Exodus 9
9
Niġrutit Tuquġaġmata
1Ataniq uqallaktuq Moses-mun, “Pharaoh-muglutin uqallautisaqtuġuŋ Atanġum, God-auruam Hebrew-guruanun, uqaluanik, ‘Aullaqtitkich iñugiratka, nanġautiqaġumaut uvamnun. 2Aullaqtitchuŋiḷġatalgitkupkich, 3tatavsaġniaġikpiñ argagma suaŋŋataagun naŋirrutiqpaniktillugich niġrutipayaatin—tuttuqpagnun, kakaktinun, pikukturuanun, pamiqsaanun, imnaiñun, suli nagrulignun. 4Aglaan nalunaiġñiaġiga allagiiktilaaŋiññik niġrutiŋich Israel-gum kiŋuvaaŋich Egypt-miuniñ, atausiuraq-unnii niġrutiŋat Israel-gum kiŋuvaaŋich tuquniaŋitchuq. 5Uvaŋa Atanġuruaŋa, inillagniaġiga uvlaakukpan tuquġaġviksraŋat niġrutit.’”
6Uvlaakumman Ataniq savaktuq uqallausimisun, aasii iluqaġmiŋ niġrutiŋich Egypt-miut tuquġaaŋarut, aglaan atausiuraq unnii niġrutaat Israel-gum kiŋuvaaŋich tuquŋaitchuq. 7Pharaoh-m tiligaich iñuni qimilġuyyaquvlugich aasii uqallautigaat nalliat unnii niġrutiŋisa Israel-gum kiŋuvaaŋich tuquŋiññivḷugich. Aglaan uqayunaiḷgitchuq, aullaqtinŋiḷgitkaich iñuich.
Ayuat
8Tavraasii Ataniq uqallaktuq Moses-mullu Aaron-mullu, “Tigusisaqtusik aġranik igniġvikpagmiñ; Moses-gum miḷuqsautigisigaich siḷamun sivuġaani Pharaoh-m. 9Siaminniaqtut iraġukisuuratun avyutun qulaagun iluqaan nunaŋata Egypt, aasii sumipayauraq ayuaqtuliġñiaqtut iñuiḷḷu niġrutillu kiḷḷiġsrualiqsuġlutiŋ aŋmaruanik.” 10#Rev 16.2.Tavra aġraksraŋaruk aasii makiłłutiŋ sivuġaanun Pharaoh-m; Moses-gum naluksautiŋagaich siḷamun, aasii ayuaġuŋarut aŋmavlutiŋ kiḷḷiġruaġuqłutiŋ iñugniḷu niġrutiniḷu. 11Aŋatkurguuq sivuġaanukkumiñaiñŋarut Moses-gum, qanukkii matuŋavlutiŋ ayuanik, Egypt-gum iñupayauraŋisun. 12Aglaan Atanġum uqayunaiqsinniġaa Pharaoh, Atanġum uqallausiatun, Pharoah-m naalaġnisuŋiñŋagaik Moses-lu Aaron-lu.
Natatquġnat
13Ataniq tavra uqallaktuq Moses-mun, “Uvlaaku uvlaatchaurami kasuġumagiñ Pharaoh aasii uqallautilugu, Ataniq God-auruaq Hebrew-guruanun uqallagniḷugu inna, ‘Aullaqtitkich iñugiratka, nanġaġumagaanŋa. 14Taaptumani iḷuirrutiqpaich tatavsautiginiaġitka atanaurałhiñaŋiḷaatin iñutin suli, aglaan tatavsaġniaġmigikpiñ ilvich, iḷisimayumautin allamik piqaŋisilaaŋanik uvaptun ittuamik nunapayaami. 15Argaga isaaġutilugu anauŋagupkiñ iñugiratillu naŋirrutinik, tamatkiġḷusi suksraunġiqsauŋanayaqtusi. 16#Ro 9.17.Aglaan iñuupkaġivsi iḷitchuġitquvługich iñupayaat suaŋŋatimnik suli Atiġa siamitautquvlugu iluqaani nunami. 17Naaggasuliuvva sivunmuurutin arguaŋavlutin aullaqtitchuŋitkapkich iñugiratka. 18Innaiḷikpauŋ uvlaaku natatquġnaqtinniaġiga atqunaġlugu, Egypt-gum qaŋaunnii iḷisimaŋaisaŋanik. 19Piraksriigguiñ pamiqsaasi suli sunapayaaq siḷami asiñiittuaq anayanaitchuamuqulugich. Natatquġnat katagniaqtut iñugnullu niġrutinullu aniiqsuanun uqqisimaŋitchuanun, aasii iluqaġmiŋ tuquniaqtut.’” 20Iḷaŋich Pharaoh-m atanauraŋich iqsiḷiŋarut pisigivlugu Atanġum uqallautaa, tainnamik kivgatiglu niġrutitiglu qilamik isiqtitaŋagaich. 21Allat aglaan suqutigiŋiñŋagaat Atanġum kiliktuutaa aasii kivgatiŋ suli niġrutitiŋ siḷamiitiłługich.
