Vinsæl biblíuvers úr Marko 13

Deildu

Muyoosulwa kubantu boonse nkaambo kazina lyangu, pele walo oyo uuyookakatila mane do kumamanino nguuyoofutulwa.

Amucenjele, kamulindila akukomba, nkaambo tamuzi ciindi nociyooba.

Lino bantu nibayoomutola kuyoomwaaba, mutayoolitibauki kuti ino tukaambe buti, pele makani ngumuyoopegwa kuciindi eco nciconya mukaambe ngao, nkaambo endinywe mwaamba pe, ngu-Muuya Uusalala nguuamba.

Lyalo ijulu liyooloba, anyika iyooloba, pele majwi aangu alo takooyooloba pe.

Pele taakwe muntu uubuzi buzuba obo, niciba ciindi, pe, nibaba baangelo bakujulu, naba Mwana, pele Taata alike nguuzi.

Lino nimuyoomvwa mamba ampuwo zyamamba, mutakayoowesyi, nkaambo ezi zileelede kuba, anu alo mamanino taakoonooyoosikide.

Boobo, amulangile, nkaambo tamuzi ciindi ncayoosika mukamwini iŋanda, na uyoosika kumazuba, na mpakati kamasiku, na nobuumbuluka na cifumofumo. Amulangile, antela uyoomusinkilizya akamujane mucoona. Nkabela mbundamwaambila nywebo, mbubonya mbundaambila boonse, Ndati, Amulangile.

Nkaambo cisi cizoolwana acisinyina, abwami buzoolwana abwaminyina. Alimwi kuzooba mizuzumo yanyika mumasena aansininsini, ayalo inzala iyookola. Anu ezi matalikilo aacimyonzi.

Pele kuleelede kuti anzina Makani Mabotu akakambaukwe kumasi oonse.

Banjibanji bayoosika kuzina lyangu, baamba kuti, Ndime yooyo, nkabela bayoounina banji.

Pele nywebo amucenjele, nkaambo bayoomwaaba kumbeta, akumuuma muzikombelo, alimwi muyooima kubusyu bwabeendelezi abami nkaambo kandime, kuti mukabe bakamboni bangu.

Nkaambo kuyooba bakristo babeji abasinsimi babeji, bayoocita zitondezyo amalele, kwaakukonzeka mane do bakalengawide abaabo basalidwe.

Pele kuciindi eco, aakumana mapenzi ayo, izuba liyoosizigwa, awalo mweezi uyooleka kutuba, azyalo inyenyeezi ziyooloka kujulu, anguzu zyamujulu ziyoozungaana.