DANGYASARAO 13
13
Barnaba jang Saul khe saikho ba
1Antiokei ha longjomrao ni bising ha ning grao sainthiyarao ode slingriyarao dong ba, bonsi Barnaba thu, Simeon, bonsi Niger thijaoyaba thu, Kurini nolei ni Lukia thu, Raja Herod ni daphlung Manaina thu, Saul thu se. 2Bonsi Gabra ni khusi dang hi, hoh khongja dongba ha, Bese Gathar jang, Barnaba jang Saul khe anthane khlai hi, ang saniba lai khusi dang mane, gibin khlai ha, thiba. 3Odebani, hoh khongja donghi, bonsi Madai bi blai bani yaohon ha bonsi ni basao ha yao deng hi bonsi khe haiha kha.
Kupra ha grao sainthi jenyaba
4Odebani, Bese Gathar haijao hi, bonsi thangla kha. Selukai nolei ha thang hi, oraha ni phrang Kupra hahgojo ha rung jang bonsi thang kha. 5Salamis nolei ha bonsi sohi dada, Juda bojom jayaba noh buthu ha Madai ni grao khe bonsi sainthi ba; Johan khebo bonsi ni khusi dang mani khlai hi langpha ba.
6Odehe, bo hahgojo ha Paphos sosi bonsi thangpha lang hi, mosol gorasali, Juda subung saosi khe nu ba, boni bumu de Bar Jisu. 7Bo de Rajani baslai ha khamyaba, Serjia Paula, subung girikyaba niha dongyaba se. Bo Rajani baslai ha khamyaba ning Barnaba jang Saul khe long hi, Madai ni grao khe khna ma nangjao ma. 8Thikhabo, Elum (Bar Jisu ni gibin bumu, boni ortho de montro ringba thiyaba se) Raja ni baslai ha khamyaba khe lon riya mane baohi, bonsi jang niya lai ba. 9Boha Saul, Paul thiyaba, Bese Gathar jang gablai hi bokhe naipha hi thi ba, 10Ning subung thokhiyaba jang rege rege khrip ha gablaiyaba, Soithan ni basa, ning khrip jadi ha hamba giriyaba, ning Gabra ni lama belengyaba khe gugui khlai mane haigerya na? 11Duha mithi lah, Gabra ni yao nini basao ha galai hi, nini muthai gana ja nang; ode, sain khe nu nang niya kha, bo ode thi ba.
Srap khlai hi andar jang jimi boni basao ha galai kha, bokhe yao rem mane smai kha. 12Raja ni baslai ha khamyaba, bo sophaiya ba jathai khe nuba jang, Gabra slingriyaba grao khe hamsi ning gmang hi lon kha.
Pisidia raji ni Antiokei ha grao sainthi ba
13Paul de boni lugurao jang boha Paphos ni phrang rung ha thang hi, Pamphulia raji ni Perga thiyaba ha sohi kha; ode, Johan de bonsi khe dangkhlai lang hi Jerusalem ha bo thangphin la kha. 14Thikhabo, bonsi Perga ni phrang thangpha lang hi, Pisidia raji ni Antiokei ha sohi kha; ode, lenggo basain ha bojom jayaba noh ha hap hi bonsi kham ba. 15Odehe, Dara ni laisi jang Gorasalirao ni laisi phuri blai hi, bojom jayaba ni hojarao niha subung haiha hi sing ba, Daphlungrao, subung buthu sibring mani nisi niha dong kha de, nisi thi lah, bonsi ode thi ba. 16Paul songkhu hi, yao sip hi thi ba,
Israel subung buthu ode Madai khe khinyarao, khna lah, 17Israel buthu ni Madai ning jini greng buthu khe saikho hi, Egypt raji ha bonsi naorai jahi dong ba, oraha ni phrang Madai ni yao ni bol jang langthar kha. 18Nokha maithai jang bisagin sosi hajengling ha bonsi khusi dangyaba buthu khe bo nai hi ning dong ba. 19Kanaan raji ha jadi sni ni subung buthu khe sjam blai bani yaohon ha, nokha maithai jang rjabri gejer ni bising ha bonsi ni raji khe ning lala mane khlai hi bo ronpha lang ba. 20Ebo khrip nokha maithai jang rjabri gejer nang ba. Ebo ni yaohon ha se gorasali Samuel ni bubli sosi bonsi ni bisardarrao ne bo nepha ba. 21Boni yaohon ha, bonsi Raja sain ba; odebani, Madai ning Saul, Kis thiyaba ni basa, Benjamin sengphong ni subung khe bonsi ne Raja slam ri kha. 22Bokhe nekhao bani yaohon ha se, bonsi ni Raja ne khlai hi David khe Raja slam ba. Madai ning jarni grao jang thi ba, David, Jesai ni basa, ani khah jang baosiyaba subung khe ang mai kha, bo ning ani nangjaoma khe phura dang ma se, ode thi ba. 23Bo bongso ni bising ha Madai ning, jar grao hanggaiyaba lai jasosi ning, Israelrao niha saosi sogoyahba Jisu khe bo haiha ba. 24Jisu jarni khusi dangjenba ni sagang ha, Johan de khah phinhi phap khe dangkhlai hi baptisma labani grao khe Israel subung khrip jadi ni bising ha sainthi kha. 25Johan, bo jarni khusi khe phura dangba ha, thi ba, Ning ang khe snadi buji ba? Bo ang niya dou. Thikhabo, nai lah, ani yaohon ha sereba subung phai du, boni jutha kho ri mane bo ang gathaya.
