Popular Bible Verses from A-pûn Awang 6

Deildu

Haú hkûn, haû Yhûmsîng Garai gi, myìdàm htoq má xângzo byù hpan tô é lé nùngngham wó mù, myìt no byùq bê nghut ri.

Haû Yhûmsîng Garai gi, myìdàm htoq má xângzo byù hkâ-í yhang agè ashop é hkyô lé le, yhâng é i-myìt mai myìt é hkyô hkat hkangmó, hkâ-nhám le ashop é baú nghut é lé le, myàng ri.

Nghut kôlhang, No-aq gi, haû Yhûmsîng Garaî é myòq hí má, myòqdong wó é sû nghut ri.

A-ô má kâ xûm tô é gi, No-aq é hkyô nghut lhê. No-aq gi, díngmán sû, yhâng é i-pyàt mâ é byu pé má mara hûn jang a jòq é sû eq, Garai Gasang eq rahá nyì yàp é sû nghut ri.

Haû mù, “Ngò gi, Ngò hpan tô é waxâng zo wuî lé, myìdàm htoq mai chyut lhoqhtûm pyám râ nghut lhê; byù lé le, gaunyhaû pé lé le, myì htoq má dô yê é jung pé lé le, maulat nghoqzô pé lé le, lhoqhtûm pyám râ nghut lhê; hkâsu mù gâ le, Ngò, yhángmòq lé hpan tô é nghut luî, nùngngham wó ri.” ga, haû Yhûmsîng Garai taî ri.

Myìdàm htoq má, xângzo byu pé myô jàt lò kômù, byìzô pé lé le hku bum akô nghut ri. Haú hkûn, Garai Gasâng é yùqzô pé gi, xângzo byu pê é byìzô pé yúng bum é lé myàng kôjáng, haú bang mâ é, yhángmòq o é lé hkyin yù mù, hâng yu bum akô nghut ri. Haû mù, haû Yhûmsîng Garai gi, “Xângzo byù gi, htên byùq sê é gùngsho nghut é yánmai, Ngá é Sô gi, yhâng chyáng ahtum abyùq nyi nyì râ a nghut lo; yhâng é chyungxe i-pyàt gi, 120 zàn za nghut râ nghut lhê.” ga taî ri. Buìnyì haú yòq pé má le, hau htâng má le, Nehpilim gâ é bang myìdàm htoq má nyi akô; Garai Gasâng é yhang zô pé gi, xângzo byu pê é byìzô pé eq nyì zo kôluî, zodù wó bum akô nghut ri. Haú bang gi, góhkun lhê é sarhê mó pé eq myìng hû é bang nghut akô.

No-aq gi, Garai Gasang mai yhang lé hkunmó hkyô é eq rajung za, jung hkangmó lé kut bê nghut ri.

Haû mù, Garai Gasang gi, No-aq lé, “Ngò gi, byù lhúnglhâng bang lé lhoqhtûm pyám berâ; hkâsu mù gâ le, yhángmòq é yánmai, myìdàm htoq má lú lhum bàt zìk hkyô byíng zan to bê nghut ri. Ngò gi, gè gè yhang, yhángmòq lé le, myìdàm htoq lé le, lhoqhtên pyám râ nghut lhê.

Haû mù, náng é matú, gohpera sik èq wuìsanghpo ralhum saí aq; ahkaû má wàp pé saí mù, ahkaû shut le, shinggan shut le, sikgyi bùt to aq.

Garai Gasang gi, myìdàm htoq má, myìt gang mó bo bùm kô é hkyô lé myang ri; hkâsu mù gâ le, myìdàm htoq má, byù lhúnglhâng bang gi, yhûmsîng kut é hkyô má myìt gang bo bum é bang chyat dùt byùq bekô nghut ri.

Nàng gi, kângsoq bo é dui jung lhúnglháng lé, azìng alo razúm zúm kut luî, wuìsanghpo haú má shuî háng mù, haú pé lé, nàng eq rahá kângsoq dui nyì nhâng râ dùt lhê.