DANGYASARAO 15
15
Jerusalem ni mel
1Sereba subung Judai raji ni phrang phai hi, Moses ni dara ha dongba lai nisi jogai bujuh rasoma khlaiya thikhade, sogoma khe maiphu nang niya, thihi daphlungrao khe bonsi sling ri ba. 2Paul jang Barnaba, bonsi jang nam khormo jahi ode niyalai hi bonsi grao banglai bani, bonsi ni bising ha sereba subung ebo grao ni balam ha Jerusalem ha Apostolrao ode khraorao niha thang mane bonsi nepha ba.
3Longjom jang bonsi degar hi, bonsi Jentailrao khe khah phin mani balam ni grao khe thipha lang hi Phoiniki raji ode Samari raji ha sothar kha, odehe, khrip daphlung hamsi ning khaja lai ba. 4Jerusalem ha bonsi sohiba jang, longjomrao, dangyasarao, ode khraorao bonsi khaja ba. Ode Madai bonsi khe yaowai hi khusi dangyaba khrip khe bonsi sainthi ba. 5Thikhabo, Pharisai dolni lonyarao sereba baija hi thi ba, Jentailrao jogai bujuh rasoma khlai ma nang ma se, Moses ni dara khe mani mane hukhum ri ma nang du, bonsi ode thi ba.
6Apostolrao jang khraorao bo grao khe bisar khlai mane khlai hi bonsi bojom ja ba. 7Bonsi gabang grao banglai bani yaohon ha, Peter baija hi, bonsi niha, Daphlungrao, Jentailrao ning ani khuh ni phrang hamba graojma khna hi lon mani khlai hi, Madai ning sagang ha nisi ni bising ni phrang bo a ne nephaba khe nisi tharmai kha. 8Ode, khah mithiyaba Madai, jinthane bo riba lai ning, Bese Gathar bonsi ni ha bo rijao hi, bonsi ni basao ha bo khaja du thihi bonsi sakhi ri du; 9bonsi jang jing khe naidao naiyadao jaya hi lonma jang bonsi ni khah khe bo gathar khlai kha. 10Ode thikhala, jini phagrarao jang jing horphuyaba jowal khe lonyarao ni basao ha dengma bao hi snadi jabani Madai ni gyan khe nisi nai nai ba? 11Bonsi lon ba lai ning jing bo Gabra Jisu ni khasaoma jang goma mai mane jing lon ba se. ode bo thi ba.
12Boha khrip subung buthu phirik phirik jahi Barnaba jang Paul khe Madai ning bonsi khe yaowai hi sin buthu jang gmang thaosisiyaba buthu khe Jentailrao ni bising ha dong hi sainthi du si de bonsini grao khe bonsi khna ba. 13Bonsi thiblai bani yaohon ha, Jakob song hi thi ba, O daphlungrao, ani grao khe khna lah, 14Madai ning sagang ha jarni bumu lama ne khlai hi bonsini bising ni phrang bo jarni subung buthu khe khaikho mane khlai hi Jentailrao phai bani grao khe Simon ning sainthi kha. 15Bo buthu grao jang gorasalirao ni grao mili du:
16Eboni yaohon ha se ang phaiphin hi
David ni khepsa baiyaba khe slamphin ma,
Bo hamyayaba khrip khe bo
ang hamsisi slamphin ma.
17Odebani, gibin jadi, Jentailrao khrip ani bumu khe jirikyarao,
Gabra khe smai mane khlaihi khepsa khe songkhu ma.
18Ebo grao buthu khe ning Gabra, habsao jenba ni phrang khna rihi phaiba se, thihi Gabra thi du.
19Odebani, ang elei bisar khlai du; Jentail raoni bising ha Madai ni gede naiphinyarao khe dukhu riya hi, 20saokhuli ne riyaba jinis gusu khe jiyaba buthu, gaori-gaora jayaba ni balam buthu, gorna derthaiyaba mih ni mogong jiyaba buthu, odehe bithi lingyaba buthu ni phrang gajain dongmane khlaihi bonsi niha reb ba khe se jing nangjao ba. 21Bede thikhade, Moses gda ha ning khrip nolei noleiha boni dara ni balam ha sainthi hi sunagog buthu ha lenggo basain sophai kha ning sainthi re, bo ode thi ba.