26O daphlungrao, Abraham ni greng ni basa thu, nisi ni bising ha khrip Madai khe khinyarao, jini ha ebo sogoma ni grao khe haiha kha! 27Jerusalem ha dongyarao, ode bonsi ni hojaraobo, bokhe bonsi tharmaiya bani, ode gorasalirao nalai lenggo basain ha phuriyaba khe bonsi bujiya bani, bo khe gajai rihi bo grao buthu khe bonsi phura khlai ba. 28Bonsi sthai mane sosi boha musibo gajai maiya; thikhabo, Pilat niha bo khe sthai mane bonsi khainsu ba. 29Ode, boni balam ha rebyaba grao buthu khe phura khlai hi, bo khe kross ni phrang dikkhlai hi mangkhlong ha thu ri ba. 30Thikhabo, Madai ning bokhe githi ni phrang mathangphin hi baija ri kha, 31Galili raji ni phrang Jerusalem sosi bo jang baosi thangpha laiyarao gabang basain sosi bonsi jang nujao ba; bo subung buthu de duhabo subung niha bo grao khe sakhi ri du. 32Jing bo jini greng buthu niha grao hanggaiyaba ni balam ha khajama ni graojma khe nisine sainthi phai du. 33Odelai ning, Madai ning Jisu khe baija ri hi, bo ning hanggaiyaba khe jini greng buthu ni khlai hi phura khlai kha; Bakhan ni Rajabthai maginyaba ha reb ba:
Ning ani basa se dou,
Dini ha ning khe ang hajai ri kha.
34Saoyaba hathan ha thangphinya mani khlai hi, Madai ning bokhe subung githi ni bising ni phrang mathang bani balam habo ede thi du,
David niha khasaoma hanggaiyaba buthu khe,
Nini ha ang ri nang.
35Odebani, bo ar masi rajabthai habo thi du:
Ning jarni subung gathar khe sao mane ri nang niya.
36Bede thikhade, David Madai nangjao ba lai jarni bubli ha bo khusi dangblai hi, thulang la kha, ode jarni greng buthu niha thuhi bo saolang la kha. 37Thikhabo, Madai mathang phinyaba de musi khali bo sao nang niya. 38Odebani, daphlungrao, nisi tharmai lah, eboni khlai hi se phap map mai mani balam ni grao khe nisi niha bo sainthi ba; 39sere bokhe lon du, khrip habo gajai ha galai rijao nang niya, odebani Moses ni dara jang de nisi gajai jayahi de dongphuya. 40Odebani, girik lah. Ode niyakhade, gorasalirao ni laisi ha bonsi thiyaba grao de nisi ni basao habo sophai ma se.
41Nisi musuyarao, nai lah!
Ode gmang hi jam lang lah,
Bede thikhade, nisi thanghi dongba basain buthu ha ang masi khusi dang du,
bo jinis khe malai nisi khe thi la khabo nisi de lon nang niya.
