Ansi Karjong Kangthir Philip aphan pulo, “Nang damra halabangso ahemkonglong along dunnon.” Philip katponsi halabangso ahemkonglong along dunlo. Halabangso amonit Isaiah aloh keporhekong alangli arjulong-lo. Alangli labangso amonit aphan arjulo, “Nangli keporhe alam athe nangli chiniloma?”
Alangli pulo, “Mai, komane abangle neliphan than pachininete neli la kopusonsi chini-un poma?” Lasi alangli Philip aphan hangsi hemkong-long athak alanglidung kangniji aphan choningrilo.