu san ñayiu maa ni nuu ñuu ii ni,
te ni ka xnani ndiꞌi ñayiu ka kaꞌan uꞌu ña jin san veñuꞌu ni.
19Te vitna ka kuu san na kuinio ñayiu ja tu na ama tatnuni ni nuu san,
na kuinio ñayiu ja tu na ama ka ndakakuneꞌe san jin ni, vi Dios.
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.