42Paul jang Barnaba sunagog ni phrang baigoba jang, subung buthu gibin lenggo basain ha bo grao khe thiphin mane khlai hi khainsu ba. 43Odehe, bojom jayarao dra thar ba jang, Judarao jang bonsi ni dormo khe maniyaba Jentailrao gabang subung Paul jang Barnaba jang bonsi rikpha hi bonsi jang sainlai ba, ode Madai ni khasaoma ha dongsong mane khlai hi bonsi khe sibring ba.
44Lenggo basain gibin ha, bo nolei si jang Madai ni grao khe khna mani khlai hi bonsi bojom japhai ba. 45Thikhabo, Judarao subung bang ba khe nuhi, hingsa ja ba, ode Paul grao thiyaba khe jajaoya hi bonsi hamsi ning grao niya lai ba. 46Paul ar Barnaba, khitha raoma jang thi ba, Madai ni graothai khe sagangthao ha nisi niha sainthi ma nangjao ba muh. Thikhabo, nisi bokhe dangkhlai bani, ar nisi jar khe thaoglao ni haiyu mai mane latha giri bani, duha Jentailrao ni gede jing sagang lang ma se. 47Bede thikhade, Gabra ning olei jing khe sani du,
Ang ning khe Jentailrao niha jna ri mane slam kha,
Phirthi grongbri sosi sogoma nisi sophu mane khlai hi, thihi reb ba lai.
48Jentailrao bo grao khe khnaba jang bonsi khaja hi, Madai khe bakhan khlai hi, ode thaoglao hayu ni khlai hi saikhu jaoyaba khrip bonsi lon kha.
49Gabra ni grao bo raji ni haphai ha gublung thar ba. 50Thikhabo, Judarao masainjik man gnang, Madai khe lonyarao ode nolei ni khraorao khe khuphai khao hi, Paul jang Barnaba khe bonsi dukhu rihi bonsi ni raji ni phrang rik khlai ba. 51Ode, bonsi, bonsi ni basao ha bonsi ni yapha ni haduri khe thisa hi, Ikoniam ha sohi kha. 52Antiokei ni lonyarao khajama ar Bese Gathar jang gablai thar kha.
Valið núna:
DANGYASARAO 13: DIMASBSI
Áherslumerki
Deildu
Afrita
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.
DANGYASARAO 13
13
Barnaba jang Saul khe saikho ba
1Antiokei ha longjomrao ni bising ha ning grao sainthiyarao ode slingriyarao dong ba, bonsi Barnaba thu, Simeon, bonsi Niger thijaoyaba thu, Kurini nolei ni Lukia thu, Raja Herod ni daphlung Manaina thu, Saul thu se. 2Bonsi Gabra ni khusi dang hi, hoh khongja dongba ha, Bese Gathar jang, Barnaba jang Saul khe anthane khlai hi, ang saniba lai khusi dang mane, gibin khlai ha, thiba. 3Odebani, hoh khongja donghi, bonsi Madai bi blai bani yaohon ha bonsi ni basao ha yao deng hi bonsi khe haiha kha.
Kupra ha grao sainthi jenyaba
4Odebani, Bese Gathar haijao hi, bonsi thangla kha. Selukai nolei ha thang hi, oraha ni phrang Kupra hahgojo ha rung jang bonsi thang kha. 5Salamis nolei ha bonsi sohi dada, Juda bojom jayaba noh buthu ha Madai ni grao khe bonsi sainthi ba; Johan khebo bonsi ni khusi dang mani khlai hi langpha ba.
6Odehe, bo hahgojo ha Paphos sosi bonsi thangpha lang hi, mosol gorasali, Juda subung saosi khe nu ba, boni bumu de Bar Jisu. 7Bo de Rajani baslai ha khamyaba, Serjia Paula, subung girikyaba niha dongyaba se. Bo Rajani baslai ha khamyaba ning Barnaba jang Saul khe long hi, Madai ni grao khe khna ma nangjao ma. 8Thikhabo, Elum (Bar Jisu ni gibin bumu, boni ortho de montro ringba thiyaba se) Raja ni baslai ha khamyaba khe lon riya mane baohi, bonsi jang niya lai ba. 9Boha Saul, Paul thiyaba, Bese Gathar jang gablai hi bokhe naipha hi thi ba, 10Ning subung thokhiyaba jang rege rege khrip ha gablaiyaba, Soithan ni basa, ning khrip jadi ha hamba giriyaba, ning Gabra ni lama belengyaba khe gugui khlai mane haigerya na? 11Duha mithi lah, Gabra ni yao nini basao ha galai hi, nini muthai gana ja nang; ode, sain khe nu nang niya kha, bo ode thi ba.