Jentail lonyarao ni laijma
22Odehe, yaohon rikphayarao khrip longjomkhoh ni khraorao jang, bonsini dol ni subung khe saikho hi, Paul jang Barnaba jang baosi Antiokei ha haiha mane bao ba. Bonsi saikhoyarao ni bumu de Juda, Barsabba thiyaba, ar Silas se. Bonsi lonyarao ni bising ha man-gnang ar jadaoyaba se. 23Odehe, bonsini yao ha ede reb hi bonsi haiha ba,
Jing Apostolrao, khraorao ode daphlungrao ning Antiokei ha, Suria raji ha, Kilikia raji ha, Jentail daphlung dongyarao khe juthai khlim ha du. 24Jini dolni bisingni sereba subung oraha thanghi nisi khe jarni grao jang khin ri ba, ode nisi khe khah waimu nang riba thihi jing khna ba, thikhabo jing bonsi khe musibo saniya. 25Odebani, jing graosi jahi gibi jang buji hi saikhoyaba subung buthu khe Paul jang Barnaba khe nisi niha jing haiha ba se. 26Gabra Jisu Krista ni bumu ni khlai hi jarni hang khe bisar khlaiyayaba bonsi jang baosi subung saikho hi nisi niha haiha ba ham nang thihi jing tharmai du. 27Odebani se, Juda jang Sila khe jing haiha ba, bonsi bo ebo grao khe ning nisi khe thima se. 28Bese Gathar jang jing khe, ebo grao nangyayaba bubain khe de nisi jarni basaoha dengya kha de ham nang thihi jing thi du. 29Saokhuli khe biyaba mogong da ji lah, ar bithi da ji lah, ar mih ni gorna derphai hi sthaiyaba ni bahain bo da ji lah. Ebo buthu khe nisi haiger kha de, nisini khlai hi ham nang. Hamsisi dong lah.
30Bonsi haijaoyaba buthu Antiokei ha thang la kha. Boha sohiba ha, subung buthu khe bonsi longthim hi, laisi khe bonsi yaopha kha. 31Subung buthu bokhe phuri blai hi, bonsi hamsi ning khaja kha, bede thikhade, bo laisi bonsi khe sibring kha. 32Juda jang Sila de gorasali se bani, grao gabang jang bonsi khe sibring hi rao ri ba. 33Oraha bonsi budu galao dongbani yaohon ha, bonsi khe haihayarao niha haiphin ha mane khlai hi daphlungrao khe bonsi santi jang haiphin kha. 34(Thikhabo, Sila thiyaba de oraha ning dongsong ma bao ba).
35Paul jang Barnaba gabang gibin subung jang baosi Antiokei ha ning Gabra slingriyaba grao khe sainthi hi dongthao ba.
Paul jang Barnaba degao laiba
36Khaisa basain ni yaohon ha, Paul, Barnaba niha thi ba, Duha thangphin hi, khrip nolei ha Gabrani grao khe jing khna riyaba si ha, daphlung dongyarao niha thangpha lang hi, bonsini dongthai khe jing naipha lang nang. 37Boha Barnaba de Johan (Marka thiyaba khe) bonsi niha langphama bao ba, thikhabo Paul de bonsi niha bo langphama nangjaoya. 38Bede thikhade, bonsi khusi dangpha laiba ha, bo bonsi jang baosi thangphaya hi, Pamphulia ha bo khe dangkhlai kha. 39Odebani, hamsi ning bonsi niyalai hi, bonsi degao lai kha. Barnaba, Mark khe jar jang baosi langpha hi, Kupra hahgojo gede rung jang thangla kha. 40Paul, Sila khe saikho hi, daphlungrao ne Gabrani khasaoma khe bonsine deng ribani yaohon ha bo thangla kha. 41Longjomrao khe rao ripha langhi Suria jang Kilikia raji ha bo thang pha lang kha.
Valið núna:
DANGYASARAO 15: DIMASBSI
Áherslumerki
Deildu
Afrita
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.