22Tavraasii Ataniq uqallaktuq Moses-mun, “Isaaġuttuuŋ argaiñ tuŋaanun qiḷaum, aasii natatquġnat katagniaqtut iluqaanun iñugnun, niġrutinun, suli naupayaaqtuanun Egypt-nunaŋani.” 23Tavra Moses-gum isaaġutiŋagaa ayauppiani tuŋaanun qiḷaum, aasii Atanġum kallulapkaŋagaa suli natatquġnat katagaaŋarut, igniġuuqpatitaŋaruq nunamuaglaan. 24#Rev 8.7; 16.21.Natatqut kataŋarut atqunaq, suli igniġuuqpatitaqłuni qaŋaunnii tautuŋaisaŋatun Egypt-mi. 25Iluqaan Egypt naasaaqługu natatquġnat kataŋarut supayauranun aniiqsuanun, iñupayauranullu niġrutipayauranullu. Maqułługisuli iluqaisa nauruapayaat nunaniittuat suli navguqługich iluqaisa napaaqtut. 26Nunaŋa Goshen, Israel-gum kiŋuvaaŋich iñuuniaġviat, kisimitualuk aksiaŋaitkaat natatquġnat.
27Pharaoh-m qaitquniġaik Moses-lu Aaron-lu aasii uqallakłuni, “Uvva tavrani piḷuusiqiŋaruŋa; Ataniq nalaunŋaruaguruq, iñutkalu uvaŋalu patchisaurugut. 28Aŋaiyyuiñ Ataniġmun! Kalluutiqpaanikkaatigut suli natatquġnanik! Unniqsuqłiiruŋa aullaqtinniaġivsi; maaniittuksrauŋaiqsusi.”
29Moses-gum uqallautigaa, “Anianipqauraġuma nunaaqqimiñ, isaaġutilugich argatka aŋaiyyuniaqtuŋa Ataniġmun. Kalluŋaiġñiaqtuq, suli natatquġnat kataŋaiġñiaqtut, iḷitchuġiyumautin nuna manna pigitilaaŋanik Ataniġmun. 30Aglaan uvva iḷisimaruŋa ilviḷḷu atanauraqpiḷḷu iqsigiŋitkiksisuli Ataniq God-auruaq.”
31Natatquqpagman nauriat annuġaaliuġviksrat suli punniliuġutiksrat maquŋarut, uvvakii naulġataviksuat nalaułługich. 32Aglaan allat palauvaksrat maqutauŋaiññiqsut nauganiŋaił̣ł̣utiŋ, aquvatigun nalautitchuuvlutiŋ.
33Moses-gum uniñŋagaa Pharaoh, anivḷuni nunaaqqimiñ, aasii isaaġutivlugik argagni aŋaiyyuvluni Ataniġmun. Kalluglu, natatquġnallu, sialukpaktuaġlu, iluqaġmiŋ nutqaŋarut. 34Pharaoh-m tautukkamiuŋ nalautittuaq piḷuusiqivsaalgitchuq. Ilaalu atanauraniḷu uqayunaiḷgitchut, 35tavraasi Pharaoh-m aullaqtitchuŋitkaich Israel-gum kiŋuvaaŋich Atanġum sivuani uqausiatun Moses-kuaqłuni.