Srap khlai hi andar jang jimi boni basao ha galai kha, bokhe yao rem mane smai kha. 12Raja ni baslai ha khamyaba, bo sophaiya ba jathai khe nuba jang, Gabra slingriyaba grao khe hamsi ning gmang hi lon kha.
Pisidia raji ni Antiokei ha grao sainthi ba
13Paul de boni lugurao jang boha Paphos ni phrang rung ha thang hi, Pamphulia raji ni Perga thiyaba ha sohi kha; ode, Johan de bonsi khe dangkhlai lang hi Jerusalem ha bo thangphin la kha. 14Thikhabo, bonsi Perga ni phrang thangpha lang hi, Pisidia raji ni Antiokei ha sohi kha; ode, lenggo basain ha bojom jayaba noh ha hap hi bonsi kham ba. 15Odehe, Dara ni laisi jang Gorasalirao ni laisi phuri blai hi, bojom jayaba ni hojarao niha subung haiha hi sing ba, Daphlungrao, subung buthu sibring mani nisi niha dong kha de, nisi thi lah, bonsi ode thi ba. 16Paul songkhu hi, yao sip hi thi ba,
Israel subung buthu ode Madai khe khinyarao, khna lah, 17Israel buthu ni Madai ning jini greng buthu khe saikho hi, Egypt raji ha bonsi naorai jahi dong ba, oraha ni phrang Madai ni yao ni bol jang langthar kha. 18Nokha maithai jang bisagin sosi hajengling ha bonsi khusi dangyaba buthu khe bo nai hi ning dong ba. 19Kanaan raji ha jadi sni ni subung buthu khe sjam blai bani yaohon ha, nokha maithai jang rjabri gejer ni bising ha bonsi ni raji khe ning lala mane khlai hi bo ronpha lang ba. 20Ebo khrip nokha maithai jang rjabri gejer nang ba. Ebo ni yaohon ha se gorasali Samuel ni bubli sosi bonsi ni bisardarrao ne bo nepha ba. 21Boni yaohon ha, bonsi Raja sain ba; odebani, Madai ning Saul, Kis thiyaba ni basa, Benjamin sengphong ni subung khe bonsi ne Raja slam ri kha. 22Bokhe nekhao bani yaohon ha se, bonsi ni Raja ne khlai hi David khe Raja slam ba. Madai ning jarni grao jang thi ba, David, Jesai ni basa, ani khah jang baosiyaba subung khe ang mai kha, bo ning ani nangjaoma khe phura dang ma se, ode thi ba. 23Bo bongso ni bising ha Madai ning, jar grao hanggaiyaba lai jasosi ning, Israelrao niha saosi sogoyahba Jisu khe bo haiha ba. 24Jisu jarni khusi dangjenba ni sagang ha, Johan de khah phinhi phap khe dangkhlai hi baptisma labani grao khe Israel subung khrip jadi ni bising ha sainthi kha. 25Johan, bo jarni khusi khe phura dangba ha, thi ba, Ning ang khe snadi buji ba? Bo ang niya dou. Thikhabo, nai lah, ani yaohon ha sereba subung phai du, boni jutha kho ri mane bo ang gathaya.
26O daphlungrao, Abraham ni greng ni basa thu, nisi ni bising ha khrip Madai khe khinyarao, jini ha ebo sogoma ni grao khe haiha kha! 27Jerusalem ha dongyarao, ode bonsi ni hojaraobo, bokhe bonsi tharmaiya bani, ode gorasalirao nalai lenggo basain ha phuriyaba khe bonsi bujiya bani, bo khe gajai rihi bo grao buthu khe bonsi phura khlai ba. 28Bonsi sthai mane sosi boha musibo gajai maiya; thikhabo, Pilat niha bo khe sthai mane bonsi khainsu ba. 29Ode, boni balam ha rebyaba grao buthu khe phura khlai hi, bo khe kross ni phrang dikkhlai hi mangkhlong ha thu ri ba. 30Thikhabo, Madai ning bokhe githi ni phrang mathangphin hi baija ri kha, 31Galili raji ni phrang Jerusalem sosi bo jang baosi thangpha laiyarao gabang basain sosi bonsi jang nujao ba; bo subung buthu de duhabo subung niha bo grao khe sakhi ri du. 32Jing bo jini greng buthu niha grao hanggaiyaba ni balam ha khajama ni graojma khe nisine sainthi phai du. 33Odelai ning, Madai ning Jisu khe baija ri hi, bo ning hanggaiyaba khe jini greng buthu ni khlai hi phura khlai kha; Bakhan ni Rajabthai maginyaba ha reb ba:
Ning ani basa se dou,
Dini ha ning khe ang hajai ri kha.