DANGYASARAO 15
15
Jerusalem ni mel
1Sereba subung Judai raji ni phrang phai hi, Moses ni dara ha dongba lai nisi jogai bujuh rasoma khlaiya thikhade, sogoma khe maiphu nang niya, thihi daphlungrao khe bonsi sling ri ba. 2Paul jang Barnaba, bonsi jang nam khormo jahi ode niyalai hi bonsi grao banglai bani, bonsi ni bising ha sereba subung ebo grao ni balam ha Jerusalem ha Apostolrao ode khraorao niha thang mane bonsi nepha ba.
3Longjom jang bonsi degar hi, bonsi Jentailrao khe khah phin mani balam ni grao khe thipha lang hi Phoiniki raji ode Samari raji ha sothar kha, odehe, khrip daphlung hamsi ning khaja lai ba. 4Jerusalem ha bonsi sohiba jang, longjomrao, dangyasarao, ode khraorao bonsi khaja ba. Ode Madai bonsi khe yaowai hi khusi dangyaba khrip khe bonsi sainthi ba. 5Thikhabo, Pharisai dolni lonyarao sereba baija hi thi ba, Jentailrao jogai bujuh rasoma khlai ma nang ma se, Moses ni dara khe mani mane hukhum ri ma nang du, bonsi ode thi ba.
6Apostolrao jang khraorao bo grao khe bisar khlai mane khlai hi bonsi bojom ja ba. 7Bonsi gabang grao banglai bani yaohon ha, Peter baija hi, bonsi niha, Daphlungrao, Jentailrao ning ani khuh ni phrang hamba graojma khna hi lon mani khlai hi, Madai ning sagang ha nisi ni bising ni phrang bo a ne nephaba khe nisi tharmai kha. 8Ode, khah mithiyaba Madai, jinthane bo riba lai ning, Bese Gathar bonsi ni ha bo rijao hi, bonsi ni basao ha bo khaja du thihi bonsi sakhi ri du; 9bonsi jang jing khe naidao naiyadao jaya hi lonma jang bonsi ni khah khe bo gathar khlai kha. 10Ode thikhala, jini phagrarao jang jing horphuyaba jowal khe lonyarao ni basao ha dengma bao hi snadi jabani Madai ni gyan khe nisi nai nai ba? 11Bonsi lon ba lai ning jing bo Gabra Jisu ni khasaoma jang goma mai mane jing lon ba se. ode bo thi ba.
12Boha khrip subung buthu phirik phirik jahi Barnaba jang Paul khe Madai ning bonsi khe yaowai hi sin buthu jang gmang thaosisiyaba buthu khe Jentailrao ni bising ha dong hi sainthi du si de bonsini grao khe bonsi khna ba. 13Bonsi thiblai bani yaohon ha, Jakob song hi thi ba, O daphlungrao, ani grao khe khna lah, 14Madai ning sagang ha jarni bumu lama ne khlai hi bonsini bising ni phrang bo jarni subung buthu khe khaikho mane khlai hi Jentailrao phai bani grao khe Simon ning sainthi kha. 15Bo buthu grao jang gorasalirao ni grao mili du:
16Eboni yaohon ha se ang phaiphin hi
David ni khepsa baiyaba khe slamphin ma,
Bo hamyayaba khrip khe bo
ang hamsisi slamphin ma.
17Odebani, gibin jadi, Jentailrao khrip ani bumu khe jirikyarao,
Gabra khe smai mane khlaihi khepsa khe songkhu ma.
18Ebo grao buthu khe ning Gabra, habsao jenba ni phrang khna rihi phaiba se, thihi Gabra thi du.
19Odebani, ang elei bisar khlai du; Jentail raoni bising ha Madai ni gede naiphinyarao khe dukhu riya hi, 20saokhuli ne riyaba jinis gusu khe jiyaba buthu, gaori-gaora jayaba ni balam buthu, gorna derthaiyaba mih ni mogong jiyaba buthu, odehe bithi lingyaba buthu ni phrang gajain dongmane khlaihi bonsi niha reb ba khe se jing nangjao ba. 21Bede thikhade, Moses gda ha ning khrip nolei noleiha boni dara ni balam ha sainthi hi sunagog buthu ha lenggo basain sophai kha ning sainthi re, bo ode thi ba.
