Popular Bible Verses from Johane 2

Deildu

Aya ngamalele aakusaanguna Jesu ngaakacita ku-Kana waku-Galilaya, wakayubulula bulemu bwakwe, basikwiiya bakwe bakasyoma nguwe.

Jesu wamwaambila kuti, Yoo mwanakazi, ndili enzi eyebo? Ciindi cangu tacinasika.

Jesu wakabaambila kuti, Amwaazuzye maanzi matalo. Bakatila mulingao, akazyula mwa. Nkabela wakati kulimbabo, Amuteke eno, mutole kulisimwaaba kulya, Bakatola.

Jesu wakabavuwa wakati, Amumwaye ntempele ino, ndiyooiyakulula kumazuba otatwe.

Nkabela wakalicitila mitatula yaloozi, wakabatandila anze lyentempele boonse, azyalo mbelele abasune, wakamwaya mali aabasikusintana, akusowaila matafule aabo. Alimwi wakati kulibaabo abauzya nziba, Amuzigwisye ezi zintu, mutiiciti ŋanda ya-Taata kuti ibe ŋanda yamakwebo.