Popular Bible Verses from Mattha 24

Deildu

an acause wïckitness wull be on tha up, tha love o maist fowk wull growe coul, but tha yin that tholes tae tha enn wull be saved.

An tha Guid News o tha Kïngdom wull be praicht ïn tha hale warl as a wutness tae aa tha nations, an then tha enn wull cum.

Ye wull hear tell o wars an o taak aboot wars, but dïnnae be püt aboot. Fer sitch thïngs maun happen, but tha enn ïs no near jist yit.

Nations wull mak war on ither nations, an kïngdoms wull rise up agin ither kïngdoms. Thair wull be dirths, [plagues] an irthquakes ïn monie pairts. Aa thïs ïs onlie tha stairt o tha bairin pains cumin on.

Heiven an irth wull pass awa, but ma wurds wull niver pass awa.

Fer monies a yin wull cum ïn ma name, sayin, ‘A be tha Christ’, an the'll lead monie fowk aglee.

Then ye'll be hannit ower tae be persecutit an püt tae deith, an ye'll be haitit bi aa nations jist fer bein ma follaers. At that time a hale lock o fowk wull turn awa frae tha faith, an the'll bethray an hait yin anither. A hale lock o fauss proaphits wull rise up an lead monies a yin asthray

Jesus saed bak tae thaim, “Tak heed an dïnnae let oniebodie lead yis aglee.

Sae yous maun be readie tae, fer ye dïnnae ken tha oor tha Sinn o Man wull cum.

Sae yous keep watchin tae, fer yis dïnnae ken whut day yer Loard's cumin.

Hooaniver, naebodie knows tha day an tha oor o aa thïs, no even tha angels ïn heiven, ner tha Sinn; tha Faither alane kens ït.

Fer fauss messiahs an fauss proaphits wull rise up an dae michtie signs an wunnèrs; an fowk wull be tuk ïn bi thaim, ay, an ïf the'r able, the' wull fool even tha chosen yins as weel.

Whaniver tha Sinn o Man cums bak, ït'll be jist laik ït wus ïn Noah's day. Fer ïn tha days afore tha Flood, fowk wus aitin an drïnkin an gettin merriet, richt up tae tha verie day Noah went ïntae tha airk; an the' kent naethin aboot whut wud happen, til tha Flood cum an tuk thaim al awa. An that's whut ït'll be laik, whaniver tha Sinn o Man cums bak.