Valið núna:
Exodus 9: INUPIAQ
Áherslumerki
Deildu
Afrita
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
Exodus 9
9
Niġrutit Tuquġaġmata
1Ataniq uqallaktuq Moses-mun, “Pharaoh-muglutin uqallautisaqtuġuŋ Atanġum, God-auruam Hebrew-guruanun, uqaluanik, ‘Aullaqtitkich iñugiratka, nanġautiqaġumaut uvamnun. 2Aullaqtitchuŋiḷġatalgitkupkich, 3tatavsaġniaġikpiñ argagma suaŋŋataagun naŋirrutiqpaniktillugich niġrutipayaatin—tuttuqpagnun, kakaktinun, pikukturuanun, pamiqsaanun, imnaiñun, suli nagrulignun. 4Aglaan nalunaiġñiaġiga allagiiktilaaŋiññik niġrutiŋich Israel-gum kiŋuvaaŋich Egypt-miuniñ, atausiuraq-unnii niġrutiŋat Israel-gum kiŋuvaaŋich tuquniaŋitchuq. 5Uvaŋa Atanġuruaŋa, inillagniaġiga uvlaakukpan tuquġaġviksraŋat niġrutit.’”
6Uvlaakumman Ataniq savaktuq uqallausimisun, aasii iluqaġmiŋ niġrutiŋich Egypt-miut tuquġaaŋarut, aglaan atausiuraq unnii niġrutaat Israel-gum kiŋuvaaŋich tuquŋaitchuq. 7Pharaoh-m tiligaich iñuni qimilġuyyaquvlugich aasii uqallautigaat nalliat unnii niġrutiŋisa Israel-gum kiŋuvaaŋich tuquŋiññivḷugich. Aglaan uqayunaiḷgitchuq, aullaqtinŋiḷgitkaich iñuich.
Ayuat
8Tavraasii Ataniq uqallaktuq Moses-mullu Aaron-mullu, “Tigusisaqtusik aġranik igniġvikpagmiñ; Moses-gum miḷuqsautigisigaich siḷamun sivuġaani Pharaoh-m. 9Siaminniaqtut iraġukisuuratun avyutun qulaagun iluqaan nunaŋata Egypt, aasii sumipayauraq ayuaqtuliġñiaqtut iñuiḷḷu niġrutillu kiḷḷiġsrualiqsuġlutiŋ aŋmaruanik.” 10#Rev 16.2.Tavra aġraksraŋaruk aasii makiłłutiŋ sivuġaanun Pharaoh-m; Moses-gum naluksautiŋagaich siḷamun, aasii ayuaġuŋarut aŋmavlutiŋ kiḷḷiġruaġuqłutiŋ iñugniḷu niġrutiniḷu. 11Aŋatkurguuq sivuġaanukkumiñaiñŋarut Moses-gum, qanukkii matuŋavlutiŋ ayuanik, Egypt-gum iñupayauraŋisun. 12Aglaan Atanġum uqayunaiqsinniġaa Pharaoh, Atanġum uqallausiatun, Pharoah-m naalaġnisuŋiñŋagaik Moses-lu Aaron-lu.
Natatquġnat
13Ataniq tavra uqallaktuq Moses-mun, “Uvlaaku uvlaatchaurami kasuġumagiñ Pharaoh aasii uqallautilugu, Ataniq God-auruaq Hebrew-guruanun uqallagniḷugu inna, ‘Aullaqtitkich iñugiratka, nanġaġumagaanŋa. 14Taaptumani iḷuirrutiqpaich tatavsautiginiaġitka atanaurałhiñaŋiḷaatin iñutin suli, aglaan tatavsaġniaġmigikpiñ ilvich, iḷisimayumautin allamik piqaŋisilaaŋanik uvaptun ittuamik nunapayaami. 15Argaga isaaġutilugu anauŋagupkiñ iñugiratillu naŋirrutinik, tamatkiġḷusi suksraunġiqsauŋanayaqtusi. 16#Ro 9.17.Aglaan iñuupkaġivsi iḷitchuġitquvługich iñupayaat suaŋŋatimnik suli Atiġa siamitautquvlugu iluqaani nunami. 17Naaggasuliuvva sivunmuurutin arguaŋavlutin aullaqtitchuŋitkapkich iñugiratka. 18Innaiḷikpauŋ uvlaaku natatquġnaqtinniaġiga atqunaġlugu, Egypt-gum qaŋaunnii iḷisimaŋaisaŋanik. 19Piraksriigguiñ pamiqsaasi suli sunapayaaq siḷami asiñiittuaq anayanaitchuamuqulugich. Natatquġnat katagniaqtut iñugnullu niġrutinullu aniiqsuanun uqqisimaŋitchuanun, aasii iluqaġmiŋ tuquniaqtut.’” 20Iḷaŋich Pharaoh-m atanauraŋich iqsiḷiŋarut pisigivlugu Atanġum uqallautaa, tainnamik kivgatiglu niġrutitiglu qilamik isiqtitaŋagaich. 21Allat aglaan suqutigiŋiñŋagaat Atanġum kiliktuutaa aasii kivgatiŋ suli niġrutitiŋ siḷamiitiłługich.