Jentail lonyarao ni laijma
22Odehe, yaohon rikphayarao khrip longjomkhoh ni khraorao jang, bonsini dol ni subung khe saikho hi, Paul jang Barnaba jang baosi Antiokei ha haiha mane bao ba. Bonsi saikhoyarao ni bumu de Juda, Barsabba thiyaba, ar Silas se. Bonsi lonyarao ni bising ha man-gnang ar jadaoyaba se. 23Odehe, bonsini yao ha ede reb hi bonsi haiha ba,
Jing Apostolrao, khraorao ode daphlungrao ning Antiokei ha, Suria raji ha, Kilikia raji ha, Jentail daphlung dongyarao khe juthai khlim ha du. 24Jini dolni bisingni sereba subung oraha thanghi nisi khe jarni grao jang khin ri ba, ode nisi khe khah waimu nang riba thihi jing khna ba, thikhabo jing bonsi khe musibo saniya. 25Odebani, jing graosi jahi gibi jang buji hi saikhoyaba subung buthu khe Paul jang Barnaba khe nisi niha jing haiha ba se. 26Gabra Jisu Krista ni bumu ni khlai hi jarni hang khe bisar khlaiyayaba bonsi jang baosi subung saikho hi nisi niha haiha ba ham nang thihi jing tharmai du. 27Odebani se, Juda jang Sila khe jing haiha ba, bonsi bo ebo grao khe ning nisi khe thima se. 28Bese Gathar jang jing khe, ebo grao nangyayaba bubain khe de nisi jarni basaoha dengya kha de ham nang thihi jing thi du. 29Saokhuli khe biyaba mogong da ji lah, ar bithi da ji lah, ar mih ni gorna derphai hi sthaiyaba ni bahain bo da ji lah. Ebo buthu khe nisi haiger kha de, nisini khlai hi ham nang. Hamsisi dong lah.
30Bonsi haijaoyaba buthu Antiokei ha thang la kha. Boha sohiba ha, subung buthu khe bonsi longthim hi, laisi khe bonsi yaopha kha. 31Subung buthu bokhe phuri blai hi, bonsi hamsi ning khaja kha, bede thikhade, bo laisi bonsi khe sibring kha. 32Juda jang Sila de gorasali se bani, grao gabang jang bonsi khe sibring hi rao ri ba. 33Oraha bonsi budu galao dongbani yaohon ha, bonsi khe haihayarao niha haiphin ha mane khlai hi daphlungrao khe bonsi santi jang haiphin kha. 34(Thikhabo, Sila thiyaba de oraha ning dongsong ma bao ba).
35Paul jang Barnaba gabang gibin subung jang baosi Antiokei ha ning Gabra slingriyaba grao khe sainthi hi dongthao ba.
Paul jang Barnaba degao laiba
36Khaisa basain ni yaohon ha, Paul, Barnaba niha thi ba, Duha thangphin hi, khrip nolei ha Gabrani grao khe jing khna riyaba si ha, daphlung dongyarao niha thangpha lang hi, bonsini dongthai khe jing naipha lang nang. 37Boha Barnaba de Johan (Marka thiyaba khe) bonsi niha langphama bao ba, thikhabo Paul de bonsi niha bo langphama nangjaoya. 38Bede thikhade, bonsi khusi dangpha laiba ha, bo bonsi jang baosi thangphaya hi, Pamphulia ha bo khe dangkhlai kha. 39Odebani, hamsi ning bonsi niyalai hi, bonsi degao lai kha. Barnaba, Mark khe jar jang baosi langpha hi, Kupra hahgojo gede rung jang thangla kha. 40Paul, Sila khe saikho hi, daphlungrao ne Gabrani khasaoma khe bonsine deng ribani yaohon ha bo thangla kha. 41Longjomrao khe rao ripha langhi Suria jang Kilikia raji ha bo thang pha lang kha.
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.