Vinsæl biblíuvers úr Ba-Roma 1

Deildu

Nkaambo nsiusi insoni ku-Makani Mabotu aa-Kristo pe, nkaambo ninguzu zya-Leza zyakufutula boonse basyoma, kukusaanguna ba-Juda, elyo ba-Helene abalo.

Nkaambo mulingao bululami bwa-Leza mubuli mukuyubununwa, kulusyomo mbwalusyomo, mbuli mbukulembedwe kuti, Pele uululeme unoopona kulusyomo.

Nkaambo kuzwa kumalengelo aanyika makani aakwe aatabonwi alaboneka kukumvwigwa kuncito zyakwe, nkukuti inguzu zyakwe abu-Leza bwakwe zitamani. Nkaambo kaako tabakwe bwiinsyo.

Ikuti bakalimuzi Leza, nekubaboobo teebakamulemeka nikuba kumulumba mbuli Leza, pele bakali kuyeeya miyeeyo yabuyo, nkabela myoyo yabo iitamvwi yakasizigwa.

mbubakasintana buswini bwa-Leza kububeji, kukulemeka akukomba cilenge kwiinda cilenga, oyo uutembaulika lyoonse, Ameni.

Nkaambo bukali bwa-Leza buzwa kujulu buli mukuyubunwidwa kamikami akutalulama koonse kwabantu basinkila buswini kukutalulama kwabo.

Nciceeco Leza ncakabaabilila luciso luusya bweeme. Nkaambo banakazi babo bakasintana mulimo uuelede kumulimo uuteelede. Mbubonya obo abaalumi babo bakaleka mulimo uuelede wabanakazi, akupya muzisusi zyabo zyakuyandana beni, nkaambo baalumi bakali kucita abaaluminyina milimo iitondwa, nkabela kabatambula mumibili yabo beni cilumbo ceelede cakulubya kwabo. Nkabela mbuli mbubatakayeeya kuba a-Leza muluzibo lwabo, Leza wakabaabila moyo uusampaukide, kuti bacite zintu ziteelede

Bakaamba kuti, Tuli basongo, anukuti bakafubaala. Bulemu bwa-Leza uutafwi bakabulekela mituni yabantu bafwa abayuni abanyama abauka.