22Tavraasii Ataniq uqallaktuq Moses-mun, “Isaaġuttuuŋ argaiñ tuŋaanun qiḷaum, aasii natatquġnat katagniaqtut iluqaanun iñugnun, niġrutinun, suli naupayaaqtuanun Egypt-nunaŋani.” 23Tavra Moses-gum isaaġutiŋagaa ayauppiani tuŋaanun qiḷaum, aasii Atanġum kallulapkaŋagaa suli natatquġnat katagaaŋarut, igniġuuqpatitaŋaruq nunamuaglaan. 24#Rev 8.7; 16.21.Natatqut kataŋarut atqunaq, suli igniġuuqpatitaqłuni qaŋaunnii tautuŋaisaŋatun Egypt-mi. 25Iluqaan Egypt naasaaqługu natatquġnat kataŋarut supayauranun aniiqsuanun, iñupayauranullu niġrutipayauranullu. Maqułługisuli iluqaisa nauruapayaat nunaniittuat suli navguqługich iluqaisa napaaqtut. 26Nunaŋa Goshen, Israel-gum kiŋuvaaŋich iñuuniaġviat, kisimitualuk aksiaŋaitkaat natatquġnat.
27Pharaoh-m qaitquniġaik Moses-lu Aaron-lu aasii uqallakłuni, “Uvva tavrani piḷuusiqiŋaruŋa; Ataniq nalaunŋaruaguruq, iñutkalu uvaŋalu patchisaurugut. 28Aŋaiyyuiñ Ataniġmun! Kalluutiqpaanikkaatigut suli natatquġnanik! Unniqsuqłiiruŋa aullaqtinniaġivsi; maaniittuksrauŋaiqsusi.”
29Moses-gum uqallautigaa, “Anianipqauraġuma nunaaqqimiñ, isaaġutilugich argatka aŋaiyyuniaqtuŋa Ataniġmun. Kalluŋaiġñiaqtuq, suli natatquġnat kataŋaiġñiaqtut, iḷitchuġiyumautin nuna manna pigitilaaŋanik Ataniġmun. 30Aglaan uvva iḷisimaruŋa ilviḷḷu atanauraqpiḷḷu iqsigiŋitkiksisuli Ataniq God-auruaq.”
31Natatquqpagman nauriat annuġaaliuġviksrat suli punniliuġutiksrat maquŋarut, uvvakii naulġataviksuat nalaułługich. 32Aglaan allat palauvaksrat maqutauŋaiññiqsut nauganiŋaił̣ł̣utiŋ, aquvatigun nalautitchuuvlutiŋ.
33Moses-gum uniñŋagaa Pharaoh, anivḷuni nunaaqqimiñ, aasii isaaġutivlugik argagni aŋaiyyuvluni Ataniġmun. Kalluglu, natatquġnallu, sialukpaktuaġlu, iluqaġmiŋ nutqaŋarut. 34Pharaoh-m tautukkamiuŋ nalautittuaq piḷuusiqivsaalgitchuq. Ilaalu atanauraniḷu uqayunaiḷgitchut, 35tavraasi Pharaoh-m aullaqtitchuŋitkaich Israel-gum kiŋuvaaŋich Atanġum sivuani uqausiatun Moses-kuaqłuni.
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)