Popular Bible Verses from Genesis 21

Deildu

Unya, gihinumdoman sa GINOO si Sara sumala sa iyang gisaad.

Unya, nadungog sa Dios ang paghilak sa bata. Ug gikan sa langit miingon ang anghel sa Dios kang Hagar, “Unsay imong gihilakan Hagar? Ayaw kahadlok; nadungog sa Dios ang hilak sa imong anak. Tindog ug bangona ang imong anak, kay himuon kong dako nga nasod ang iyang mga kaliwat.”

Namabdos si Sara ug nanganak ug lalaki bisan tigulang na si Abraham. Natawo ang bata sa panahon gayod nga gitakda sa Dios.

Miingon si Sara, “Gipakatawa ako sa Dios sa kalipay, ug si bisan kinsa nga makadungog mahitungod niining nahitabo kanako mokatawa usab sama kanako.

Apan miingon ang Dios kaniya, “Ayaw kabalaka kang Ishmael ug kang Hagar. Tumana ang gusto ni Sara, kay maggikan kang Isaac ang mga kaliwat nga akong gisaad.

Ug kon bahin kang Ishmael, hatagan ko usab siya ug daghang kaliwat ug mahimo usab silang usa ka nasod, tungod kay anak mo usab siya.”