34Saoyaba hathan ha thangphinya mani khlai hi, Madai ning bokhe subung githi ni bising ni phrang mathang bani balam habo ede thi du,
David niha khasaoma hanggaiyaba buthu khe,
Nini ha ang ri nang.
35Odebani, bo ar masi rajabthai habo thi du:
Ning jarni subung gathar khe sao mane ri nang niya.
36Bede thikhade, David Madai nangjao ba lai jarni bubli ha bo khusi dangblai hi, thulang la kha, ode jarni greng buthu niha thuhi bo saolang la kha. 37Thikhabo, Madai mathang phinyaba de musi khali bo sao nang niya. 38Odebani, daphlungrao, nisi tharmai lah, eboni khlai hi se phap map mai mani balam ni grao khe nisi niha bo sainthi ba; 39sere bokhe lon du, khrip habo gajai ha galai rijao nang niya, odebani Moses ni dara jang de nisi gajai jayahi de dongphuya. 40Odebani, girik lah. Ode niyakhade, gorasalirao ni laisi ha bonsi thiyaba grao de nisi ni basao habo sophai ma se.
41Nisi musuyarao, nai lah!
Ode gmang hi jam lang lah,
Bede thikhade, nisi thanghi dongba basain buthu ha ang masi khusi dang du,
bo jinis khe malai nisi khe thi la khabo nisi de lon nang niya.
42Paul jang Barnaba sunagog ni phrang baigoba jang, subung buthu gibin lenggo basain ha bo grao khe thiphin mane khlai hi khainsu ba. 43Odehe, bojom jayarao dra thar ba jang, Judarao jang bonsi ni dormo khe maniyaba Jentailrao gabang subung Paul jang Barnaba jang bonsi rikpha hi bonsi jang sainlai ba, ode Madai ni khasaoma ha dongsong mane khlai hi bonsi khe sibring ba.
44Lenggo basain gibin ha, bo nolei si jang Madai ni grao khe khna mani khlai hi bonsi bojom japhai ba. 45Thikhabo, Judarao subung bang ba khe nuhi, hingsa ja ba, ode Paul grao thiyaba khe jajaoya hi bonsi hamsi ning grao niya lai ba. 46Paul ar Barnaba, khitha raoma jang thi ba, Madai ni graothai khe sagangthao ha nisi niha sainthi ma nangjao ba muh. Thikhabo, nisi bokhe dangkhlai bani, ar nisi jar khe thaoglao ni haiyu mai mane latha giri bani, duha Jentailrao ni gede jing sagang lang ma se. 47Bede thikhade, Gabra ning olei jing khe sani du,
Ang ning khe Jentailrao niha jna ri mane slam kha,
Phirthi grongbri sosi sogoma nisi sophu mane khlai hi, thihi reb ba lai.
48Jentailrao bo grao khe khnaba jang bonsi khaja hi, Madai khe bakhan khlai hi, ode thaoglao hayu ni khlai hi saikhu jaoyaba khrip bonsi lon kha.
49Gabra ni grao bo raji ni haphai ha gublung thar ba. 50Thikhabo, Judarao masainjik man gnang, Madai khe lonyarao ode nolei ni khraorao khe khuphai khao hi, Paul jang Barnaba khe bonsi dukhu rihi bonsi ni raji ni phrang rik khlai ba. 51Ode, bonsi, bonsi ni basao ha bonsi ni yapha ni haduri khe thisa hi, Ikoniam ha sohi kha. 52Antiokei ni lonyarao khajama ar Bese Gathar jang gablai thar kha.
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.