Popular Bible Verses from Exodo 20

Deildu

“Ako ang GINOO nga inyong Dios nga nagpagawas kaninyo gikan sa Ehipto diin kamo giulipon. “Ayaw kamo pagsimba ug laing dios gawas kanako.

Ayaw kamo paghimo ug mga dios-dios sa dagway sa bisan unsa nga anaa sa langit, o sa yuta, o sa tubig. Ayaw gayod ninyo kini alagari o simbaha, kay ako, ang GINOO nga inyong Dios, abughoan. Dili ako gusto nga aduna kamoy lain nga simbahon. Silotan ko ang mga nakasala kanako apil ang ilang mga kaliwat hangtod sa ikatulo ug ikaupat nga henerasyon nga nagsalikway kanako.

Tahora ninyo ang inyong amahan ug inahan aron magkinabuhi kamo ug dugay diha sa yuta nga gihatag sa GINOO nga inyong Dios kaninyo.

Hinumdomi ninyo ang Adlaw nga Igpapahulay, ug himoa ninyo kini nga pinasahi nga adlaw alang kanako.

Ayaw ninyo gamita ang akong ngalan sa walay kapuslanan kay ako ang GINOO nga inyong Dios, magsilot kang bisan kinsa nga mogamit sa akong ngalan sa walay kapuslanan.

Magtrabaho kamo sulod sa unom ka adlaw, apan ang ikapito nga adlaw, ang Adlaw nga Igpapahulay, inyong igahin alang kanako, ang GINOO nga inyong Dios. Ayaw kamo pagtrabaho niining adlawa apil ang inyong mga anak, mga ulipon, kahayopan, o ang mga langyaw nga nagpuyo sa inyong mga lungsod.

Ayaw kamo kaibog sa balay sa inyong isigka-tawo, o sa iyang asawa, mga ulipon, mga baka o asno, o sa bisan unsa nga anaa kaniya.”

Ayaw kamo pagsaksi ug bakak batok sa inyong isigka-tawo.

Ayaw kamo panapaw.

Ayaw kamo pagpatay.

Ayaw kamo pangawat.